§2.5.7τούτοις δὲ συνῳδά πώς ἐστι καὶ τὰ ὑπὸ Ἱππάρχου λεγόμενα·
이러한 서술들과 히파르코스가 말한 바 또한 어느 정도 일치한다.
φησὶ γὰρ ἐκεῖνος, ὑποθέμενος τὸ μέγεθος τῆς γῆς ὅπερ εἶπεν Ἐρατοσθένης, ἐντεῦθεν δεῖν ποιεῖσθαι τὴν τῆς οἰκουμένης ἀφαίρεσιν·
왜냐하면 그는 에라토스테네스가 말한 지구의 크기를 가정하고서, 이로부터 거주 세계의 공제를 행해야 한다고 말하기 때문이다.
οὐ γὰρ πολὺ διοίσειν πρὸς τὰ φαινόμενα τῶν οὐρανίων καθʼ ἑκάστην τὴν οἴκησιν οὕτως ἔχειν τὴν ἀναμέτρησιν, ἢ ὡς οἱ ὕστερον ἀποδεδώκασιν.
측정치가 이와 같든 혹은 후대 사람들이 제시한 바와 같든 간에, 각 거주지마다 하늘의 현상(천문 현상)이 나타나는 데에는 그리 큰 차이가 없을 것이기 때문이다.
ὄντος δὴ κατʼ Ἐρατοσθένη τοῦ ἰσημερινοῦ κύκλου σταδίων μυριάδων πέντε καὶ εἴκοσι καὶ δισχιλίων, τὸ τεταρτημόριον εἴη ἂν ἓξ μυριάδες καὶ τρισχίλιοι·
에라토스테네스에 따르면 적도원이 25만 2,000스타디온이므로, 그 4분의 1은 6만 3,000스타디온이 될 것이다.
τοῦτο δέ ἐστι τὸ ἀπὸ τοῦ ἰσημερινοῦ ἐπὶ τὸν πόλον πεντεκαίδεκα ἑξηκοντάδων, οἵων ἐστὶν ὁ ἰσημερινὸς ἑξήκοντα, τὸ δʼ ἀπὸ τοῦ ἰσημερινοῦ ἐπὶ τὸν θερινὸν τροπικὸν τεττάρων·
이것은 적도에서 극까지의 거리로서, 적도 전체를 60개로 두었을 때의 15개의 60분획에 해당한다. 그리고 적도에서 하지 회귀선까지의 거리는 4분획이다.
οὗτος δʼ ἐστὶν ὁ διὰ Συήνης γραφόμενος παράλληλος.
그리고 이것이 시에네를 통과하여 그려지는 평행선이다.
συλλογίζεται δὴ τὰ καθʼ ἕκαστα διαστήματα ἐκ τῶν φαινομένων μέτρων·
그는 관측된 측정치로부터 개별 거리들을 추산한다.
τὸν μὲν γὰρ τροπικὸν κατὰ Συήνην κεῖσθαι συμβαίνει, διότι ἐνταῦθα κατὰ τὰς θερινὰς τροπὰς ἄσκιός ἐστιν ὁ γνώμων μέσης ἡμέρας·
회귀선은 시에네에 위치하게 되는데, 이곳에서는 하지 때 정오에 노몬(해시계 바늘)의 그림자가 없기 때문이다.
ὁ δὲ διὰ τῆς Συήνης μεσημβρινὸς γράφεται μάλιστα διὰ τῆς τοῦ Νείλου ῥύσεως ἀπὸ Μερόης ἕως Ἀλεξανδρείας·
그리고 시에네를 통과하는 자오선은 대개 메로에에서 알렉산드리아에 이르는 나일강의 흐름을 따라 그려진다.
στάδιοι δʼ εἰσὶν οὗτοι περὶ μυρίους·
이 거리는 약 1만 스타디온이다.
κατὰ μέσον δὲ τὸ διάστημα τὴν Συήνην ἱδρῦσθαι συμβαίνει, ὥστʼ ἐντεῦθεν ἐπὶ Μερόην πεντακισχίλιοι.
시에네는 이 거리의 한가운데에 위치하게 되므로, 여기서 메로에까지는 5,000스타디온이다.
προϊόντι δʼ ἐπʼ εὐθείας ὅσον τρισχιλίους σταδίους ἐπὶ μεσημβρίαν οὐκέτʼ οἰκήσιμα τἆλλά ἐστι διὰ καῦμα, ὥστε τὸν διὰ τούτων τῶν τόπων παράλληλον, τὸν αὐτὸν ὄντα τῷ διὰ τῆς Κινναμωμοφόρου, πέρας καὶ ἀρχὴν δεῖ τίθεσθαι τῆς καθʼ ἡμᾶς οἰκουμένης πρὸς μεσημβρίαν.
