§1.17.1Ἀθηναίοις δὲ ἐν τῇ ἀγορᾷ καὶ ἄλλα ἐστὶν οὐκ ἐς ἅπαντας ἐπίσημα καὶ Ἐλέου βωμός, ᾧ μάλιστα θεῶν ἐς ἀνθρώπινον βίον καὶ μεταβολὰς πραγμάτων ὄντι ὠφελίμῳ μόνοι τιμὰς Ἑλλήνων νέμουσιν Ἀθηναῖοι.
아테네인들에게는 광장에 모든 사람에게 다 잘 알려진 것은 아닌 다른 것들도 있으며, 자비(엘레오스)의 제단도 있다. 아테네인들은 이 신을 인간의 삶과 사태의 변화 속에서 신들 중 가장 유익한 존재로 여겨, 그리스인들 중 유일하게 이 신에게 경의를 표한다.
τούτοις δὲ οὐ τὰ ἐς φιλανθρωπίαν μόνον καθέστηκεν, ἀλλὰ καὶ θεοὺς εὐσεβοῦσιν ἄλλων πλέον, καὶ γὰρ Αἰδοῦς σφισι βωμός ἐστι καὶ Φήμης καὶ Ὁρμῆς·
이들에게는 박애에 관한 제도들이 확립되어 있을 뿐만 아니라, 다른 이들보다 신들을 더 경건히 섬긴다. 실제로 이들에게는 수치(아이도스)의 제단과 소문(페메)의 제단, 충동(호르메)의 제단도 있다.
δῆλά τε ἐναργῶς, ὅσοις πλέον τι ἑτέρων εὐσεβείας μέτεστιν, ἴσον σφίσι παρὸν τύχης χρηστῆς.
다른 이들보다 경건함을 더 많이 나누어 가진 자들에게는 그와 동등한 좋은 운명이 주어짐이 명백히 드러난다.
§1.17.2ἐν δὲ τῷ γυμνασίῳ τῆς ἀγορᾶς ἀπέχοντι οὐ πολύ, Πτολεμαίου δὲ ἀπὸ τοῦ κατασκευασαμένου καλουμένῳ, λίθοι τέ εἰσιν Ἑρμαῖ θέας ἄξιοι καὶ εἰκὼν Πτολεμαίου χαλκῆ· καὶ ὅ τε Λίβυς Ἰόβας ἐνταῦθα κεῖται καὶ Χρύσιππος ὁ Σολεύς.
광장에서 그리 멀지 않은 곳에 있는, 건립자의 이름을 따서 프톨레마이오스 체육관(기므나시온)이라 불리는 곳에는 볼 만한 석조 헤르메스 기둥상들과 프톨레마이오스의 청동상이 있으며, 리비아인 유바와 솔리 출신의 크리시포스도 이곳에 놓여 있다.
πρὸς δὲ τῷ γυμνασίῳ Θησέως ἐστὶν ἱερόν· γραφαὶ δέ εἰσι πρὸς Ἀμαζόνας Ἀθηναῖοι μαχόμενοι.
체육관 근처에는 테세우스의 신전이 있는데, 벽화에는 아마존족과 싸우는 아테네인들이 그려져 있다.
πεποίηται δέ σφισιν ὁ πόλεμος οὗτος καὶ τῇ Ἀθηνᾷ ἐπὶ τῇ ἀσπίδι καὶ τοῦ Ὀλυμπίου Διὸς ἐπὶ τῷ βάθρῳ.
이 전쟁은 아테나의 방패 위와 올림피아 제우스의 기단 위에도 그들을 위해 묘사되어 있다.
γέγραπται δὲ ἐν τῷ τοῦ Θησέως ἱερῷ καὶ ἡ Κενταύρων καὶ Λαπιθῶν μάχη· Θησεὺς μὲν οὖν ἀπεκτονώς ἐστιν ἤδη Κένταυρον, τοῖς δὲ ἄλλοις ἐξ ἴσου καθέστηκεν ἔτι ἡ μάχη.
테세우스의 신전에는 켄타우로스와 라피타이의 전투도 그려져 있는데, 테세우스는 이미 한 명의 켄타우로스를 죽였지만, 다른 이들에게는 전투가 아직 대등하게 이어지고 있다.
