§4.4.1μετὰ δὲ τὰ λεχθέντα ἔθνη τὰ λοιπὰ Βελγῶν ἐστιν ἔθνη τῶν παρωκεανιτῶν, ὧν Ὀυένετοι μέν εἰσιν οἱ ναυμαχήσαντες πρὸς Καίσαρα·
방금 언급된 부족들 다음으로는 대양 연안의 벨가인들의 남은 부족들이며, 그중 베네티인은 카이사르를 상대로 해전을 벌였던 자들이다.
ἕτοιμοι γὰρ ἦσαν κωλύειν τὸν εἰς τὴν Βρεττανικὴν πλοῦν χρώμενοι τῷ ἐμπορίῳ.
그들은 자신들의 무역항을 이용하여 브리타니아로 가는 항로를 방해할 준비가 되어 있었기 때문이다.
κατεναυμάχησε δὲ ῥᾳδίως, οὐκ ἐμβόλοις χρώμενος (ἦν γὰρ παχέα τὰ ξύλα) ἀλλʼ ἀνέμῳ φερομένων ἐπʼ αὐτὸν κατέσπων οἱ Ῥωμαῖοι τὰ ἱστία δορυδρεπάνοις·
그러나 카이사르는 해전에서 그들을 쉽게 물리쳤는데, 충각을 사용해서가 아니라 (선박의 목재가 두꺼웠기 때문이다), 바람에 실려 그들이 자신을 향해 돌진해 올 때, 로마인들이 낫이 달린 창으로 그들의 돛을 끌어내렸던 것이다.
ἦν γὰρ σκύτινα διὰ τὴν βίαν τῶν ἀνέμων· ἁλύσεις δʼ ἔτεινον ἀντὶ κάλων.
바람이 거셌기 때문에 돛은 가죽으로 되어 있었고, 그들은 밧줄 대신 쇠사슬을 팽팽하게 당겨 쓰고 있었다.
πλατύπυγα δὲ ποιοῦσι καὶ ὑψίπρυμνα καὶ ὑψόπρῳρα διὰ τὰς ἀμπώτεις, δρυΐνης ὕλης ἧς ἐστιν εὐπορία·
그들은 조석 간만의 차 때문에 배를 평평한 바닥으로 만들고 고물과 이물을 높게 만드는데, 이에는 풍부하게 존재하는 참나무 목재를 사용한다.
διόπερ οὐ συνάγουσι τὰς ἁρμονίας τῶν σανίδων, ἀλλʼ ἀραιώματα καταλείπουσι· ταῦτα δὲ βρύοις διανάττουσι τοῦ μὴ κατὰ τὰς νεωλκίας καπυροῦσθαι τὴν ὕλην μὴ νοτιζομένην, τοῦ μὲν βρύου νοτιωτέρου ὄντος τῇ φύσει, τῆς δὲ δρυὸς ξηρᾶς καὶ ἀλιποῦς.
그렇기 때문에 그들은 판자의 접합부를 밀착시키지 않고 틈새를 남겨 두는데, 배를 뭍으로 끌어올릴 때 물기가 닿지 않는 목재가 건조해져서 부서지기 쉬워지는 것을 막기 위해, 이 틈새에 이끼를 채워 넣는다. 이끼는 성질상 비교적 습기를 머금고 있는 반면, 참나무는 건조하고 기름기가 없기 때문이다.
τούτους οἶμαι τοὺς Ὀυενέτους οἰκιστὰς εἶναι τῶν κατὰ τὸν Ἀδρίαν·
나는 이 베네티인이 아드리아해 연안의 베네티인의 이주민들이라고 생각한다.
καὶ γὰρ οἱ ἄλλοι πάντες σχεδόν τι οἱ ἐν τῇ Ἰταλίᾳ Κελτοὶ μετανέστησαν ἐκ τῆς ὑπὲρ τῶν Ἄλπεων γῆς, καθάπερ καὶ οἱ Βόιοι καὶ Σένονες·
이탈리아에 있는 다른 거의 모든 켈트인들이 보이인들이나 세노네스인들과 마찬가지로 알프스 너머의 땅에서 이주해 왔기 때문이다.
διὰ δὲ τὴν ὁμωνυμίαν Παφλαγόνας φασὶν αὐτούς.
그러나 이름이 같다는 이유로 사람들은 그들을 파플라고니아인의 후손이라고 말한다.
λέγω δʼ οὐκ ἰσχυριζόμενος·
내가 이 말을 단정적으로 하는 것은 아니다.
ἀρκεῖ γὰρ περὶ τῶν τοιούτων τὸ εἰκός.
그러한 일들에 대해서는 그럴듯함으로 충분하기 때문이다.
