§17.1.32ἔστι δὲ καὶ Σαράπειον ἐν ἀμμώδει τόπῳ σφόδρα ὥσθʼ ὑπʼ ἀνέμων θῖνας ἄμμων σωρεύεσθαι, ὑφʼ ὧν αἱ σφίγγες αἱ μὲν καὶ μέχρι κεφαλῆς ἑωρῶντο ὑφʼ ἡμῶν κατακεχωσμέναι αἱ δʼ ἡμιφανεῖς·
또한 사라피스 신전은 매우 모래가 많은 곳에 있어, 바람에 의해 모래 언덕들이 쌓이고 그것들에 의해 스핑크스들이 어떤 것은 우리에 의해 머리까지 파묻힌 것이 보였고 어떤 것은 반쯤 드러나 있었다.
ἐξ ὧν εἰκάζειν παρῆν τὸν κίνδυνον, εἰ τῷ βαδίζοντι πρὸς τὸ ἱερὸν λαῖλαψ ἐπιπέσοι.
이것들로부터 신전으로 걸어가는 사람에게 폭풍이 불어닥칠 때의 위험을 짐작할 수 있었다.
πόλις δʼ ἐστὶ μεγάλη τε καὶ εὔανδρος, δευτέρα μετὰ Ἀλεξάνδρειαν, μιγάδων ἀνδρῶν, καθάπερ καὶ τῶν ἐκεῖ συνῳκισμένων·
도시는 크고 인구가 많아 알렉산드리아 다음가는 제2의 도시이며, 그곳에 공동으로 이주해 살던 사람들처럼 혼성된 사람들로 구성되어 있다.
πρόκεινται δὲ καὶ λίμναι τῆς πόλεως καὶ τῶν βασιλείων, ἃ νῦν μὲν κατέσπασται καί ἐστιν ἔρημα·
도시와 왕궁 앞에는 호수들도 있으나, 왕궁은 지금은 허물어지고 황폐해졌다.
ἵδρυται δʼ ἐφʼ ὕψους καθήκοντα μέχρι τοῦ κάτω τῆς πόλεως ἐδάφους· συνάπτει δʼ ἄλσος αὐτῷ καὶ λίμνη. §17.1.33τετταράκοντα δʼ ἀπὸ τῆς πόλεως σταδίους προελθόντι ὀρεινή τις ὀφρύς ἐστιν, ἐφʼ ᾗ πολλαὶ μέν εἰσι πυραμίδες, τάφοι τῶν βασιλέων, τρεῖς δʼ ἀξιόλογοι·
왕궁은 도시 아래쪽 평지까지 내려오는 고지 위에 세워져 있으며, 그것에는 성스러운 숲과 호수가 인접해 있다. 도시에서 40스타디온을 나아간 곳에 어떤 산등성이가 있는데, 그 위에는 왕들의 무덤인 여러 피라미드가 있지만 세 개가 주목할 만하다.
τὰς δὲ δύο τούτων καὶ ἐν τοῖς ἑπτὰ θεάμασι καταριθμοῦνται·
이 중 두 개는 세계의 일곱 가지 경이 중에도 손꼽힌다.
εἰσὶ γὰρ σταδιαῖαι τὸ ὕψος, τετράγωνοι τῷ σχήματι, τῆς πλευρᾶς ἑκάστης μικρῷ μεῖζον τὸ ὕψος ἔχουσαι·
그것들은 높이가 1스타디온이며, 사각형의 모양으로 각 밑변보다 높이가 약간 더 높기 때문이다.
μικρῷ δὲ καὶ ἡ ἑτέρα τῆς ἑτέρας ἐστὶ μείζων·
또한 한쪽이 다른 쪽보다 약간 더 크다.
ἔχει δʼ ἐν ὕψει μέσως πως τῶν πλευρῶν λίθον ἐξαιρέσιμον· ἀρθέντος δὲ σῦρίγξ ἐστι σκολιὰ μέχρι τῆς θήκης·
그것은 측면의 거의 중간 높이에 떼어낼 수 있는 돌을 가지고 있으며, 이것을 들어 올리면 묘실까지 이르는 굽어지는 통로가 있다.
