§17.1.29Ἐν δὲ τῇ Ἡλίου πόλει καὶ οἴκους εἴδομεν μεγάλους ἐν οἷς διέτριβον οἱ ἱερεῖς·
헬리오폴리스에서 우리는 사제들이 머물렀던 큰 집들도 보았다.
μάλιστα γὰρ δὴ ταύτην κατοικίαν ἱερέων γεγονέναι φασὶ τὸ παλαιὸν φιλοσόφων ἀνδρῶν καὶ ἀστρονομικῶν·
고대에 이곳이 특히 철학자이자 천문학자였던 사제들의 거주지였다고 전해지기 때문이다.
ἐκλέλοιπε δὲ καὶ τοῦτο νυνὶ τὸ σύστημα καὶ ἡ ἄσκησις.
그러나 이제는 이 집단과 그 수행이 끊어졌다.
ἐκεῖ μὲν οὖν οὐδεὶς ἡμῖν ἐδείκνυτο τῆς τοιαύτης ἀσκήσεως προεστώς, ἀλλʼ οἱ ἱεροποιοὶ μόνον καὶ ἐξηγηταὶ τοῖς ξένοις τῶν περὶ τὰ ἱερά.
따라서 그곳에서는 그러한 수행을 지도하는 사람이 우리에게 전혀 보이지 않았고, 제사장들과 외지인들에게 신전에 관한 일들을 설명해 주는 안내자들만 있었다.
παρηκολούθει δέ τις ἐξ Ἀλεξανδρείας ἀναπλέοντι εἰς τὴν Αἴγυπτον Αἰλίῳ Γάλλῳ τῷ ἡγεμόνι Χαιρήμων τοὔνομα, προσποιούμενος τοιαύτην τινὰ ἐπιστήμην, γελώμενος δὲ τὸ πλέον ὡς ἀλαζὼν καὶ ἰδιώτης·
그런데 알렉산드리아에서 이집트 내륙으로 거슬러 올라가는 총독 아엘리우스 갈루스에게 카이레몬이라는 이름의 어떤 인물이 동행했는데, 그는 그러한 지식을 가진 척했지만, 대체로 허풍쟁이이자 비전문가로서 웃음거리가 되었다.
ἐκεῖ δʼ οὖν ἐδείκνυντο οἵ τε τῶν ἱερέων οἶκοι καὶ Πλάτωνος καὶ Εὐδόξου διατριβαί.
어쨌든 그곳에서는 사제들의 집들과 플라톤 및 에우독소스가 머물던 곳이 소개되었다.
συνανέβη γὰρ δὴ τῷ Πλάτωνι ὁ Εὔδοξος δεῦρο, καὶ συνδιέτριψαν τοῖς ἱερεῦσιν ἐνταῦθα ἐκεῖνοι τρισκαίδεκα ἔτη, ὡς εἴρηταί τισι·
에우독소스가 참으로 플라톤과 함께 이곳으로 올라와서 그곳의 사제들과 13년 동안 함께 지냈다고 어떤 이들이 전하기 때문이다.
περιττοὺς γὰρ ὄντας κατὰ τὴν ἐπιστήμην τῶν οὐρανίων, μυστικοὺς δὲ καὶ δυσμεταδότους, τῷ χρόνῳ καὶ ταῖς θεραπείαις ἐξελιπάρησαν ὥστε τινὰ τῶν θεωρημάτων ἱστορῆσαι·
사제들은 천체에 관한 지식에 뛰어났으나 폐쇄적이고 지식을 나누어 주길 꺼렸으므로, 그들은 시간과 정성 어린 봉사로 그들을 설득하여 몇 가지 이론을 배울 수 있었다.
τὰ πολλὰ δὲ ἀπεκρύψαντο οἱ βάρβαροι.
그러나 야만인들은 대부분의 내용을 숨겼다.
οὗτοι δὲ τὰ ἐπιτρέχοντα τῆς ἡμέρας καὶ τῆς νυκτὸς μόρια ταῖς τριακοσίαις ἑξήκοντα πέντε ἡμέραις εἰς τὴν ἐκπλήρωσιν τοῦ ἐνιαυσίου χρόνου παρέδοσαν·
이 사제들은 일 년의 시간을 완성하기 위해 365일에 더해지는 하루와 하룻밤의 끝자리 부분들을 전해 주었다.
