§5.3.9τῶν δʼ ἄλλων τῆς Λατίνης πόλεων τὰς μὲν ἑτέροις γνωρίσμασι τὰς δὲ ὁδοῖς ἀφορίσαιτʼ ἄν τις ταῖς γνωριμωτάταις, ὅσαι διὰ τῆς Λατίνης ἔστρωνται·
라티움의 다른 도시들에 대해서는, 어떤 것들은 다른 특징들로 구별할 수 있고, 어떤 것들은 라티움 지방을 관통하여 포장된 가장 잘 알려진 도로들로 구별할 수 있을 것이다.
ἢ γὰρ ἐπὶ ταύταις ἢ παρὰ ταύταις ἢ μεταξὺ ἵδρυνται.
왜냐하면 그것들은 이 도로들 위나 그 옆, 혹은 그 사이에 자리 잡고 있기 때문이다.
γνωριμώταται δὲ τῶν ὁδῶν ἥ τε Ἀππία καὶ ἡ Λατίνη καὶ ἡ Ὀυαλερία, ἡ μὲν τὰ πρὸς θάλατταν ἀφορίζουσα μέρη τῆς Λατίνης μέχρι Σινοέσσης, ἡ δὲ τὰ πρὸς τῇ Σαβίνῃ μέχρι Μαρσῶν, μέση δʼ αὐτῶν ἡ Λατίνη ἡ συμπίπτουσα τῇ Ἀππίᾳ κατὰ Κασιλῖνον, πόλιν διέχουσαν Καπύης ἐννεακαίδεκα σταδίους.
도로들 중에서 가장 잘 알려진 것은 아피아 가도, 라티나 가도, 그리고 우알레리아 가도이다. 첫 번째 것(아피아 가도)은 시누에사에 이르기까지 라티움의 바다 쪽 부분을 구획하고, 두 번째 것(우알레리아 가도)은 사비나에 인접한 부분을 마르시인들의 땅까지 구획하며, 이들 중간에 라티나 가도가 있는데, 이는 카푸아에서 19스타디온 떨어진 도시 카실리눔 근처에서 아피아 가도와 합류한다.
ἄρχεται δὲ ἀπὸ τῆς Ἀππίας, ἐν ἀριστερᾷ ἀπʼ αὐτῆς ἐκτρεπομένη πλησίον Ῥώμης, εἶτα διὰ τοῦ Τουσκλανοῦ ὄρους ὑπερβᾶσα μεταξὺ Τούσκλου πόλεως καὶ τοῦ Ἀλβανοῦ ὄρους κάτεισιν ἐπὶ Ἄλγιδον πολίχνιον καὶ Πικτὰς πανδοχεῖα.
이 가도(라티나 가도)는 아피아 가도에서 시작하여, 로마 근처에서 왼쪽으로 갈라져 나와, 투스쿨룸 산을 넘어 투스쿨룸 도시와 알바누스 산 사이를 내려가 알기도스 소도시와 픽타에 여관에 이른다.
εἶτα συμπίπτει καὶ ἡ Λαβικανή, ἀρχομένη μὲν ἀπὸ τῆς Ἠσκυλίνης πύλης ἀφʼ ἧς καὶ ἡ Πραινεστίνη, ἐν ἀριστερᾷ δʼ ἀφεῖσα καὶ ταύτην καὶ τὸ πεδίον τὸ Ἠσκυλῖνον πρόεισιν ἐπὶ πλείους τῶν ἑκατὸν καὶ εἴκοσι σταδίων, καὶ πλησιάσασα τῷ Λαβικῷ παλαιῷ κτίσματι κατεσπασμένῳ, κειμένῳ δʼ ἐφʼ ὕψους, τοῦτο μὲν καὶ τὸ Τούσκουλον ἐν δεξιοῖς ἀπολείπει, τελευτᾷ δὲ πρὸς τὰς Πικτὰς καὶ τὴν Λατίνην·
거기에 라비카나 가도도 합류하는데, 이는 에스퀼리나 문(여기서 프라에네스티나 가도도 시작된다)에서 시작하여 이 가도와 에스퀼리누스 평원을 왼쪽에 남겨두고 120스타디온 이상을 나아가, 파괴되어 높은 곳에 위치한 고대 정착지 라비쿰에 가까워지면, 이 정착지와 투스쿨룸을 오른쪽에 남겨두고 픽타에와 라티나 가도에서 끝난다.
διέχει δὲ τῆς Ῥώμης τὸ χωρίον τοῦτο διακοσίους καὶ δέκα σταδίους.
