§4.3.4μετὰ δὲ τοὺς Ἐλουηττίους Σηκοανοὶ καὶ Μεδιοματρικοὶ κατοικοῦσι τὸν Ῥῆνον, ἐν οἷς ἵδρυται Γερμανικὸν ἔθνος περαιωθὲν ἐκ τῆς οἰκείας Τρίβοκχοι.
헬베티인들 다음으로는 세코아노이인들과 메디오마트리코이인들이 라인강 연안에 거주하는데, 이들 가운데에는 자신들의 본토로부터 건너온 게르만 부족인 트리보크코이인들이 정착해 살고 있다.
ἐν δὲ τοῖς Σηκοανοῖς ἐστι τὸ ὄρος ὁ Ἰουράσιος, διορίζει δʼ Ἐλουηττίους καὶ Σηκοανούς.
세코아노이인들의 영토에는 유라시오스산이 있는데, 이는 헬베티인들과 세코아노이인들을 갈라놓는다.
ὑπὲρ οὖν τῶν Ἐλουηττίων καὶ τῶν Σηκοανῶν Αἴδουοι καὶ Λίγγονες οἰκοῦσι πρὸς δύσιν, ὑπὲρ δὲ τῶν Μεδιοματρικῶν Λεῦκοι καὶ τῶν Λιγγόνων τι μέρος.
따라서 헬베티인들과 세코아노이인들의 위쪽(서쪽)에는 아이두오이인들과 링고네스인들이 서쪽을 향해 살고 있고, 메디오마트리코이인들의 위쪽에는 레우코이인들과 링고네스인들의 일부가 살고 있다.
τὰ δὲ μεταξὺ ἔθνη τοῦ τε Λίγηρος καὶ τοῦ Σηκοάνα ποταμοῦ τὰ πέραν τοῦ Ῥοδανοῦ τε καὶ τοῦ Ἄραρος παράκειται πρὸς ἄρκτον τοῖς τε Ἀλλόβριξι καὶ τοῖς περὶ τὸ Λούγδουνον·
리게르강과 세코아나스강 사이에 있는 부족들, 즉 로다노스강과 아라르강 건너편에 있는 부족들은 북쪽으로 알로브리게스인들과 루그두눔 주변 사람들에게 인접해 있다.
τούτων δʼ ἐπιφανέστατόν ἐστι τὸ τῶν Ἀρουέρνων καὶ τὸ τῶν Καρνούτων, διʼ ὧν ἀμφοῖν ἐνεχθεὶς ὁ Λίγηρ εἰς τὸν ὠκεανὸν ἔξεισι.
이들 중에서 가장 유명한 것은 아루에르노이인들과 카르누테스인들의 부족인데, 리게르강은 이 두 부족의 영토를 모두 가로질러 흘러 대양으로 빠져나간다.
δίαρμα δʼ ἐστὶν εἰς τὴν Βρεττανικὴν ἀπὸ τῶν ποταμῶν τῆς Κελτικῆς εἴκοσι καὶ τριακόσιοι στάδιοι·
켈트 지방의 강들로부터 브리타니아로 건너가는 뱃길은 320스타디온이다.
ὑπὸ γὰρ τὴν ἄμπωτιν ἀφʼ ἑσπέρας ἀναχθέντες τῇ ὑστεραίᾳ περὶ ὀγδόην ὥραν καταίρουσιν εἰς τὴν νῆσον.
썰물 때 저녁에 출항하면, 다음 날 여덟 시쯤 그 섬에 상륙하기 때문이다.
μετὰ δὲ τοὺς Μεδιοματρικοὺς καὶ Τριβόκχους παροικοῦσι τὸν Ῥῆνον Τρήουιροι, καθʼ οὓς πεποίηται τὸ ζεῦγμα ὑπὸ τῶν Ῥωμαίων νυνὶ τῶν στρατηγούντων τὸν Γερμανικὸν πόλεμον.
메디오마트리코이인들과 트리보크코이인들 다음으로는 트레우이로이인들이 라인강 연안에 사는데, 이들의 구역에는 현재 게르만 전쟁을 지휘하는 로마인들에 의해 다리가 놓여 있다.
πέραν δὲ ᾤκουν Οὔβιοι κατὰ τοῦτον τὸν τόπον, οὓς μετήγαγεν Ἀγρίππας ἑκόντας εἰς τὴν ἐντὸς τοῦ Ῥήνου.
이곳 맞은편 강 건너에는 우비오이인들이 살았는데, 아그리파가 그들의 동의하에 그들을 라인강 안쪽으로 이주시켰다.
Τρηουίροις δὲ συνεχεῖς Νέρουιοι, καὶ τοῦτο Γερμανικὸν ἔθνος·
트레우이로이인들과 인접해 있는 것은 네루이오이인들이며, 이 또한 게르만 부족이다.
τελευταῖοι δὲ Μενάπιοι πλησίον τῶν ἐκβολῶν ἐφʼ ἑκάτερα τοῦ ποταμοῦ κατοικοῦντες ἕλη καὶ δρυμοὺς οὐχ ὑψηλῆς ἀλλὰ πυκνῆς ὕλης καὶ ἀκανθώδους.
마지막으로 메나피오이인들이 살고 있는데, 이들은 강구 근처 강 양편에 걸쳐, 높지는 않으나 울창하고 가시가 많은 나무들로 이루어진 숲과 습지에 살고 있다.
κατὰ τούτους δʼ ἵδρυνται Σούγαμβροι Γερμανοί.
이들 맞은편에는 게르만인들인 수감브로이인들이 정착해 살고 있다.
