§13.3.3φασὶ γὰρ τοὺς ἐκ τοῦ Φρικίου τοῦ ὑπὲρ Θερμοπυλῶν Λοκρικοῦ ὄρους ὁρμηθέντας κατᾶραι μὲν εἰς τὸν τόπον ὅπου νῦν ἡ Κύμη ἐστί, καταλαβόντας δὲ τοὺς Πελασγοὺς κεκακωμένους ὑπὸ τοῦ Τρωικοῦ πολέμου, κατέχοντας δʼ ὅμως ἔτι τὴν Λάρισαν διέχουσαν τῆς Κύμης ὅσον ἑβδομήκοντα σταδίους, ἐπιτειχίσαι αὐτοῖς τὸ νῦν ἔτι λεγόμενον Νέον τεῖχος ἀπὸ τριάκοντα σταδίων τῆς Λαρίσης, ἑλόντας δὲ κτίσαι τὴν Κύμην καὶ τοὺς περιγενομένους ἀνθρώπους ἐκεῖσε ἀνοικίσαι·
왜냐하면 사람들은 다음과 같이 말하기 때문이다. 테르모필레 위쪽에 있는 로크리스의 프리키온 산에서 출발한 이들이 현재 퀴메가 있는 곳에 상륙하여, 트로이아 전쟁으로 타격을 입었으나 여전히 퀴메에서 약 70스타디온 떨어진 라리사를 차지하고 있던 페라스고이인들을 발견하고, 그들에 대항하기 위해 라리사에서 30스타디온 떨어진 곳에 오늘날까지도 '네온 테이코스'라 불리는 요새를 구축하였다. 그리고 그들은 라리사를 함락한 뒤 퀴메를 건설하고 살아남은 사람들을 그곳으로 이주시켰다.
ἀπὸ δὲ τοῦ Λοκρικοῦ ὄρους τήν τε Κύμην Φρικωνίδα καλοῦσιν, ὁμοίως δὲ καὶ τὴν Λάρισαν·
또한 로크리스의 그 산 이름을 따서 퀴메와 라리사를 모두 '프리코니스'라 불렀다.
ἐρήμη δʼ ἐστὶ νῦν.
그 라리사는 지금은 폐허로 남아 있다.
ὅτι δʼ οἱ Πελασγοὶ μέγα ἦν ἔθνος, καὶ ἐκ τῆς ἄλλης ἱστορίας οὕτως ἐκμαρτυρεῖσθαί φασι·
페라스고이인들이 강력한 부족이었다는 사실은 다른 역사 전승을 통해서도 이와 같이 증명된다고 사람들은 말한다.
Μενεκράτης γοῦν ὁ Ἐλαΐτης ἐν τοῖς περὶ κτίσεων φησὶ τὴν παραλίαν τὴν νῦν Ἰωνικὴν πᾶσαν ἀπὸ Μυκάλης ἀρξαμένην ὑπὸ Πελασγῶν οἰκεῖσθαι πρότερον καὶ τὰς πλησίον νήσους.
예컨대 에라아의 메네크라테스는 『창건기』에서, 현재 이오니아라 불리는 해안 지역 전체가 미칼레에서 시작하여 과거에는 페라스고이인들에 의해 거주되었으며, 인접한 섬들도 마찬가지였다고 전한다.
Λέσβιοι δʼ ὑπὸ Πυλαίῳ τετάχθαι λέγουσι σφᾶς τῷ ὑπὸ τοῦ ποιητοῦ λεγομένῳ τῶν Πελασγῶν ἄρχοντι, ἀφʼ οὗ καὶ τὸ παρʼ αὐτοῖς ὄρος ἔτι Πύλαιον καλεῖσθαι.
또한 레스보스인들은 자신들이 시인이 페라스고이인의 지도자라 부른 퓔라이오스 휘하에 배치되어 있었다고 말하며, 그의 이름을 따서 그들 지역의 산도 여전히 '퓔라이온'이라 불린다고 한다.
καὶ Χῖοι δὲ οἰκιστὰς ἑαυτῶν Πελασγούς φασι τοὺς ἐκ τῆς Θετταλίας.
그리고 키오스인들 역시 자신들의 시조가 테살리아에서 온 페라스고이인들이라고 말한다.