Ὀσίσμιοι δʼ εἰσίν, οὓς τιμίους ὀνομάζει Πυθέας, ἐπί τινος προπεπτωκυίας ἱκανῶς ἄκρας εἰς τὸν ὠκεανὸν οἰκοῦντες, οὐκ ἐπὶ τοσοῦτον δὲ ἐφʼ ὅσον ἐκεῖνος φησι καὶ οἱ πιστεύσαντες ἐκείνῳ.
또한 오시스미오이인이 있는데, 이들을 피테아스는 티미오이인이라 부르며, 대양으로 꽤 길게 돌출된 어느 곶에 살고 있지만, 그와 그를 믿은 사람들이 말하는 것만큼 크게 돌출되어 있는 것은 아니다.
τῶν δὲ μεταξὺ ἐθνῶν τοῦ τε Σηκοάνα καὶ τοῦ Λίγηρος οἱ μὲν τοῖς Σηκοανοῖς οἱ δὲ τοῖς Ἀρουέρνοις ὁμοροῦσι.
세코아나스강과 리게르강 사이에 있는 부족들 중 일부는 세코아노이인들과 인접하고 일부는 아루에르노이인들과 인접해 있다.
§4.4.2τὸ δὲ σύμπαν φῦλον, ὃ νῦν Γαλλικόν τε καὶ Γαλατικὸν καλοῦσιν, ἀρειμάνιόν ἐστι καὶ θυμικόν τε καὶ ταχὺ πρὸς μάχην, ἄλλως δὲ ἁπλοῦν καὶ οὐ κακόηθες.
현재 갈리아인 혹은 갈라티아인이라 불리는 종족 전체는 전투를 좋아하고 격정적이며 싸움에 빠른 반면, 그 외에는 단순하고 악의가 없다.
διὰ δὲ τοῦτο ἐρεθισθέντες μὲν ἀθρόοι συνίασι πρὸς τοὺς ἀγῶνας καὶ φανερῶς καὶ οὐ μετὰ περισκέψεως, ὥστε καὶ εὐμεταχείριστοι γίνονται τοῖς καταστρατηγεῖν ἐθέλουσι·
이 때문에 그들은 자극을 받으면 집단으로 일제히, 그리고 공공연하게 심사숙고 없이 싸움에 나서며, 그리하여 계략으로 그들을 제압하려는 자들에게 다루기 쉬운 존재가 된다.
καὶ γὰρ ὅτε βούλεται καὶ ὅπου καὶ ἀφʼ ἧς ἔτυχε προφάσεως παροξύνας τις αὐτοὺς ἑτοίμους ἔσχε πρὸς τὸν κίνδυνον, πλὴν βίας καὶ τόλμης οὐδὲν ἔχοντας τὸ συναγωνιζόμενον.
왜냐하면 원하는 때에, 원하는 곳에서, 우연히 생긴 어떤 구실로든 누군가 그들을 격분시키면 그들이 위험에 맞설 준비를 시킬 수 있었기 때문인데, 그들은 힘과 대담함 외에는 싸움에 도움이 되는 것을 아무것도 가지고 있지 않다.
παραπεισθέντες δὲ εὐμαρῶς ἐνδιδόασι πρὸς τὸ χρήσιμον, ὥστε καὶ παιδείας ἅπτεσθαι καὶ λόγων.
그러나 설득을 받으면 그들은 유익한 일에 쉽게 굴복하며, 그리하여 교육과 학문에 손을 대기에 이른다.
τῆς δὲ βίας τὸ μὲν ἐκ τῶν σωμάτων ἐστὶ μεγάλων ὄντων, τὸ δʼ ἐκ τοῦ πλήθους·
그들의 힘 중 일부는 거대한 육체에서 나오고, 일부는 그들의 머릿수에서 나온다.
συνίασι δὲ κατὰ πλῆθος ῥᾳδίως διὰ τὸ ἁπλοῦν καὶ αὐθέκαστον, συναγανακτούντων τοῖς ἀδικεῖσθαι δοκοῦσιν ἀεὶ τῶν πλησίον.
또한 그들이 쉽게 대집단으로 모이는 것은 단순함과 일치단결하는 성품 때문인데, 부당한 대우를 받는 것처럼 보이는 이들에게 이웃들이 언제나 공감하여 함께 분개하기 때문이다.
νυνὶ μὲν οὖν ἐν εἰρήνῃ πάντες εἰσὶ δεδουλωμένοι καὶ ζῶντες κατὰ τὰ προστάγματα τῶν ἑλόντων αὐτοὺς Ῥωμαίων, ἀλλʼ ἐκ τῶν παλαιῶν χρόνων τοῦτο λαμβάνομεν περὶ αὐτῶν καὶ τῶν μέχρι νῦν συμμενόντων παρὰ τοῖς Γερμανοῖς νομίμων.
