§1.28.7ἔστι δὲ καὶ ἐντὸς τοῦ περιβόλου μνῆμα Οἰδίποδος, πολυπραγμονῶν δὲ εὕρισκον τὰ ὀστᾶ ἐκ Θηβῶν κομισθέντα·
또한 성소의 울타리 안에는 오이디푸스의 무덤도 있는데, 내가 이리저리 수소문해 본 결과 그의 유골이 테바이에서 운반되어 왔다는 것을 알게 되었다.
τὰ γὰρ ἐς τὸν θάνατον Σοφοκλεῖ πεποιημένα τὸν Οἰδίποδος Ὅμηρος οὐκ εἴα μοι δόξαι πιστά, ὃς ἔφη Μηκιστέα τελευτήσαντος Οἰδίποδος ἐπιτάφιον ἐλθόντα ἐς Θήβας ἀγωνίσασθαι.
소포클레스가 지은 오이디푸스의 죽음에 관한 이야기를 호메로스가 나로 하여금 신뢰하지 못하게 하기 때문인데, 호메로스는 오이디푸스가 죽은 뒤 메키스테우스가 장례 경기에 참가하기 위해 테바이로 와서 시합을 벌였다고 말했기 때문이다.
§1.28.8ἔστι δὲ Ἀθηναίοις καὶ ἄλλα δικαστήρια οὐκ ἐς τοσοῦτο δόξης ἥκοντα.
아테네인들에게는 그만큼 높은 명성에 이르지 못한 다른 법정들도 있다.
τὸ μὲν οὖν καλούμενον παράβυστον καὶ τρίγωνον, τὸ μὲν ἐν ἀφανεῖ τῆς πόλεως ὂν καὶ ἐπʼ ἐλαχίστοις συνιόντων ἐς αὐτό, τὸ δὲ ἀπὸ τοῦ σχήματος ἔχει τὰ ὀνόματα·
이른바 '파라비스톤'과 '트리고논'이라 불리는 것 중, 전자는 도성의 눈에 띄지 않는 곳에 있어 아주 미미한 일들로 사람들이 그곳에 모이며, 후자는 그 모양에서 그 이름을 얻었다.
βατραχιοῦν δὲ καὶ φοινικιοῦν ἀπὸ χρωμάτων καὶ ἐς τόδε διαμεμένηκεν ὀνομάζεσθαι.
그리고 '바트라키운'과 '포이니키운'은 그 색깔에서 유래하여 오늘날까지 그렇게 불리고 있다.
τὸ δὲ μέγιστον καὶ ἐς ὃ πλεῖστοι συνίασιν, ἡλιαίαν καλοῦσιν.
그리고 가장 크고 가장 많은 사람들이 모이는 곳을 그들은 '헬리아이아'라고 부른다.
ὁπόσα δὲ ἐπὶ τοῖς φονεῦσιν, ἔστιν ἄλλα· καὶ ἐπὶ Παλλαδίῳ καλοῦσι καὶ τοῖς ἀποκτείνασιν ἀκουσίως κρίσις καθέστηκε.
한편 살인범을 다루는 법정들은 따로 있는데, '팔라디온에서'라고 불리는 법정이 있어 과실치사를 범한 자들에 대한 재판이 거행된다.
καὶ ὅτι μὲν Δημοφῶν πρῶτος ἐνταῦθα ὑπέσχε δίκας, ἀμφισβητοῦσιν οὐδένες·
그리고 데모폰이 이곳에서 최초로 재판을 받았다는 사실에 대해서는 아무도 이의를 제기하지 않는다.
§1.28.9ἐφʼ ὅτῳ δέ, διάφορα ἐς τοῦτο εἴρηται.
그러나 무슨 이유 때문인지에 대해서는 이에 대해 서로 다른 전승들이 전해진다.
Διομήδην φασὶν ἁλούσης Ἰλίου ταῖς ναυσὶν ὀπίσω κομίζεσθαι, καὶ ἤδη τε νύκτα ἐπέχειν ὡς κατὰ Φάληρον πλέοντες γίνονται καὶ τοὺς Ἀργείους ὡς ἐς πολεμίαν ἀποβῆναι τὴν γῆν, ἄλλην που δόξαντας ἐν τῇ νυκτὶ καὶ οὐ τὴν Ἀττικὴν εἶναι.
일리온이 함락된 뒤 디오메데스가 배를 타고 귀환하던 중이었는데, 그들이 항해하여 팔레론 근처에 이르렀을 때 이미 밤이 되었고, 아르고스인들은 밤중에 그곳이 아티카가 아니라 다른 어떤 땅이라고 생각하여 마치 적지에 상륙하듯이 상륙했다고 한다.
ἐνταῦθα Δημοφῶντα λέγουσιν ἐκβοηθήσαντα, οὐκ ἐπιστάμενον οὐδὲ τοῦτον τοὺς ἀπὸ τῶν νεῶν ὡς εἰσὶν Ἀργεῖοι, καὶ ἄνδρας αὐτῶν ἀποκτεῖναι καὶ τὸ Παλλάδιον ἁρπάσαντα οἴχεσθαι, Ἀθηναῖόν τε ἄνδρα οὐ προϊδόμενον ὑπὸ τοῦ ἵππου τοῦ Δημοφῶντος ἀνατραπῆναι καὶ συμπατηθέντα ἀποθανεῖν·
이때 데모폰이 구원하러 나섰는데, 그 역시 배에서 내린 자들이 아르고스인임을 알지 못하여 그들 중 몇 명을 죽이고 팔라디온을 빼앗아 떠났다고 한다. 또한 한 아테네인이 미처 피하지 못하고 데모폰의 말에 치여 짓밟혀 죽었다.