πολύπλανον δὲ καὶ ταχὺ τὸ ἔθνος πρὸς ἀπαναστάσεις, ηὐξήθη τε ἐπὶ πολὺ καὶ ἀθρόαν ἔλαβε τὴν ἔκλειψιν καὶ μάλιστα κατὰ τὴν τῶν Αἰολέων καὶ τῶν Ἰώνων περαίωσιν εἰς τὴν Ἀσίαν.
이 부족은 이동이 잦고 이주에 민첩하여 세력이 크게 번창했다가 급격한 소멸을 맞이했는데, 특히 아이올리스인들과 이오니아인들이 아시아로 건너가던 시기에 그러했다.
§13.3.4ἴδιον δέ τι τοῖς Λαρισαίοις συνέβη τοῖς τε Καϋστριανοῖς καὶ τοῖς Φρικωνεῦσι καὶ τρίτοις τοῖς ἐν Θετταλίᾳ·
그런데 라리사 주민들, 즉 카위스트로스 평원의 주민들과 프리코니스의 주민들, 그리고 세 번째로 테살리아의 주민들에게 기이한 일이 일어났다.
ἅπαντες γὰρ ποταμόχωστον τὴν χώραν ἔσχον οἱ μὲν ὑπὸ τοῦ Καΰστρου, οἱ δʼ ὑπὸ τοῦ Ἕρμου, οἱ δʼ ὑπὸ τοῦ Πηνειοῦ.
왜냐하면 그들 모두가 강이 실어 나른 흙모래로 토지가 매립되는 일을 겪었기 때문인데, 어떤 이들은 카위스트로스 강에 의해, 어떤 이들은 헤르모스 강에 의해, 어떤 이들은 페네이오스 강에 의해 그러했다.
ἐν δὲ τῇ Φρικωνίδι Λαρίσῃ τετιμῆσθαι λέγεται Πίασος, ὅν φασιν ἄρχοντα Πελασγῶν ἐρασθῆναι τῆς θυγατρὸς Λαρίσης, βιασάμενον δʼ αὐτὴν τῖσαι τῆς ὕβρεως δίκην·
프리코니스의 라리사에서는 피아소스라는 인물이 숭배되었다고 전해진다. 그는 페라스고이인의 지배자였는데 자신의 딸인 라리사를 사랑하게 되었고, 그녀를 폭행한 죄로 그 오만한 행위에 대한 벌을 치렀다고 한다.
ἐγκύψαντα γὰρ εἰς πίθον οἴνου καταμαθοῦσαν τῶν σκελῶν λαβομένην ἐξᾶραι καὶ καθεῖναι αὐτὸν εἰς τὸν πίθον.
그가 와인 항아리 안을 들여다보고 있을 때 그녀가 이를 알아채고 그의 다리를 잡아 올려 항아리 속으로 떨어뜨렸기 때문이다.
τὰ μὲν οὖν ἀρχαῖα τοιαῦτα.
고대의 일들은 이와 같다.
§13.3.5ταῖς δὲ νῦν Αἰολικαῖς πόλεσιν ἔτι καὶ τὰς Αἰγὰς προσληπτέον καὶ τὴν Τῆμνον, ὅθεν ἦν Ἑρμαγόρας ὁ τὰς ῥητορικὰς τέχνας συγγράψας·
오늘날의 아이올리스인 도시들에는 에가이와 템노스도 추가되어야 한다. 후자는 수사학 지침서를 저술한 헤르마고라스의 고향이다.
ἵδρυνται δʼ αἱ πόλεις αὗται κατὰ τὴν ὀρεινὴν τὴν ὑπερκειμένην τῆς τε Κυμαίας καὶ τῆς Φωκαέων καὶ Σμυρναίων γῆς, παρʼ ἣν ὁ Ἕρμος ῥεῖ.
이 도시들은 퀴메인, 포카이아인, 스뮈르나인들의 영토 위쪽에 솟아 있는 산악 지대에 위치하고 있으며, 그 영토 옆으로 헤르모스 강이 흐른다.
οὐκ ἄπωθεν δὲ τούτων τῶν πόλεων οὐδʼ ἡ Μαγνησία ἐστὶν ἡ ὑπὸ Σιπύλῳ, ἐλευθέρα πόλις ὑπὸ Ῥωμαίων κεκριμένη.