비록 지금은 그들 모두가 평화를 누리며 자신들을 정복한 로마인들의 명령에 따라 복종하며 살고 있지만, 우리는 그들에 대한 이 특징을 옛 시절로부터, 그리고 현재까지 게르만인들 사이에 남아 있는 관습을 통해 파악하고 있다.
καὶ γὰρ τῇ φύσει καὶ τοῖς πολιτεύμασιν ἐμφερεῖς εἰσι καὶ συγγενεῖς ἀλλήλοις οὗτοι, ὅμορόν τε οἰκοῦσι χώραν διοριζομένην τῷ Ῥήνῳ ποταμῷ καὶ παραπλήσια ἔχουσαν τὰ πλεῖστα.
그들은 천성으로나 사회 체제로나 서로 닮았고 친척 관계에 있으며, 라인강으로 경계 지어지고 대부분의 면에서 매우 유사한 인접한 영토를 차지하고 살고 있기 때문이다.
ἀρκτικωτέρα δʼ ἐστὶν ἡ Γερμανία, κρινομένων τῶν τε νοτίων μερῶν πρὸς τὰ νότια καὶ τῶν ἀρκτικῶν πρὸς τὰ ἀρκτικά.
다만 게르마니아 쪽이 더 북쪽에 위치해 있다 (남쪽 부분을 남쪽 부분과, 북쪽 부분을 북쪽 부분과 비교해 볼 때 그렇다).
διὰ τοῦτο δὲ καὶ τὰς μεταναστάσεις αὐτῶν ῥαδίως ὑπάρχειν συμβαίνει, φερομένων ἀγεληδὸν καὶ πανστρατιᾷ, μᾶλλον δὲ καὶ πανοικίων ἐξαιρόντων, ὅταν ὑπʼ ἄλλων ἐκβάλλωνται κρειττόνων.
이 때문에 그들의 이주가 쉽게 일어나는 일이 발생하는데, 무리를 짓고 전 군세로, 더 나아가 온 가족과 함께 가산을 정리하여 떠나기 때문이며, 이는 다른 더 강한 자들에 의해 쫓겨날 때 일어난다.
οἵ τε Ῥωμαῖοι πολὺ ῥᾷον τούτους ἐχειρώσαντο ἢ τοὺς Ἴβηρας·
로마인들은 이베리아인들을 굴복시키는 것보다 이들을 제압하기가 훨씬 쉬웠다.
καὶ γὰρ ἤρξαντο πρότερον καὶ ἐπαύσαντο ὕστερον ἐκείνοις πολεμοῦντες, τούτους δʼ ἐν τῷ μεταξὺ χρόνῳ πάντας κατέλυσαν, τοὺς ἀνὰ μέσον Ῥήνου καὶ τῶν Πυρηναίων ὀρῶν σύμπαντας.
로마인들은 이베리아인들을 상대로는 더 일찍 전쟁을 시작해서 더 늦게 끝낸 반면, 이들 갈리아인들, 즉 라인강과 피레네산맥 사이에 있는 자들 전체는 그 중간의 기간에 모두 멸망시켰기 때문이다.
ἀθρόοι γὰρ καὶ κατὰ πλῆθος ἐμπίπτοντες ἀθρόοι κατελύοντο, οἱ δʼ ἐταμίευον καὶ κατεκερμάτιζον τοὺς ἀγῶνας, ἄλλοτε ἄλλοι καὶ κατʼ ἄλλα μέρη λῃστρικῶς πολεμοῦντες.
갈리아인들은 한꺼번에 무리를 지어 덤벼들었기에 일거에 진압되었으나, 이베리아인들은 싸움을 쪼개고 가늘게 분산시켜서, 각기 다른 시기에 각기 다른 지역에서 게릴라식으로 전쟁을 치렀기 때문이다.
εἰσὶ μὲν οὖν μαχηταὶ πάντες τῇ φύσει, κρείττους δʼ ἱππόται ἢ πεζοί, καὶ ἔστι Ῥωμαίοις τῆς ἱππείας ἀρίστη παρὰ τούτων.
그러므로 그들은 모두 천성적으로 전사들이지만, 보병보다 기병으로 더 뛰어나며, 로마인들에게 가장 우수한 기병은 이들에게서 나온다.
ἀεὶ δὲ οἱ προσβορρότεροι καὶ παρωκεανῖται μαχιμώτεροι.
그리고 언제나 더 북쪽에 있는 자들과 대양 연안의 주민들이 더 호전적이다.