§4.2#1Σκοπεῖν δὲ καὶ εἴ τι ἄλλο γένος ἐστὶ τοῦ ἀποδοθέντος εἴδους, ὃ μήτε περιέχει τὸ ἀποδοθὲν γένος μήθ᾿ ὑπ᾿ ἐκεῖνό ἐστιν, οἷον εἴ τις τῆς δικαιοσύνης τὴν ἐπιστήμην θείη γένος.
또한 제시된 종에 대하여, 제시된 유를 포함하지도 않고 그 유 아래에 있지도 않은 다른 어떤 유가 존재하는지 살펴보아야 한다. 예컨대 누군가가 ‘정의’의 유로 ‘지식’을 상정하는 경우이다.
Ἔστι γὰρ καὶ ἡ ἀρετὴ γένος, καὶ οὐδέτερον τῶν γενῶν τὸ λοιπὸν περιέχει, ὥστ᾿ οὐκ ἂν εἴη ἡ ἐπιστήμη γένος τῆς δικαιοσύνης·
‘덕’ 역시 정의의 유인데, 이 두 유 중 어느 쪽도 다른 쪽을 포함하지 않으므로, 지식은 정의의 유가 아닐 것이다.
δοκεῖ γάρ, ὅταν ἓν εἶδος ὑπὸ δύο γένη ᾖ, τὸ ἕτερον ὑπὸ τοῦ ἑτέρου περιέχεσθαι.
하나의 종이 두 유 아래에 있을 때는 한쪽이 다른 쪽에 의해 포함된다고 여겨지기 때문이다.
Ἔχει δ᾿ ἀπορίαν ἐπ᾿ ἐνίων τὸ τοιοῦτο.
하지만 이러한 점은 어떤 것들에 있어서는 어려움을 수반한다.
Δοκεῖ γὰρ ἐνίοις ἡ φρόνησις ἀρετή τε καὶ ἐπιστήμη εἶναι, καὶ οὐδέτερον τῶν γενῶν ὑπ᾿ οὐδετέρου περιέχεσθαι·
어떤 이들에게는 ‘실천적 지혜’가 덕이면서 동시에 지식인 것으로 여겨지고, 두 유 중 어느 쪽도 다른 쪽 아래에 포함되지 않는 것처럼 보이기 때문이다.
οὐ μὴν ὑπὸ πάντων γε συγχωρεῖται τὴν φρόνησιν ἐπιστήμην εἶναι.
물론 실천적 지혜가 지식이라는 점이 모든 이에 의해 동의되는 것은 아니다.
Εἰ δ᾿ οὖν τις συγχωροίη τὸ λεγόμενον ἀληθὲς εἶναι, ἀλλὰ τό γε ὑπ᾿ ἄλληλα ἢ ὑπὸ ταὐτὸ ἄμφω γίγνεσθαι τὰ τοῦ αὐτοῦ γένη τῶν ἀναγκαίων δόξειεν ἂν εἶναι, καθάπερ καὶ ἐπὶ τῆς ἀρετῆς καὶ τῆς ἐπιστήμης συμβαίνει·
그렇지만 설령 누군가가 이 언급된 바가 참이라고 동의하더라도, 동일한 것의 유들이 서로의 아래에 있거나 혹은 둘 다 동일한 것 아래에 있게 되는 것은 필연적인 일로 여겨질 것이다. 마치 덕과 지식의 경우에 그러한 것처럼 말이다.
ἄμφω γὰρ ὑπὸ τὸ αὐτὸ γένος ἐστίν· ἑκάτερον γὰρ αὐτῶν ἕξις καὶ διάθεσίς ἐστιν.
왜냐하면 둘 다 동일한 유 아래에 있기 때문인데, 그것들 각각은 상태이자 성향이기 때문이다.
Σκεπτέον οὖν εἰ μηδέτερον ὑπάρχει τῷ ἀποδοθέντι γένει.
그러므로 제시된 유에 대해 이 두 가지 중 어느 것도 성립하지 않는지 살펴보아야 한다.
Εἰ γὰρ μήθ᾿ ὑπ᾿ ἄλληλά ἐστι τὰ γένη μήθ᾿ ὑπὸ ταὐτὸν ἄμφω, οὐκ ἂν εἴη τὸ ἀποδοθὲν γένος.
만일 유들이 서로의 아래에 있지도 않고 둘 다 동일한 것 아래에 있지도 않다면, 제시된 유는 유가 아닐 것이기 때문이다.
Σκοπεῖν δὲ δεῖ καὶ τὸ γένος τοῦ ἀποδοθέντος γένους, καὶ οὕτως ἀεὶ τὸ ἐπάνω γένος, εἰ πάντα κατηγορεῖται τοῦ εἴδους καὶ εἰ ἐν τῷ τί ἐστι κατηγορεῖται·
또한 제시된 유의 유를, 그리고 이와 같이 항상 더 위의 유를 살펴보아, 그것들 모두가 종에 대해 술어화되는지, 그리고 ‘그것이 무엇인가’에 있어서 술어화되는지 보아야 한다.
