§11.13.8τοιαύτη μέν τις ἡ χώρα·
이 지방은 대략 이러하다.
τὸ δὲ μέγεθος πάρισός πώς ἐστιν εἰς πλάτος καὶ μῆκος·
그 크기는 가로와 세로가 대략 비슷하다.
δοκεῖ δὲ μέγιστον εἶναι μῆκος τῆς Μηδίας τὸ ἀπὸ τῆς τοῦ Ζάγρου ὑπερθέσεως, ἥπερ καλεῖται Μηδικὴ πύλη, εἰς Κασπίους πύλας διὰ τῆς Σιγριανῆς σταδίων τετρακισχιλίων ἑκατόν.
미디아의 가장 긴 길이는 미디아 문이라 불리는 자그로스 산맥의 고개에서부터 시그리아네를 거쳐 카스피해 문에 이르는 사천백 스타디온으로 보인다.
τῷ δὲ μεγέθει καὶ τῇ δυνάμει τῆς χώρας ὁμολογεῖ καὶ ἡ περὶ τῶν φόρων ἱστορία·
이 지방의 크기와 권력에는 공납에 관한 기록도 일치한다.
τῆς γὰρ Καππαδοκίας παρεχούσης τοῖς Πέρσαις κατʼ ἐνιαυτὸν πρὸς τῷ ἀργυρικῷ τέλει ἵππους χιλίους καὶ πεντακοσίους, ἡμιόνους δὲ δισχιλίους, προβάτων δὲ πέντε μυριάδας, διπλάσια σχεδόν τι τούτων ἐτέλουν οἱ Μῆδοι.
카파도키아가 매년 페르시아인들에게 금전세 외에 말 천오백 마리, 노새 이천 마리, 양 오만 마리를 바쳤던 반면, 미디아인들은 이것의 거의 두 배를 납부했기 때문이다.
§11.13.9ἔθη δὲ τὰ πολλὰ μὲν τὰ αὐτὰ τούτοις τε καὶ τοῖς Ἀρμενίοις διὰ τὸ καὶ τὴν χώραν παραπλησίαν εἶναι.
풍습의 대부분은 이들과 아르메니아인들이 같은데, 이는 영토 역시 비슷하기 때문이다.
τοὺς μέντοι Μήδους ἀρχηγέτας εἶναί φασι καὶ τούτοις καὶ ἔτι πρότερον Πέρσαις τοῖς ἔχουσιν αὐτοὺς καὶ διαδεξαμένοις τὴν τῆς Ἀσίας ἐξουσίαν.
그러나 미디아인들이 이 풍습들의 시초였으며, 이들(아르메니아인)에게뿐만 아니라 그보다 먼저 그들을 지배하고 아시아의 지배권을 승계한 페르시아인들에게도 그러했다고 사람들은 말한다.
ἡ γὰρ νῦν λεγομένη Περσικὴ στολὴ καὶ ὁ τῆς τοξικῆς καὶ ἱππικῆς ζῆλος καὶ ἡ περὶ τοὺς βασιλέας θεραπεία καὶ κόσμος καὶ σεβασμὸς θεοπρεπὴς παρὰ τῶν ἀρχομένων εἰς τοὺς Πέρσας παρὰ Μήδων ἀφῖκται.
왜냐하면 오늘날 페르시아의 의복이라 불리는 것과 활쏘기 및 기마에 대한 열정, 왕들을 둘러싼 시중과 장식, 그리고 신민들로부터의 신과 같은 경외심은 미디아인들에게서 페르시아인들에게로 전해졌기 때문이다.
καὶ ὅτι τοῦτʼ ἀληθὲς ἐκ τῆς ἐσθῆτος μάλιστα δῆλον·
그리고 이것이 사실임은 의복에서 가장 명백히 드러난다.
τιάρα γάρ τις καὶ κίταρις καὶ πῖλος καὶ χειριδωτοὶ χιτῶνες καὶ ἀναξυρίδες ἐν μὲν τοῖς ψυχροῖς τόποις καὶ προσβόρροις ἐπιτήδειά ἐστι φορήματα, οἷοί εἰσιν οἱ Μηδικοί, ἐν δὲ τοῖς νοτίοις ἥκιστα·
티아라, 키타리스, 필로스, 소매가 달린 키톤, 그리고 바지(아낙시리데스)는 미디아와 같이 춥고 북쪽에 치우친 곳에서는 착용하기에 적합한 의복이지만, 남쪽 지역에서는 전혀 그렇지 않다.
οἱ δὲ Πέρσαι τὴν πλείστην οἴκησιν ἐπὶ τῇ Ἐρυθρᾷ θαλάττῃ κέκτηνται, μεσημβρινώτεροι καὶ Βαβυλωνίων ὄντες καὶ Σουσίων·
그런데 페르시아인들은 대부분 홍해 연안에 거주지를 소유하고 있었으며, 바빌로니아인들이나 수사인들보다 더 남쪽에 위치해 있었다.
μετὰ δὲ τὴν κατάλυσιν τὴν τῶν Μήδων προσεκτήσαντό τινα καὶ τῶν προσαπτομένων Μηδίᾳ.
그리고 미디아를 멸망시킨 후에야 미디아에 인접한 영토의 일부를 추가로 획득했다.
ἀλλʼ οὕτως ἐφάνη σεμνὰ καὶ τοῦ βασιλικοῦ προσχήματος οἰκεῖα τὰ ἔθη τοῖς νικήσασι τὰ τῶν νικηθέντων, ὥστʼ ἀντὶ γυμνητῶν καὶ ψιλῶν θηλυστολεῖν ὑπέμειναν, καὶ κατηρεφεῖς εἶναι τοῖς σκεπάσμασι.