§1.17.3τοῦ δὲ τρίτου τῶν τοίχων ἡ γραφὴ μὴ πυθομένοις ἃ λέγουσιν οὐ σαφής ἐστι, τὰ μέν που διὰ τὸν χρόνον, τὰ δὲ Μίκων οὐ τὸν πάντα ἔγραψε λόγον.
세 번째 벽의 그림은 그들이 말하는 내용을 알지 못하는 이들에게는 명확하지 않은데, 부분적으로는 시간의 흐름 때문이고, 다른 부분적으로는 미콘이 이야기 전체를 그리지 않았기 때문이다.
Μίνως ἡνίκα Θησέα καὶ τὸν ἄλλον στόλον τῶν παίδων ἦγεν ἐς Κρήτην, ἐρασθεὶς Περιβοίας, ὥς οἱ Θησεὺς μάλιστα ἠναντιοῦτο, καὶ ἄλλα ὑπὸ ὀργῆς ἀπέρριψεν ἐς αὐτὸν καὶ παῖδα οὐκ ἔφη Ποσειδῶνος εἶναι, ἐπεὶ οὐ δύνασθαι τὴν σφραγῖδα, ἣν αὐτὸς φέρων ἔτυχεν, ἀφέντι ἐς θάλασσαν ἀνασῶσαί οἱ.
미노스가 테세우스와 다른 젊은이들의 무리를 크레타로 데려갔을 때, 페리보이아를 사랑하게 되었는데, 테세우스가 그에게 가장 강력히 반대하자, 분노하여 그에게 다른 거친 말들을 내뱉으며 포세이돈의 아들이 아니라고 부정했다. 왜냐하면 자신이 끼고 있던 반지를 바다에 던졌을 때, 그가 그것을 다시 찾아낼 수 없을 것이기 때문이라는 이유였다.
Μίνως μὲν λέγεται ταῦτα εἰπὼν ἀφεῖναι τὴν σφραγῖδα·
미노스는 이 말을 하고 반지를 던졌다고 전해진다.
Θησέα δὲ σφραγῖδά τε ἐκείνην ἔχοντα καὶ στέφανον χρυσοῦν, Ἀμφιτρίτης δῶρον, ἀνελθεῖν λέγουσιν ἐκ τῆς θαλάσσης.
그러나 사람들은 테세우스가 그 반지와 암피트리테의 선물인 금관을 들고 바다에서 올라왔다고 말한다.
§1.17.4ἐς δὲ τὴν τελευτὴν τὴν Θησέως πολλὰ ἤδη καὶ οὐχ ὁμολογοῦντα εἴρηται·
테세우스의 죽음에 관해서는 이미 일치하지 않는 많은 이야기들이 전해진다.
δεδέσθαι τε γὰρ αὐτὸν λέγουσιν ἐς τόδε ἕως ὑφʼ Ἡρακλέους ἀναχθείη, πιθανώτατα δὲ ὧν ἤκουσα·
그가 헤라클레스에 의해 구출될 때까지 그곳에 묶여 있었다고도 하지만, 내가 들은 것 중 가장 그럴듯한 것은 다음과 같다.
Θησεὺς ἐς Θεσπρωτοὺς ἐμβαλών, τοῦ βασιλέως τῶν Θεσπρωτῶν γυναῖκα ἁρπάσων, τὸ πολὺ τῆς στρατιᾶς οὕτως ἀπόλλυσι, καὶ αὐτός τε καὶ Πειρίθους— Πειρίθους γὰρ καὶ τὸν γάμον σπεύδων ἐστράτευεν— ἥλωσαν, καὶ σφᾶς ὁ Θεσπρωτὸς δήσας εἶχεν ἐν Κιχύρῳ.
테세우스는 테스프로티아인들의 왕의 아내를 납치하기 위해 테스프로티아로 쳐들어갔으나, 이로 인해 군대의 대부분을 잃었고, 그 자신과 페이리토오스—페이리토오스 역시 이 결혼을 열망하여 종군했던 것인데—는 사로잡혀 테스프로티아 왕이 그들을 키키로스에 묶어 두었다.
§1.17.5γῆς δὲ τῆς Θεσπρωτίδος ἔστι μέν που καὶ ἄλλα θέας ἄξια, ἱερόν τε Διὸς ἐν Δωδώνῃ καὶ ἱερὰ τοῦ θεοῦ φηγός· πρὸς δὲ τῇ Κιχύρῳ λίμνη τέ ἐστιν Ἀχερουσία καλουμένη καὶ ποταμὸς Ἀχέρων, ῥεῖ δὲ καὶ Κωκυτὸς ὕδωρ ἀτερπέστατον.
