§10.26.1τῶν δὲ γυναικῶν τῶν μεταξὺ τῆς τε Αἴθρας καὶ Νέστορος, εἰσὶν ἄνωθεν τούτων αἰχμάλωτοι καὶ αὗται Κλυμένη τε καὶ Κρέουσα καὶ Ἀριστομάχη καὶ Ξενοδίκη.
아이트라와 네스토르 사이에 있는 여인들 중, 이들의 위쪽에는 역시 포로들인 클뤼메네, 크레우사, 아리스토마케, 크세노디케가 있다.
Κλυμένην μὲν οὖν Στησίχορος ἐν Ἰλίου πέρσιδι κατηρίθμηκεν ἐν ταῖς αἰχμαλώτοις·
스테시코로는 《일리오스의 함락》에서 클뤼메네를 포로들 사이에 셈해 넣었다.
ὡσαύτως δὲ καὶ Ἀριστομάχην ἐποίησεν ἐν Νόστοις θυγατέρα μὲν Πριάμου, Κριτολάου δὲ γυναῖκα εἶναι τοῦ Ἱκετάονος·
마찬가지로 《귀향》의 저자도 아리스토마케를 프리아모스의 딸이자 히케타온의 아들 크리톨라오스의 아내로 묘사했다.
Ξενοδίκης δὲ μνημονεύσαντα οὐκ οἶδα οὔτε ποιητὴν οὔτε ὅσοι λόγων συνθέται.
크세노디케에 대해서는 시인도 산문 작가도 언급한 것을 알지 못한다.
ἐπὶ δὲ τῇ Κρεούσῃ λέγουσιν ὡς ἡ θεῶν μήτηρ καὶ Ἀφροδίτη δουλείας ἀπὸ Ἑλλήνων αὐτὴν ἐρρύσαντο, εἶναι γὰρ δὴ καὶ Αἰνείου τὴν Κρέουσαν γυναῖκα·
크레우사에 대해서는, 신들의 어머니와 아프로디테가 그녀를 그리스인들의 노예 신세로부터 구출했다고들 전하는데, 크레우사가 참으로 아이네이아스의 아내였기 때문이다.
Λέσχεως δὲ καὶ ἔπη τὰ Κύπρια διδόασιν Εὐρυδίκην γυναῖκα Αἰνείᾳ.
그러나 레스케스와 서사시 《큅프리아》는 에우뤼디케를 아이네이아스의 아내로 삼고 있다.
§10.26.2γεγραμμέναι δὲ ἐπὶ κλίνης ὑπὲρ ταύτας Δηινόμη τε καὶ Μητιόχη καὶ Πεῖσίς ἐστι καὶ Κλεοδίκη·
이들의 위쪽 침상 위에는 데이노메, 메티오케, 페이시스, 클레오디케가 그려져 있다.
τούτων ἐν Ἰλιάδι καλουμένῃ μικρᾷ μόνης ἐστὶ τὸ ὄνομα τῆς Δηινόμης, τῶν δʼ ἄλλων ἐμοὶ δοκεῖν συνέθηκε τὰ ὀνόματα ὁ Πολύγνωτος.
이들 중 이른바 《소일리아스》에 그 이름이 나오는 것은 데이노메뿐이며, 다른 이들의 이름은 내가 보기에 폴뤼그노토스가 지어낸 것으로 보인다.
γέγραπται δὲ καὶ Ἐπειὸς γυμνὸς καταβάλλων ἐς ἔδαφος τῶν Τρώων τὸ τεῖχος·
또한 벌거벗은 에페이오스가 트로이아인들의 성벽을 지상으로 허물어뜨리는 모습도 그려져 있다.
ἀνέχει δὲ ὑπὲρ αὐτὸ κεφαλὴ τοῦ ἵππου μόνη τοῦ δουρείου.
성벽 위쪽으로는 목마의 머리 부분만이 솟아나와 있다.
Πολυποίτης δὲ ὁ Πειρίθου δεδεμένος τὴν κεφαλὴν ταινίᾳ καὶ παρʼ αὐτὸν Ἀκάμας ἐστὶν ὁ Θησέως ἐπικείμενος τῇ κεφαλῇ κράνος·
페이리토오스의 아들 폴뤼포이테스는 머리에 띠를 두르고 있으며, 그 곁에는 테세우스의 아들 아카마스가 머리에 투구를 쓰고 있다.
