§12.2.5τρίτη δʼ ἐστὶν ἱερωσύνη Διὸς Ἀσβαμαίου λειπομένη ταύτης, ἀξιόλογος δʼ ὅμως.
세 번째 신관직은 아스바마이오스 제우스의 신관직으로, 이것에 뒤처지지만 그럼에도 주목할 만하다.
ἐνταῦθα δʼ ἐστὶ λάκκος ἁλμυροῦ ὕδατος, ἀξιολόγου λίμνης ἔχων περίμετρον, ὀφρύσι κλειόμενος ὑψηλαῖς τε καὶ ὀρθίαις ὥστʼ ἔχειν κατάβασιν κλιμακώδη·
여기에는 염수의 구덩이가 있어 상당한 크기의 호수만한 둘레를 가지며, 높고 가파른 절벽으로 둘러싸여 있어 계단 모양의 내려가는 길을 두고 있다.
τὸ δʼ ὕδωρ οὔτʼ αὔξεσθαί φασιν οὔτʼ ἀπόρρυσιν ἔχειν οὐδαμοῦ φανεράν.
이 물은 불어나지도 않고 어디에도 뚜렷한 유출구를 두고 있지 않다고 전해진다.
§12.2.6πόλιν δʼ οὔτε τὸ τῶν Καταόνων ἔχει πεδίον οὔθʼ ἡ Μελιτηνή, φρούρια δʼ ἐρυμνὰ ἐπὶ τῶν ὀρῶν τά τε Ἀζάμορα καὶ τὸ Δάσταρκον, ὃ περιρρεῖται τῷ Καρμάλᾳ ποταμῷ.
카타오니아 평원도 멜리테네도 도시를 두고 있지 않으나, 산 위에는 아자모라와 카르말라스강에 의해 둘러싸여 흐르는 다스타르콘이라는 견고한 요새들이 있다.
ἔχει δὲ καὶ ἱερὸν τὸ τοῦ Κατάονος Ἀπόλλωνος καθʼ ὅλην τιμώμενον τὴν Καππαδοκίαν, ποιησαμένων ἀφιδρύματα ἀπʼ αὐτοῦ.
또한 카파도키아 전역에서 숭배되는 카타온 아폴론의 신전이 있으며, 사람들은 그곳으로부터 분령을 모신 신상을 만들었다.
οὐδὲ αἱ ἄλλαι στρατηγίαι πόλεις ἔχουσι πλὴν δυεῖν·
다른 전략구들도 두 곳을 제외하고는 도시를 두고 있지 않다.
τῶν δὲ λοιπῶν στρατηγιῶν ἐν μὲν τῇ Σαργαραυσηνῇ πολίχνιόν ἐστιν Ἧρπα καὶ ποταμὸς Καρμάλας, ὃς καὶ αὐτὸς εἰς τὴν Κιλικίαν ἐκδίδωσιν·
남은 전략구들 중 사르가라우세네에는 헤르파라는 작은 마을과 카르말라스강이 있는데, 이 강 자체도 기리키아로 흘러 들어간다.
ἐν δὲ ταῖς ἄλλαις ὅ τε Ἄργος ἔρυμα ὑψηλὸν πρὸς τῷ Ταύρῳ, καὶ τὰ Νῶρα ὃ νῦν καλεῖται Νηροασσός, ἐν ᾧ Εὐμένης πολιορκούμενος ἀντέσχε πολὺν χρόνον·
또한 다른 전략구들에는 타우로스 산맥 근처의 높은 요새인 아르고스와 오늘날 네로아소스라 불리는 노라가 있는데, 그곳에서는 에우메네스가 포위된 채 오랫동안 버텼다.
καθʼ ἡμᾶς δὲ Σισίνου ὑπῆρξε χρηματοφυλάκιον τοῦ ἐπιθεμένου τῇ Καππαδόκων ἀρχῇ.
