§12.1.1καὶ ἡ Καππαδοκία δʼ ἐστὶ πολυμερής τε καὶ συχνὰς δεδεγμένη μεταβολάς.
카파도키아 역시 여러 부분으로 나뉘며 잦은 변천을 겪어 왔다.
οἱ δʼ οὖν ὁμόγλωττοι μάλιστά εἰσιν οἱ ἀφοριζόμενοι πρὸς νότον μὲν τῷ Κιλικίῳ λεγομένῳ Ταύρῳ, πρὸς ἕω δὲ τῇ Ἀρμενίᾳ καὶ τῇ Κολχίδι καὶ τοῖς μεταξὺ ἑτερογλώττοις ἔθνεσι, πρὸς ἄρκτον δὲ τῷ Εὐξείνῳ μέχρι τῶν ἐκβολῶν τοῦ Ἅλυος, πρὸς δύσιν δὲ τῷ τε τῶν Παφλαγόνων ἔθνει καὶ Γαλατῶν τῶν τὴν Φρυγίαν ἐποικησάντων μέχρι Λυκαόνων καὶ Κιλίκων τῶν τὴν τραχεῖαν Κιλικίαν νεμομένων.
어쨌든 같은 언어를 쓰는 이들이 주로 거주하는 지역은 다음과 같이 구획된다. 남쪽으로는 소위 기리키아의 타우로스 산맥, 동쪽으로는 아르메니아와 콜키스 및 그 사이에 존재하는 이언어 민족들, 북쪽으로는 할리스 강구에 이르는 에욱시노스해, 서쪽으로는 파플라고니아인 민족 및 프리기아에 이주해 살던 갈라티아인 민족에서부터 리카오니아인들과 거친 기리키아를 영유하는 기리키아인들의 영토에 이르는 지역이다.
§12.1.2καὶ αὐτῶν δὲ τῶν ὁμογλώττων οἱ παλαιοὶ τοὺς Κατάονας καθʼ αὑτοὺς ἔταττον, ἀντιδιαιροῦντες τοῖς Καππάδοξιν ὡς ἑτεροεθνέσι, καὶ ἐν τῇ διαριθμήσει τῶν ἐθνῶν μετὰ τὴν Καππαδοκίαν ἐτίθεσαν τὴν Καταονίαν, εἶτα τὸν Εὐφράτην καὶ τὰ πέραν ἔθνη, ὥστε καὶ τὴν Μελιτηνὴν ὑπὸ τῇ Καταονίᾳ τάττειν, ἣ μεταξὺ κεῖται ταύτης τε καὶ τοῦ Εὐφράτου συνάπτουσα τῇ Κομμαγηνῇ, μέρος τε τῆς Καππαδοκίας ἐστὶ δέκατον κατὰ τὴν εἰς δέκα στρατηγίας διαίρεσιν τῆς χώρας.
이처럼 같은 언어를 쓰는 이들 중에서도 고대인들은 카타오니아인들을 카파도키아인들과는 다른 민족으로 구별하여 독자적인 위치에 놓았으며, 민족들을 열거할 때 카파도키아 다음에 카타오니아를 두고, 이어서 유프라테스강과 그 너머의 민족들을 배치했다. 그리하여 카타오니아와 유프라테스강 사이에 위치하여 콤마게네와 인접한 멜리테네마저도 카타오니아 밑에 두었는데, 이 지역은 나라를 열 개의 전략구로 나누는 구획에 따르면 카파도키아의 10분의 1을 구성하는 부분이다.
οὕτω γὰρ δὴ οἱ καθʼ ἡμᾶς βασιλεῖς οἱ πρὸ Ἀρχελάου διατεταγμένην εἶχον τὴν ἡγεμονίαν τῆς Καππαδοκίας·
아르켈라오스 이전 우리 시대의 왕들이 카파도키아의 영토를 이와 같이 편성하여 다스렸기 때문이다.
δέκατον δʼ ἐστὶ μέρος καὶ ἡ Καταονία.
카타오니아 역시 10분의 1을 차지하는 부분이다.
καθʼ ἡμᾶς δὲ εἶχε στρατηγὸν ἑκατέρα ἴδιον·
우리 시대에는 이 두 곳이 각각 고유한 전략관을 두고 있었다.