§10.26.3λόφος δὲ ἐπὶ τῷ κράνει πεποίηται.
투구 위에는 장식 깃털이 달려 있다.
καὶ Ὀδυσσεύς τέ ἐστι καὶ ἐνδέδυκε θώρακα Ὀδυσσεύς.
그리고 오딧세우스도 있는데, 오딧세우스는 갑옷을 입고 있다.
Αἴας δὲ ὁ Οἰλέως ἔχων ἀσπίδα βωμῷ προσέστηκεν, ὀμνύμενος ὑπὲρ τοῦ ἐς Κασσάνδραν τολμήματος·
오일레우스의 아들 아이아스는 방패를 든 채 제단 곁에 서서, 카산드라에게 저지른 만행에 대해 맹세를 하고 있다.
ἡ δὲ κάθηταί τε ἡ Κασσάνδρα χαμαὶ καὶ τὸ ἄγαλμα ἔχει τῆς Ἀθηνᾶς, εἴγε δὴ ἀνέτρεψεν ἐκ βάθρων τὸ ξόανον, ὅτε ἀπὸ τῆς ἱκεσίας αὐτὴν ὁ Αἴας ἀφεῖλκε.
카산드라는 땅바닥에 주저앉아 아테나 신상을 끌어안고 있는데, 아이아스가 탄원하는 그녀를 끌어내려 했을 때 그녀가 목상을 대좌에서부터 넘어뜨렸기 때문이다.
γεγραμμένοι δὲ καὶ οἱ παῖδές εἰσιν οἱ Ἀτρέως, ἐπικείμενοι καὶ οὗτοι κράνη, Μενελάῳ δὲ ἀσπίδα ἔχοντι δράκων ἐπὶ τῇ ἀσπίδι ἐστὶν εἰργασμένος τοῦ ἐν Αὐλίδι φανέντος ἐπὶ τοῖς ἱερείοις τέρατος ἕνεκα.
또한 아트레우스의 아들들도 그려져 있는데, 이들 역시 투구를 쓰고 있다. 방패를 든 메넬라오스의 방패 위에는 뱀 한 마리가 새겨져 있는데, 이는 아울리스에서 희생 제물들 위에 나타났던 이적 때문이다.
ὑπὸ τούτοις τοῖς τὸν Αἴαντα ἐξορκοῦσιν, κατʼ εὐθὺ δὲ τοῦ ἵππου τοῦ §10.26.4παρὰ τῷ Νέστορι Νεοπτόλεμος ἀπεκτονώς ἐστιν Ἔλασον, ὅστις δὴ ὁ Ἔλασος.
아이아스에게 서약을 시키고 있는 이들의 아래쪽이자, 바로 맞은편에 있는 네스토르 곁에 있는 말의 맞은편에는 네오프톨레모스가 에라소스—이 에라소스가 누구이든 간에—를 죽인 모습이 그려져 있다.
οὗτος μὲν δὴ ὀλίγον ἐμπνέοντι ἔτι εἴκασται·
이 자는 참으로 아직 숨이 약간 붙어 있는 듯이 묘사되어 있다.
Ἀστύνοον δέ, οὗ δὴ ἐποιήσατο καὶ Λέσχεως μνήμην, πεπτωκότα ἐς γόνυ ὁ Νεοπτόλεμος ξίφει παίει.
그리고 네오프톨레모스는 레스케스도 언급한 바 있는 아스튀노오스가 무릎을 꿇고 쓰러져 있는 것을 칼로 찌르고 있다.
Νεοπτόλεμον δὲ μόνον τοῦ Ἑλληνικοῦ φονεύοντα ἔτι τοὺς Τρῶας ἐποίησεν ὁ Πολύγνωτος, ὅτι ὑπὲρ τοῦ Νεοπτολέμου τὸν τάφον ἡ γραφὴ πᾶσα ἔμελλεν αὐτῷ γενήσεσθαι.
폴뤼그노토스는 그리스군 중에서 오직 네오프톨레모스만을 여전히 트로이아인들을 도륙하고 있는 모습으로 그렸는데, 이는 그림 전체가 네오프톨레모스의 무덤 위쪽에 제작될 예정이었기 때문이다.