우리 시대에는 이것이 카파도키아인들의 지배권을 노린 시시네스의 보물창고였다.
τούτου δʼ ἦν καὶ τὰ Κάδηνα, βασίλειον καὶ πόλεως κατασκευὴν ἔχον·
이 사람의 것으로 카데나도 있었는데, 이는 왕궁과 도시의 격식을 갖추고 있었다.
ἔστι δὲ καὶ ἐπὶ τῶν ὅρων τῶν Λυκαονικῶν τὰ Γαρσαύιρα κωμόπολις· λέγεται δʼ ὑπάρξαι ποτὲ καὶ αὕτη μητρόπολις τῆς χώρας.
또한 리카오니아 경계에는 가르사우이라라는 읍이 있는데, 이곳 역시 한때 그 지방의 수도였다고 전해진다.
ἐν δὲ τῇ Μοριμηνῇ τὸ ἱερὸν τοῦ ἐν Ὀυηνάσοις Διός, ἱεροδούλων κατοικίαν ἔχον τρισχιλίων σχεδόν τι καὶ χώραν ἱερὰν εὔκαρπον, παρέχουσαν πρόσοδον ἐνιαύσιον ταλάντων πεντεκαίδεκα τῷ ἱερεῖ·
모리메네에는 우에나사의 제우스 신전이 있으며, 거의 삼천 명에 달하는 신전 노예들의 거주지와 신관에게 매년 15달란트의 수입을 제공하는 비옥한 성스러운 토지를 가지고 있다.
καὶ οὗτος δʼ ἐστὶ διὰ βίου, καθάπερ καὶ ὁ ἐν Κομάνοις, καὶ δευτερεύει κατὰ τιμὴν μετʼ ἐκεῖνον.
이 신관 역시 코마나의 신관처럼 평생직이며, 명예에 있어 그의 다음가는 서열이다.
§12.2.7δύο δὲ μόναι στρατηγίαι πόλεις ἔχουσιν, ἡ μὲν Τυανῖτις τὰ Τύανα ὑποπεπτωκυῖαν τῷ Ταύρῳ τῷ κατὰ τὰς Κιλικίας πύλας, καθʼ ἃς εὐπετέσταται καὶ κοινόταται πᾶσίν εἰσιν αἱ εἰς τὴν Κιλικίαν καὶ τὴν Συρίαν ὑπερβολαί·
오직 두 전략구만이 도시를 가지고 있는데, 하나는 티아니티스 전략구로 티아나를 가지고 있으며, 이 도시는 기리키아 관문 근처의 타우로스 산맥 아래에 위치해 있어, 이곳을 통해 기리키아와 시리아로 넘어가는 통로가 모두에게 가장 쉽고 아주 일반적이다.
καλεῖται δὲ Εὐσέβεια ἡ πρὸς τῷ Ταύρῳ ἀγαθὴ δὲ καὶ πεδιὰς ἡ πλείστη.
이것은 '타우로스 산맥 근처의 에우세베이아'라고도 불리며, 그 대부분은 훌륭하고 평탄하다.
τὰ δὲ Τύανα ἐπίκειται χώματι Σεμιράμιδος τετειχισμένῳ καλῶς.
티아나는 세미라미스의 성벽이 잘 둘러쳐진 토루 위에 솟아 있다.
οὐ πολὺ δʼ ἄπωθεν ταύτης ἐστὶ τά τε Καστάβαλα καὶ τὰ Κύβιστρα, ἔτι μᾶλλον τῷ ὄρει πλησιάζοντα πολίσματα·
이곳에서 멀지 않은 곳에 카스타발라와 키비스트라가 있는데, 이들은 산에 더욱 가까운 소도시들이다.