αὗται μὲν οὖν ἐγγὺς ἀλλήλων ἐπὶ τῷ αὐτῷ ἐπιπέδῳ, ἀπωτέρω δʼ ἐστὶν ἐν ὕψει μείζονι τῆς ὀρεινῆς ἡ τρίτη πολὺ ἐλάττων τῶν δυεῖν, πολὺ δὲ μείζονος δαπάνης κατεσκευασμένη·
이 피라미드들은 같은 평지 위에서 서로 가까이 서 있으나, 조금 떨어진 산등성이의 더 높은 곳에 세 번째 피라미드가 있는데, 앞의 두 개보다 훨씬 작지만 훨씬 더 많은 비용을 들여 지어졌다.
ἀπὸ γὰρ θεμελίων μέχρι μέσου σχεδόν τι μέλανος λίθου ἐστίν, ἐξ οὗ καὶ τὰς θυΐας κατασκευάζουσι, κομίζοντες πόρρωθεν· ἀπὸ γὰρ τῶν τῆς Αἰθιοπίας ὀρῶν·
기초부터 거의 중간까지는 에티오피아의 산맥에서부터 멀리서 운반해 온 검은 돌(사람들이 이것으로 절구도 만드는)로 되어 있기 때문이다.
καὶ τῷ σκληρὸς εἶναι καὶ δυσκατέργαστος πολυτελῆ τὴν πραγματείαν παρέσχε·
그 돌은 단단하고 가공하기 어려워 작업에 아주 많은 비용이 들게 했다.
λέγεται δὲ τῆς ἑταίρας τάφος γεγονὼς ὑπὸ τῶν ἐραστῶν, ἣν Σαπφὼ μὲν ἡ τῶν μελῶν ποιήτρια καλεῖ Δωρίχαν, ἐρωμένην τοῦ ἀδελφοῦ αὐτῆς Χαράξου γεγονυῖαν, οἶνον κατάγοντος εἰς Ναύκρατιν Λέσβιον κατʼ ἐμπορίαν, ἄλλοι δʼ ὀνομάζουσι Ῥοδῶπιν·
이것은 그녀의 연인들에 의해 지어진 어떤 유녀의 무덤이라고 전해지는데, 서정시인 사포는 그녀를 자기 오라비 카락소스(그는 무역을 위해 레스보스 포도주를 나우크라티스로 나르던 인물이었다)의 연인이었던 도리카라고 부르며, 다른 이들은 로도피스라고 부른다.
μυθεύουσι δʼ ὅτι λουομένης αὐτῆς ἓν τῶν ὑποδημάτων αὐτῆς ἁρπάσας ἀετὸς παρὰ τῆς θεραπαίνης κομίσειεν εἰς Μέμφιν καὶ τοῦ βασιλέως δικαιοδοτοῦντος ὑπαιθρίου, γενόμενος κατὰ κορυφὴν αὐτοῦ ῥίψειε τὸ ὑπόδημα εἰς τὸν κόλπον·
그녀에 대해 다음과 같은 신화가 전해진다. 그녀가 목욕을 하고 있을 때 독수리 한 마리가 그녀의 하녀에게서 신발 한 짝을 채가서 멩피스로 날아갔고, 왕이 야외에서 재판을 집행하고 있을 때 그의 머리 위에서 그 신발을 그의 품 속으로 떨어뜨렸다.
ὁ δὲ καὶ τῷ ῥυθμῷ τοῦ ὑποδήματος καὶ τῷ παραδόξῳ κινηθεὶς περιπέμψειεν εἰς τὴν χώραν κατὰ ζήτησιν τῆς φορούσης ἀνθρώπου τοῦτο, εὑρεθεῖσα δʼ ἐν τῇ πόλει τῶν Ναυκρατιτῶν ἀναχθείη καὶ γένοιτο γυνὴ τοῦ βασιλέως, τελευτήσασα δὲ τοῦ λεχθέντος τύχοι τάφου. §17.1.34̔̀εν δέ τι τῶν ὁραθέντων ὑφʼ ἡμῶν ἐν ταῖς πυραμίσι παραδόξων οὐκ ἄξιον παραλιπεῖν.