이 도시들에서 멀지 않은 곳에 시퓔로스 산 기슭의 마그네시아도 있으며, 로마인들에 의해 자유 도시로 규정되어 있다.
καὶ ταύτην δʼ ἐκάκωσαν οἱ νεωστὶ γενόμενοι σεισμοί.
최근 발생한 지진으로 이 도시 역시 피해를 입었다.
εἰς δὲ τἀναντία τὰ ἐπὶ τὸν Κάικον νεύοντα ἀπὸ Λαρίσης μὲν διαβάντι τὸν Ἕρμον εἰς Κύμην ἑβδομήκοντα στάδιοι, ἐντεῦθεν δʼ εἰς Μύριναν τετταράκοντα στάδιοι, τὸ δʼ ἴσον ἐντεῦθεν εἰς Γρύνιον κἀκεῖθεν εἰς Ἐλαίαν·
반면, 라리사에서 반대 방향인 카이코스 강 쪽으로 향할 경우, 헤르모스 강을 건너 퀴메에 이르는 데는 70스타디온이 걸리고, 거기서 미리나까지는 40스타디온, 거기서 그뤼니온까지도 같은 거리이며, 거기서 엘라아까지도 마찬가지이다.
ὡς δʼ Ἀρτεμίδωρος, ἀπὸ τῆς Κύμης εἰσὶν Ἄδαι, εἶτʼ ἄκρα μετὰ τετταράκοντα σταδίους ἣν καλοῦσιν Ὕδραν, ἡ ποιοῦσα τὸν κόλπον τὸν Ἐλαϊτικὸν πρὸς τὴν ἀπεναντίον ἄκραν Ἁρματοῦντα.
아르테미도로스에 따르면, 퀴메에서 아다이가 있고, 그곳에서 40스타디온을 가면 사람들이 휘드라라 부르는 곶이 나오는데, 이 곶이 맞은편의 하르마투스 곶과 함께 엘라아 만을 형성한다.
τοῦ μὲν οὖν στόματος τὸ πλάτος περὶ ὀγδοήκοντα σταδίους ἐστίν, ἐγκολπίζοντι δὲ Μύρινα ἐν ἑξήκοντα σταδίοις, Αἰολὶς πόλις ἔχουσα λιμένα, εἶτʼ Ἀχαιῶν λιμήν, ὅπου οἱ βωμοὶ τῶν δώδεκα θεῶν, εἶτα πολίχνιον Μυριναίων Γρύνιον καὶ ἱερὸν Ἀπόλλωνος καὶ μαντεῖον ἀρχαῖον καὶ νεὼς πολυτελὴς λίθου λευκοῦ, στάδιοι δʼ ἐπʼ αὐτὴν τετταράκοντα·
만구의 너비는 약 80스타디온이며, 만 안쪽으로 들어가면 항구를 갖춘 아이올리스 도시인 미리나가 60스타디온 거리에 있고, 이어서 아카이아인들의 항구가 나오는데 그곳에는 열두 신의 제단들이 있다. 그다음에는 미리나인들의 작은 도시인 그뤼니온과 아폴론 신전, 고대의 신탁소, 그리고 흰 대리석으로 지어진 호화로운 신전이 있고, 그곳까지의 거리는 40스타디온이다.
εἶθʼ ἑβδομήκοντα εἰς Ἐλαίαν, λιμένα ἔχουσαν καὶ ναύσταθμον τῶν Ἀτταλικῶν βασιλέων, Μενεσθέως κτίσμα καὶ τῶν σὺν αὐτῷ Ἀθηναίων τῶν συστρατευσάντων ἐπὶ Ἴλιον.
거기서 엘라아까지는 70스타디온인데, 엘라아는 항구와 아탈로스 왕들의 군항을 갖추고 있으며 메네스테우스와 그와 함께 일리온으로 원정했던 아테나인들이 건설한 도시이다.
τὰ δʼ ἑξῆς εἴρηται τὰ περὶ Πιτάνην καὶ Ἀταρνέα καὶ τἆλλα τὰ ταύτῃ.
이어서 피타네와 아타르네우스 및 이 지역의 다른 곳들에 관한 일들은 이미 서술되었다.