§4.1296bἀλλʼ ἢ ἄρχειν ζητεῖν ἢ κρατουμένους ὑπομένειν.
오직 지배하기를 구하거나 혹은 지배당하는 것을 감내할 뿐이다.
τίς μὲν οὖν ἀρίστη πολιτεία, καὶ διὰ τίνʼ αἰτίαν, ἐκ τούτων φανερόν·
그러므로 이들로부터 어떤 국제들이 최선이며 또한 어떤 원인 때문인지가 명백하다.
τῶν δʼ ἄλλων πολιτειῶν, ἐπειδὴ πλείους δημοκρατίας καὶ πλείους ὀλιγαρχίας φαμὲν εἶναι, ποίαν πρώτην θετέον καὶ δευτέραν καὶ τοῦτον δὴ τὸν τρόπον ἐχομένην τῷ τὴν μὲν εἶναι βελτίω τὴν δὲ χείρω, διωρισμένης τῆς ἀρίστης οὐ χαλεπὸν ἰδεῖν.
다른 국제들에 대해서는, 우리가 민주정도 여러 가지가 있고 과두정도 여러 가지가 있다고 말하므로, 최선의 국제 규정된 마당에 어느 것을 첫째로, 어느 것을 둘째로, 그리고 이런 식으로 일방이 더 좋고 타방이 더 나쁜 순서대로 배치해야 하는지 알아내기란 어렵지 않다.
ἀεὶ γὰρ ἀναγκαῖον εἶναι βελτίω τὴν ἐγγύτατα ταύτης, χείρω δὲ τὴν ἀφεστηκυῖαν τοῦ μέσου πλεῖον, ἂν μὴ πρὸς ὑπόθεσιν κρίνῃ τις.
왜냐하면 특별한 전제에 따라 판단하는 것이 아닌 한, 이 최선의 국제에 가장 가까운 것이 항상 더 좋고, 중간에서 더 많이 멀어진 것이 더 나쁜 것이 필연적이기 때문이다.
λέγω δὲ τὸ πρὸς ὑπόθεσιν, ὅτι πολλάκις, οὔσης ἄλλης πολιτείας αἱρετωτέρας, ἐνίοις οὐδὲν κωλύει συμφέρειν ἑτέραν μᾶλλον εἶναι πολιτείαν.
내가 “특별한 전제에 따라”라고 말하는 것은, 비록 다른 더 바람직한 국제들이 종종 있을지라도, 어떤 이들에게는 다른 국제가 더 유익하다는 것을 아무것도 막지 못하기 때문이다.
τίς δὲ πολιτεία τίσι καὶ ποία συμφέρει ποίοις, ἐχόμενόν ἐστι τῶν εἰρημένων διελθεῖν.
다음으로 어떤 국제들이 어떤 자들에게 유익하며, 또한 어떤 종류의 국제가 어떤 종류의 자들에게 적합한지를 상세히 논하는 것이 언급된 일들에 이어지는 일이다.
ληπτέον δὴ πρῶτον περὶ πασῶν καθόλου ταὐτόν· δεῖ γὰρ κρεῖττον εἶναι τὸ βουλόμενον μέρος τῆς πόλεως τοῦ μὴ βουλομένου μένειν τὴν πολιτείαν.
먼저 모든 국제들에 대하여 일반적으로 동일한 원칙을 받아들여야 하니, 곧 국제의 존속을 바라는 폴리스의 부분이 그렇지 않은 부분보다 더 강력해야 한다는 것이다.
ἔστι δὲ πᾶσα πόλις ἔκ τε τοῦ ποιοῦ καὶ ποσοῦ.
그런데 모든 폴리스는 질적인 면과 양적인 면으로 구성된다.
λέγω δὲ ποιὸν μὲν ἐλευθερίαν πλοῦτον παιδείαν εὐγένειαν, ποσὸν δὲ τὴν τοῦ πλήθους ὑπεροχήν.
내가 질이라고 말하는 것은 자유, 부, 가문, 교육이며, 양이라고 말하는 것은 다수의 수적 우세이다.
ἐνδέχεται δὲ τὸ μὲν ποιὸν ὑπάρχειν ἑτέρῳ μέρει τῆς πόλεως, ἐξ ὧν συνέστηκε μερῶν ἡ πόλις, ἄλλῳ δὲ μέρει τὸ ποσόν, οἷον πλείους τὸν ἀριθμὸν εἶναι τῶν γενναίων τοὺς ἀγεννεῖς ἢ τῶν πλουσίων τοὺς ἀπόρους, μὴ μέντοι τοσοῦτον ὑπερέχειν τῷ ποσῷ ὅσον λείπεται τῷ ποιῷ.