ὧν ἐν τοῖς Κασταβάλοις ἐστὶ τὸ τῆς Περασίας Ἀρτέμιδος ἱερόν, ὅπου φασὶ τὰς ἱερείας γυμνοῖς τοῖς ποσὶ διʼ ἀνθρακιᾶς βαδίζειν ἀπαθεῖς·
이 중 카스타발라에는 페라시아 아르테미스의 신전이 있어, 그곳의 여신관들은 맨발로 숯불 위를 걸어도 아무런 상처를 입지 않는다고 전해진다.
κἀνταῦθα δέ τινες τὴν αὐτὴν θρυλοῦσιν ἱστορίαν τὴν περὶ τοῦ Ὀρέστου καὶ τῆς Ταυροπόλου, Περασίαν κεκλῆσθαι φάσκοντες διὰ τὸ πέραθεν κομισθῆναι.
이곳에서도 어떤 이들은 오레스테스와 타우로폴로스에 관한 동일한 이야기를 수군대며, 그녀가 건너편으로부터 실려 왔기 때문에 페라시아라고 불린다고 주장한다.
ἐν μὲν δὴ τῇ Τυανίτιδι στρατηγίᾳ τῶν λεχθεισῶν δέκα ἔστι πόλισμα τὰ Τύανα (τὰς δʼ ἐπικτήτους οὐ συναριθμῶ ταύταις, τὰ Καστάβαλα καὶ τὰ Κύβιστρα καὶ τὰ ἐν τῇ τραχείᾳ Κιλικίᾳ, ἐν ᾗ τὴν Ἐλαιοῦσσαν νησίον εὔκαρπον συνέκτισεν Ἀρχέλαος ἀξιολόγως, καὶ τὸ πλέον ἐνταῦθα διέτριβεν), ἐν δὲ τῇ Κιλικίᾳ καλουμένῃ τὰ Μάζακα ἡ μητρόπολις τοῦ ἔθνους·
그리하여 티아니티스 전략구에는 언급된 열 개의 전략구 중 티아나라는 도시가 있다 (추가로 획득된 영토들, 즉 카스타발라와 키비스트라, 그리고 거친 기리키아에 있는 땅들은 여기에 산입하지 않는데, 거친 기리키아에서 아르켈라오스는 비옥한 작은 섬인 엘라이웃사를 주목할 만한 격식으로 건설하여 대체로 그곳에서 시간을 보냈다). 반면에 기리키아라 불리는 전략구에는 이 민족의 수도인 마자카가 있다.
καλεῖται δʼ Εὐσέβεια καὶ αὕτη ἐπίκλησιν ἡ πρὸς τῷ Ἀργαίῳ·
이것 역시 '아르가이오스산 근처의 에우세베이아'라는 별칭으로 불린다.
κεῖται γὰρ ὑπὸ τῷ Ἀργαίῳ ὄρει πάντων ὑψηλοτάτῳ καὶ ἀνέκλειπτον χιόνι τὴν ἀκρώρειαν ἔχοντι, ἀφʼ ἧς φασιν οἱ ἀναβαίνοντες (οὗτοι δʼ εἰσὶν ὀλίγοι) κατοπτεύεσθαι ταῖς αἰθρίαις ἄμφω τὰ πελάγη τό τε Ποντικὸν καὶ τὸ Ἰσσικόν.
이 도시는 모든 산 중 가장 높고 그 정상이 끊임없이 눈으로 덮여 있는 아르가이오스산 아래에 위치하고 있기 때문인데, 산을 오르는 사람들의 말에 따르면 맑은 날에는 그곳에서 폰토스해와 이소스해 두 바다를 모두 내려다볼 수 있다고 한다.
τὰ μὲν οὖν ἄλλα ἀφυῆ πρὸς συνοικισμὸν ἔχει πόλεως·
다른 한편으로 이 도시는 도시를 세우기에 자연적으로 적합하지 않다.
ἄνυδρός τε γάρ ἐστι καὶ ἀνώχυρος διὰ τὴν ὀλιγωρίαν τῶν ἡγεμόνων καὶ ἀτείχιστος, τάχα δὲ καὶ ἐπίτηδες, ἵνα μὴ ὡς ἐρύματι πεποιθότες τῷ τείχει σφόδρα λῃστεύοιεν πεδίον οἰκοῦντες λόφους ὑπερδεξίους ἔχοντες καὶ ἀνεμβαλεῖς.
