§7.1336bκαὶ μέχρι τῶν ἑπτὰ ἐτῶν, ἀναγκαῖον οἴκοι τὴν τροφὴν ἔχειν.
그리고 일곱 살에 이르기까지도, 가정에서 양육을 받는 것이 필요하다.
εὔλογον οὖν ἀπολαύειν ἀπὸ τῶν ἀκουσμάτων καὶ τῶν ὁραμάτων ἀνελευθερίαν καὶ τηλικούτους ὄντας.
그러므로 그들이 그러한 나이일지라도, 듣고 보는 것으로부터 비천한 영향을 받는 것은 당연한 일이다.
ὅλως μὲν οὖν αἰσχρολογίαν ἐκ τῆς πόλεως, ὥσπερ ἄλλο τι, δεῖ τὸν νομοθέτην ἐξορίζειν (ἐκ τοῦ γὰρ εὐχερῶς λέγειν ὁτιοῦν τῶν αἰσχρῶν γίνεται καὶ τὸ ποιεῖν σύνεγγυς)·
그러므로 대체로 입법자는 상스러운 말을 다른 여타의 해악과 마찬가지로 국가에서 추방해야 한다 (왜냐하면 부끄러운 일에 대해 무엇이든 쉽게 말하는 것으로부터 그것을 행동으로 옮기는 것 역시 아주 가까워지기 때문이다).
μάλιστα μὲν οὖν ἐκ τῶν νέων, ὅπως μήτε λέγωσι μήτε ἀκούωσι μηδὲν τοιοῦτον·
특히 젊은이들 사이에서 추방해야 하며, 그들이 그러한 것을 전혀 말하지도 듣지도 않도록 해야 한다.
ἐὰν δέ τις φαίνηταί τι λέγων ἢ πράττων τῶν ἀπηγορευμένων, τὸν μὲν ἐλεύθερον μὲν μήπω δὲ κατακλίσεως ἠξιωμένον ἐν τοῖς συσσιτίοις ἀτιμίαις κολάζειν καὶ πληγαῖς, τὸν δὲ πρεσβύτερον τῆς ἡλικίας ταύτης ἀτιμίαις ἀνελευθέροις ἀνδραποδωδίας χάριν.
만약 누군가가 금지된 일을 말하거나 행하는 것이 드러난다면, 자유인이되 공동 식사에서 아직 자리에 누울 자격을 얻지 못한 젊은이에 대해서는 불명예와 매질로 처벌하고, 이 연령보다 나이가 많은 사람에 대해서는 노예 같은 천박함 때문에 자유인에게 걸맞지 않은 불명예로 처벌해야 한다.
ἐπεὶ δὲ τὸ λέγειν τι τῶν τοιούτων ἐξορίζομεν, φανερὸν ὅτι καὶ τὸ θεωρεῖν ἢ γραφὰς ἢ λόγους ἀσχήμονας.
그리고 우리가 그러한 것을 말하는 것을 추방하는 이상, 흉한 그림이나 이야기를 구경하는 것 역시 추방해야 함이 분명하다.
ἐπιμελὲς μὲν οὖν ἔστω τοῖς ἄρχουσι μηθέν, μήτε ἄγαλμα μήτε γραφήν, εἶναι τοιούτων πράξεων μίμησιν, εἰ μὴ παρά τισι θεοῖς τοιούτοις οἷς καὶ τὸν τωθασμὸν ἀποδίδωσιν ὁ νόμος.
그러므로 어떤 조각상도 그림도 그러한 행위의 모방이어서는 안 되도록, 관리들은 신경을 써야 한다. 다만 법률이 조롱을 바치는 것을 허용하는 그러한 어떤 신들의 곁에서는 예외이다.
πρὸς δὲ τούτους ἀφίησιν ὁ νόμος τοὺς τὴν ἡλικίαν ἔχοντας ἔτι τὴν ἱκνουμένην καὶ ὑπὲρ αὑτῶν καὶ τέκνων καὶ γυναικῶν τιμαλφεῖν τοὺς θεούς·
그러나 이 신들에게는 법률이 자신들과 아이들 그리고 아내들을 위해 신들을 숭배하기에 이미 적절한 나이에 도달한 자들이 갈 것을 허용한다.
τοὺς δὲ νεωτέρους οὔτʼ ἰάμβων οὔτε κωμῳδίας θεατὰς ἐατέον, πρὶν ἢ τὴν ἡλικίαν λάβωσιν ἐν ᾗ καὶ κατακλίσεως ὑπάρξει κοινωνεῖν ἤδη καὶ μέθης, καὶ τῆς ἀπὸ τῶν τοιούτων γιγνομένης βλάβης ἀπαθεῖς ἡ παιδεία ποιήσει πάντως.
반면 더 젊은이들에 대해서는, 공동 식사의 자리에 동참하고 이미 술자리를 함께할 나이에 이르기 전까지는 풍자시나 희극의 관람객이 되도록 허용해서는 안 된다. 그 나이가 되면 교육이 그들을 그러한 일들로부터 생기는 해악으로부터 완전히 영향을 받지 않게 만들어 놓았을 것이기 때문이다.
