§5.4.5πλησίον δὲ τῆς Κύμης τὸ Μισηνὸν ἀκρωτήριον καὶ ἐν τῷ μεταξὺ Ἀχερουσία λίμνη, τῆς θαλάττης ἀνάχυσίς τις τεναγώδης.
쿠마이 근처에는 미세눔 곶이 있고 그 중간에는 아케루시아 호수가 있는데, 이는 바닷물이 넘쳐 흘러 형성된 일종의 얕은 석호이다.
κάμψαντι δὲ τὸ Μισηνὸν λιμὴν εὐθὺς ὑπὸ τῇ ἄκρᾳ, καὶ μετὰ τοῦτον ἐγκολπίζουσα ᾐὼν εἰς βάθος, ἐν ᾗ αἱ Βαῖαι καὶ τὰ θερμὰ ὕδατα τὰ καὶ πρὸς τρυφὴν καὶ πρὸς θεραπείαν νόσων ἐπιτήδεια.
미세눔을 돌아가면 곧바로 그 곶 아래에 항구가 있으며, 그 뒤를 이어 깊숙이 만을 이루는 해안이 나타나는데, 그곳에 바이아이와 향락 및 질병 치료에 모두 적합한 온천들이 있다.
ταῖς δὲ Βαίαις συνεχὴς ὅ τε Λοκρῖνος κόλπος καὶ ἐντὸς τούτου ὁ Ἄορνος χερρόνησον ποιῶν τὴν ἀπολαμβανομένην μέχρι Μισηνοῦ γῆν ἀπὸ τῆς μεταξὺ Κύμης καὶ αὐτοῦ.
바이아이에 인접하여 로크리노스 만이 있고 그 안쪽에 아오르노스가 있어, 쿠마이와 아오르노스 자체 사이의 공간에서부터 미세눔까지 차단된 땅을 반도로 만들고 있다.
λοιπὸς γάρ ἐστιν ὀλίγων σταδίων ἰσθμὸς διὰ τῆς διώρυγος ἐπʼ αὐτὴν Κύμην καὶ τὴν πρὸς αὐτῇ θάλατταν.
왜냐하면 운하를 통해 쿠마이 자체와 그 옆의 바다로 이어지는 불과 몇 스타디온의 협목이 남아 있기 때문이다.
ἐμύθευον δʼ οἱ πρὸ ἡμῶν ἐν τῷ Ἀόρνῳ τὰ περὶ τὴν νέκυιαν τὴν Ὁμηρικήν·
우리 선조들은 아오르노스에서 호메로스식의 ‘네큐이아’에 관한 신화들을 이야기하곤 했다.
καὶ δὴ καὶ νεκυομαντεῖον ἱστοροῦσιν ἐνταῦθα γενέσθαι καὶ Ὀδυσσέα εἰς τοῦτʼ ἀφικέσθαι.
실제로 이곳에 사자 탁선소가 있었다고 전해지며, 오디세우스도 이곳에 다다랐다고 한다.
ἔστι δʼ ὁ μὲν Ἄορνος κόλπος ἀγχιβαθὴς καὶ ἀρτίστομος, λιμένος καὶ μέγεθος καὶ φύσιν ἔχων, χρείαν δʼ οὐ παρεχόμενος λιμένος διὰ τὸ προκεῖσθαι τὸν Λοκρῖνον κόλπον προσβραχῆ καὶ πολύν.
아오르노스 만은 해안 근처부터 깊고 입구가 좁아 항구의 규모와 성격을 갖추고 있으나, 그 앞에 얕고 넓은 로크리노스 만이 가로막고 있어 항구로서의 효용을 제공하지 못하고 있다.
περικλείεται δʼ Ἄορνος ὀφρύσιν ὀρθίαις ὑπερκειμέναις πανταχόθεν πλὴν τοῦ εἴσπλου, νῦν μὲν ἡμέρως ἐκπεπονημέναις πρότερον δὲ συνηρεφέσιν ἀγρίᾳ ὕλῃ μεγαλοδένδρῳ καὶ ἀβάτῳ, αἳ κατὰ δεισιδαιμονίαν κατάσκιον ἐποίουν τὸν κόλπον.
아오르노스는 들어오는 입구를 제외하고는 사방이 우뚝 솟은 가파른 절벽으로 둘러싸여 있는데, 지금은 온화하게 개간되어 있으나 이전에는 거대한 나무들이 우거진 야생의 통행할 수 없는 숲으로 덮여 있어, 미신으로 인해 만에 그늘을 드리우고 있었다.
προσεμύθευον δʼ οἱ ἐπιχώριοι καὶ τοὺς ὄρνεις τοὺς ὑπερπετεῖς γινομένους καταπίπτειν εἰς τὸ ὕδωρ φθειρομένους ὑπὸ τῶν ἀναφερομένων ἀέρων, καθάπερ ἐν τοῖς Πλουτωνίοις.
현지인들은 또한 그 위를 날아가는 새들이 피어오르는 가스로 인해 죽어 물속으로 떨어진다는 신화를 덧붙이기도 했는데, 이는 플루토니온에서 일어나는 일과 같다.
καὶ τοῦτο χωρίον Πλουτώνιόν τι ὑπελάμβανον καὶ τοὺς Κιμμερίους ἐνταῦθα λέγεσθαι·
그들은 이곳을 일종의 플루토니온으로 여겼으며 신메리아인들이 이곳에 살았다고 말했다.
καὶ εἰσέπλεόν γε προθυσάμενοι καὶ ἱλασάμενοι τοὺς καταχθονίους δαίμονας, ὄντων τῶν ὑφηγουμένων τὰ τοιάδε ἱερέων ἠργολαβηκότων τὸν τόπον.
