§8.11#1Ἐπιτίμησις δὲ λόγου κατ᾿ αὐτόν τε τὸν λόγον, καὶ ὅταν ἐρωτᾶται, οὐχ ἡ αὐτή·
논증 자체에 대한 비판과, 질문을 받을 때의 비판은 동일하지 않다.
πολλάκις γὰρ τοῦ μὴ καλῶς διειλέχθαι τὸν λόγον ὁ ἐρωτώμενος αἴτιος διὰ τὸ μὴ συγχωρεῖν ἐξ ὧν ἦν διαλεχθῆναι καλῶς πρὸς τὴν θέσιν·
종종 논증이 훌륭하게 이루어지지 못한 원인은 대답자에게 있는데, 이는 대답자가 그 주장에 대해 훌륭하게 논의하는 것이 가능했을 전제들을 인정하지 않기 때문이다.
οὐ γὰρ ἔστιν ἐπὶ θατέρῳ μόνον τὸ καλῶς ἐπιτελεσθῆναι τὸ κοινὸν ἔργον.
공동의 작업이 훌륭하게 완수되는 것은 한쪽 편에만 달려 있는 것이 아니기 때문이다.
Ἀναγκαῖον οὖν ἐνίοτε πρὸς τὸν λέγοντα καὶ μὴ πρὸς τὴν θέσιν ἐπιχειρεῖν, ὅταν ὁ ἀποκρινόμενος τἀναντία τῷ ἐρωτῶντι παρατηρῇ προσεπηρεάζων.
그러므로 대답자가 훼방을 놓으며 질문자에 대해 정반대의 것만을 노리고 있을 때에는, 주장에 대해서가 아니라 말하는 사람에 대항하여 논증을 시도하는 것이 가끔 필요하다.
Δυσκολαίνοντες οὖν ἀγωνιστικὰς καὶ οὐ διαλεκτικὰς ποιοῦνται τὰς διατριβάς.
그리하여 그들은 심술을 부려 토론을 변증적인 것이 아니라 경쟁적인 것으로 만든다.
Ἔτι δ᾿ ἐπεὶ γυμνασίας καὶ πείρας χάριν ἀλλ᾿ οὐ διδασκαλίας οἱ τοιοῦτοι τῶν λόγων, δῆλον ὡς οὐ μόνον τἀληθῆ συλλογιστέον ἀλλὰ καὶ ψεῦδος, οὐδὲ δι᾿ ἀληθῶν ἀεὶ ἀλλ᾿ ἐνίοτε καὶ ψευδῶν.
나아가 이러한 논증들은 교육이 아니라 훈련과 시험을 위한 것이므로, 참뿐만 아니라 거짓도 추론해야 하며, 항상 참된 전제들을 통해서만이 아니라 때로는 거짓된 전제들을 통해서도 추론해야 함이 분명하다.
Πολλάκις γὰρ ἀληθοῦς τεθέντος ἀναιρεῖν ἀνάγκη τὸν διαλεγόμενον, ὥστε προτατέον τὰ ψευδῆ.
참된 주장이 제기되었을 때 대화자는 종종 그것을 무너뜨려야만 하며, 따라서 거짓된 전제들을 제시해야 하기 때문이다.
Ἐνίοτε δὲ καὶ ψεύδους τεθέντος ἀναιρετέον διὰ ψευδῶν·
때로는 거짓된 주장이 제기되었을 때 거짓된 전제들을 통해 그것을 무너뜨려야 한다.
οὐδὲν γὰρ κωλύει τινὶ δοκεῖν τὰ μὴ ὄντα μᾶλλον τῶν ἀληθῶν, ὥστ᾿ ἐκ τῶν ἐκείνῳ δοκούντων τοῦ λόγου γινομένου μᾶλλον ἔσται πεπεισμένος ἢ ὠφελημένος.
어떤 이에게는 참된 것보다 존재하지 않는 것이 더 설득력 있어 보이는 것을 가로막는 것은 아무것도 없기 때문이며, 따라서 그 사람에게 그렇게 보이는 것으로부터 논증이 이루어질 때 그는 유익을 얻기보다는 더 설득당하게 될 것이다.
Δεῖ δὲ τὸν καλῶς μεταβιβάζοντα διαλεκτικῶς καὶ μὴ ἐριστικῶς μεταβιβάζειν, καθάπερ τὸν γεωμέτρην γεωμετρικῶς, ἄν τε ψεῦδος ἄν τ᾿ ἀληθὲς ᾖ τὸ συμπεραινόμενον·
그러나 논의를 훌륭하게 다른 곳으로 이행시키는 사람은, 기하학자가 기하학적으로 이행시키듯 변증적으로 이행시켜야 하며 쟁송적으로 이행시켜서는 안 된다. 결론지어지는 것이 거짓이든 참이든 마찬가지이다.
ποῖοι δὲ διαλεκτικοὶ συλλογισμοί, πρότερον εἴρηται.
어떤 것이 변증적 추론인가는 이전에 상술했다.
