§6.3.9ἐκ δὲ Βαρίου πρὸς τὸν ποταμὸν Αὔφιδον, ἐφʼ ᾧ τὸ ἐμπόριον τῶν Κανυσιτῶν, τετρακόσιοι· ὁ δʼ ἀνάπλους ἐπὶ τὸ ἐμπόριον ἐνενήκοντα.
바리온에서 카누시온인들의 교역항이 있는 아우피두스 강까지는 400스타디온이며, 교역항까지 강을 거슬러 오르는 항로는 90스타디온이다.
πλησίον δὲ καὶ Σαλαπία τὸ τῶν Ἀργυριππίνων ἐπίνειον.
또한 그 근처에는 아르기리파인들의 외항인 살라피아가 있다.
οὐ πολὺ γὰρ δὴ τῆς θαλάττης ὑπέρκεινται δύο πόλεις ἔν γε τῷ πεδίῳ, μέγισται τῶν Ἰταλιωτίδων γεγονυῖαι πρότερον, ὡς ἐκ τῶν περιβόλων δῆλον, τό τε Κανύσιον καὶ ἡ Ἀργυρίππα, ἀλλὰ νῦν ἐλάττων ἐστίν.
왜냐하면 바다에서 그리 멀지 않은 평원 속에, 이전에는 이탈리아 도시들 중에서 가장 컸던 두 도시인 카누시온과 아르기리파가 위치해 있는데(이는 성벽의 둘레로부터도 분명하다), 현재는 규모가 축소되었기 때문이다.
ἐκαλεῖτο δʼ ἐξ ἀρχῆς Ἄργος ἵππιον, εἶτʼ Ἀργυρίππα, εἶτα νῦν Ἄρποι.
이 도시는 처음에는 아르고스 히피움이라 불렸고, 그다음에는 아르기리파, 그리고 현재는 아르피라고 불린다.
λέγονται δʼ ἀμφότεραι Διομήδους κτίσματα·
이 두 도시 모두 디오메데스의 창건이라 전해진다.
καὶ τὸ πεδίον καὶ ἄλλα πολλὰ δείκνυται τῆς Διομήδους ἐν τούτοις τοῖς τόποις δυναστείας σημεῖα, ἐν μὲν τῷ τῆς Ἀθηνᾶς ἱερῷ τῆς ἐν Λουκερίᾳ παλαιὰ ἀναθήματα (καὶ αὕτη δʼ ὑπῆρξε πόλις ἀρχαία Δαυνίων, νῦν δὲ τεταπείνωται), ἐν δὲ τῇ πλησίον θαλάττῃ δύο νῆσοι Διομήδειαι προσαγορευόμεναι, ὧν ἡ μὲν οἰκεῖται, τὴν δʼ ἐρήμην φασὶν εἶναι·
이 평원과 그 외에 많은 것들이 이 지역들에서 디오메데스의 지배의 징표로서 제시된다. 예를 들어, 루케리아에 있는 아테나 신전의 오래된 봉납물(이 도시 또한 다우니오이인의 고대 도시였으나 현재는 쇠락하였다)이나, 인근 바다에 디오메데스의 제도라 불리는 두 섬이 있는데, 그중 하나에는 사람이 살고 다른 하나는 무인도라고 전해진다.
ἐν ᾗ καὶ τὸν Διομήδη μυθεύουσιν ἀφανισθῆναί τινες καὶ τοὺς ἑταίρους ἀπορνιθωθῆναι, καὶ δὴ καὶ νῦν διαμένειν ἡμέρους καὶ βίον τινὰ ζῆν ἀνθρώπινον τάξει τε διαίτης καὶ τῇ πρὸς ἀνθρώπους ἡμερότητι τοὺς ἐπιεικεῖς, ἀπὸ δὲ τῶν κακούργων καὶ μιαρῶν φυγῇ.
그 무인도에서 디오메데스가 사라졌고 그의 동료들이 새로 변했다고 몇몇 이들은 신화적으로 이야기한다. 그리고 참으로 그 새들은 지금도 온순한 상태로 남아 있으며, 생활 방식의 규칙성과 점잖은 사람들에 대한 온순함, 그리고 악하고 부정한 이들을 피하여 달아나는 것에서 일종의 인간적인 삶을 살고 있다고 한다.
εἴρηται δὲ καὶ τὰ παρὰ τοῖς Ἑνετοῖς διατεθρυλημένα περὶ τοῦ ἥρωος τούτου καὶ αἱ νομισθεῖσαι τιμαί.
이 영웅에 대해 헤네토이인들 사이에서 널리 퍼진 이야기들과 그에게 바쳐진 숭배에 대해서도 이미 언급되었다.
δοκεῖ δὲ καὶ ὁ Σιποῦς Διομήδους εἶναι κτίσμα διέχων τῆς Σαλαπίας ὅσον τετταράκοντα καὶ ἑκατὸν σταδίους, καὶ ὠνομάζετό γε Σηπιοῦς Ἑλληνικῶς ἀπὸ τῶν ἐκκυματιζομένων σηπιῶν.
시푸스 역시 디오메데스의 창건이라 생각되는데, 살라피아에서 약 140스타디온 떨어져 있으며, 파도에 밀려오는 갑오징어에서 유래하여 그리스어로 세피우스라 명명되었다.