그리고 사람들은 지하의 신들에게 먼저 제물을 바치고 그들을 달랜 뒤에야 배를 타고 들어갔는데, 이러한 일들을 인도하는 신관들이 그 장소를 임대하여 이익을 취하고 있었기 때문이다.
ἔστι δὲ πηγή τις αὐτόθι ποτίμου ὕδατος ἐπὶ τῇ θαλάττῃ·
그곳에는 바닷가에 단물이 나오는 샘이 하나 있는데, 모든 이가 이를 스틱스의 물로 여겨 멀리했다.
τούτου δʼ ἀπείχοντο πάντες τὸ τῆς Στυγὸς ὕδωρ νομίσαντες· καὶ τὸ μαντεῖον ἐνταῦθά που ἵδρυται·
또한 신탁소도 이 부근 어디엔가 설치되어 있었다.
τόν τε Πυριφλεγέθοντα ἐκ τῶν θερμῶν ὑδάτων ἐτεκμαίροντο τῶν πλησίον τῆς Ἀχερουσίας.
또한 아케루시아 근처의 온천들로부터 피리플레게톤의 존재를 추측했다.
Ἔφορος δὲ τοῖς Κιμμερίοις προσοικειῶν τὸν τόπον φησὶν αὐτοὺς ἐν καταγείοις οἰκίαις οἰκεῖν ἃς καλοῦσιν ἀργίλλας, καὶ διά τινων ὀρυγμάτων παρʼ ἀλλήλους τε φοιτᾶν καὶ τοὺς ξένους εἰς τὸ μαντεῖον δέχεσθαι πολὺ ὑπὸ γῆς ἱδρυμένον·
한편 에포로스는 이 지역을 신메리아인들과 연관시키면서, 그들이 ‘알길라이’라고 부르는 지하 가옥에 살았고, 파놓은 통로들을 통해 서로 왕래했으며, 지하 깊은 곳에 설치된 신탁소로 외지인들을 맞아들였다고 말한다.
ζῆν δʼ ἀπὸ μεταλλείας καὶ τῶν μαντευομένων, καὶ τοῦ βασιλέως ἀποδείξαντος αὐτοῖς συντάξεις.
그들은 광산 노동과 신탁을 구하는 자들로부터 얻는 수익, 그리고 왕이 그들에게 책정한 보조금으로 생활했다.
εἶναι δὲ τοῖς περὶ τὸ χρηστήριον ἔθος πάτριον μηδένα τὸν ἥλιον ὁρᾶν, ἀλλὰ τῆς νυκτὸς ἔξω πορεύεσθαι τῶν χασμάτων·
또한 신탁소 주변 사람들에게는 아무도 태양을 보지 않고 밤에만 그 굴 밖으로 나가는 선조 대대의 관습이 있었다.
καὶ διὰ τοῦτο τὸν ποιητὴν περὶ αὐτῶν εἰπεῖν ὡς ἄρα
οὐδέ ποτʼ αὐτοὺς ἠέλιος φαέθων ἐπιδέρκεται.
그리하여 시인은 그들에 대해 다음과 같이 말했다.
ὕστερον δὲ διαφθαρῆναι τοὺς ἀνθρώπους ὑπὸ βασιλέως τινός, οὐκ ἀποβάντος αὐτῷ τοῦ χρησμοῦ, τὸ δὲ μαντεῖον ἔτι συμμένειν μεθεστηκὸς εἰς ἕτερον τόπον.
“빛나는 태양이 그들을 굽어보는 일은 결코 없도다.” 그러나 나중에 어떤 왕에게 신탁이 맞지 않자 이 사람들은 왕에 의해 멸망당했으나, 신탁소 자체는 다른 곳으로 옮겨져 여전히 존속하고 있다고 한다.
τοιαῦτα μὲν οἱ πρὸ ἡμῶν ἐμυθολόγουν, νυνὶ δὲ τῆς μὲν ὕλης τῆς περὶ τὸν Ἄορνον κοπείσης ὑπὸ Ἀγρίππα, τῶν δὲ χωρίων κατοικοδομηθέντων, ἀπὸ δὲ τοῦ Ἀόρνου διώρυγος ὑπονόμου τμηθείσης μέχρι Κύμης, ἅπαντʼ ἐκεῖνα ἐφάνη μῦθος, τοῦ Κοκκηίου τοῦ ποιήσαντος τὴν διώρυγα ἐκείνην τε καὶ ἐπὶ νέαν πόλιν ἐκ Δικαιαρχείας ἐπὶ ταῖς Βαίαις, ἐπακολουθήσαντός πως τῷ περὶ τῶν Κιμμερίων ἀρτίως λεχθέντι λόγῳ, τυχὸν ἴσως καὶ πάτριον νομίσαντος τῷ τόπῳ τούτῳ διʼ ὀρυγμάτων εἶναι τὰς ὁδούς.
우리 선조들은 이와 같은 신화들을 이야기하곤 했으나, 오늘날에는 아그리파에 의해 아오르노스 주변의 숲이 벌채되고 그 지역에 건물들이 들어섰으며, 아오르노스로부터 쿠마이에 이르기까지 지하 운하가 뚫렸기 때문에 그 모든 것은 지어낸 이야기임이 밝혀졌다. 그 운하와 바이아이 근처의 디카이아르케이아에서 네아폴리스에 이르는 운하를 만든 코케이오스는 방금 언급된 신메리아인들에 관한 이야기의 취지를 얼마간 따랐던 것이며, 어쩌면 이 지역에서는 굴을 파서 길을 내는 것이 선조 대대의 관습이라고 여겼기 때문일지도 모른다.