§17.1.54Ἐπειδὴ δὲ οἱ Αἰθίοπες καταφρονήσαντες τῷ μέρος τι τῆς ἐν Αἰγύπτῳ δυνάμεως ἀπεσπάσθαι μετὰ Γάλλου Αἰλίου πολεμοῦντος πρὸς τοὺς Ἄραβας, ἐπῆλθον τῇ Θηβαΐδι καὶ τῇ φρουρᾷ τῶν τριῶν σπειρῶν τῶν κατὰ Συήνην καὶ ἑλόντες ἔφθασαν τήν τε Συήνην καὶ τὴν Ἐλεφαντίνην καὶ Φιλὰς ἐξ ἐφόδου διὰ τὸ αἰφνίδιον καὶ ἐξηνδραποδίσαντο, ἀνέσπασαν δὲ καὶ τοὺς Καίσαρος ἀνδριάντας, ἐπελθὼν ἐλάττοσιν ἢ μυρίοις πεζοῖς Πετρώνιος, ἱππεῦσι δὲ ὀκτακοσίοις πρὸς ἄνδρας τρισμυρίους, πρῶτον μὲν ἠνάγκασεν ἀναφυγεῖν αὐτοὺς εἰς Ψέλχιν πόλιν Αἰθιοπικήν, καὶ πρεσβεύεται τά τε ληφθέντα ἀπαιτῶν καὶ τὰς αἰτίας διʼ ἃς ἦρξαν πολέμου·
에티오피아인들은 아라비아인들과 전쟁을 벌이고 있던 아이리우스 갈루스와 함께 에집트 주둔군의 일부가 차출된 것을 보고 얕잡아 보아, 테바이스와 수에네에 있던 3개 보병대대의 수비대를 습격하였고, 기습적이었던 탓에 돌격하여 수에네와 엘레판티네 및 필라이를 선점하여 함락시키고 주민들을 노예로 삼았으며 카이사르의 조각상들을 끌어내렸다. 이에 페트로니우스가 1만 명에 못 미치는 보병과 800명의 기병을 이끌고 3만 명의 적군을 향해 진군하여, 먼저 그들을 에티오피아의 도시 프셀키스로 퇴각하게 만들고, 사절을 보내 약탈당한 물건들의 반환과 그들이 전쟁을 일으킨 이유를 요구했다.
λεγόντων δʼ ὡς ἀδικοῖντο ὑπὸ τῶν νομάρχων, ἀλλʼ οὐκ ἔφη τούτους ἡγεμόνας εἶναι τῆς χώρας ἀλλὰ Καίσαρα·
그들이 지방관들에게 부당한 대우를 받았다고 말하자, 그는 그들이 이 나라의 지배자가 아니라 카이사르가 지배자라고 말했다.
αἰτησαμένων δʼ ἡμέρας τρεῖς εἰς βουλὴν καὶ μηδὲν ὧν ἐχρῆν ποιούντων, προσβαλὼν ἠνάγκασε προελθεῖν εἰς μάχην, ταχὺ δὲ τροπὴν ἐποίησε συντεταγμένων τε κακῶς καὶ ὡπλισμένων·
그들이 협의를 위해 사흘의 시간을 요구하고도 마땅히 해야 할 일을 아무것도 하지 않자, 그는 공격을 가해 그들을 전투로 끌어내었고, 전열이 엉성하고 무장도 빈약한 그들을 신속하게 패주시켰다.
μεγάλους γὰρ εἶχον θυρεούς, καὶ τούτους ὠμοβοΐνους, ἀμυντήρια δὲ πελέκεις, οἱ δὲ κοντούς, οἱ δὲ καὶ ξίφη.
왜냐하면 그들은 생소 가죽으로 만든 커다란 방패를 가지고 있었고, 무기로는 도끼를, 어떤 이들은 창을, 어떤 이들은 칼을 가지고 있었기 때문이다.
τινὲς μὲν οὖν εἰς τὴν πόλιν συνηλάθησαν, οἱ δʼ εἰς τὴν ἐρημίαν ἔφυγον, τινὰς δὲ νῆσος πλησίον ὑπεδέξατο ἐμβάντας εἰς τὸν πόρον·
그리하여 어떤 이들은 도시 안으로 몰렸고, 다른 이들은 황야로 도망쳤으며, 어떤 이들은 수로로 들어가 인근 섬으로 피신했다.
οὐ γὰρ πολλοὶ ἦσαν ἐνταῦθα οἱ κροκόδειλοι διὰ τὸν ῥοῦν.
왜냐하면 그곳은 물살이 세서 악어가 그리 많지 않았기 때문이다.
τούτων δʼ ἦσαν καὶ οἱ τῆς βασιλίσσης στρατηγοὶ τῆς Κανδάκης, ἣ καθʼ ἡμᾶς ἦρξε τῶν Αἰθιόπων, ἀνδρική τις γυνὴ πεπηρωμένη τὸν ἕτερον τῶν ὀφθαλμῶν·
이들 중에는 우리 시대에 에티오피아인들을 통치했던, 한쪽 눈을 잃은 여장부인 칸다케 여왕의 장군들도 있었다.
τούτους τε δὴ ζωγρίᾳ λαμβάνει ἅπαντας ἐπιπλεύσας σχεδίαις τε καὶ ναυσί, καὶ καταπέμπει παραχρῆμα εἰς Ἀλεξάνδρειαν, ἐπελθών τε τὴν Ψέλχιν αἱρεῖ·
그는 뗏목과 배를 타고 건너가 그들을 모두 생포하여 즉시 알렉산드리아로 보냈고, 진군하여 프셀키스마저 함락했다.