그리고 질은 폴리스를 구성하는 부분들 중 한 부분에 속하고, 양은 다른 부분에 속하는 것이 가능하니, 예컨대 비천한 자들이 고귀한 자들보다, 혹은 가난한 자들이 부유한 자들보다 수에 있어서 더 많으나, 질에 있어서 떨어지는 것만큼 양에 있어서 능가하지는 못하는 경우이다.
διὸ ταῦτα πρὸς ἄλληλα συγκριτέον.
그러므로 이들을 서로 비교해야 한다.
ὅπου μὲν οὖν ὑπερέχει τὸ τῶν ἀπόρων πλῆθος τὴν εἰρημένην ἀναλογίαν, ἐνταῦθα πέφυκεν εἶναι δημοκρατίαν, καὶ ἕκαστον εἶδος δημοκρατίας κατὰ τὴν ὑπεροχὴν τοῦ δήμου ἑκάστου, οἷον ἐὰν μὲν τὸ τῶν γεωργῶν ὑπερτείνῃ πλῆθος, τὴν πρώτην δημοκρατίαν, ἐὰν δὲ τὸ τῶν βαναύσων καὶ μισθαρνούντων, τὴν τελευταίαν, ὁμοίως δὲ καὶ τὰς ἄλλας τὰς μεταξὺ τούτων·
가난한 자들의 다수가 앞서 말한 비율을 넘어 우세를 보이는 곳에서는, 자연의 본성상 민주정이 존재하게 되며, 민주정의 각각의 형태는 개별 민중의 우세에 따라 결정되니, 예컨대 농민들의 다수가 압도한다면 첫째가는 민주정이 되고, 장인들과 임금 노동자들의 다수가 압도한다면 마지막 민주정이 되며, 이들 사이에 있는 다른 민주정들도 마찬가지이다.
ὅπου δὲ τὸ τῶν εὐπόρων καὶ γνωρίμων μᾶλλον ὑπερτείνει τῷ ποιῷ ἢ λείπεται τῷ ποσῷ, ἐνταῦθα ὀλιγαρχίαν, καὶ τῆς ὀλιγαρχίας τὸν αὐτὸν τρόπον ἕκαστον εἶδος κατὰ τὴν ὑπεροχὴν τοῦ ὀλιγαρχικοῦ πλήθους.
반면에 부유하고 저명한 자들의 부분이 양에 있어서 뒤처지는 것보다 질에 있어서 더 많이 압도하는 곳에서는 과두정이 존재하게 되며, 과두정의 각각의 형태도 이와 같은 방식으로 과두정적 다수의 우세에 따라 결정된다.
δεῖ δʼ ἀεὶ τὸν νομοθέτην ἐν τῇ πολιτείᾳ προσλαμβάνειν τοὺς μέσους· ἄν τε γὰρ ὀλιγαρχικοὺς τοὺς νόμους τιθῇ, στοχάζεσθαι χρὴ τῶν μέσων, ἐάν τε δημοκρατικούς, προσάγεσθαι τοῖς νόμοις τούτους.
입법자는 국제에서 항상 중간 부류를 끌어들여야 하니, 왜냐하면 그가 과두정적인 법을 제정하든 중간 부류를 조준해야 하며, 민주정적인 법을 제정하든 이들을 법으로 이끌어 들여야 하기 때문이다.
ὅπου δὲ τὸ τῶν μέσων ὑπερτείνει πλῆθος ἢ συναμφοτέρων τῶν ἄκρων ἢ καὶ θατέρου μόνον, ἐνταῦθʼ ἐνδέχεται πολιτείαν εἶναι μόνιμον.
중간 부류의 수가 양극단을 합친 것보다, 혹은 둘 중 하나보다만이라도 압도하는 곳에서는, 그곳에는 오래 지속되는 국제가 존재할 수 있다.
§4.1297aοὐθὲν γὰρ φοβερὸν μή ποτε συμφωνήσωσιν οἱ πλούσιοι τοῖς πένησιν ἐπὶ τούτους·
왜냐하면 부유한 자들이 가난한 자들과 결탁하여 이들(중간 부류)에게 대항할까 염려할 필요가 전혀 없기 때문이다.