τοῦ δὲ Ἀχιλλέως τῷ παιδὶ Ὅμηρος μὲν Νεοπτόλεμον ὄνομα ἐν ἁπάσῃ οἱ τίθεται τῇ ποιήσει· τὰ δὲ Κύπρια ἔπη φησὶν ὑπὸ Λυκομήδους μὲν Πύρρον, Νεοπτόλεμον δὲ ὄνομα ὑπὸ Φοίνικος αὐτῷ τεθῆναι, ὅτι Ἀχιλλεὺς ἡλικίᾳ ἔτι νέος πολεμεῖν ἤρξατο.
아킬레우스의 아들에게 호메로스는 자신의 모든 시에서 네오프톨레모스라는 이름을 부여하지만, 서사시 《큅프리아》는 그가 리코메데스에 의해서는 퓌로스라고, 포이닉스에 의해서는 네오프톨레모스라고 이름 지어졌다고 전하는데, 이는 아킬레우스가 아직 나이 어린 시절에 전쟁을 시작했기 때문이다.
§10.26.5γέγραπται δὲ βωμός τε καὶ ὑπὸ δείματος παῖς μικρὸς ἐχόμενος τοῦ βωμοῦ·
또한 제단과, 공포에 질려 제단을 붙잡고 있는 어린아이도 그려져 있다.
κεῖται δὲ καὶ θώραξ ἐπὶ τῷ βωμῷ χαλκοῦς.
제단 위에는 청동 갑옷도 놓여 있다.
κατὰ δὴ ἐμὲ σπάνιον τῶν θωράκων τὸ σχῆμα ἦν τούτων, τὸ δὲ ἀρχαῖον ἔφερον αὐτούς.
내가 살던 시대에는 이 갑옷들의 형태가 드문 것이었지만, 고대에는 사람들이 이것을 입었다.
δύο ἦν χαλκᾶ ποιήματα, τὸ μὲν στέρνῳ καὶ τοῖς ἀμφὶ τὴν γαστέρα ἁρμόζον, τὸ δὲ ὡς νώτου σκέπην εἶναι —γύαλα ἐκαλοῦντο—· τὸ μὲν ἔμπροσθεν τὸ δὲ ὄπισθεν προσῆγον, ἔπειτα περόναι συνῆπτον πρὸς ἄλληλα.
그것은 두 개의 청동 제작물로 이루어졌는데, 하나는 가슴과 배 주변에 꼭 맞고, 다른 하나는 등 뒤를 덮는 보호막이 되는 것—이것들은 ‘구알라’라고 불렸다—으로, 하나는 앞쪽에, 다른 하나는 뒤쪽에 댄 뒤 핀으로 서로 연결했다.
§10.26.6ἀσφάλειαν δὲ ἀποχρῶσαν ἐδόκει παρέχεσθαι καὶ ἀσπίδος χωρίς·
그것은 방패가 없더라도 충분한 안전을 제공하는 것으로 여겨졌다.
ἐπὶ τούτῳ καὶ Ὅμηρος Φόρκυνα τὸν Φρύγα οὐκ ἔχοντα ἀσπίδα ἐποίησεν, ὅτι αὐτῷ γυαλοθώραξ ἦν.
이 때문에 호메로스 역시 프리기아인 포르퀴스가 방패를 들지 않은 것으로 묘사했는데, 그가 판금 갑옷을 입고 있었기 때문이다.
ἐγὼ δὲ γραφῇ μεμιμημένον τοῦτον ἐθεασάμην ὑπὸ τοῦ Πολυγνώτου, καὶ ἐν Ἀρτέμιδος τῆς Ἐφεσίας Καλλιφῶν ὁ Σάμιος Πατρόκλῳ τοῦ θώρακος τὰ γύαλα ἁρμοζούσας ἔγραψε γυναῖκας.
나는 폴뤼그노토스가 그림 속에서 이를 모사한 것을 본 적이 있으며, 에페소스의 아르테미스 신전에서는 사모스인 칼리폰이 파트로클로스에게 갑옷의 판을 맞추어 주는 여인들을 그렸다.
§10.26.7τοῦ βωμοῦ δὲ ἐπέκεινα Λαοδίκην ἔγραψεν ἑστῶσαν.
제단 너머에는 라오디케가 서 있는 모습을 그렸다.