νῦν μὲν οὖν ἐν παραδρομῇ τοῦτον πεποιήμεθα τὸν λόγον· ὕστερον δʼ ἐπιστήσαντας δεῖ διορίσαι μᾶλλον, εἴτε μὴ δεῖ πρῶτον εἴτε δεῖ διαπορήσαντας, καὶ πῶς δεῖ·
이제 우리는 이 논의를 스쳐 지나가듯 하였지만, 나중에 주의를 기울여, 먼저 그렇게 해서는 안 되는지 아니면 그렇게 해야 하는지를 충분히 검토한 뒤에 더 자세히 규정하고, 또 어떻게 해야 하는지를 규정해야 한다.
κατὰ δὲ τὸν παρόντα καιρὸν ἐμνήσθημεν ὡς ἀναγκαῖον.
그러나 현재로서는 필요한 일로서 언급해 둔 것이다.
ἴσως γὰρ οὐ κακῶς ἔλεγε τὸ τοιοῦτον Θεόδωρος ὁ τῆς τραγῳδίας ὑποκριτής·
왜냐하면 비극 배우인 테오도로스는 다음과 같은 말을 아마도 틀리지 않게 했을 것이기 때문이다.
οὐθενὶ γὰρ πώποτε παρῆκεν ἑαυτοῦ προεισάγειν, οὐδὲ τῶν εὐτελῶν ὑποκριτῶν, ὡς οἰκειουμένων τῶν θεατῶν ταῖς πρώταις ἀκοαῖς·
즉, 그는 자신보다 먼저 무대에 등장하는 것을 그 누구에게도, 설령 보잘것없는 배우라 할지라도 결코 허용하지 않았다. 이는 관중이 처음에 들은 소리에 친숙해지기 때문이다.
συμβαίνει δὲ ταὐτὸ τοῦτο καὶ πρὸς τὰς τῶν ἀνθρώπων ὁμιλίας καὶ πρὸς τὰς τῶν πραγμάτων·
그리고 이와 똑같은 일이 사람들과의 교제에 있어서도, 그리고 여러 사물들에 대해서도 일어난다.
πάντα γὰρ στέργομεν τὰ πρῶτα μᾶλλον.
왜냐하면 우리는 모든 것에서 처음의 것을 더 사랑하기 때문이다.
διὸ δεῖ τοῖς νέοις πάντα ποιεῖν ξένα τὰ φαῦλα, μάλιστα δʼ αὐτῶν ὅσα ἔχει ἢ μοχθηρίαν ἢ δυσμένειαν.
그러므로 젊은이들에게는 모든 나쁜 일들을 낯설게 만들어야 하며, 특히 그것들 중에서도 비열함이나 악의를 담고 있는 것들을 그렇게 해야 한다.
διελθόντων δὲ τῶν πέντε ἐτῶν τὰ δύο μέχρι τῶν ἑπτὰ δεῖ θεωροὺς ἤδη γίγνεσθαι τῶν μαθήσεων ἃς δεήσει μανθάνειν αὐτούς.
그리고 다섯 살이 지난 뒤, 일곱 살에 이르기까지의 이년 동안은, 그들이 나중에 배울 필요가 있을 학습의 관람자가 되게 해야 한다.
δύο δʼ εἰσὶν ἡλικίαι πρὸς ἃς ἀναγκαῖον διῃρῆσθαι τὴν παιδείαν, πρὸς τὴν ἀπὸ τῶν ἑπτὰ μέχρι ἥβης καὶ πάλιν μετὰ πρὸς τὴν ἀφʼ ἥβης μέχρι τῶν ἑνὸς καὶ εἴκοσιν ἐτῶν.
그리고 교육을 구분하는 것이 필요한 두 연령기가 있다. 즉 일곱 살부터 사춘기까지의 시기와, 그 뒤 사춘기부터 스물한 살까지의 시기이다.
οἱ γὰρ ταῖς ἑβδομάσι διαιροῦντες τὰς ἡλικίας ὡς ἐπὶ τὸ πολὺ λέγουσιν οὐ κακῶς,
왜냐하면 일곱 해 단위로 연령기를 구분하는 사람들은 대체로 틀리지 않게 말하고 있기 때문이다.
§7.1337aδεῖ δὲ τῇ διαιρέσει τῆς φύσεως ἐπακολουθεῖν·
그러나 자연의 구분을 따라야 한다.
πᾶσα γὰρ τέχνη καὶ παιδεία τὸ προσλεῖπον βούλεται τῆς φύσεως ἀναπληροῦν.
왜냐하면 모든 기술과 교육은 자연의 부족한 부분을 채우고자 하기 때문이다.
πρῶτον μὲν οὖν σκεπτέον εἰ ποιητέον τάξιν τινὰ περὶ τοὺς παῖδας, ἔπειτα πότερον συμφέρει κοινῇ ποιεῖσθαι τὴν ἐπιμέλειαν αὐτῶν ἢ κατʼ ἴδιον τρόπον (ὃ γίγνεται καὶ νῦν ἐν ταῖς πλείσταις τῶν πόλεων), τρίτον δὲ ποίαν τινὰ δεῖ ταύτην εἶναι.
그러므로 첫째로 아이들에 관해 어떤 제도를 마련해야 할 것인지를 검토해야 하고, 둘째로 그들에 대한 보살핌을 공동으로 하는 것이 유익한지 아니면 사적인 방식으로 하는 것이 유익한지를 검토해야 하며, 셋째로 이 보살핌이 어떤 성격의 것이어야 하는지를 검토해야 한다.