πάντα γὰρ τὰ ἐπάνω γένη κατηγορεῖσθαι δεῖ τοῦ εἴδους ἐν τῷ τί ἐστιν.
모든 위의 유들은 종에 대해 ‘그것이 무엇인가’에 있어서 술어화되어야만 하기 때문이다.
Εἰ οὖν που διαφωνεῖ, δῆλον ὅτι οὐ γένος τὸ ἀποδοθέν.
그러므로 만일 어느 곳에서든 불일치가 생긴다면, 제시된 것은 유가 아님이 분명하다.
Πάλιν εἰ μετέχει τὸ γένος τοῦ εἴδους, ἢ αὐτὸ ἢ τῶν ἐπάνω τι γενῶν·
다시, 유 자체가 혹은 위의 유들 중 어떤 것이 종에 관여하는지 살펴보아야 한다.
οὐδενὸς γὰρ τῶν ὑποκάτω τὸ ἐπάνω μετέχει.
위의 것은 아래의 것 중 어느 것에도 관여하지 않기 때문이다.
Ἀνασκευάζοντι μὲν οὖν καθάπερ εἴρηται χρηστέον·
따라서 반박하려는 사람은 언급된 바와 같이 이 방법을 사용해야 한다.
κατασκευάζοντι δέ, ὁμολογουμένου μὲν ὑπάρχειν τῷ εἴδει τοῦ ῥηθέντος γένους, ὅτι δ᾿ ὡς γένος ὑπάρχει ἀμφισβητουμένου, ἀπόχρη τὸ δεῖξαί τι τῶν ἐπάνω γενῶν ἐν τῷ τί ἐστι τοῦ εἴδους κατηγορούμενον.
반면에 주장하려는 사람의 경우, 언급된 유가 종에 속한다는 것은 합의되지만 그것이 유로서 속하는지가 논란이 될 때는, 위의 유들 중 하나가 종에 대해 ‘그것이 무엇인가’에 있어서 술어화된다는 것을 보여주는 것으로 충분하다.
Ἑνὸς γὰρ ἐν τῷ τί ἐστι κατηγορουμένου, πάντα καὶ τὰ ἐπάνω τούτου καὶ τὰ ὑποκάτω, ἄν περ κατηγορῆται τοῦ εἴδους, ἐν τῷ τί ἐστι κατηγορηθήσεται·
왜냐하면 하나가 ‘그것이 무엇인가’에 있어서 술어화된다면, 이것의 위의 것들도 아래의 것들도 모두, 그것이 종에 대해 술어화되는 한, ‘그것이 무엇인가’에 있어서 술어화될 것이기 때문이다.
ὥστε καὶ τὸ ἀποδοθὲν γένος ἐν τῷ τί ἐστι κατηγορεῖται.
따라서 제시된 유 역시 ‘그것이 무엇인가’에 있어서 술어화된다.
Ὅτι δ᾿ ἑνὸς ἐν τῷ τί ἐστι κατηγορουμένου πάντα τὰ λοιπά, ἄν περ κατηγορῆται, ἐν τῷ τί ἐστι κατηγορηθήσεται, δι᾿ ἐπαγωγῆς ληπτέον.
하나가 ‘그것이 무엇인가’에 있어서 술어화될 때 나머지 모든 것도, 만일 술어화된다면, ‘그것이 무엇인가’에 있어서 술어화될 것이라는 점은 귀납을 통해 파악되어야 한다.
Εἰ δ᾿ ἁπλῶς ὑπάρχειν ἀμφισβητεῖται τὸ ἀποδοθὲν γένος, οὐκ ἀπόχρη τὸ δεῖξαι τῶν ἐπάνω τι γενῶν ἐν τῷ τί ἐστι τοῦ εἴδους κατηγορούμενον.
그러나 만일 제시된 유가 단순히 속하는지 자체가 논란이 된다면, 위의 유들 중 하나가 종에 대해 ‘그것이 무엇인가’에 있어서 술어화된다는 것을 보여주는 것만으로는 충분하지 않다.
Οἷον εἴ τις τῆς βαδίσεως γένος ἀπέδωκε τὴν φοράν, οὐκ ἀπόχρη τὸ δεῖξαι διότι κίνησίς ἐστιν ἡ βάδισις πρὸς τὸ δεῖξαι ὅτι φορά ἐστιν, ἐπειδὴ καὶ ἄλλαι κινήσεις εἰσίν, ἀλλὰ προσδεικτέον ὅτι οὐδενὸς μετέχει ἡ βάδισις τῶν κατὰ τὴν αὐτὴν διαίρεσιν εἰ μὴ τῆς φορᾶς.