πάσης δʼ ὑπέρκεινται τῆς ποταμίας ταύτης οἱ Σόηβοι προσαγορευόμενοι Γερμανοὶ καὶ δυνάμει καὶ πλήθει διαφέροντες τῶν ἄλλων, ὑφʼ ὧν οἱ ἐξελαυνόμενοι κατέφευγον εἰς τὴν ἐντὸς τοῦ Ῥήνου νυνί·
이 강가 지역 전체 위쪽에는 수에보이라고 불리는 게르만인들이 머물고 있는데, 이들은 권력과 인구 수에서 다른 이들보다 뛰어나며, 이들에 의해 쫓겨난 이들이 현재 라인강 안쪽으로 피해 오고 있다.
καὶ ἄλλοι δὲ κατʼ ἄλλους τόπους δυναστεύουσι καὶ διαδέχονται τὰ ζώπυρα τοῦ πολέμου τῶν πρώτων ἀεὶ καταλυομένων.
또한 다른 이들도 저마다의 곳에서 권력을 쥐고 있으며, 먼저 일어난 자들이 늘 멸망함에 따라 전쟁의 불씨를 이어받고 있다.
§4.3.5τῶν δὲ Τρηουίρων καὶ Νερουίων Σένονες καὶ Ῥῆμοι πρὸς ἑσπέραν οἰκοῦσιν, ἔτι δʼ Ἀτρεβάτιοι καὶ Ἐβούρωνες·
트레우이로이인들과 네루이오이인들의 서쪽에는 세노네스인들과 레모이인들이 살고 있으며, 또한 아트레바티오이인들과 에부로네스인들도 살고 있다.
τοῖς Μεναπίοις δʼ εἰσὶ συνεχεῖς ἐπὶ τῇ θαλάττῃ Μορῖνοι καὶ Βελλοάκοι καὶ Ἀμβιανοὶ καὶ Σουεσσίωνες καὶ Κάλετοι μέχρι τῆς ἐκβολῆς τοῦ Σηκοάνα ποταμοῦ.
메나피오이인들과 인접하여 바닷가에는 모리노이인들, 벨로아코이인들, 암비아노이인들, 수에시오네스인들, 그리고 칼레토이인들이 세코아나스강의 강구에 이르기까지 펼쳐져 있다.
ἐμφερὴς δʼ ἐστὶ τῇ τῶν Μεναπίων ἥ τε τῶν Μορίνων καὶ ἡ τῶν Ἀτρεβατίων καὶ Ἐβουρώνων·
모리노이인들의 영토를 비롯하여 아트레바티오이인들과 에부로네스인들의 영토는 메나피오이인들의 영토와 유사하다.
ὕλη γάρ ἐστιν οὐχ ὑψηλῶν δένδρων πολλὴ μὲν οὐ τοσαύτη δὲ ὅσην οἱ συγγραφεῖς εἰρήκασι, τετρακισχιλίων σταδίων, καλοῦσι δʼ αὐτὴν Ἀρδουένναν·
높지 않은 나무들로 이루어진 숲이 있는데, 참으로 넓기는 하나 역사가들이 말한 4,000스타디온만큼 크지는 않으며, 사람들은 이를 아르두엔나라고 부른다.
κατὰ δὲ τὰς πολεμικὰς ἐφόδους συμπλέκοντες τὰς τῶν θάμνων λύγους βατώδεις οὔσας ἀπέφραττον τὰς παρόδους.
전쟁으로 침략을 받을 때면, 그들은 가시덤불 같은 관목의 유연한 가지들을 엮어서 통로를 막아 버리곤 했다.
ἔστι δʼ ὅπου καὶ σκόλοπας κατέπηττον, αὐτοὶ δὲ κατέδυνον εἰς τὰ βάθη πανοίκιοι, νησίδια ἔχοντες ἐν τοῖς ἕλεσι·
어떤 곳에는 말뚝을 박아 두기도 했으며, 자신들은 온 가족과 함께 그 깊은 곳으로 숨어들어 습지 안의 작은 섬들에 자리를 잡았다.
ἐν μὲν οὖν ταῖς ἐπομβρίαις ἀσφαλεῖς τὰς καταφυγὰς εἶχον, ἐν δὲ τοῖς αὐχμοῖς ἡλίσκοντο ῥᾳδίως·
그리하여 비가 많이 내리는 철에는 안전한 피난처를 가졌으나, 가뭄이 들 때면 쉽게 붙잡혔다.
νυνὶ δʼ ἅπαντες οἱ ἐντὸς Ῥήνου καθʼ ἡσυχίαν ὄντες ὑπακούουσι Ῥωμαίων.
하지만 이제 라인강 안쪽에 있는 모든 이들은 평온을 누리며 로마인들에게 복종하고 있다.
περὶ δὲ τὸν Σηκοάναν ποταμόν εἰσι καὶ οἱ Παρίσιοι, νῆσον ἔχοντες ἐν τῷ ποταμῷ καὶ πόλιν Λουκοτοκίαν, καὶ Μέλδοι καὶ Ληξόουιοι, παρωκεανῖται οὗτοι.
또한 세코아나스강 주변에는 파리시오이인들도 살고 있는데, 이들은 강 안의 섬과 루코토키아라는 도시를 가지고 있으며, 멜도이인들과 대양 연안 주민들인 렉소우이오이인들도 그곳에 살고 있다.
ἀξιολογώτατον δʼ ἐστὶν ἔθνος τῶν ταύτῃ Ῥῆμοι, καὶ ἡ μητρόπολις αὐτῶν Δουρικορτόρα μάλιστα συνοικεῖται καὶ δέχεται τοὺς τῶν Ῥωμαίων ἡγεμόνας.
이 지역의 부족들 중 가장 주목할 만한 것은 레모이인들의 부족이며, 이들의 도읍인 두리코르토라는 매우 번창하여 로마 총독들을 맞이한다.