ἐπὶ τούτῳ Δημοφῶντα ὑποσχεῖν δίκας οἱ μὲν τοῦ συμπατηθέντος τοῖς προσήκουσιν, οἱ δὲ Ἀργείων φασὶ τῷ κοινῷ.
이 일로 인해 데모폰이 재판을 받았는데, 어떤 이들은 짓밟혀 죽은 자의 친족들에게 재판을 받았다고 하며, 다른 이들은 아르고스인들의 공동체에 재판을 받았다고 한다.
§1.28.10ἐπὶ Δελφινίῳ δὲ κρίσις καθέστηκεν ἐργάσασθαι φόνον σὺν τῷ δικαίῳ φαμένοις, ὁποῖόν τι καὶ Θησεὺς παρεχόμενος ἀπέφυγεν, ὅτε Πάλλαντα ἐπαναστάντα καὶ τοὺς παῖδας ἔκτεινε·
또한 '델피니온에서'는 정당한 이유를 가지고 살인을 저질렀다고 주장하는 자들을 위한 재판이 거행된다. 이는 테세우스가 반란을 일으킨 팔라스와 그의 아들들을 죽였을 때 그러한 정당성을 제시하여 무죄를 선고받은 것과 같다.
πρότερον δὲ πρὶν ἢ Θησεὺς ἀφείθη, καθειστήκει πᾶσι φεύγειν κτείναντα ἢ κατὰ ταὐτὰ θνήσκειν μένοντα.
테세우스가 무죄 방면되기 전에는 살인을 저지른 모든 이가 망명을 떠나거나, 머무를 경우 똑같이 죽임을 당해야 하는 법이 확립되어 있었다.
τὸ δὲ ἐν πρυτανείῳ καλούμενον, ἔνθα τῷ σιδήρῳ καὶ πᾶσιν ὁμοίως τοῖς ἀψύχοις δικάζουσιν, ἐπὶ τῷδε ἄρξασθαι νομίζω.
그리고 '프리타네이온에서' 라고 불리는 법정은, 그곳에서는 철기나 그 밖에 마찬가지로 영혼이 없는 모든 무생물에 대해 재판을 진행하는데, 다음과 같은 사건에서 시작되었다고 나는 생각한다.
Ἀθηναίων βασιλεύοντος Ἐρεχθέως, τότε πρῶτον βοῦν ἔκτεινεν ὁ βουφόνος ἐπὶ τοῦ βωμοῦ τοῦ Πολιέως Διός·
에레크테우스가 아테네의 왕이었을 때, 그때 최초로 우살자(부포노스)가 폴리에우스 제우스의 제단 위에서 황소를 죽였다.
καὶ ὁ μὲν ἀπολιπὼν ταύτῃ τὸν πέλεκυν ἀπῆλθεν ἐκ τῆς χώρας φεύγων, ὁ δὲ πέλεκυς παραυτίκα ἀφείθη κριθεὶς καὶ ἐς τόδε ἀνὰ πᾶν ἔτος κρίνεται.
그리고 그는 그곳에 도끼를 남겨둔 채 그 나라를 떠나 도망쳤으나, 도끼는 즉시 재판을 받고 무죄 방면되었으며 오늘날까지 매년 재판을 받고 있다.
§1.28.11λέγεται μὲν δὴ καὶ ἄλλα τῶν ἀψύχων αὐτόματα ἐπιθεῖναι σὺν τῷ δικαίῳ τιμωρίαν ἀνθρώποις· ἔργον δὲ κάλλιστον καὶ δόξῃ φανερώτατον ὁ Καμβύσου παρέσχετο ἀκινάκης.
실제로 무생물 중 다른 것들도 스스로 인간들에게 정당한 형벌을 내렸다고 전해지는데, 캄비세스의 아키나케스(단검)가 명성에 있어서 가장 훌륭하고 뚜렷한 증거를 보여주었다.
ἔστι δὲ τοῦ Πειραιῶς πρὸς θαλάσσῃ Φρεαττύς·
그리고 페이라이에우스의 바닷가에는 '프레아티스'라는 곳이 있다.
ἐνταῦθα οἱ πεφευγότες, ἢν ἀπελθόντας ἕτερον ἐπιλάβῃ σφᾶς ἔγκλημα, πρὸς ἀκροωμένους ἐκ τῆς γῆς ἀπὸ νεὼς ἀπολογοῦνται·
여기서는 망명 중인 자들이 떠난 후에 다른 혐의가 그들에게 씌워졌을 때, 육지에서 듣는 이들을 향해 배 위에서 변명을 펼친다.
Τεῦκρον πρῶτον λόγος ἔχει Τελαμῶνι οὕτως ἀπολογήσασθαι μηδὲν ἐς τὸν Αἴαντος θάνατον εἰργάσθαι.
테우크로스가 최초로 텔라몬에게 이와 같이 아이아스의 죽음에 대해 자신이 아무런 일도 저지르지 않았다고 변명했다는 전승이 있다.
τάδε μὲν οὖν εἰρήσθω μοι τῶνδε ἕνεκα, γνῶναι ὁπόσοις μέτεστι σπουδῆς τὰ ἐς τὰ δικαστήρια·
자, 이 일들은 법정에 관한 일들이 얼마나 진지하게 다루어지는지 사람들이 알 수 있도록 하기 위해 내가 서술한 것이다.