ταύτην οὔτε ὑπὸ ποιητοῦ κατειλεγμένην ἐν ταῖς αἰχμαλώτοις ταῖς Τρῳάσιν εὕρισκον οὔτε ἄλλως ἐφαίνετο ἔχειν μοι τὸ εἰκὸς ἢ ἀφεθῆναι τὴν Λαοδίκην ὑπὸ Ἑλλήνων.
그녀에 대해서는 시인들 중 누구도 트로이아의 포로 여인들 속에 등재한 것을 찾지 못했으며, 그리스인들이 라오디케를 방면해 주었다고 생각하는 것 외에는 달리 합당해 보이지 않았다.
Ὅμηρος μέν γε ἐδήλωσεν ἐν Ἰλιάδι Μενελάου καὶ Ὀδυσσέως ξενίαν παρὰ Ἀντήνορι καὶ ὡς Ἑλικάονι ἡ Λαοδίκη συνοικοίη τῷ Ἀντήνορος·
호메로스는 적어도 《일리아스》에서 메넬라오스와 오딧세우스가 안테노르와 맺은 환대 관계, 그리고 라오디케가 안테노르의 아들 헬리카온과 혼인하여 살고 있었음을 분명히 밝혔기 때문이다.
§10.26.8Λέσχεως δὲ τετρωμένον τὸν Ἑλικάονα ἐν τῇ νυκτομαχίᾳ γνωρισθῆναί τε ὑπὸ Ὀδυσσέως καὶ ἐξαχθῆναι ζῶντα ἐκ τῆς μάχης φησίν.
그리고 레스케스는 야간 전투에서 부상을 입은 헬리카온이 오딧세우스에게 발견되어 전투에서 산 채로 구출되었다고 전한다.
ἕποιτο ἂν οὖν τῇ Μενελάου καὶ Ὀδυσσέως κηδεμονίᾳ περὶ οἶκον τὸν Ἀντήνορος μηδὲ ἐς τοῦ Ἑλικάονος τὴν γυναῖκα ἔργον δυσμενὲς ὑπὸ Ἀγαμέμνονος καὶ Μενελάου γενέσθαι·
그렇다면 안테노르의 집안에 대한 메넬라오스와 오딧세우스의 배려로부터, 헬리카온의 아내에 대해서도 아가멤논과 메넬라오스에 의해 적대적인 행위가 행해지지 않았다는 결론이 도출될 수 있다.
Εὐφορίων δὲ ἀνὴρ Χαλκιδεὺς σὺν οὐδενὶ εἰκότι τὰ ἐς τὴν Λαοδίκην ἐποίησεν.
그러나 칼키스 사람 에우포리온은 아무런 개연성도 없이 라오디케에 관한 시를 썼다.
§10.26.9ἐφεξῆς δὲ τῇ Λαοδίκῃ ὑποστάτης τε λίθου καὶ λουτήριόν ἐστιν ἐπὶ τῷ ὑποστάτῃ χαλκοῦν, Μέδουσα δὲ κατέχουσα ταῖς χερσὶν ἀμφοτέραις τὸ ὑπόστατον ἐπὶ τοῦ ἐδάφους κάθηται·
라오디케의 바로 옆에는 돌로 된 받침대와 그 받침대 위에 청동 대야가 있으며, 메두사가 양손으로 그 받침대를 붙잡고 땅바닥에 앉아 있다.
ἐν δὲ ταῖς Πριάμου θυγατράσιν ἀριθμήσαι τις ἂν καὶ ταύτην κατὰ τοῦ Ἱμεραίου τὴν ᾠδήν.
히메라 사람의 노래에 따르면, 이 여인 또한 프리아모스의 딸들 중 하나로 꼽을 수 있을 것이다.
παρὰ δὲ τὴν Μέδουσαν ἐν χρῷ κεκαρμένη πρεσβῦτις ἢ ἄνθρωπός ἐστιν εὐνοῦχος, παιδίον δὲ ἐν τοῖς γόνασιν ἔχει γυμνόν·
메두사 곁에는 머리를 바싹 깎은 노파 혹은 내시가 무릎 위에 벌거벗은 아이를 안고 있다.
τὸ δὲ τὴν χεῖρα ὑπὸ δείματος ἐπίπροσθε τῶν ὀφθαλμῶν πεποίηται.
그 아이는 공포에 질려 눈앞에 손을 가리고 있는 모습으로 묘사되어 있다.