왕은 신발의 비례와 이 기이한 일에 깊은 인상을 받아 이 신발을 신던 여인을 찾으러 나라 곳곳에 사람들을 보냈다. 그녀는 나우크라티스 인들의 도시에서 발견되어 왕에게 보내졌고 왕의 아내가 되었으며, 죽은 뒤에 앞서 말한 무덤을 얻게 되었다고 한다. 그러나 피라미드에서 우리가 본 놀라운 일 중 하나는 그냥 지나쳐서는 안 된다.
ἐκ γὰρ τῆς λατύπης σωροί τινες πρὸ τῶν πυραμίδων κεῖνται· ἐν τούτοις δʼ εὑρίσκεται ψήγματα καὶ τύπῳ καὶ μεγέθει φακοειδῆ·
피라미드 앞에는 석재 부스러기 더미들이 놓여 있는데, 이 중에서 형태와 크기가 렌즈콩 모양인 파편들이 발견되기 때문이다.
ἐνίοις δὲ καὶ ὡς ἂν πτίσμα οἷον ἡμιλεπίστων ὑποτρέχει·
어떤 것들에는 마치 절반쯤 껍질이 벗겨진 곡물 같은 것이 섞여 있다.
φασὶ δʼ ἀπολιθωθῆναι λείψανα τῆς τῶν ἐργαζομένων τροφῆς· οὐκ ἀπέοικε δέ·
사람들은 이것들이 노동자들의 음식 잔해가 화석화된 것이라고 말하는데, 이는 아주 허황된 것은 아니다.
καὶ γὰρ οἴκοι παρʼ ἡμῖν λόφος ἐστὶν ἐν πεδίῳ παραμήκης, οὗτος δʼ ἐστὶ μεστὸς ψήφων φακοειδῶν λίθου πωρείας·
왜냐하면 내 고향에서도 평원에 나지막하고 가느다란 언덕이 있는데, 이것이 응회암으로 된 렌즈콩 모양의 조각들로 가득 차 있기 때문이다.
καὶ αἱ θαλάττιαι δὲ καὶ αἱ ποτάμιαι ψῆφοι σχεδόν τι τὴν αὐτὴν ἀπορίαν ὑπογράφουσιν·
바바와 강의 조각돌들도 거의 동일한 의문을 갖게 한다.
ἀλλʼ αὗται μὲν ἐν τῇ κινήσει τῇ διὰ τοῦ ῥεύματος εὑρεσιλογίαν τινὰ ἔχουσιν, ἐκεῖ δʼ ἀπορωτέρα ἡ σκέψις.
하지만 이것들은 흐름에 의한 운동 속에서 어떤 설명의 여지를 갖지만, 저것에 대해서는 고찰하기가 더 어렵다.
εἴρηται δʼ ἐν ἄλλοις καὶ διότι περὶ τὸ μέταλλον τῶν λίθων, ἐξ ὧν αἱ πυραμίδες γεγόνασιν, ἐν ὄψει ταῖς πυραμίσιν ὂν πέραν ἐν τῇ Ἀραβίᾳ, Τρωικόν τι καλεῖται πετρῶδες ἱκανῶς ὄρος καὶ σπήλαια ὑπʼ αὐτῷ καὶ κώμη πλησίον καὶ τούτοις καὶ τῷ ποταμῷ, Τροία καλουμένη, κατοικία παλαιὰ τῶν Μενελάῳ συγκατακολουθησάντων αἰχμαλώτων Τρώων, καταμεινάντων δʼ αὐτόθι.
피라미드를 만든 석재의 채석장에 대해서도 다른 곳에서 언급된 적이 있는데, 그것은 아라비아의 건너편 피라미드가 보이는 곳에 위치하며, 트로이콘이라 불리는 꽤 바위가 많은 산과 그 아래의 동굴들, 그리고 이것들과 강 근처에 있는 트로이라 불리는 마을이 있다. 이것은 메네라오스를 따라왔다가 그곳에 정착한 포로 트로이인들의 오래된 정착지이다.