§4.11#1Ἀλλὰ μὴν οὐδʼ ἄνευ γε μεταβολῆς·
그러나 그렇다고 해서 변화가 없이 시간이 있는 것도 아니다.
ὅταν γὰρ μηδὲν αὐτοὶ μεταβάλλωμεν τὴν διάνοιαν ἢ λάθωμεν μεταβάλλοντες, οὐ δοκεῖ ἡμῖν γεγονέναι χρόνος, καθάπερ οὐδὲ τοῖς ἐν Σαρδοῖ μυθολογουμένοις καθεύδειν παρὰ τοῖς ἥρωσιν, ὅταν ἐγερθῶσι·
왜냐하면 우리 자신이 생각에 있어서 아무런 변화도 겪지 않거나 변화하고 있음을 깨닫지 못할 때, 우리에게는 시간이 경과한 것으로 생각되지 않기 때문이다. 이는 사르디니아에서 영웅들 곁에서 잠을 잔다고 신화 속에서 이야기되는 사람들이 깨어났을 때와 마찬가지이다.
συνάπτουσι γὰρ τῷ πρότερον νῦν τὸ ὕστερον νῦν καὶ ἓν ποιοῦσιν; ἐξαιροῦντες διὰ τὴν ἀναισθησίαν τὸ μεταξύ.
왜냐하면 그들은 감각 상실로 인하여 그 중간을 제거해 버리고, 앞선 "지금"과 뒤선 "지금"을 연결하여 하나로 만들기 때문이다.
ὥσπερ οὖν εἰ μὴ ἦν ἕτερον τὸ νῦν ἀλλὰ ταὐτὸ καὶ ἕν, οὐκ ἂν ἦν χρόνος, οὕτως καὶ ἐπεὶ λανθάνει ἕτερον ὄν, οὐ δοκεῖ εἶναι τὸ μεταξὺ χρόνος.
따라서 만약 "지금"이 서로 다른 것이 아니라 동일하고 하나였다면 시간이 존재하지 않았을 것처럼, 마찬가지로 "지금"이 다른 것임을 깨닫지 못할 때에도 그 중간의 시간은 존재하지 않는 것처럼 보인다.
εἰ δὴ τὸ μὴ οἴεσθαι εἶναι χρόνον τότε συμβαίνει ἡμῖν, ὅταν μὴ ὁρίσωμεν μηδεμίαν μεταβολήν, ἀλλʼ ἐν ἑνὶ καὶ ἀδιαιρέτῳ φαίνηται ἡ ψυχὴ μένειν, ὅταν δʼ αἰσθώμεθα καὶ ὁρίσωμεν, τότε φαμὲν γεγονέναι χρόνον, φανερὸν ὅτι οὐκ ἔστιν ἄνευ κινήσεως καὶ μεταβολῆς χρόνος.
그러므로 시간에 대해 생각하지 않게 되는 것이 우리가 아무런 변화도 한계 짓지 않고 영혼이 하나이자 분할할 수 없는 상태에 머물러 있는 것처럼 보일 때 일어난다면, 반대로 우리가 변화를 감각하고 한계 지을 때 그때 우리는 시간이 경과했다고 말하므로, 시간이 운동과 변화 없이는 존재하지 않는다는 점은 분명하다.
ὅτι μὲν οὖν οὔτε κίνησις οὔτʼ ἄνευ κινήσεως ὁ χρόνος ἐστί, φανερόν·
그러므로 시간이 운동도 아니고 운동 없이는 존재하지도 않는다는 점은 분명하다.
ληπτέον δέ, ἐπεὶ ζητοῦμεν τί ἐστιν ὁ χρόνος, ἐντεῦθεν ἀρχομένοις, τί τῆς κινήσεώς ἐστιν.
우리는 시간이 무엇인지 찾고 있으므로, 시간은 운동의 무엇인가라는 점에서 출발하여 파악해야 한다.
ἅμα γὰρ κινήσεως αἰσθανόμεθα καὶ χρόνου·
왜냐하면 우리는 운동과 시간을 동시에 지각하기 때문이다.
καὶ γὰρ ἐὰν ᾖ σκότος καὶ μηδὲν διὰ τοῦ σώματος πάσχωμεν, κίνησις δέ τις ἐν τῇ ψυχῇ ἐνῇ, εὐθὺς ἅμα δοκεῖ τις γεγονέναι καὶ χρόνος.
즉, 비록 어둠 속이고 우리 몸을 통해 아무것도 겪지 않더라도, 영혼 속에 어떤 운동이 깃들어 있다면 즉시 그와 동시에 어떤 시간도 경과한 것처럼 보인다.
ἀλλὰ μὴν καὶ ὅταν γε χρόνος δοκῇ γεγονέναι τις, ἅμα καὶ κίνησίς τις δοκεῖ γεγονέναι.
그러나 그뿐만 아니라, 어떤 시간이 경과한 것처럼 보일 때에는 언제나 동시에 어떤 운동도 일어난 것처럼 보인다.
ὥστε ἤτοι κίνησις ἢ τῆς κινήσεως τί ἐστιν ὁ χρόνος.
따라서 시간은 운동이거나 운동의 어떤 속성이다.
ἐπεὶ οὖν οὐ κίνησις, ἀνάγκη τῆς κινήσεώς τι εἶναι αὐτόν.
그러므로 그것이 운동이 아닌 이상, 운동의 어떤 속성임에 틀림없다.
ἐπεὶ δὲ τὸ κινούμενον κινεῖται ἔκ τινος εἴς τι καὶ πᾶν μέγεθος συνεχές, ἀκολουθεῖ τῷ μεγέθει ἡ κίνησις·
그런데 운동하는 것은 어떤 것에서 어떤 것으로 운동하고 모든 크기는 연속적이므로, 운동은 크기에 따르게 된다.