Ἐπεὶ δὲ φαῦλος κοινωνὸς ὁ ἐμποδίζων τὸ κοινὸν ἔργον, δῆλον ὅτι καὶ ἐν λόγῳ.
공동의 작업을 가로막는 자가 불량한 협력자라면, 논증에서도 그러함은 분명하다.
Κοινὸν γάρ τι καὶ ἐν τούτοις προκείμενόν ἐστι, πλὴν τῶν ἀγωνιζομένων.
왜냐하면 이들에서도 서로 다투는 자들을 제외하고는 일종의 공동의 목적이 제시되어 있기 때문이다.
Τούτοις δ᾿ οὐκ ἔστιν ἀμφοτέροις τυχεῖν τοῦ αὐτοῦ τέλους·
이들에게는 양자 모두가 동일한 끝에 도달하는 것이 불가능하다.
πλείους γὰρ ἑνὸς ἀδύνατον νικᾶν.
한 사람보다 많은 이가 이기는 것은 불가능하기 때문이다.
Διαφέρει δ᾿ οὐδὲν ἄν τε διὰ τοῦ ἀποκρίνεσθαι ἄν τε διὰ τοῦ ἐρωτᾶν ποιῇ τοῦτο·
그리고 대답을 통해서든 질문을 통해서든 이를 행하는 것에는 아무런 차이가 없다.
ὅ τε γὰρ ἐριστικῶς ἐρωτῶν φαύλως διαλέγεται, ὅ τ᾿ ἐν τῷ ἀποκρίνεσθαι μὴ διδοὺς τὸ φαινόμενον μηδ᾿ ἐκδεχόμενος ὅ τί ποτε βούλεται ὁ ἐρωτῶν πυθέσθαι.
쟁송적으로 질문하는 자도 형편없이 논의하는 것이며, 대답하면서 명백해 보이는 것을 인정하지 않고 질문자가 묻고자 하는 바가 무엇이든 받아들이려 하지 않는 자도 마찬가지이기 때문이다.
Δῆλον οὖν ἐκ τῶν εἰρημένων ὅτι οὑχ ὁμοίως ἐπιτιμητέον καθ᾿ αὑτόν τε τῷ λόγῳ καὶ τῷ ἐρωτῶντι·
따라서 말해진 것들로부터 분명하듯, 논증 자체에 대한 비판과 질문자에 대한 비판은 똑같이 가해져서는 안 된다.
οὐδὲν γὰρ κωλύει τὸν μὲν λόγον φαῦλον εἶναι, τὸν δ᾿ ἐρωτῶντα ὡς ἐνδέχεται βέλτιστα πρὸς τὸν ἀποκρινόμενον διειλέχθαι.
논증 자체는 조악하지만, 질문자는 대답자에 대해 허용되는 한 최선으로 논의를 진행했을 수 있음을 가로막는 것은 아무것도 없기 때문이다.
Πρὸς γὰρ τοὺς δυσκολαίνοντας οὐ δυνατὸν ἴσως εὐθὺς οἵους τις βούλεται ἀλλ᾿ οἵους ἐνδέχεται ποιεῖσθαι τοὺς συλλογισμούς.
심술을 부리는 자들을 상대로는 아마도 자신이 원하는 성질의 추론을 곧바로 구성할 수는 없고, 가능한 성질의 추론만을 구성할 수 있기 때문이다.
Ἐπεὶ δ᾿ ἐστὶν ἀδιόριστον πότε τἀναντία καὶ πότε τὰ ἐν ἀρχῇ λαμβάνουσιν οἱ ἄνθρωποι (πολλάκις γὰρ καθ᾿ αὑτοὺς λέγοντες τὰ ἐναντία λέγουσι, καὶ ἀνανεύσαντες πρότερον διδόασιν ὕστερον· διόπερ ἐρωτώμενοι τἀναντία καὶ τὸ ἐν ἀρχῇ πολλάκις ὑπακούουσιν), ἀνάγκη φαύλους γίνεσθαι τοὺς λόγους.
그러나 사람들이 언제 반대되는 것들을 취하고 언제 처음의 논점을 취하는지가 규정되어 있지 않으므로(혼잣말을 할 때 종종 모순된 말을 하기도 하고, 앞서 부인했던 것을 나중에 양보하기도 하며, 이에 따라 질문을 받았을 때 종종 반대되는 것이나 처음의 논점에 동의해 버리기 때문이다), 논증들이 나쁘게 흘러가는 것은 필연적이다.
Αἴτιος δ᾿ ὁ ἀποκρινόμενος, τὰ μὲν οὐ διδούς, τὰ δὲ τοιαῦτα διδούς.
그리고 그 원인은 대답자에게 있으니, 어떤 것은 동의하지 않고 어떤 것은 동의하기 때문이다.
Φανερὸν οὖν ὡς οὐχ ὁμοίως ἐπιτιμητέον τοῖς ἐρωτῶσι καὶ τοῖς λόγοις.
따라서 질문자들과 논증들에 대해 똑같이 비판받아서는 안 됨이 명백하다.