οὔτε δʼ ἐκ τῆς διαλέκτου διαφορᾶς τινος ἐν τούτοις πρὸς τοὺς ἄλλους Καππάδοκας ἐμφαινομένης οὔτε ἐκ τῶν ἄλλων ἐθῶν, θαυμαστὸν πῶς ἠφάνισται τελέως τὰ σημεῖα τῆς ἀλλοεθνίας.
그러나 이들의 방언에서 다른 카파도키아인들과 어떠한 차이도 나타나지 않고, 다른 풍습에서도 차이가 없기 때문에, 그들이 다른 민족이었다는 흔적이 어떻게 이토록 완전히 사라졌는지는 놀라울 따름이다.
ἦσαν δʼ οὖν διωρισμένοι, προσεκτήσατο δʼ αὐτοὺς Ἀριαράθης ὁ πρῶτος προσαγορευθεὶς Καππαδόκων βασιλεύς.
어쨌든 그들은 한때 구별되어 있었으나, 카파도키아인의 첫 번째 왕이라 불린 아리아라테스가 이들을 병합하였다.
§12.1.3ἔστι δʼ ὥσπερ χερρονήσου μεγάλης ἰσθμὸς οὗτος, σφιγγόμενος θαλάτταις δυσὶ τῇ τε τοῦ Ἰσσικοῦ κόλπου μέχρι τῆς τραχείας Κιλικίας καὶ τῇ τοῦ Εὐξείνου μεταξὺ Σινώπης τε καὶ τῆς τῶν Τιβαρηνῶν παραλίας·
이 지역은 마치 거대한 반도의 지협과 같아서, 이소스만에서 거친 기리키아에 이르는 바다와 시노페에서 티바레니인의 연안에 이르는 에욱시노스해라는 두 바다에 의해 조여져 있다.
ἐντὸς δὲ τοῦ ἰσθμοῦ λέγομεν χερρόνησον τὴν προσεσπέριον τοῖς Καππάδοξιν ἅπασαν, ἣν Ἡρόδοτος μὲν ἐντὸς Ἅλυος καλεῖ·
우리는 지협 안쪽인 카파도키아인 서쪽의 전 지역을 반도라 부르는데, 헤로도토스는 이를 "할리스강 안쪽"이라 부른다.
αὕτη γὰρ ἔστιν ἧς ἦρξεν ἁπάσης Κροῖσος· λέγει δʼ αὐτὸν ἐκεῖνος τύραννον ἐθνέων τῶν ἐντὸς Ἅλυος ποταμοῦ.
크로이소스가 지배한 전 영토가 이에 해당하기 때문이며, 헤로도토스는 그를 "할리스강 안쪽 민족들의 지배자"라 부른다.
οἱ δὲ νῦν τὴν ἐντὸς τοῦ Ταύρου καλοῦσιν Ἀσίαν, ὁμωνύμως τῇ ὅλῃ ἠπείρῳ ταύτην Ἀσίαν προσαγορεύοντες.
그러나 오늘날 사람들은 이곳을 대륙 전체와 같은 이름으로 "아시아"라 부르며, "타우로스 안쪽의 아시아"라고 칭한다.
περιέχεται δʼ ἐν αὐτῇ πρῶτα μὲν ἔθνη τὰ ἀπὸ τῆς ἀνατολῆς Παφλαγόνες τε καὶ Φρύγες καὶ Λυκάονες, ἔπειτα Βιθυνοὶ καὶ Μυσοὶ καὶ ἡ Ἐπίκτητος, ἔτι δὲ Τρῳὰς καὶ Ἑλλησποντία, μετὰ δὲ τούτους ἐπὶ θαλάττῃ μὲν Ἑλλήνων οἵ τε Αἰολεῖς καὶ Ἴωνες τῶν δʼ ἄλλων Κᾶρές τε καὶ Λύκιοι, ἐν δὲ τῇ μεσογαίᾳ Λυδοί.
이 안에는 우선 동쪽으로부터 파플라고니아인, 프리기아인, 리카오니아인이라는 민족들이 포함되며, 이어서 비티니아인, 미시아인, 에픽테토스 지방, 나아가 트로아스와 헬레스폰토스가 포함되고, 이들 뒤로는 해안가를 따라 그리스인 중 에올리스인과 이오니아인이, 다른 민족 중에는 카리아인과 리키아인이, 그리고 내륙에는 리디아인이 위치해 있다.
