§6.3.3ἔφορος δʼ οὕτω λέγει περὶ τῆς κτίσεως·
에포로스는 건국에 관하여 다음과 같이 말한다.
ἐπολέμουν Λακεδαιμόνιοι Μεσσηνίοις ἀποκτείνασι τὸν βασιλέα Τήλεκλον εἰς Μεσσήνην ἀφικόμενον ἐπὶ θυσίαν, ὀμόσαντες μὴ πρότερον ἐπανήξειν οἴκαδε πρὶν ἢ Μεσσήνην ἀνελεῖν ἢ πάντας ἀποθανεῖν·
라케다이몬인들은 제사를 위해 메세네에 온 왕 텔레클로스를 죽인 메세니아인들과 전쟁을 벌이고 있었는데, 그들은 메세네를 멸망시키거나 혹은 전원이 죽기 전에는 결코 집으로 돌아가지 않겠다고 맹세했었다.
φύλακας δὲ τῆς πόλεως κατέλιπον στρατεύοντες τούς τε νεωτάτους καὶ πρεσβυτάτους τῶν πολιτῶν.
그들은 원정을 떠나면서 시민들 중 가장 젊은 이들과 가장 늙은 이들을 도시의 수비대로 남겨두었다.
δεκάτῳ δʼ ὕστερον τοῦ πολέμου τὰς γυναῖκας τῶν Λακεδαιμονίων συνελθούσας ἐξ ἑαυτῶν πέμψαι τινὰς παρὰ τοὺς ἄνδρας τὰς μεμψομένας, ὡς οὐκ ἐπʼ ἴσοις πολεμοῖεν πρὸς τοὺς Μεσσηνίους (οἱ μὲν γὰρ μένοντες τεκνοποιοῦνται, οἱ δὲ χήρας ἀφέντες τὰς γυναῖκας ἐν τῇ πολεμίᾳ ἐστρατοπέδευον), καὶ κίνδυνος εἴη λιπανδρῆσαι τὴν πατρίδα.
전쟁 10년째에 라케다이몬인들의 아내들이 자발적으로 모여 자신들의 남편들에게 불만을 토로할 사절들을 보냈다. 자신들이 메세네인들과 대등하지 않은 조건에서 전쟁을 치르고 있다는 불만이었다(왜냐하면 저들은 집에 남아 아이를 낳고 있는 반면, 남편들은 아내들을 과부처럼 남겨두고 적지에 진을 치고 있기 때문이었다). 그리고 조국에 남자가 부족해질 위험이 있다는 것이었다.
οἱ δʼ ἅμα καὶ τὸν ὅρκον φυλάττοντες καὶ τὸν τῶν γυναικῶν λόγον ἐν νῷ θέμενοι πέμπουσι τῆς στρατιᾶς τοὺς εὐρωστοτάτους ἅμα καὶ νεωτάτους, οὓς ᾔδεσαν οὐ μετασχόντας τῶν ὅρκων διὰ τὸ παῖδας ἔτι ὄντας συνεξελθεῖν τοῖς ἐν ἡλικίᾳ·
남편들은 맹세를 지키는 동시에 아내들의 말을 마음에 두어, 군대 중에서 가장 건장하고도 가장 젊은 이들을 보냈다. 그들은 아직 아이였기 때문에 성인들과 함께 출정했을 뿐 맹세에는 참여하지 않았다는 것을 알고 있었다.
προσέταξαν δὲ συγγίνεσθαι ταῖς παρθένοις ἁπάσαις ἅπαντας, ἡγούμενοι πολυτεκνήσειν μᾶλλον·
그리고 그렇게 하는 편이 더 많은 아이를 낳으리라 생각하여, 그들 모두가 모든 처녀들과 관계를 맺도록 명령했다.
γενομένων δὲ τούτων οἱ μὲν παῖδες ὠνομάσθησαν Παρθενίαι.
이렇게 하여 태어난 아이들은 파르테니아스라고 불리게 되었다.
Μεσσήνη δὲ ἑάλω πολεμηθεῖσα ἐννεακαίδεκα ἔτη, καθάπερ καὶ Τυρταῖός φησιν
"
ἀμφʼ αὐτὴν δʼ ἐμάχοντʼ ἐννεακαίδεκʼ ἔτη,
νωλεμέως αἰεὶ ταλασίφρονα θυμὸν ἔχοντες,
αἰχμηταὶ πατέρων ἡμετέρων πατέρες.
메세네는 19년 동안 전쟁을 치른 끝에 함락되었다. 티르타이오스가 다음과 같이 말한 바와 같다. “그것을 둘러싸고 19년 동안 싸웠노라, 끊임없이 언제나 굳센 마음을 지니고서, 우리 아버지들의 아버지들이신 창병들이.
