§5.3.8ταῦτα μὲν οὖν ἡ φύσις τῆς χώρας παρέχεται τὰ εὐτυχήματα τῇ πόλει, προσέθεσαν δὲ Ῥωμαῖοι καὶ τὰ ἐκ τῆς προνοίας.
이와 같이 영토의 자연적 조건은 도시에 유익한 혜택들을 제공하지만, 로마인들은 여기에 선견지명에 의한 것들을 덧붙였다.
τῶν γὰρ Ἑλλήνων περὶ τὰς κτίσεις εὐστοχῆσαι μάλιστα δοξάντων, ὅτι κάλλους ἐστοχάζοντο καὶ ἐρυμνότητος καὶ λιμένων καὶ χώρας εὐφυοῦς, οὗτοι προὐνόησαν μάλιστα ὧν ὠλιγώρησαν ἐκεῖνοι, στρώσεως ὁδῶν καὶ ὑδάτων εἰσαγωγῆς καὶ ὑπονόμων τῶν δυναμένων ἐκκλύζειν τὰ λύματα τῆς πόλεως εἰς τὸν Τίβεριν.
왜냐하면 그리스인들은 아름다움, 견고함, 항구, 그리고 풍요로운 영토를 지향했기에 도시 건설에서 가장 성공을 거둔 것으로 여겨지지만, 로마인들은 그들이 소홀히 여겼던 것들, 즉 도로의 포장, 물의 도입, 그리고 도시의 오물을 티베리스강으로 씻어 보낼 수 있는 하수도의 정비에 대해 가장 깊은 선견지명을 가졌기 때문이다.
ἔστρωσαν δὲ καὶ τὰς κατὰ τὴν χώραν ὁδούς, προσθέντες ἐκκοπάς τε λόφων καὶ ἐγχώσεις κοιλάδων, ὥστε τὰς ἁρμαμάξας δέχεσθαι πορθμείων φορτία·
그들은 또한 교외의 도로들도 포장하여, 언덕을 깎아내고 계곡을 메움으로써 짐마차가 선박의 화물을 직접 받아 실을 수 있도록 했다.
οἱ δʼ ὑπόνομοι συννόμῳ λίθῳ κατακαμφθέντες ὁδοὺς ἁμάξαις χόρτου πορευτὰς ἐνίας ἀπολελοίπασι.
또한, 정교하게 맞물린 석재로 아치형을 이루며 지어진 하수도는 어떤 곳에서는 건초 마차가 통과할 수 있을 정도의 통로를 남겨두었다.
τοσοῦτον δʼ ἐστὶ τὸ εἰσαγώγιμον ὕδωρ διὰ τῶν ὑδραγωγίων, ὥστε ποταμοὺς διὰ τῆς πόλεως καὶ τῶν ὑπονόμων ῥεῖν, ἅπασαν δὲ οἰκίαν σχεδὸν δεξαμενὰς καὶ σίφωνας καὶ κρουνοὺς ἔχειν ἀφθόνους, ὧν πλείστην ἐπιμέλειαν ἐποιήσατο Μάρκος Ἀγρίππας, πολλοῖς καὶ ἄλλοις ἀναθήμασι κοσμήσας τὴν πόλιν.
그리고 수로를 통해 도입되는 물의 양이 매우 많아 강물이 도시와 하수도를 관통하여 흐를 정도이며, 거의 모든 집이 저수조와 도수관, 그리고 풍부한 분수를 갖추고 있다. 이것들에 대해서는 마르쿠스 아그리파가 가장 큰 정성을 기울였으며, 그 밖에 많은 봉헌물로도 도시를 장식했다.
ὡς δʼ εἰπεῖν, οἱ παλαιοὶ μὲν τοῦ κάλλους τῆς Ῥώμης ὠλιγώρουν, πρὸς ἄλλοις μείζοσι καὶ ἀναγκαιοτέροις ὄντες· οἱ δʼ ὕστερον καὶ μάλιστα οἱ νῦν καὶ καθʼ ἡμᾶς οὐδὲ τούτου καθυστέρησαν, ἀλλʼ ἀναθημάτων πολλῶν καὶ καλῶν ἐπλήρωσαν τὴν πόλιν.
말하자면 옛사람들은 더 크고 더 필요한 다른 일들에 전념하느라 로마의 아름다움을 소홀히 했지만, 후대인들, 특히 현대 즉 우리 시대의 인물들은 이 점에서도 뒤처지지 않고 많은 아름다운 봉헌물로 도시를 채웠다.
καὶ γὰρ Πομπήιος καὶ ὁ θεὸς Καῖσαρ καὶ ὁ Σεβαστὸς καὶ οἱ τούτου παῖδες καὶ οἱ φίλοι καὶ γυνὴ καὶ ἀδελφὴ πᾶσαν ὑπερεβάλοντο σπουδὴν καὶ δαπάνην εἰς τὰς κατασκευάς·
실로 폼페이우스, 신격 카이사르, 아우그스트스, 그리고 그의 자녀들과 친구들, 아내와 누이는 건축을 위해 모든 열성과 비용을 아끼지 않았다.
τούτων δὲ τὰ πλεῖστα ὁ Μάρτιος ἔχει κάμπος πρὸς τῇ φύσει προσλαβὼν καὶ τὸν ἐκ τῆς προνοίας κόσμον.
그리고 이것들의 대부분은 마르스의 평원이 차지하고 있으며, 자연적 혜택 외에 선견지명에 의한 장식도 받아들였다.