ἀλλʼ ἠγνοεῖτο τέως ὁ ἐνιαυτὸς παρὰ τοῖς Ἕλλησιν ὡς καὶ ἄλλα πλείω, ἕως οἱ νεώτεροι ἀστρολόγοι παρέλαβον παρὰ τῶν μεθερμηνευσάντων εἰς τὸ Ἑλληνικὸν τὰ τῶν ἱερέων ὑπομνήματα·
그러나 다른 더 많은 일들과 마찬가지로, 그리스인들 사이에서는 그때까지 일 년의 길이가 알려지지 않았다가, 후대의 천문학자들이 사제들의 기록을 그리스어로 번역한 이들로부터 전수받게 되었다.
καὶ ἔτι νῦν παραλαμβάνουσι τὰ ἀπʼ ἐκείνων, ὁμοίως καὶ τὰ τῶν Χαλδαίων. §17.1.30Ἐντεῦθεν δὴ ὁ Νεῖλός ἐστιν ὁ ὑπὲρ τοῦ Δέλτα·
그리고 지금까지도 그들은 그것들로부터, 마찬가지로 칼데아인들의 것으로부터 지식을 전수받고 있다. 여기서부터가 델타 상류의 나일강이다.
τούτου δὴ τὰ μὲν δεξιὰ καλοῦσι Λιβύην ἀναπλέοντι, ὥσπερ καὶ τὰ περὶ τὴν Ἀλεξάνδρειαν καὶ τὴν Μαρεῶτιν, τὰ δʼ ἐν ἀριστερᾷ Ἀραβίαν.
이 강을 거슬러 올라가는 이에게 그 오른편은 리비아라 불리며(알렉산드리아와 마레오티스 주변이 그러하듯), 왼편은 아라비아라 불린다.
ἡ μὲν οὖν Ἡλίου πόλις ἐν τῇ Ἀραβίᾳ ἐστίν, ἐν δὲ τῇ Λιβύῃ Κερκέσουρα πόλις κατὰ τὰς Εὐδόξου κειμένη σκοπάς·
헬리오폴리스는 아라비아에 있고, 리비아 쪽에는 에우독소스의 관측소 근처에 위치한 케르케수라 시가 있다.
δείκνυται γὰρ σκοπή τις πρὸ τῆς Ἡλίου πόλεως, καθάπερ καὶ πρὸ τῆς Κνίδου, πρὸς ἣν ἐσημειοῦτο ἐκεῖνος τῶν οὐρανίων τινὰς κινήσεις·
헬리오폴리스 앞에는 크니도스 앞과 마찬가지로 어떤 관측소가 제시되어 있는데, 그곳에서 그는 천체의 몇몇 운동들을 관측했다.
ὁ δὲ νομὸς Λητοπολίτης οὗτος.
이 지역은 레토폴리스 현이다.
ἀναπλεύσαντι δʼ ἐστὶ Βαβυλών, φρούριον ἐρυμνόν, ἀποστάντων ἐνταῦθα Βαβυλωνίων τινῶν, εἶτα διαπραξαμένων ἐνταῦθα κατοικίαν παρὰ τῶν βασιλέων·
더 거슬러 올라가면 견고한 요새인 바빌론이 있는데, 이곳에서 반란을 일으킨 몇몇 바빌론인들이 왕들로부터 이곳에 거주지를 마련한 곳이다.
νυνὶ δʼ ἐστὶ στρατόπεδον ἑνὸς τῶν τριῶν ταγμάτων τῶν φρουρούντων τὴν Αἴγυπτον·
지금 이곳은 이집트를 경비하는 세 군단 중 한 군단의 주둔지이다.
ῥάχις δʼ ἐστὶν ἀπὸ τοῦ στρατοπέδου καὶ μέχρι Νείλου καθήκουσα, διʼ ἧς ἀπὸ τοῦ ποταμοῦ τροχοὶ καὶ κοχλίαι τὸ ὕδωρ ἀνάγουσιν, ἀνδρῶν ἑκατὸν πεντήκοντα ἐργαζομένων δεσμίων·
주둔지로부터 나일강까지 뻗어 내리는 산등성이가 있는데, 이것을 통해 강으로부터 수차와 나선형 양수기가 물을 끌어올리며, 150명의 수인들이 이 작업에 종사한다.
ἀφορῶνται δʼ ἐνθένδε τηλαυγῶς αἱ πυραμίδες ἐν τῇ περαίᾳ ἐν Μέμφει καὶ εἰσὶ πλησίον. §17.1.31Ἐγγὺς δὲ καὶ ἡ Μέμφις αὐτὴ τὸ βασίλειον τῶν Αἰγυπτίων·
이곳에서는 건너편 멩피스에 있는 피라미드들이 멀리서도 뚜렷이 보이며, 그것들은 가까이에 있다. 가까운 곳에는 에집트인들의 왕성인 멩피스 자체가 있다.