εἰκοστῷ δʼ οἱ μὲν κατὰ πίονα ἔργα λιπόντες
φεῦγον Ἰθωμαίων ἐκ μεγάλων ὀρέων. "
τὴν μὲν οὖν Μεσσηνίαν κατενείμαντο, ἐπανελθόντες δʼ οἴκαδε τοὺς Παρθενίας οὐχ ὁμοίως τοῖς ἄλλοις ἐτίμων ὡς οὐκ ἐκ γάμου γεγονότας·
그러나 20년째에 그들은 기름진 농토를 버려두고 이토메의 거대한 산들로부터 도망쳤도다.” 그리하여 그들은 메세니아 땅을 분배했다. 그러나 집으로 돌아온 뒤, 그들은 파르테니아스들을 정식 혼인으로 태어난 자들이 아니라는 이유로 다른 이들처럼 대우하지 않았다.
οἳ συνιστάμενοι μετὰ τῶν Εἱλώτων ἐπεβούλευσαν τοῖς Λακεδαιμονίοις καὶ συνέθεντο ἆραι σύσσημον ἐν τῇ ἀγορᾷ πῖλον Λακωνικόν, ἐπειδὰν ἐγχειρῶσι.
이들은 헤일로테스들과 결탁하여 라케다이몬인들을 상대로 음모를 꾸몄고, 거사를 치를 때 아고라에서 라코니아식 모자를 신호로 들어 올리기로 합의했다.
τῶν δὲ Εἱλώτων τινὲς ἐξαγγείλαντες, τὸ μὲν ἀντεπιτίθεσθαι χαλεπὸν ἔγνωσαν·
그런데 헤일로테스들 중 일부가 이를 밀고하자, 역습을 가하는 것은 어렵다고 판단했다.
καὶ γὰρ πολλοὺς εἶναι καὶ πάντας ὁμόφρονας, ὡς ἂν ἀλλήλων ἀδελφοὺς νομιζομένους·
왜냐하면 그들은 수도 많았고, 서로를 형제로 여기는 것처럼 전원이 한마음 한뜻이었기 때문이다.
τοὺς μέλλοντας δʼ αἴρειν τὸ σύσσημον ἐκ τῆς ἀγορᾶς ἀπιέναι προσέταξαν.
이에 그들은 신호를 들어 올리기로 되어 있던 자들에게 아고라에서 떠나라고 명령했다.
οἱ μὲν δὴ μεμηνυμένην αἰσθόμενοι τὴν πρᾶξιν ἐπέσχον, οἱ δὲ διὰ τῶν πατέρων ἔπεισαν αὐτοὺς εἰς ἀποικίαν ἐξελθεῖν·
그들은 음모가 폭로되었음을 눈치채고 거사를 보류했다. 한편 그들의 아버지를 통해 그들이 식민지를 개척하러 떠나도록 설득했다.
κἂν μὲν κατάσχωσιν ἀρκοῦντα τὸν τόπον, μένειν, εἰ δὲ μή, τῆς Μεσσηνίας τὸ πέμπτον κατανείμασθαι μέρος ἐπανιόντας.
만일 그들이 충분한 땅을 차지한다면 그곳에 머물고, 그렇지 않다면 돌아와서 메세니아 땅의 5분의 1을 분배받기로 약속했다.
οἱ δὲ σταλέντες κατελάβοντο τοὺς Ἀχαιοὺς πολεμοῦντας τοῖς βαρβάροις, μετασχόντες δὲ τῶν κινδύνων κτίζουσι τὴν Τάραντα.
파견된 이들은 아카이아인들이 이민족들과 전쟁을 벌이고 있는 상황에 도달하여, 그 위험을 함께 나눈 끝에 타라스를 건설했다.
§6.3.4ἴσχυσαν δέ ποτε οἱ Ταραντῖνοι καθʼ ὑπερβολὴν πολιτευόμενοι δημοκρατικῶς·
타라스인들은 한때 극도로 민주적인 정치를 펼치며 엄청나게 강성했다.
καὶ γὰρ ναυτικὸν ἐκέκτηντο μέγιστον τῶν ταύτῃ καὶ πεζοὺς ἔστελλον τρισμυρίους, ἱππέας δὲ τρισχιλίους, ἱππάρχους δὲ χιλίους.
왜냐하면 그들은 이 지역에서 가장 큰 해군을 보유했으며, 보병 3만 명, 기병 3천 명, 기병 지휘관 1천 명을 보낼 수 있었기 때문이다.