이 장소는 로마에서 210스타디온 떨어져 있다.
εἶθʼ ἑξῆς μὲν ἐπʼ αὐτῆς τῆς Λατίνης εἰσὶν ἐπίσημοι κατοικίαι καὶ πόλεις Φερεντῖνον, Φρουσινών, παρʼ ἣν ὁ Κόσας ῥεῖ ποταμός, Φαβρατερία, παρʼ ἣν ὁ Τρῆρος ῥεῖ, Ἀκουῖνον μεγάλη πόλις, παρʼ ἣν ὁ Μέλπις ῥεῖ ποταμὸς μέγας, Ἰντεράμνιον ἐν συμβολῇ δυεῖν ποταμῶν κείμενον Λείριός τε καὶ ἑτέρου, Κασῖνον καὶ αὕτη πόλις ἀξιόλογος, ὑστάτη τῶν Λατίνων·
그다음 순서대로 라티나 가도 자체의 위에는 유명한 거주지들과 도시들이 있다. 페렌티눔, 그 옆으로 코사스강이 흐르는 프루시노, 그 옆으로 트레루스강이 흐르는 파브라테리아, 큰 도시 아퀴눔(그 옆으로 큰 강 멜피스강이 흐른다), 리리스강과 다른 한 강의 합류점에 위치한 인테람니움, 그리고 이 역시 주목할 만한 도시이자 라티움인들의 마지막 도시인 카시눔이 있다.
τὸ γὰρ Τέανον τὸ καλούμενον Σιδικῖνον ἐφεξῆς κείμενον ἐκ τοῦ ἐπιθέτου δηλοῦται διότι τῶν Σιδικίνων ἐστίν.
왜냐하면 그다음에 위치한 시디키눔이라 불리는 테아눔은 그 형용어(별칭)에 의해 시디키니인들의 것임이 분명하게 드러나기 때문이다.
οὗτοι δὲ Ὄσκοι, Καμπανῶν ἔθνος ἐκλελοιπός, ὥστε λέγοιτʼ ἂν τῆς Καμπανίας καὶ αὕτη, μεγίστη οὖσα τῶν ἐπὶ τῇ Λατίνῃ πόλεων.
이들은 오스크인들로서 이미 사라진 캄파니아인들의 부족이므로, 이 도시 역시 라티나 가도에 있는 도시들 중 가장 크기는 하지만 캄파니아에 속한다고 말할 수 있을 것이다.
καὶ ἡ ἐφεξῆς ἡ τῶν Καληνῶν καὶ αὕτη ἀξιόλογος, συνάπτουσα τῷ Κασιλίνῳ.
그리고 그다음으로 칼레니인들의 도시 역시 주목할 만하며, 카실리눔과 맞닿아 있다.
§5.3.10Ἐφʼ ἑκάτερα δὲ τῆς Λατίνης ἐν δεξιᾷ μέν εἰσιν αἱ μεταξὺ αὐτῆς καὶ τῆς Ἀππίας Σητία τε καὶ Σιγνία, φέρουσαι οἶνον ἡ μὲν τῶν πολυτελῶν ἕνα ἡ δὲ τὸν σταλτικώτατον κοιλίας τὸν Σιγνῖνον λεγόμενον.
라티나 가도의 양쪽에서, 오른쪽에는 이 가도와 아피아 가도 사이에 세티아와 시그니아가 있으며, 전자는 값비싼 포도주 중 하나를 생산하고, 후자는 위를 가장 잘 수축시키는(수렴 작용을 하는) 시그니눔이라 불리는 포도주를 생산한다.
πρὸς δὲ ταύταις ἐστὶ Πρίβερνον καὶ Κόρα καὶ Σύεσσα * Τραπόντιόν τε καὶ Ὀυελίτραι καὶ Ἀλέτριον·
이들에 더하여 프리베르눔, 코라, 수에사, 트라폰티움, 우엘리트라이, 알레트리움이 있다.
ἔτι δὲ Φρεγέλλαι, παρʼ ἣν ὁ Λεῖρις ῥεῖ ὁ εἰς τὰς Μιντούρνας ἐκδιδούς, νῦν μὲν κώμη, πόλις δέ ποτε γεγονυῖα ἀξιόλογος καὶ τὰς πολλὰς τῶν ἄρτι λεχθεισῶν περιοικίδας πρότερον ἐσχηκυῖα, αἳ νῦν εἰς αὐτὴν συνέρχονται ἀγοράς τε ποιούμεναι καὶ ἱεροποιίας τινάς·
또한 프레겔라이가 있는데, 그 옆으로는 민투르나이로 흘러 들어가는 리리스강이 흐른다. 현재는 마을에 불과하지만 한때는 주목할 만한 도시였으며, 방금 언급한 많은 주변 지역들을 예전에 속령으로 거느렸고, 그곳 주민들은 지금도 시장을 열거나 특정 제의를 거행하기 위해 이곳으로 모여든다.