그럼에도 불구하고 피정복자의 풍습이 정복자들에게 매우 장엄하고 왕의 품격에 어울리는 것으로 보였기 때문에, 그들은 가벼운 옷차림이나 벌거벗은 상태로 지내는 대신 여성처럼 차려입고 옷으로 온몸을 감싸는 것을 감수했던 것이다.
§11.13.10τινὲς δὲ Μήδειαν καταδεῖξαι τὴν ἐσθῆτα ταύτην φασὶ δυναστεύσασαν ἐν τοῖς τόποις, καθάπερ καὶ Ἰάσονα, καὶ ἐπικρυπτομένην τὴν ὄψιν ὅτε ἀντὶ τοῦ βασιλέως ἐξίοι·
또한 어떤 이들은 이 지역들을 지배했던 메데이아가 이아손과 마찬가지로 이 의복을 도입했으며, 왕을 대신해 밖으로 나갈 때 얼굴을 가렸다고 말한다.
τοῦ μὲν Ἰάσονος ὑπομνήματα εἶναι τὰ Ἰασόνια ἡρῷα τιμώμενα σφόδρα ὑπὸ τῶν βαρβάρων (ἔστι δὲ καὶ ὄρος μέγα ὑπὲρ τῶν Κασπίων πυλῶν ἐν ἀριστερᾷ καλούμενον Ἰασόνιον), τῆς δὲ Μηδείας τὴν ἐσθῆτα καὶ τοὔνομα τῆς χώρας.
즉, 이아손의 기념물로는 바르바로스들에게 매우 숭상받는 이아손 사당들이 있고(카스피해 문 위쪽 왼쪽에는 이아소니온이라 불리는 큰 산도 있다), 메데이아의 기념물로는 그 의복과 이 지방의 이름이 있다는 것이다.
λέγεται δὲ καὶ Μῆδος υἱὸς αὐτῆς διαδέξασθαι τὴν ἀρχὴν καὶ τὴν χώραν ἐπώνυμον αὑτοῦ καταλιπεῖν.
또한 그녀의 아들 메도스가 지배를 승계하여 자신의 이름을 딴 지방을 남겼다고도 전해진다.
ὁμολογεῖ δὲ τούτοις καὶ τὰ κατὰ τὴν Ἀρμενίαν Ἰασόνια καὶ τὸ τῆς χώρας ὄνομα καὶ ἄλλα πλείω περὶ ὧν ἐροῦμεν.
이것에는 아르메니아에 있는 이아손 사당들과 그 지방의 이름, 그리고 우리가 앞으로 말하게 될 그 밖의 더 많은 사실들이 일치한다.
§11.13.11καὶ τοῦτο δὲ Μηδικὸν τὸ βασιλέα αἱρεῖσθαι τὸν ἀνδρειότατον, ἀλλʼ οὐ πᾶσιν ἀλλὰ τοῖς ὀρείοις·
또한 가장 용맹한 남자를 왕으로 뽑는 것도 미디아의 풍습이다. 다만 모든 이가 아니라 산악 지대의 주민들에게 그러하다.
μᾶλλον δὲ τὸ τοῖς βασιλεῦσιν πολλὰς εἶναι γυναῖκας·
더욱 그러한 풍습은 왕들이 많은 아내를 거느리는 것이다.
τοῖς δʼ ὀρείοις τῶν Μήδων καὶ πᾶσιν ἔθος τοῦτο, ἐλάττους δὲ τῶν πέντε οὐκ ἔξεστιν·
미디아의 산악 주민들에게는 이것이 모든 사람의 풍습이며, 다섯 명 미만의 아내를 두는 것은 허용되지 않는다.
ὡς δʼ αὕτως τὰς γυναῖκάς φασιν ἐν καλῷ τίθεσθαι ὅτι πλείστους νέμειν ἄνδρας, τῶν πέντε δὲ ἐλάττους συμφορὰν ἡγεῖσθαι.
마찬가지로 여성들에게도 가능한 한 많은 남편을 거느리는 것이 품위 있는 일로 여겨지며, 다섯 명 미만인 것은 불행으로 여겨진다고 한다.
τῆς δʼ ἄλλης Μηδίας εὐδαιμονούσης τελέως λυπρά ἐστιν ἡ προσάρκτιος ὀρεινή·
미디아의 다른 지역이 완전히 비옥한 반면, 북부 산악 지대는 척박하다.
σιτοῦνται γοῦν ἀπὸ ἀκροδρύων, ἔκ τε μήλων ξηρῶν κοπέντων ποιοῦνται μάζας, ἀπὸ δʼ ἀμυγδάλων φωχθέντων ἄρτους, ἐκ δὲ ῥιζῶν τινων οἶνον ἐκθλίβουσι, κρέασι δὲ χρῶνται θηρείοις, ἥμερα δὲ οὐ τρέφουσι θρέμματα.
어쨌든 그들은 나무 열매를 먹고 살아가는데, 말려서 다진 사과로 경단을 만들고, 구운 편도로 빵을 만들며, 어떤 뿌리들에서 술을 짜내고, 야생동물의 고기를 먹되 길들여진 가축은 기르지 않는다.
τοσαῦτα καὶ περὶ Μήδων φαμέν·
미디아인들에 대해서는 이만큼만 말하기로 한다.
περὶ δὲ τῶν νομίμων κοινῇ τῆς συμπάσης Μηδίας, ἐπειδὴ ταὐτὰ τοῖς Περσικοῖς γεγένηται διὰ τὴν τῶν Περσῶν ἐπικράτειαν, ἐν τῷ περὶ ἐκείνων λόγῳ φήσομεν.
미디아 전체의 공통된 관습에 대해서는, 페르시아인들의 패권으로 인해 페르시아의 것과 같아졌으므로, 그들에 관한 글에서 다루도록 하겠다.