ἀπεδέξαντο δὲ καὶ τὴν Πυθαγόρειον φιλοσοφίαν, διαφερόντως δʼ Ἀρχύτας, ὃς καὶ προέστη τῆς πόλεως πολὺν χρόνον.
그들은 피타고라스 철학도 받아들였는데, 특히 아르키타스가 그러했으며, 그는 오랫동안 도시의 지도자로 일했다.
ἐξίσχυσε δʼ ἡ ὕστερον τρυφὴ διὰ τὴν εὐδαιμονίαν, ὥστε τὰς πανδήμους ἑορτὰς πλείους ἄγεσθαι κατʼ ἔτος παρʼ αὐτοῖς ἢ τὰς ἡμέρας·
그러나 나중에는 번영으로 인해 사치와 방종이 만연해져서, 매년 그들 사이에서 치러지는 공공 축제의 수가 일 년의 날수보다 더 많을 정도였다.
ἐκ δὲ τούτου καὶ χεῖρον ἐπολιτεύοντο.
이로 인해 그들의 정치도 더욱 나빠졌다.
ἓν δὲ τῶν φαύλων πολιτευμάτων τεκμήριόν ἐστι τὸ ξενικοῖς στρατηγοῖς χρῆσθαι·
그들의 형편없는 정치의 한 가지 증거는 외국인 장군들을 임용했다는 점이다.
καὶ γὰρ τὸν Μολοττὸν Ἀλέξανδρον μετεπέμψαντο ἐπὶ Μεσσαπίους καὶ Λευκανούς, καὶ ἔτι πρότερον Ἀρχίδαμον τὸν Ἀγησιλάου καὶ ὕστερον Κλεώνυμον καὶ Ἀγαθοκλέα, εἶτα Πύρρον, ἡνίκα συνέστησαν πρὸς Ῥωμαίους.
그들은 메사피아인들과 레우카니아인들에 대항하여 몰로소스인 알렉산드로스를 불러들였고, 그보다 더 전에는 아게실라오스의 아들 아르키다모스를, 나중에는 클레오뉘모스와 아가토클레스를, 그리고 로마인들과 맞서 싸웠을 때는 피로스를 불러들였다.
οὐδʼ ἐκείνοις δʼ εὐπειθεῖν ἠδύναντο οὓς ἐπεκαλοῦντο, ἀλλʼ εἰς ἔχθραν αὐτοὺς καθίστασαν.
그들은 자신들이 불러들인 장군들에게조차 복종하지 못하고, 오히려 그들과 적대 관계에 빠지곤 했다.
ὁ γοῦν Ἀλέξανδρος τὴν κοινὴν Ἑλλήνων τῶν ταύτῃ πανήγυριν, ἣν ἔθος ἦν ἐν Ἡρακλείᾳ συντελεῖν τῆς Ταραντίνης, μετάγειν ἐπειρᾶτο εἰς τὴν Θουρίαν κατὰ ἔχθος, ἐκέλευέ τε κατὰ τὸν Ἀκάλανδρον ποταμὸν τειχίζειν τόπον, ὅπου ἔσοιντο αἱ σύνοδοι·
가령 알렉산드로스는 이 지역 그리스인들의 공동 축제이자 타라스령 헤라클레이아에서 치르는 관례가 있던 것을 적대감 때문에 투리아 쪽으로 옮기려 시도했고, 아칼란드루스 강가에 집회 장소가 될 곳을 성벽으로 요새화하라고 명령했다.
καὶ δὴ καὶ ἡ συμβᾶσα αὐτῷ κακοπραγία διὰ τὴν ἐκείνων ἀγνωμοσύνην ἀπαντῆσαι λέγεται.
그리고 실제로 그가 당하게 된 불행은 그들의 배은망덕함 때문에 찾아온 것이라고 전해진다.
πρὸς δὲ Μεσσαπίους ἐπολέμησαν περὶ Ἡρακλείας, ἔχοντες συνεργοὺς τόν τε τῶν Δαυνίων καὶ τὸν τῶν Πευκετίων βασιλέα.
그들은 또한 헤라클레이아를 두고 메사피아인들과 전쟁을 벌였는데, 이때 다우니아인의 왕과 페우케티오이인의 왕을 동맹군으로 두었다.
περί τε τὰ Ἀννίβεια καὶ τὴν ἐλευθερίαν ἀφῃρέθησαν, ὕστερον δʼ ἀποικίαν Ῥωμαίων δεξάμενοι καθʼ ἡσυχίαν ζῶσι καὶ βέλτιον ἢ πρότερον.
한니발 전쟁 무렵에 그들은 자유를 박탈당했으나, 나중에 로마의 식민 도시를 받아들여 현재는 평온하게, 그리고 이전보다 더 나은 상태로 살아가고 있다.