κατεσκάφη δʼ ὑπὸ Ῥωμαίων ἀποστᾶσα.
그러나 이 도시는 반란을 일으켜 로마인들에 의해 파괴되었다.
πλεῖσται δʼ εἰσὶ καὶ τούτων καὶ τῶν ἐν τῇ Λατίνῃ καὶ τῶν ἐπέκεινα ἐν τῇ Ἑρνίκων τε καὶ Αἴκων καὶ Ὀυόλσκων ἱδρυμέναι, Ῥωμαίων δʼ εἰσὶ κτίσματα.
이 도시들의 대부분과 라티나 가도에 있는 도시들, 그리고 그 너머 헤르니키인과 아이쿠이인, 우올스키인의 땅에 세워진 도시들의 대부분은 로마인들의 정착지이다.
ἐν ἀριστερᾷ δὲ τῆς Λατίνης αἱ μεταξὺ αὐτῆς καὶ τῆς Ὀυαλερίας, Γάβιοι μὲν ἐν τῇ Πραινεστίνῃ ὁ δῷ κειμένη, λατόμιον ἔχουσα ὑπουργὸν τῇ Ῥώμῃ μάλιστα τῶν ἄλλων, διέχουσα τὸ ἴσον τῆς Ῥώμης τε καὶ Πραινεστοῦ, περὶ ἑκατὸν σταδίους·
라티나 가도의 왼쪽에는 이 가도와 우알레리아 가도 사이의 도시들이 있는데, 가비이는 프라에네스티나 가도에 위치하며 로마에 다른 어떤 곳보다도 유용한 석산(석조장)을 가지고 있고, 로마와 프라에네스투스로부터 똑같이 약 100스타디온의 거리를 두고 떨어져 있다.
εἶθʼ ἡ Πραινεστός, περὶ ἧς αὐτίκα ἐροῦμεν·
그다음은 프라에네스투스인데 이에 대해서는 곧 이야기할 것이다.
εἶθʼ αἱ ἐν τοῖς ὄρεσι τοῖς ὑπὲρ Πραινεστόν, ἥ τε τῶν Ἑρνίκων πολίχνη Καπίτουλον καὶ Ἀναγνία πόλις ἀξιόλογος, καὶ Κερεᾶτε καὶ Σῶρα, παρʼ ἣν ὁ Λεῖρις παρεξιὼν εἰς Φρεγέλλας ῥεῖ καὶ Μιντούρνας.
그다음으로 프라에네스투스 위의 산들에 있는 도시들, 즉 헤르니키인의 소도시 카피툴룸과 주목할 만한 도시 아나그니아, 그리고 케레아테와 소라가 있는데, 소라의 옆을 지나간 리리스강은 프레겔라이와 민투르나이로 흘러간다.
ἔπειτα ἄλλα τινὰ καὶ Ὀυέναφρον, ὅθεν τὸ κάλλιστον ἔλαιον·
그다음으로 다른 몇몇 장소들과 우에나프룸이 있는데, 이곳에서 가장 훌륭한 올리브유가 난다.
ἡ μὲν οὖν πόλις ἐφʼ ὕψους κεῖται, παραρρεῖ δὲ τὴν τοῦ λόφου ῥίζαν ὁ Ὀυουλτοῦρνος, ὃς καὶ παρὰ τὸ Κασιλῖνον ἐνεχθεὶς ἐκδίδωσι κατὰ τὴν ὁμώνυμον αὐτῷ πόλιν.
이 도시는 높은 곳에 자리 잡고 있으며, 그 언덕 기슭을 우울투르누스강이 흐르는데, 이 강은 카실리눔 옆을 거쳐 흘러가 동명의 도시에서 바다로 들어간다.
Αἰσερνία δὲ καὶ Ἀλλιφαὶ ἤδη Σαυνιτικαὶ πόλεις εἰσίν, ἡ μὲν ἀνῃρημένη κατὰ τὸν Μαρσικὸν πόλεμον ἡ δʼ ἔτι συμμένουσα.
아이세르니아와 알리파이는 이미 사우니타이(삼니움인)의 도시들로, 전자는 마르시 전쟁 중에 파괴되었고 후자는 아직 남아 있다.