οὐδέποτε γὰρ ἅτεροι βουλήσονται δουλεύειν τοῖς ἑτέροις, κοινοτέραν δʼ, ἂν ζητῶσιν, οὐδεμίαν εὑρήσουσιν ἄλλην ταύτης.
왜냐하면 어느 쪽도 다른 쪽에 예속되기를 결코 원치 않을 것이며, 만약 그들이 더 공동의 국제를 구하더라도, 이외에 다른 국제는 아무것도 발견하지 못할 것이기 때문이다.
ἐν μέρει γὰρ ἄρχειν οὐκ ἂν ὑπομείνειαν διὰ τὴν ἀπιστίαν τὴν πρὸς ἀλλήλους·
왜냐하면 그들은 서로에 대한 불신 때문에 차례로 지배하는 것을 견디지 못할 것이기 때문이다.
πανταχοῦ δὲ πιστότατος ὁ διαιτητής, διαιτητὴς δʼ ὁ μέσος.
그리고 어디서나 중재자가 가장 신뢰를 받으며, 중간에 있는 자가 곧 중재자이다.
ὅσῳ δʼ ἂν ἄμεινον ἡ πολιτεία μειχθῇ, τοσούτῳ μονιμωτέρα.
국제는 더 잘 혼합될수록 그만큼 더 지속적이다.
διαμαρτάνουσι δὲ πολλοὶ καὶ τῶν τὰς ἀριστοκρατικὰς βουλομένων ποιεῖν πολιτείας, οὐ μόνον ἐν τῷ πλεῖον νέμειν τοῖς εὐπόροις, ἀλλὰ καὶ ἐν τῷ παρακρούεσθαι τὸν δῆμον.
귀족정적 국제들을 만들고자 하는 자들 중 많은 이들도 잘못을 범하고 있으니, 단지 부유한 자들에게 더 많은 것을 분배하는 것뿐만 아니라, 민중을 기만하는 것에 있어서도 그러하다.
ἀνάγκη γὰρ χρόνῳ ποτὲ ἐκ τῶν ψευδῶν ἀγαθῶν ἀληθὲς συμβῆναι κακόν·
왜냐하면 거짓된 선으로부터 언젠가 참된 악이 생겨나는 것은 필연적이기 때문이다.
αἱ γὰρ πλεονεξίαι τῶν πλουσίων ἀπολλύασι μᾶλλον τὴν πολιτείαν ἢ αἱ τοῦ δήμου.
왜냐하면 부유한 자들의 욕심은 민중의 욕심보다 국제를 더 많이 파멸시키기 때문이다.
ἔστι δʼ ὅσα προφάσεως χάριν ἐν ταῖς πολιτείαις σοφίζονται πρὸς τὸν δῆμον πέντε τὸν ἀριθμόν, περὶ ἐκκλησίαν, περὶ τὰς ἀρχάς, περὶ δικαστήρια, περὶ ὅπλισιν, περὶ γυμνασίαν·
그런데 국제들에서 핑계를 대기 위해 민중을 상대로 기만하는 책략들은 그 수가 다섯 가지이니, 민회에 관한 것, 관직에 관한 것, 법정에 관한 것, 무장 소유에 관한 것, 체육 훈련에 관한 것이다.
περὶ ἐκκλησίαν μὲν τὸ ἐξεῖναι ἐκκλησιάζειν πᾶσι, ζημίαν δὲ ἐπικεῖσθαι τοῖς εὐπόροις ἐὰν μὴ ἐκκλησιάζωσιν, ἢ μόνοις ἢ μείζω πολλῷ, περὶ δὲ τὰς ἀρχὰς τὸ τοῖς μὲν ἔχουσι τίμημα μὴ ἐξεῖναι ἐξόμνυσθαι, τοῖς δʼ ἀπόροις ἐξεῖναι, καὶ περὶ τὰ δικαστήρια τοῖς μὲν εὐπόροις εἶναι ζημίαν ἂν μὴ δικάζωσι, τοῖς δʼ ἀπόροις ἄδειαν, ἢ τοῖς μὲν μεγάλην τοῖς δὲ μικράν, ὥσπερ ἐν τοῖς Χαρώνδου νόμοις.
