§5.1.3κατὰ μέρος δʼ οὕτως εἰπεῖν δυνατόν, ὅτι τῶν μὲν Ἄλπεων περιφερὴς ἡ ὑπώρειά ἐστι καὶ κολπώδης, τὰ κοῖλα ἔχουσα ἐστραμμένα πρὸς τὴν Ἰταλίαν·
부분별로 구체적으로 다음과 같이 말할 수 있다. 즉, 알프스의 산기슭은 만곡되어 있고 만을 이루고 있으며, 그 오목한 부분이 이탈리아 쪽을 향하고 있다.
τοῦ δὲ κόλπου τὰ μὲν μέσα πρὸς τοῖς Σαλασσοῖς ἐστί, τὰ δʼ ἄκρα ἐπιστροφὴν λαμβάνει, τὰ μὲν μέχρι τῆς Ὄκρας καὶ τοῦ μυχοῦ τοῦ κατὰ τὸν Ἀδρίαν, τὰ δʼ εἰς τὴν Λιγυστικὴν παραλίαν μέχρι Γενούας τοῦ τῶν Λιγύων ἐμπορίου, ὅπου τὰ Ἀπέννινα ὄρη συνάπτει ταῖς Ἄλπεσιν.
이 만곡부의 중앙은 살라소이인들의 지역에 있고, 양 끝은 꺾여 도는데, 한쪽은 오크라산과 아드리아해의 가장 깊은 곳에 이르고, 다른 쪽은 리구리아인들의 교역지인 게누아에 이르는 리구리아 해안으로 향하여 그곳에서 아펜니노산맥이 알프스산맥과 합류한다.
ὑπόκειται δʼ εὐθὺς πεδίον ἀξιόλογον, πάρισόν πως ἔχον τὸ πλάτος καὶ τὸ μῆκος, σταδίων ἑκατὸν καὶ δισχιλίων·
그 바로 아래에는 주목할 만한 평원이 펼쳐져 있는데, 그 너비와 길이가 거의 같으니, 즉 2,100스타디온에 달한다.
τὸ δὲ μεσημβρινὸν αὐτοῦ πλευρὸν κλείεται τῇ τε τῶν Ἑνετῶν παραλίᾳ καὶ τοῖς Ἀπεννίνοις ὄρεσι τοῖς περὶ Ἀρίμινον καὶ Ἀγκῶνα καθήκουσι.
그 남쪽 변은 헤네토이인들의 해안과 아리미눔 및 안콘 주변까지 내려오는 아펜니노산맥에 의해 가로막혀 있다.
ταῦτα γὰρ ἀρξάμενα ἀπὸ τῆς Λιγυστικῆς εἰς τὴν Τυρρηνίαν ἐμβάλλει, στενὴν παραλίαν ἀπολείποντα· εἶτʼ ἀναχωροῦντα εἰς τὴν μεσόγαιαν κατʼ ὀλίγον, ἐπειδὰν γένηται κατὰ τὴν Πισᾶτιν, ἐπιστρέφει πρὸς ἕω καὶ πρὸς τὸν Ἀδρίαν ἕως τῶν περὶ Ἀρίμινον καὶ Ἀγκῶνα τόπων, συνάπτοντα ἐπʼ εὐθείας τῇ τῶν Ἑνετῶν παραλίᾳ.
이 산맥은 리구리아에서 시작하여 티레니아로 들어서며 좁은 해안선만을 남겨두고, 이어서 점차 내륙으로 물러나다가 피사티스 부근에 이르면 동쪽과 아드리아해 쪽으로 방향을 돌려 아리미눔과 안콘 주변 지역에 이르며 헤네토이인들의 해안과 일직선으로 연결된다.
ἡ μὲν οὖν ἐντὸς Ἄλπεων Κελτικὴ τούτοις κλείεται τοῖς ὅροις, καὶ ἔστι τῆς μὲν παραλίας τὸ μῆκος ὅσον τριακοσίων σταδίων ἐπὶ τοῖς ἑξακισχιλίοις τῶν ὀρῶν, μικρὸν δʼ ἔλαττον τὸ πλάτος τῶν χιλίων.
따라서 알프스 안쪽의 켈티카는 이 경계들에 의해 둘러싸여 있으며, 그 해안선의 길이는 산맥의 6,000스타디온에 300스타디온을 더한 만큼(총 6,300스타디온)이고, 너비는 1,000스타디온보다 약간 좁다.
ἡ λοιπὴ δʼ Ἰταλία στενὴ καὶ παραμήκης ἐστί, κορυφουμένη διχῶς, τῇ μὲν πρὸς τὸν Σικελικὸν πορθμὸν τῇ δὲ πρὸς τὴν Ἰαπυγίαν, σφιγγομένη δʼ ἑκατέρωθεν, τῇ μὲν ὑπὸ τοῦ Ἀδρίου τῇ δʼ ὑπὸ τοῦ Τυρρηνικοῦ πελάγους.