μεταξὺ δὲ τῆς Σαλαπίας καὶ τοῦ Σιποῦντος ποταμός τε πλωτὸς καὶ στομαλίμνη μεγάλη· διʼ ἀμφοῖν δὲ τὰ ἐκ Σιποῦντος κατάγεται καὶ μάλιστα ὁ σῖτος.
살라피아와 시푸스 사이에는 배가 다닐 수 있는 강과 큰 석호가 있어, 이 둘을 통해 시푸스로부터의 물자, 특히 곡물이 운반된다.
δείκνυται δὲ τῆς Δαυνίας περὶ λόφον ᾧ ὄνομα Δρίον ἡρῷα, τὸ μὲν Κάλχαντος ἐπʼ ἄκρᾳ τῇ κορυφῇ (ἐναγίζουσι δʼ αὐτῷ μέλανα κριὸν οἱ μαντευόμενοι, ἐγκοιμώμενοι ἐν τῷ δέρματι), τὸ δὲ Ποδαλειρίου κάτω πρὸς τῇ ῥίζῃ διέχον τῆς θαλάττης ὅσον σταδίους ἑκατόν·
다우니아 지방의 드리온이라는 이름의 언덕 주변에는 영웅묘들이 제시되어 있다. 하나는 산꼭대기에 있는 칼카스의 묘이고(신탁을 구하는 자들은 그의 가죽 위에서 잠을 자며 그에게 검은 숫양을 희생 제물로 바친다), 다른 하나는 아래쪽 산기슭에 있는 포달레이리오스의 묘로 바다에서 약 100스타디온 떨어져 있다.
ῥεῖ δʼ ἐξ αὐτοῦ ποτάμιον πάνακες πρὸς τὰς τῶν θρεμμάτων νόσους.
그곳으로부터는 가축의 질병에 만병통치약인 작은 시내가 흘러나온다.
πρόκειται δὲ τοῦ κόλπου τούτου πελάγιον ἀκρωτήριον ἐπὶ τριακοσίους ἀνατεῖνον σταδίους πρὸς τὰς ἀνατολὰς τὸ Γάργανον, κάμπτοντι δὲ τὴν ἄκραν πολισμάτιον Οὔριον καὶ πρὸ τῆς ἄκρας αἱ Διομήδειαι νῆσοι.
이 만의 앞쪽에는 동쪽을 향해 300스타디온 뻗어 있는, 바다로 돌출된 가르가논 반도가 있으며, 이 곶을 돌면 우리온이라는 작은 도시가 있고, 곶 앞에는 디오메데스의 섬들이 있다.
ἔστι δὲ πᾶσα ἡ χώρα αὕτη πάμφορός τε καὶ πολυφόρος, ἵπποις δὲ καὶ προβάτοις ἀρίστη·
이 지역 전체는 모든 것을 생산하며 매우 비옥하고, 말과 양을 기르기에 가장 좋다.
ἡ δʼ ἐρέα μαλακωτέρα μὲν τῆς Ταραντίνης ἐστί, λαμπρὰ δὲ ἧττον.
양모는 타라스의 것보다 부드럽지만 광택은 덜하다.
ἡ δὲ χώρα εὐδινὴ διὰ τὴν κοιλότητα τῶν πεδίων.
이 지역은 평원이 움푹 파여 있기 때문에 기후가 온화하다.
οἱ δὲ καὶ διώρυγα τεμεῖν ἐπιχειρῆσαί φασι τὸν Διομήδη μέχρι τῆς θαλάττης, καταλιπεῖν δʼ ἡμιτελῆ καὶ ταύτην καὶ τὰς ἄλλας πράξεις μετάπεμπτον οἴκαδε γενόμενον, κἀκεῖ καταστρέψαι τὸν βίον.
또한 어떤 이들은 디오메데스가 바다에 이르는 운하를 뚫으려 시도했으나, 고국으로 소환되었기 때문에 이것과 다른 사업들을 미완성으로 남겨둔 채 그곳에서 생을 마감했다고 말한다.
εἷς μὲν οὗτος ὁ λόγος περὶ αὐτοῦ, δεύτερος δʼ ὡς αὐτόθι μείνειε μέχρι καταστροφῆς τοῦ βίου, τρίτος δʼ ὁ μυθώδης ὃν προεῖπον τὸν ἐν τῇ νήσῳ λέγων ἀφανισμόν, τέταρτον δὲ θείη τις ἂν τὸν τῶν Ἑνετῶν·
이것이 그에 관한 첫 번째 설이며, 두 번째 설은 그가 생을 마감할 때까지 이곳에 머물렀다는 것이고, 세 번째 설은 내가 앞서 그 섬에서의 실종을 말하며 언급한 신화적인 설이며, 네 번째 설로는 헤네토이인들의 설을 꼽을 수 있을 것이다.
καὶ γὰρ ἐκεῖνοι παρὰ σφίσι πως τὴν καταστροφὴν αὐτοῦ μυθεύουσιν, ἣν ἀποθέωσιν καλοῦσι.
왜냐하면 그들 역시 자신들의 땅에서 그의 최후를 일종의 신화로 전하고 있으며, 이를 신격화라고 부르기 때문이다.