테스프로티아 땅에는 그 밖에도 볼 만한 것들이 있는데, 도도나에 있는 제우스의 신전과 그 신의 성스러운 참나무가 있으며, 키키로스 근처에는 아케루시아라 불리는 호수와 아케론강이 있고, 가장 불쾌한 물인 코키토스도 흐른다.
Ὅμηρός τέ μοι δοκεῖ ταῦτα ἑωρακὼς ἔς τε τὴν ἄλλην ποίησιν ἀποτολμῆσαι τῶν ἐν Ἅιδου καὶ δὴ καὶ τὰ ὀνόματα τοῖς ποταμοῖς ἀπὸ τῶν ἐν Θεσπρωτίδι θέσθαι.
호메로스는 이것들을 보고서 저승의 일들을 그의 다른 시에 대담하게 묘사하고, 나아가 강들의 이름을 테스프로티아에 있는 것들에서 따온 것으로 내게는 보인다.
τότε δὲ ἐχομένου Θησέως στρατεύουσιν ἐς Ἄφιδναν οἱ Τυνδάρεω παῖδες καὶ τήν τε Ἄφιδναν αἱροῦσι καὶ Μενεσθέα ἐπὶ βασιλείᾳ κατήγαγον·
그때 테세우스가 붙잡혀 있는 동안, 틴다레오스의 아들들이 아피드나로 진군하여 아피드나를 점령하고 메네스테우스를 왕위에 복귀시켰다.
§1.17.6Μενεσθεὺς δὲ τῶν μὲν παίδων τῶν Θησέως παρʼ Ἐλεφήνορα ὑπεξελθόντων ἐς Εὔβοιαν εἶχεν οὐδένα λόγον, Θησέα δέ, εἴ ποτε παρὰ Θεσπρωτῶν ἀνακομισθήσεται, δυσανταγώνιστον ἡγούμενος διὰ θεραπείας τὰ τοῦ δήμου καθίστατο, ὡς Θησέα ἀνασωθέντα ὕστερον ἀπωσθῆναι.
메네스테우스는 에우보이아의 엘레페노르에게로 대피한 테세우스의 자식들에 대해서는 아무런 신경도 쓰지 않았으나, 테세우스가 언젠가 테스프로티아인들에게서 돌아온다면 맞서기 어려울 것이라 생각하여 민중을 정성껏 돌봄으로써 입지를 다졌고, 그 결과 테세우스는 나중에 구출되었음에도 쫓겨나게 되었다.
στέλλεται δὴ Θησεὺς παρὰ Δευκαλίωνα ἐς Κρήτην, ἐξενεχθέντα δὲ αὐτὸν ὑπὸ πνευμάτων ἐς Σκῦρον τὴν νῆσον λαμπρῶς περιεῖπον οἱ Σκύριοι κατὰ γένους δόξαν καὶ ἀξίωμα ὧν ἦν αὐτὸς εἰργασμένος·
이에 테세우스는 데우칼리온을 찾아 크레타로 향했으나, 바람에 밀려 스키로스섬에 이르게 되었고, 스키로스인들은 그의 가문의 명성과 그 자신이 이룩한 업적의 품격에 걸맞게 그를 성대히 대접했다.
καί οἱ θάνατον Λυκομήδης διὰ ταῦτα ἐβούλευσεν.
이 때문에 리코메데스는 그를 죽이려는 음모를 꾸몄다.
ὁ μὲν δὴ Θησέως σηκὸς Ἀθηναίοις ἐγένετο ὕστερον ἢ Μῆδοι Μαραθῶνι ἔσχον, Κίμωνος τοῦ Μιλτιάδου Σκυρίους ποιήσαντος ἀναστάτους—δίκην δὴ τοῦ Θησέως θανάτου—καὶ τὰ ὀστᾶ κομίσαντος ἐς Ἀθήνας·
테세우스의 사당은 아테네인들에게 마라톤에 페르시아인들이 들이닥친 뒤에야 생겼는데, 밀티아데스의 아들 키몬이 테세우스의 죽음에 대한 보복으로 스키로스인들을 쫓아내고 그의 유골을 아테네로 가져왔을 때의 일이다.