이탈리아의 나머지 부분은 좁고 길며, 두 방향으로 꼭짓점을 이루는데, 한쪽은 시켈리아 해협을 향하고 다른 쪽은 이아피기아를 향하며, 양쪽에서 즉 한쪽은 아드리아해에 의해, 다른 쪽은 티레니아해에 의해 압착되어 있다.
ἔστι δʼ ὅμοιον τὸ σχῆμα τοῦ Ἀδρίου καὶ τὸ μέγεθος τῇ Ἰταλίᾳ τῇ ἀφοριζομένῃ τοῖς τε Ἀπεννίνοις ὄρεσι καὶ τῇ θαλάττῃ ἑκατέρᾳ μέχρι τῆς Ἰαπυγίας καὶ τοῦ ἰσθμοῦ τοῦ κατὰ τὸν Ταραντῖνον καὶ τὸν Ποσειδωνιάτην κόλπον·
그리고 아드리아해의 형태와 크기는 아펜니노산맥과 양쪽 바다에 의해 이아피기아 및 타란토만과 포세이도니아만 사이의 지협까지 구획되는 이탈리아 부분과 비슷하다.
τό τε γὰρ πλάτος τὸ μέγιστον ἀμφοῖν ἐστὶ περὶ χιλίους καὶ τριακοσίους σταδίους, τὸ δὲ μῆκος ἔλαττον πολὺ τῶν ἑξακισχιλίων.
왜냐하면 양자의 최대 너비는 약 1,300스타디온이며, 길이는 6,000스타디온보다 훨씬 짧기 때문이다.
ἡ λοιπὴ δʼ ἐστὶν ὅσην κατέχουσι Βρέττιοι καὶ Λευκανῶν τινές.
나머지 부분은 브레티오이인들과 루카니아인들 중 일부가 차지하는 지역이다.
φησὶ δὲ Πολύβιος πεζῇ μὲν εἶναι τὴν παραλίαν τὴν ἀπὸ Ἰαπυγίας μέχρι πορθμοῦ καὶ τρισχιλίων σταδίων, κλύζεσθαι δʼ αὐτὴν τῷ Σικελικῷ πελάγει, πλέοντι δὲ καὶ πεντακοσίων δέουσαν.
폴리비오스는 이아피기아에서 해협에 이르는 해안선이 육로로는 3,000스타디온이고 시켈리아해에 씻기며, 항해하는 자에게는 500스타디온이 모자란다고 말한다.
τὰ δὲ Ἀπέννινα ὄρη συνάψαντα τοῖς περὶ Ἀρίμινον καὶ Ἀγκῶνα τόποις καὶ ἀφορίσαντα τὸ ταύτῃ πλάτος τῆς Ἰταλίας ἀπὸ θαλάττης ἐπὶ θάλατταν ἐπιστροφὴν λαμβάνει πάλιν, καὶ τέμνει τὴν χώραν ὅλην ἐπὶ μῆκος.
아펜니노산맥은 아리미눔과 안콘 주변 지역과 합류하여 이 지점의 이탈리아 너비를 바다에서 바다까지 구획한 뒤, 다시 방향을 바꾸어 이 나라 전체를 세로로 가른다.
μέχρι μὲν δὴ Πευκετίων καὶ Λευκανῶν οὐ πολὺ ἀφίσταται τοῦ Ἀδρίου·
페우케티오이인들과 루카니아인들의 지역에 이르기까지는 아드리아해에서 그리 멀리 떨어져 있지 않다.
συνάψαντα δὲ Λευκανοῖς ἐπὶ τὴν ἑτέραν θάλατταν ἀποκλίνει μᾶλλον καὶ λοιπὸν διὰ μέσων τῶν Λευκανῶν καὶ Βρεττίων διεξιόντα τελευτᾷ πρὸς τὴν Λευκόπετραν τῆς Ῥηγίνης καλουμένην.
그러나 루카니아인들의 지역과 합류하면 다른 쪽 바다로 더 기울어지고, 나머지 부분은 루카니아인들과 브레티오이인들의 중간을 통과하여 레기온의 레우코페트라라 불리는 곳에서 끝난다.
τυπωδῶς μὲν οὖν εἴρηται περὶ τῆς νῦν Ἰταλίας ἁπάσης ταῦτα·
이와 같이 현재의 이탈리아 전체에 대해 대략적인 서술이 끝났다.
πειρασόμεθα δὲ ἀναλαβόντες εἰπεῖν περὶ τῶν καθʼ ἕκαστα, καὶ πρῶτον περὶ τῶν ὑπὸ ταῖς Ἄλπεσιν.
우리는 다시 개별적인 부분들, 그중에서도 먼저 알프스 아래에 있는 지역들에 대해 논하도록 하겠다.