καὶ γὰρ τὸ μέγεθος τοῦ πεδίου θαυμαστὸν ἅμα καὶ τὰς ἁρματοδρομίας καὶ τὴν ἄλλην ἱππασίαν ἀκώλυτον παρέχον τῷ τοσούτῳ πλήθει τῶν σφαίρᾳ καὶ κρίκῳ καὶ παλαίστρᾳ γυμναζομένων·
왜냐하면 이 평원의 크기는 경이로울 뿐만 아니라, 공치기, 굴렁쇠 굴리기, 팔라이스트라 등에서 단련하는 그토록 많은 군중에게 전차 경주와 그 밖의 승마 훈련을 제약 없이 행할 수 있게 해 주기 때문이다.
καὶ τὰ περικείμενα ἔργα καὶ τὸ ἔδαφος ποάζον διʼ ἔτους καὶ τῶν λόφων στεφάναι τῶν ὑπὲρ τοῦ ποταμοῦ μέχρι τοῦ ῥείθρου σκηνογραφικὴν ὄψιν ἐπιδεικνύμεναι δυσαπάλλακτον παρέχουσι τὴν θέαν.
또한 주변의 건축물들과 일 년 내내 푸른 잔디를 유지하는 지면, 그리고 강 너머 언덕들이 강줄기에 이르기까지 이루는 능선들이 마치 무대 배경과 같은 장관을 보여주어, 한 번 보면 쉽게 떠나지 못할 광경을 선사한다.
πλησίον δʼ ἐστὶ τοῦ πεδίου τούτου καὶ ἄλλο πεδίον καὶ στοαὶ κύκλῳ παμπληθεῖς καὶ ἄλση καὶ θέατρα τρία καὶ ἀμφιθέατρον καὶ ναοὶ πολυτελεῖς καὶ συνεχεῖς ἀλλήλοις, ὡς πάρεργον ἂν δόξαιεν ἀποφαίνειν τὴν ἄλλην πόλιν.
이 평원 근처에는 또 다른 평원이 있고 그 주변에는 무수히 많은 열주랑과 숲, 세 개의 극장, 원형극장, 그리고 서로 인접한 화려한 신전들이 있어, 도시의 나머지 부분을 마치 덤으로 보이게 만들 정도이다.
διόπερ ἱεροπρεπέστατον νομίσαντες τοῦτον τὸν τόπον καὶ τὰ τῶν ἐπιφανεστάτων μνήματα ἐνταῦθα κατεσκεύασαν ἀνδρῶν καὶ γυναικῶν.
그리하여 이들은 이곳을 가장 신성한 곳으로 여겨 가장 현달한 남녀들의 묘소를 이곳에 건설하였다.
ἀξιολογώτατον δὲ τὸ Μαυσώλειον καλούμενον, ἐπὶ κρηπῖδος ὑψηλῆς λευκολίθου πρὸς τῷ ποταμῷ χῶμα μέγα, ἄχρι κορυφῆς τοῖς ἀειθαλέσι τῶν δένδρων συνηρεφές·
그중 가장 주목할 만한 것은 '마우솔레움'이라 불리는 것인데, 강가에 하얀 석재로 높이 쌓은 기단 위에 세워진 거대한 토루로, 꼭대기에 이르기까지 상록수들로 뒤덮여 있다.
ἐπʼ ἄκρῳ μὲν οὖν εἰκών ἐστι χαλκῆ τοῦ Σεβαστοῦ Καίσαρος, ὑπὸ δὲ τῷ χώματι θῆκαί εἰσιν αὐτοῦ καὶ τῶν συγγενῶν καὶ οἰκείων, ὄπισθεν δὲ μέγα ἄλσος περιπάτους θαυμαστοὺς ἔχον·
꼭대기에는 아우그스트스 카이사르의 청동상에 있고, 토루 아래에는 그 자신과 친척 및 일가들의 묘실이 있으며, 그 뒤편에는 훌륭한 산책로를 갖춘 거대한 숲이 있다.
ἐν μέσῳ δὲ τῷ πεδίῳ ὁ τῆς καύστρας αὐτοῦ περίβολος καὶ οὗτος λίθου λευκοῦ, κύκλῳ μὲν περικείμενον ἔχων σιδηροῦν περίφραγμα, ἐντὸς δʼ αἰγείροις κατάφυτος.
평원 한가운데에는 그의 화장터 울타리가 있는데 이것 역시 하얀 석재로 되어 있고, 주위에는 철제 울타리가 둘러쳐져 있으며 안쪽에는 사시나무(포플러)가 심겨 있다.
πάλιν δʼ εἴ τις εἰς τὴν ἀγορὰν παρελθὼν τὴν ἀρχαίαν ἄλλην ἐξ ἄλλης ἴδοι παραβεβλημένην ταύτῃ καὶ βασιλικὰς στοὰς καὶ ναούς, ἴδοι δὲ καὶ τὸ Καπιτώλιον καὶ τὰ ἐνταῦθα ἔργα καὶ τὰ ἐν τῷ Παλατίῳ καὶ τῷ τῆς Λιβίας περιπάτῳ, ῥᾳδίως ἐκλάθοιτʼ ἂν τῶν ἔξωθεν.
다시, 누구든 고대 포룸으로 나아가 그 옆에 잇달아 늘어선 다른 포룸들과 바실리카 열주랑, 신전들을 보고, 또 카피톨리움과 그곳의 건축물들, 팔라티움의 건축물들과 리비아의 산책로에 있는 것들을 본다면, 외부의 것들은 쉽게 잊어버릴 것이다.
τοιαύτη μὲν ἡ Ῥώμη.
로마는 바로 이러한 도시이다.