διὰ γὰρ τὸ τὸ μέγεθος εἶναι συνεχὲς καὶ ἡ κίνησίς ἐστιν συνεχής, διὰ δὲ τὴν κίνησιν ὁ χρόνος·
즉 크기가 연속적이기 때문에 운동도 연속적이며, 운동 때문에 시간도 연속적이다.
ὅση γὰρ ἡ κίνησις, τοσοῦτος καὶ ὁ χρόνος αἰεὶ δοκεῖ γεγονέναι.
왜냐하면 운동이 얼마만큼이냐에 따라 시간도 언제나 그만큼 경과한 것처럼 보이기 때문이다.
τὸ δὴ πρότερον καὶ ὕστερον ἐν τόπῳ πρῶτόν ἐστιν.
실로 앞섬과 뒤섬은 장소에 일차적으로 존재한다.
ἐνταῦθα μὲν δὴ τῇ θέσει·
거기서는 확실히 위치에 의해 존재한다.
ἐπεὶ δʼ ἐν τῷ μεγέθει ἔστι τὸ πρότερον καὶ ὕστερον, ἀνάγκη καὶ ἐν κινήσει εἶναι τὸ πρότερον καὶ ὕστερον, ἀνάλογον τοῖς ἐκεῖ.
그러나 크기 속에 앞섬과 뒤섬이 있는 이상, 운동 속에도 필연적으로 앞섬과 뒤섬이 존재해야만 하며, 이는 저곳의 그것들과 아날로지 관계에 있다.
ἀλλὰ μὴν καὶ ἐν χρόνῳ ἔστιν τὸ πρότερον καὶ ὕστερον διὰ τὸ ἀκολουθεῖν ἀεὶ θατέρῳ θάτερον αὐτῶν.
나아가 시간 속에도 앞섬과 뒤섬이 존재하는데, 왜냐하면 이들 중 하나가 언제나 다른 하나를 따르기 때문이다.
ἔστι δὲ τὸ πρότερον καὶ ὕστερον ἐν τῇ κινήσει μέν ποτε ὂν κίνησις τὸ μέντοι εἶναι αὐτῷ ἕτερον καὶ οὐ κίνησις.
그리고 운동 속에서의 앞섬과 뒤섬은, 그 기저에 있는 실재로서는 운동이지만, 그 본질에 있어서는 그것과 다르며 운동 자체는 아니다.
ἀλλὰ μὴν καὶ τὸν χρόνον γε γνωρίζομεν ὅταν ὁρίσωμεν τὴν κίνησιν, τῷ πρότερον καὶ ὕστερον ὁρίζοντες·
게다가 우리는 운동을 앞섬과 뒤섬으로 한계 지어 정의할 때 시간 또한 인식하게 된다.
καὶ τότε φαμὲν γεγονέναι χρόνον, ὅταν τοῦ προτέρου καὶ ὑστέρου ἐν τῇ κινήσει αἴσθησιν λάβωμεν.
그리고 운동 속에서 앞섬과 뒤섬에 대한 지각을 얻을 때, 그때 우리는 시간이 경과했다고 말한다.
ὁρίζομεν δὲ τῷ ἄλλο καὶ ἂλλο ὑπολαβεῖν αὐτά, καὶ μεταξύ τι αὐτῶν ἕτερον·
우리는 그것들을 서로 다른 것으로 생각하고, 그것들 사이에 그들과 다른 어떤 중간의 것이 있다고 생각함으로써 그것들을 한계 짓는다.
ὅταν γὰρ ἕτερα τὰ ἄκρα τοῦ μέσου νοήσωμεν, καὶ δύο εἴπῃ ἡ ψυχὴ τὰ νῦν, τὸ μὲν πρότερον τὸ δʼ ὕστερον, τότε καὶ τοῦτό φαμεν εἶναι χρόνον·
즉 우리가 양끝을 중간과 다른 것으로 생각하고, 영혼이 두 개의 "지금"을 하나는 앞선 것, 다른 하나는 뒤선 것이라고 말할 때, 그때 우리는 이것을 시간이라고 말한다.
τὸ γὰρ ὁριζόμενον τῷ νῦν χρόνος εἶναι δοκεῖ· καὶ ὑποκείσθω.
왜냐하면 "지금"에 의해 한계 지어지는 것이 시간인 것처럼 보이기 때문이며, 그렇게 가정해 두자.
ὅταν μὲν οὖν ὡς ἓν τὸ νῦν αἰσθανώμεθα, καὶ μὴ ἤτοι ὡς πρότερον καὶ ὕστερον ἐν τῇ κινήσει ἢ ὡς τὸ αὐτὸ μὲν προτέρου δὲ καὶ ὑστέρου τινός, οὐ δοκεῖ χρόνος γεγονέναι οὐδείς, ὅτι οὐδὲ κίνησις.
그러므로 우리가 "지금"을 하나로 지각하고, 그것이 운동 속에서 앞선 것과 뒤선으로 지각되지 않거나, 앞선 것과 뒤선 것에 공통된 동일한 것으로 지각되지 않을 때에는, 아무런 시간도 경과한 것으로 생각되지 않는데, 왜냐하면 아무런 운동도 느껴지지 않기 때문이다.
ὅταν δὲ τὸ πρότερον καὶ ὕστερον, τότε λέγομεν χρόνον·
그러나 앞섬과 뒤섬을 지각할 때, 그때 우리는 시간이라고 말한다.
τοῦτο γάρ ἐστιν ὁ χρόνος, ἀριθμὸς κινήσεως κατὰ τὸ πρότερον καὶ ὕστερον.
왜냐하면 이것이 시간, 즉 앞섬과 뒤섬에 따른 운동의 수이기 때문이다.