προσαριθμουμένου δὲ τοῖς ἑαλωκόσι τοῦ πλήθους τῶν πεσόντων ἐν τῇ μάχῃ, τοὺς σωθέντας ὀλίγους παντάπασι γενέσθαι συνέβη.
사로잡힌 자들의 수에 전투에서 전사한 자들의 수가 더해지면서, 살아남은 자는 완전히 극소수가 되고 말았다.
ἐκ δὲ Ψέλχιος ἧκεν εἰς Πρῆμνιν ἐρυμνὴν πόλιν διελθὼν τοὺς θῖνας, ἐν οἷς ὁ Καμβύσου κατεχώσθη στρατὸς ἐμπεσόντος ἀνέμου·
프셀키스에서 그는 모래언덕을 지나 요새 도시 프렘니스에 이르렀는데, 그 모래언덕 속에는 바람이 몰아쳤을 때 캄비세스의 군대가 파묻힌 일이 있었다.
προσβαλὼν δὲ ἐξ ἐφόδου τὸ φρούριον αἱρεῖ, καὶ μετὰ ταῦτα ὥρμησεν ἐπὶ Ναπάτων·
돌격하여 요새를 함락한 후, 그는 이어서 나파타로 향했다.
τοῦτο δʼ ἦν τὸ βασίλειον τῆς Κανδάκης, καὶ ἦν ἐνταῦθα υἱὸς αὐτῆς· καὶ αὐτὴ δʼ ἔν τινι πλησίον ἵδρυτο χωρίῳ.
그곳은 칸다케의 왕궁이었고 그녀의 아들이 그곳에 있었으며, 그녀 자신은 인근의 한 장소에 머물고 있었다.
πρεσβευσαμένης δὲ περὶ φιλίας καὶ ἀποδούσης τοὺς ἐκ Συήνης αἰχμαλώτους καὶ τοὺς ἀνδριάντας, ἐπελθὼν λαμβάνει καὶ τὰ Νάπατα φυγόντος τοῦ παιδὸς καὶ κατασκάπτει·
그녀가 우호를 청하는 사절을 보내고 수에네에서 잡혀간 포로들과 조각상들을 돌려보냈음에도 불구하고, 그는 진군하여 아들이 도망친 나파타마저 점령하고 파괴했다.
ἐξανδραποδισάμενος δʼ ἀναστρέφει πάλιν εἰς τοὐπίσω μετὰ τῶν λαφύρων, δύσοδα κρίνας τὰ προσωτέρω·
그리고 주민들을 노예로 삼은 뒤, 더 전진하기에는 길의 통행이 어렵다고 판단하여 전리품을 챙겨 다시 뒤로 돌아섰다.
τὴν δὲ Πρῆμνιν τειχίσας βέλτιον, φρουρὰν ἐμβαλὼν καὶ τροφὴν δυεῖν ἐνιαυτῶν τετρακοσίοις ἀνδράσιν, ἀπῆρεν εἰς Ἀλεξάνδρειαν·
그는 프렘니스를 더 튼튼하게 성벽으로 둘러싸고, 400명의 병사를 위한 수비대와 2년 치의 식량을 배치한 뒤 알렉산드리아로 출발했다.
καὶ τῶν αἰχμαλώτων τοὺς μὲν ἐλαφυροπώλησε, χιλίους δὲ Καίσαρι ἔπεμψε νεωστὶ ἐκ Καντάβρων ἥκοντι, τοὺς δὲ νόσοι διεχρήσαντο.
그리고 포로들 중 일부는 전리품으로 매각했고, 최근 칸타브리아인들로부터 돌아온 카이사르에게 1000명을 보냈으며, 나머지는 질병으로 사망했다.
ἐν τούτῳ μυριάσι Κανδάκη πολλαῖς ἐπὶ τὴν φρουρὰν ἐπῆλθε·
그사이에 칸다케가 수만 명의 대군을 이끌고 수비대를 덮쳤다.
Πετρώνιος δʼ ἐξεβοήθησε καὶ φθάνει προσελθὼν εἰς τὸ φρούριον, καὶ πλείοσι παρασκευαῖς ἐξασφαλισάμενος τὸν τόπον, πρεσβευσαμένων, ἐκέλευσεν ὡς Καίσαρα πρεσβεύεσθαι·
그러나 페트로니우스가 구원하기 위해 출병하여 그들보다 먼저 요새에 도착했고, 더 많은 준비로 그곳을 안전하게 만든 뒤, 그들이 사절을 보내자 카이사르에게 사절을 보내라고 명령했다.
οὐκ εἰδέναι δὲ φασκόντων ὅστις εἴη Καῖσαρ καὶ ὅπη βαδιστέον εἴη παρʼ αὐτόν, ἔδωκε τοὺς παραπέμψοντας·
그들이 카이사르가 누구인지 또 그에게 가려면 어디로 가야 하는지 모른다고 하자, 그는 그들을 인도할 안내원들을 붙여주었다.
καὶ ἧκον εἰς Σάμον, ἐνταῦθα τοῦ Καίσαρος ὄντος καὶ μέλλοντος εἰς Συρίαν ἐντεῦθεν προϊέναι, Τιβέριον εἰς Ἀρμενίαν στέλλοντος.
그리하여 그들은 사모스섬에 도착했는데, 그곳에 카이사르가 머물고 있었으며 그곳으로부터 시리아로 나아갈 예정이었고 티베리우스를 아르메니아로 파견하는 중이었다.
πάντων δὲ τυχόντων ὧν ἐδέοντο, ἀφῆκεν αὐτοῖς καὶ τοὺς φόρους οὓς ἐπέστησε.
그들이 원하는 모든 것을 얻자, 카이사르는 그들에게 부과했던 조세까지 면제해 주었다.