지배자들의 방치로 인해 물이 없고 요새화되어 있지 않으며 성벽이 없기 때문인데, 어쩌면 이는 일부러 그런 것일 수도 있으니, 평원에 살면서 그들보다 위에 있고 침입하기 어려운 언덕들을 가진 그들이 성벽을 요새로 믿고 심하게 약탈 행위를 일삼지 않도록 하기 위함일 것이다.
καὶ τὰ κύκλῳ δὲ χωρία ἔχει τελέως ἄφορα καὶ ἀγεώργητα καίπερ ὄντα πεδινά, ἀλλʼ ἔστιν ἀμμώδη καὶ ὑπόπετρα.
또한 주변 지역도 평탄함에도 불구하고 완전히 불모지이고 경작되지 않는데, 모래가 많고 밑에 바위가 깔려 있기 때문이다.
μικρὸν δʼ ἔτι προϊοῦσι καὶ πυρίληπτα πεδία καὶ μεστὰ βόθρων πυρὸς ἐπὶ σταδίους πολλοὺς ὥστε πόρρωθεν ἡ κομιδὴ τῶν ἐπιτηδείων, καὶ τὸ δοκοῦν δὲ πλεονέκτημα παρακείμενον ἔχει κίνδυνον·
조금 더 나아가면 많은 스타디온에 걸쳐 불에 탄 평원과 불의 구덩이들이 가득하여 생활필수품의 운송을 멀리서 해와야 하며, 이점처럼 보이는 것도 곁에 위험을 안고 있다.
ἀξύλου γὰρ ὑπαρχούσης σχεδόν τι τῆς συμπάσης Καππαδοκίας ὁ Ἀργαῖος ἔχει περικείμενον δρυμὸν ὥστε ἐγγύθεν ὁ ξυλισμὸς πάρεστιν, ἀλλʼ οἱ ὑποκείμενοι τῷ δρυμῷ τόποι καὶ αὐτοὶ πολλαχοῦ πυρὰ ἔχουσιν, ἅμα δὲ καὶ ὕφυδροί εἰσι ψυχρῷ ὕδατι, οὔτε τοῦ πυρὸς οὔτε τοῦ ὕδατος εἰς τὴν ἐπιφάνειαν ἐκκύπτοντος, ὥστε καὶ ποάζειν τὴν πλείστην·
거의 모든 카파도키아에 나무가 없는 반면 아르가이오스산은 주변에 삼림을 두르고 있어 가까이서 땔나무를 벌채할 수 있으나, 삼림 아래에 있는 장소들 역시 여러 곳에 불을 품고 있으며 동시에 지하에 찬물이 흐르고 있어, 불도 물도 지표로 솟구치지 않아 대부분 풀밭을 이루고 있기 때문이다.
ἔστι δʼ ὅπου καὶ ἑλῶδές ἐστι τὸ ἔδαφος καὶ νύκτωρ ἐξάπτονται φλόγες ἀπʼ αὐτοῦ.
그러나 땅이 늪지처럼 되어 밤마다 그곳에서 불꽃이 타오르는 곳도 있다.
οἱ μὲν οὖν ἔμπειροι φυλαττόμενοι τὸν ξυλισμὸν ποιοῦνται, τοῖς δὲ πολλοῖς κίνδυνός ἐστι, καὶ μάλιστα τοῖς κτήνεσιν ἐμπίπτουσιν εἰς ἀδήλους βόθρους πυρός.
그리하여 경험 많은 이들은 예방 조치를 취하며 벌채를 하지만, 대다수 사람들에게는 위험하며, 특히 가축들은 보이지 않는 불의 구덩이로 떨어지곤 한다.