§12.1.4περὶ μὲν οὖν τῶν ἄλλων ἐροῦμεν ὕστερον.
다른 민족들에 대해서는 나중에 이야기하겠다.
τὴν δὲ Καππαδοκίαν εἰς δύο σατραπείας μερισθεῖσαν ὑπὸ τῶν Περσῶν παραλαβόντες Μακεδόνες περιεῖδον τὰ μὲν ἑκόντες τὰ δʼ ἄκοντες εἰς βασιλείας ἀντὶ σατραπειῶν περιστᾶσαν·
한편 카파도키아는 페르시아인에 의해 두 개의 사트라페이아로 나뉘어 있었는데, 이를 물려받은 마케도니아인들은 그것이 사트라페이아 대신 왕국으로 넘어가는 것을 자발적이든 비자발적이든 묵인했다.
ὧν τὴν μὲν ἰδίως Καππαδοκίαν ὠνόμασαν καὶ πρὸς τῷ Ταύρῳ καὶ νὴ Δία μεγάλην Καππαδοκίαν, τὴν δὲ Πόντον, οἱ δὲ τὴν πρὸς τῷ Πόντῳ Καππαδοκίαν.
그들은 이 왕국들 중 하나를 본래의 카파도키아, 또는 타우로스 부근의 카파도키아, 제우스에 맹세코 대카파도키아라 불렀고, 다른 하나는 폰토스, 혹은 일부는 폰토스 부근의 카파도키아라 불렀다.
τῆς δὲ μεγάλης Καππαδοκίας νῦν μὲν οὐκ ἴσμεν πω τὴν διάταξιν·
대카파도키아의 행정 구역에 대해서는 현재로서는 아직 잘 알지 못한다.
τελευτήσαντος γὰρ τὸν βίον Ἀρχελάου τοῦ βασιλεύσαντος, ἔγνω Καῖσάρ τε καὶ ἡ σύγκλητος ἐπαρχίαν εἶναι Ῥωμαίων αὐτήν.
왕으로 다스리던 아르켈라오스가 일생을 마친 후, 카이사르와 원로원이 이곳을 로마인의 속주로 삼기로 결정했기 때문이다.
ἐπʼ ἐκείνου δὲ καὶ τῶν πρὸ αὐτοῦ βασιλέων εἰς δέκα στρατηγίας διῃρημένης τῆς χώρας, πέντε μὲν ἐξητάζοντο αἱ πρὸς τῷ Ταύρῳ, Μελιτηνὴ Καταονία Κιλικία Τυανῖτις Γαρσαυρῖτις, πέντε δὲ λοιπαὶ Λαουιανσηνὴ Σαργαραυσηνὴ Σαραουηνὴ Χαμανηνὴ Μοριμηνή.
그와 그 이전 왕들의 시대에는 영토가 열 개의 전략구로 나뉘어 있었는데, 타우로스 부근의 다섯 개로 멜리테네, 카타오니아, 기리키아, 티아니티스, 가르사우리티스가 꼽혔고, 나머지 다섯 개는 라우이안세네, 사르가라우세네, 사라우에네, 카마네네, 모리메네였다.
προσεγένετο δʼ ὕστερον παρὰ Ῥωμαίων ἐκ τῆς Κιλικίας τοῖς πρὸ Ἀρχελάου καὶ ἑνδεκάτη στρατηγία, ἡ περὶ Καστάβαλά τε καὶ Κύβιστρα μέχρι τῆς Ἀντιπάτρου τοῦ λῃστοῦ Δέρβης, τῷ δὲ Ἀρχελάῳ καὶ ἡ τραχεῖα περὶ Ἐλαιοῦσσαν Κιλικία καὶ πᾶσα ἡ τὰ πειρατήρια συστησαμένη.
그 후 아르켈라오스 이전의 왕들에게 로마인에 의해 기리키아로부터 열한 번째 전략구가 추가되었으니, 이는 카스타발라와 키비스트라 주변에서부터 도적 안티파트로스의 데르베에 이르는 지역이었고, 아르켈라오스에게는 엘라이웃사 주변의 거친 기리키아와 해적단을 조직했던 전 연안 지역도 추가되었다.