남쪽으로 직선으로 약 3,000스타디온을 더 나아가면, 다른 지역들은 더위 때문에 더 이상 거주할 수 없게 된다. 따라서 이 지역들을 통과하는 평행선(이는 시나몬 생산지를 통과하는 것과 동일한데)을 우리 거주 세계의 남쪽 한계이자 시작점으로 설정해야 한다.
ἐπεὶ οὖν πεντακισχίλιοι μέν εἰσιν οἱ ἀπὸ Συήνης εἰς Μερόην, ἄλλοι δὲ προσγεγόνασι τρισχίλιοι, εἶεν ἂν οἱ πάντες ἐπὶ τοὺς ὅρους τῆς οἰκουμένης ὀκτακισχίλιοι.
그러므로 시에네에서 메로에까지가 5,000스타디온이고 여기에 또 다른 3,000스타디온이 더해졌으므로, 거주 세계의 경계까지는 모두 합해 8,000스타디온이 될 것이다.
ἐπὶ δέ γε τὸν ἰσημερινὸν ἀπὸ Συήνης μύριοι ἑξακισχίλιοι ὀκτακόσιοι (τοσοῦτοι γάρ εἰσιν οἱ τῶν τεττάρων ἑξηκοντάδων, τεθείσης ἑκάστης τετρακισχιλίων καὶ διακοσίων), ὥστε λοιποὶ εἶεν ἂν ἀπὸ τῶν ὅρων τῆς οἰκουμένης ἐπὶ τὸν ἰσημερινὸν ὀκτακισχίλιοι ὀκτακόσιοι, ἀπὸ δὲ Ἀλεξανδρείας δισμύριοι χίλιοι ὀκτακόσιοι.
반면 시에네에서 적도까지는 1만 6,800스타디온이다(각 분획을 4,200스타디온으로 두었을 때 4분획의 값이 이와 같기 때문이다). 따라서 거주 세계의 경계에서 적도까지의 남은 거리는 8,800스타디온이 될 것이며, 알렉산드리아에서 [적도까지]는 2만 1,800스타디온이 될 것이다.
πάλιν δʼ ἀπὸ τῆς Ἀλεξανδρείας ἐπʼ εὐθείας τῇ ῥύσει τοῦ Νείλου πάντες ὁμολογοῦσι τὸν ἐπὶ Ῥόδον πλοῦν κἀντεῦθεν δὲ τὸν τῆς Καρίας παράπλουν καὶ Ἰωνίας μέχρι τῆς Τρῳάδος καὶ Βυζαντίου καὶ Βορυσθένους.
다시 알렉산드리아에서 나일강의 흐름과 일직선상으로 로도스섬으로 가는 항로, 그리고 거기서부터 트로아스와 비잔티온 및 보리스테네스에 이르는 카리아와 이오니아 연안 항로에 대해서는 모두가 동의한다.
λαβόντες οὖν τὰ διαστήματα γνώριμα καὶ πλεόμενα σκοποῦσι τὰ ὑπὲρ τοῦ Βορυσθένους ἐπʼ εὐθείας ταύτῃ τῇ γραμμῇ μέχρι τίνος οἰκήσιμά ἐστι, καὶ περατοῖ τὰ προσάρκτια μέρη τῆς οἰκουμένης.
그리하여 이 거리들을 잘 알려져 있고 항해 가능한 것으로 받아들인 뒤, 그들은 보리스테네스 너머 이 선과 일직선상에 있는 지역이 어디까지 거주 가능한지를 조사하며, 이것이 거주 세계의 북쪽 지역을 제한한다.
οἰκοῦσι δʼ ὑπὲρ τοῦ Βορυσθένους ὕστατοι τῶν γνωρίμων Σκυθῶν Ῥωξολανοί, νοτιώτεροι ὄντες τῶν ὑπὲρ τῆς Βρεττανικῆς ἐσχάτων γνωριζομένων·
보리스테네스 너머에는 알려진 스키타이인 중 가장 마지막으로 록솔라니족이 거주하고 있는데, 이들은 브리타니아 너머 알려진 가장 먼 이들보다 더 남쪽에 있다.
ἤδη δὲ τἀπέκεινα διὰ ψῦχος ἀοίκητά ἐστι·
그리고 이 너머 지역은 이미 추위 때문에 거주할 수 없다.
νοτιώτεροι δὲ τούτων καὶ οἱ ὑπὲρ τῆς Μαιώτιδος Σαυρομάται καὶ Σκύθαι μέχρι τῶν ἑῴων Σκυθῶν.
이들보다 더 남쪽에는 마이오티스 너머의 사우로마타이족과 동방의 스키타이인에 이르기까지의 스키타이인들이 있다.