민회에 관해서는 모두가 민회에 참여할 수 있게 하되, 부유한 자들이 참여하지 않을 경우에는 오직 그들에게만 혹은 훨씬 더 무거운 벌금을 부과하는 것이다. 관직에 관해서는 자격 재산을 가진 자들은 선서하여 사임하는 것을 허용하지 않되, 가난한 자들에게는 허용하는 것이다. 또한 법정에 관해서는 부유한 자들은 재판을 하지 않을 때 벌금이 있되 가난한 자들에게는 처벌 면제가 있거나, 혹은 전자에게는 무겁고 후자에게는 가볍게 부과하는 것이니, 예컨대 카론다스의 법에서와 같다.
ἐνιαχοῦ δʼ ἔξεστι μὲν πᾶσιν ἀπογραψαμένοις ἐκκλησιάζειν καὶ δικάζειν, ἐὰν δὲ ἀπογραψάμενοι μήτʼ ἐκκλησιάζωσι μήτε δικάζωσιν, ἐπίκεινται μεγάλαι ζημίαι τούτοις, ἵνα διὰ μὲν τὴν ζημίαν φεύγωσι τὸ ἀπογράφεσθαι, διὰ δὲ τὸ μὴ ἀπογράφεσθαι μὴ δικάζωσι μηδʼ ἐκκλησιάζωσιν.
어떤 곳에서는 등록한 자들 모두가 민회에 참여하고 재판할 수 있으되, 등록하고도 민회에 참여하지 않거나 재판하지 않을 경우 이들에게 무거운 벌금이 부과되니, 이는 벌금 때문에 등록하기를 피하고, 등록하지 않음으로써 재판하지도 민회에 참여하지도 않게 하려는 것이다.
τὸν αὐτὸν δὲ τρόπον καὶ περὶ τοῦ ὅπλα κεκτῆσθαι καὶ τοῦ γυμνάζεσθαι νομοθετοῦσιν.
같은 방식으로 무기 소유와 체육 훈련에 관해서도 법을 제정한다.
τοῖς μὲν γὰρ ἀπόροις ἔξεστι μὴ κεκτῆσθαι, τοῖς δʼ εὐπόροις ἐπιζήμιον μὴ κεκτημένοις, κἂν μὴ γυμνάζωνται, τοῖς μὲν οὐδεμία ζημία, τοῖς δʼ εὐπόροις ἐπιζήμιον, ὅπως οἱ μὲν διὰ τὴν ζημίαν μετέχωσιν, οἱ δὲ διὰ τὸ μὴ φοβεῖσθαι μὴ μετέχωσιν.
왜냐하면 가난한 자들에게는 무기를 소유하지 않는 것이 허용되나, 부유한 자들에게는 무기를 소유하지 않을 시 벌칙이 있으며, 체육 훈련을 하지 않을 경우에도 전자에게는 아무 벌금이 없으나 부유한 자들에게는 벌칙이 있으니, 이는 전자는 벌금 때문에 참여하고 후자는 두려움이 없음으로 인해 참여하지 않게 하려는 것이다.
ταῦτα μὲν οὖν ὀλιγαρχικὰ σοφίσματα τῆς νομοθεσίας·
이러한 것들이 입법에서의 과두정적 책략들이다.
ἐν δὲ ταῖς δημοκρατίαις πρὸς ταῦτʼ ἀντισοφίζονται.
반면에 민주정에서는 이들에 대항하여 역책략을 쓴다.
τοῖς μὲν γὰρ ἀπόροις μισθὸν πορίζουσιν ἐκκλησιάζουσι καὶ δικάζουσιν, τοῖς δʼ εὐπόροις οὐδεμίαν τάττουσι ζημίαν.
왜냐하면 가난한 자들이 민회에 참여하고 재판할 때는 수당을 제공하되, 부유한 자들에게는 아무 벌금도 정해놓지 않기 때문이다.
ὥστε φανερὸν ὅτι εἴ τις βούλεται μιγνύναι δικαίως, δεῖ τὰ παρʼ ἑκατέροις συνάγειν καὶ τοῖς μὲν μισθὸν πορίζειν τοῖς δὲ ζημίαν·
그러므로 만약 누구든지 정의롭게 혼합하기를 원한다면 양자의 규정들을 모아서, 한쪽에는 수당을 제공하고 다른 쪽에는 벌금을 부과해야 함이 명백하다.
οὕτω γὰρ ἂν κοινωνοῖεν ἅπαντες, ἐκείνως δʼ ἡ πολιτεία γίγνεται τῶν ἑτέρων μόνον.
왜냐하면 이렇게 해야 모두가 참여할 것이나, 저런 방식으로는 국제는 다른 한쪽만의 것이 되기 때문이다.