ἔστι γὰρ ἀπὸ τοῦ Δέλτα τρίσχοινον εἰς αὐτήν·
델타로부터 그곳까지는 3스코이노스 거리이다.
ἔχει δὲ ἱερά, τό τε τοῦ Ἄπιδος ὅς ἐστιν ὁ αὐτὸς καὶ Ὄσιρις, ὅπου ὁ βοῦς ὁ Ἆπις ἐν σηκῷ τινι τρέφεται, θεὸς ὡς ἔφην νομιζόμενος, διάλευκος τὸ μέτωπον καὶ ἄλλα τινὰ μικρὰ τοῦ σώματος, τἆλλα δὲ μέλας·
그곳에는 신전들이 있는데, 오시리스와 동일시되는 아피스의 신전도 있으며, 그곳에서는 황소 아피스가 어떤 우리에서 길러지며, 내가 말했듯 신으로 여겨진다. 이 황소는 이마와 몸의 다른 몇몇 작은 부분들이 하얗고, 나머지는 검다.
οἷς σημείοις ἀεὶ κρίνουσι τὸν ἐπιτήδειον εἰς τὴν διαδοχήν, ἀπογενομένου τοῦ τὴν τιμὴν ἔχοντος.
이 영예를 지녔던 황소가 죽었을 때, 그들은 항상 이 징표들을 통해 후계자로 적합한 황소를 판정한다.
ἔστι δʼ αὐλὴ προκειμένη τοῦ σηκοῦ, ἐν ᾗ καὶ ἄλλος σηκὸς τῆς μητρὸς τοῦ βοός·
우리 앞쪽에는 마당이 있고, 그 마당에는 황소의 어미를 위한 또 다른 우리가 있다.
εἰς ταύτην δὲ τὴν αὐλὴν ἐξαφιᾶσι τὸν Ἆπιν καθʼ ὥραν τινὰ καὶ μάλιστα πρὸς ἐπίδειξιν τοῖς ξένοις·
정해진 시간에, 특히 외지인들에게 보여주기 위해 아피스를 이 마당으로 내보낸다.
ὁρῶσι μὲν γὰρ καὶ διὰ θυρίδος ἐν τῷ σηκῷ, βούλονται δὲ καὶ ἔξω·
사람들은 우리의 창문을 통해서도 황소를 보지만, 밖에서도 보고 싶어 하기 때문이다.
ἀποσκιρτήσαντα δʼ ἐν αὐτῇ μικρὰ ἀναλαμβάνουσι πάλιν εἰς τὴν οἰκείαν στάσιν.
마당에서 잠시 뛰놀게 한 뒤에 그들은 다시 원래의 머무는 곳으로 데려간다.
τό τε δὴ τοῦ Ἄπιδός ἐστιν ἱερὸν παρακείμενον τῷ Ἡφαιστείῳ καὶ αὐτὸ τὸ Ἡφαίστειον πολυτελῶς κατεσκευασμένον ναοῦ τε μεγέθει καὶ τοῖς ἄλλοις.
아피스의 신전은 헤파이스토스 신전 옆에 있으며, 헤파이스토스 신전 자체도 신전의 크기와 그 밖의 면에서 아주 사치스럽게 지어졌다.
πρόκειται δʼ ἐν τῷ δρόμῳ καὶ μονόλιθος κολοσσός·
도로모스 앞에는 단일 석재로 된 거상이 서 있다.
ἔθος δʼ ἐστὶν ἐν τῷ δρόμῳ τούτῳ ταύρων ἀγῶνας συντελεῖσθαι πρὸς ἀλλήλους, οὓς ἐπίτηδες τρέφουσί τινες, ὥσπερ οἱ ἱπποτρόφοι·
이 도로모스에서는 황소들을 서로 싸우게 하는 경기를 치르는 관습이 있는데, 어떤 이들은 마필 사육자들처럼 이 목적으로 황소들을 전문적으로 기른다.
συμβάλλουσι γὰρ εἰς μάχην ἀφέντες, ὁ δὲ κρείττων νομισθεὶς ἄθλου τυγχάνει.
그들은 황소들을 풀어놓아 싸우게 하고, 더 강하다고 인정받는 황소가 상을 받는다.
ἔστι δʼ ἐν Μέμφει καὶ Ἀφροδίτης ἱερόν, θεᾶς Ἑλληνίδος νομιζομένης· τινὲς δὲ Σελήνης ἱερὸν εἶναί φασιν.
멩피스에는 그리스 여신으로 여겨지는 아프로디테의 신전도 있는데, 어떤 이들은 셀레네의 신전이라고도 한다.