예컨대 누군가가 ‘보행’의 유로 ‘이동’을 제시했을 때, 보행이 운동이라는 것을 보여주는 것만으로는 그것이 이동임을 보여주기에 충분하지 않은데, 다른 운동들도 존재하기 때문이다. 오히려 보행이 동일한 구분에 따른 종들 중 이동을 제외하고는 어느 것도 관여하지 않는다는 것을 추가로 보여주어야 한다.
Ἀνάγκη γὰρ τὸ τοῦ γένους μετέχον καὶ τῶν εἰδῶν τινὸς μετέχειν τῶν κατὰ τὴν πρώτην διαίρεσιν.
유에 관여하는 것은 첫 번째 구분에 따른 종들 중 하나에도 관여하는 것이 필연적이기 때문이다.
Εἰ οὖν ἡ βάδισις μήτ᾿ αὐξήσεως μήτε μειώσεως μήτε τῶν ἄλλων κινήσεων μετέχει, δῆλον ὅτι τῆς φορᾶς ἂν μετέχοι, ὥστ᾿ εἴη ἂν γένος ἡ φορὰ τῆς βαδίσεως.
그러므로 만일 보행이 증대에도 감소에도, 또한 다른 운동들 중 어느 것에도 관여하지 않는다면, 그것이 이동에 관여할 것임은 분명하므로, 이동은 보행의 유가 될 것이다.
Πάλιν ἐφ᾿ ὧν τὸ εἶδος τὸ τεθὲν ὡς γένος κατηγορεῖται, σκοπεῖν εἰ καὶ τὸ ἀποδοθὲν γένος ἐν τῷ τί ἐστιν αὐτῶν τούτων κατηγορεῖται ὧνπερ τὸ εἶδος, ὁμοίως δὲ καὶ εἰ τὰ ἐπάνω τοῦ γένους πάντα.
다시, 유로 상정된 종이 술어화되는 대상들에 대해, 제시된 유 역시 그 종이 술어화되는 바로 그것들의 ‘그것이 무엇인가’에 있어서 술어화되는지, 그리고 마찬가지로 유 위의 모든 것에 대해서도 그러한지 살펴보아야 한다.
Εἰ γάρ που διαφωνεῖ, δῆλον ὅτι οὐ γένος τὸ ἀποδοθέν·
왜냐하면 만일 어느 곳에서든 불일치가 생긴다면 제시된 유는 유가 아님이 분명하기 때문이다.
εἰ γὰρ ἦν γένος, ἅπαντ᾿ ἂν καὶ τὰ ἐπάνω τούτου καὶ αὐτὸ τοῦτο ἐν τῷ τί ἐστι κατηγορεῖτο, ὧνπερ καὶ τὸ εἶδος ἐν τῷ τί ἐστι κατηγορεῖται.
만일 그것이 유라면, 그것의 위의 것들 모두와 이것 자체가, 종이 ‘그것이 무엇인가’에 있어서 술어화되는 바로 그것들에 대해 ‘그것이 무엇인가’에 있어서 술어화될 것이기 때문이다.
Ἀνασκευάζοντι μὲν οὖν χρήσιμον, εἰ μὴ κατηγορεῖται τὸ γένος ἐν τῷ τί ἐστιν ὧνπερ καὶ τὸ εἶδος κατηγορεῖται·
그러므로 반박하려는 사람에게는, 유가 종이 술어화되는 것들에 대해 ‘그것이 무엇인가’에 있어서 술어화되지 않는다면 유용하다.
κατασκευάζοντι δ᾿, εἰ κατηγορεῖται ἐν τῷ τί ἐστι, χρήσιμον.
반면에 주장하려는 사람에게는, 그것이 ‘그것이 무엇인가’에 있어서 술어화된다면 유용하다.
Συμβήσεται γὰρ τὸ γένος καὶ τὸ εἶδος τοῦ αὐτοῦ ἐν τῷ τί ἐστι κατηγορεῖσθαι, ὥστε τὸ αὐτὸ ὑπὸ δύο γένη γίνεται.
왜냐하면 유와 종이 동일한 것의 ‘그것이 무엇인가’에 있어서 술어화되는 결과가 되어, 동일한 것이 두 유 아래에 있게 되기 때문이다.
Ἀναγκαῖον οὖν ὑπ᾿ ἄλληλα τὰ γένη εἶναι.
그러므로 이 유들은 서로의 아래에 있어야만 한다.
Ἂν οὖν δειχθῇ, ὃ βουλόμεθα γένος κατασκευάσαι, μὴ ὂν ὑπὸ τὸ εἶδος, δῆλον ὅτι τὸ εἶδος ὑπὸ τοῦτ᾿ ἂν εἴη, ὥστε δεδειγμένον ἂν εἴη ὅτι γένος τοῦτο.
따라서 우리가 유로 주장하고자 하는 것이 종 아래에 있지 않음이 밝혀진다면, 종이 이것 아래에 있게 될 것임은 분명하므로, 이것이 유라는 점이 증명될 것이다.