§3#1Ἐκ δὴ τούτων φανερὸν ὅτι οὐ μόνον ἐγρηγορότων αἱ κινήσεις αἱ ἀπὸ τῶν αἰσθημάτων γινόμεναι τῶν τε θύραθεν καὶ τῶν ἐκ τοῦ σώματος ἐνυπαρχουσῶν, ἀλλὰ καὶ ὅταν γένηται τὸ πάθος τοῦτο ὃ καλεῖται ὕπνος, καὶ μᾶλλον τότε φαίνονται.
이것들로부터 명백한 것은, 깨어 있을 때뿐만 아니라 외부의 것들과 몸 안에 존재하는 것들 양쪽 모두의 감각으로부터 생기는 운동이 수면이라 불리는 이 상태가 일어날 때에도 존재하며, 오히려 그때 그것들이 더욱더 나타나 보인다는 점이다.
Μεθ’ ἡμέραν μὲν γὰρ ἐκκρούονται ἐνεργουσῶν τῶν αἰσθήσεων καὶ τῆς διανοίας, καὶ ἀφανίζονται ὥσπερ παρὰ πολὺ πῦρ ἔλαττον καὶ λῦπαι καὶ ἡδοναὶ μικραὶ παρὰ μεγάλας, παυσαμένων δ’ ἐπιπολάζει καὶ τὰ μικρά·
낮 동안에는 감각과 사유가 활동하고 있기 때문에 그것들은 밀려나고, 큰 불 옆에서 작은 불이, 그리고 큰 고통이나 쾌락 옆에서 작은 것들이 사라지듯이 사라지지만, 그것들이 멈추면 작은 것들도 표면으로 떠오른다.
νύκτωρ δὲ δι’ ἀργίαν τῶν κατὰ μόριον αἰσθήσεων καὶ ἀδυναμίαν τοῦ ἐνεργεῖν, διὰ τὸ ἐκ τῶν ἔξω εἰς τὸ ἐντὸς γίνεσθαι τὴν τοῦ θερμοῦ παλίρροιαν, ἐπὶ τὴν ἀρχὴν τῆς αἰσθήσεως καταφέρονται καὶ γίνονται φανεραὶ καθισταμένης τῆς ταραχῆς.
반면에 밤에는 개별 감각들의 휴지와 활동 불능으로 인해, 그리고 외부에서 내부로 열이 역류하기 때문에, 감각의 근원으로 내려가 혼란이 가라앉으면서 분명해진다.
Δεῖ δ’ ὑπολαβεῖν ὥσπερ τὰς μικρὰς δίνας τὰς ἐν τοῖς ποταμοῖς γινομένας, οὕτω τὴν κίνησιν ἑκάστην γίνεσθαι συνεχῶς, πολλάκις μὲν ὁμοίως, πολλάκις δὲ διαλυομένας εἰς ἄλλα σχήματα διὰ τὴν ἀντίκρουσιν.
강에 생기는 작은 소용돌이들처럼, 각각의 운동이 끊임없이 일어나며, 종종 똑같은 방식으로 일어나지만, 종종 충돌로 인해 다른 형태로 분해되면서 일어난다고 상상해야 한다.
Διὸ καὶ μετὰ τὴν τροφὴν καὶ πάμπαν νέοις οὖσιν, οἷον τοῖς παιδίοις, οὐ γίνεται ἐνύπνια·
그러므로 음식 섭취 후나 어린아이들처럼 완전히 어린 자들에게는 꿈이 일어나지 않는다.
πολλὴ γὰρ ἡ κίνησις διὰ τὴν ἀπὸ τῆς τροφῆς θερμότητα.
음식에서 생기는 열로 인해 운동이 심하기 때문이다.
Ὥστε καθάπερ ἐν ὑγρῷ, ἐὰν σφόδρα κινῇ τις, ὁτὲ μὲν οὐδὲν φαίνεται εἴδωλον ὁτὲ δὲ φαίνεται μὲν διεστραμμένον δὲ πάμπαν, ὥστε φαίνεσθαι ἀλλοῖον ἢ οἷόν ἐστιν, ἠρεμήσαντος δὲ καθαρὰ καὶ φανερά, οὕτω καὶ ἐν τῷ καθεύδειν τὰ φαντάσματα καὶ αἱ ὑπόλοιποι κινήσεις αἱ συμβαίνουσαι ἀπὸ τῶν αἰσθημάτων ὁτὲ μὲν ὑπὸ μείζονος οὔσης τῆς εἰρημένης κινήσεως ἀφανίζονται πάμπαν, ὁτὲ δὲ τεταραγμέναι φαίνονται αἱ ὄψεις καὶ τερατώδεις καὶ οὐκ ἐρρωμένα τὰ ἐνύπνια, οἷον τοῖς μελαγχολικοῖς καὶ πυρέττουσι καὶ οἰνωμένοις·
그리하여 마치 액체 속에서 누군가 심하게 흔들면 때로는 아무런 영상도 나타나지 않고, 때로는 나타나더라도 완전히 왜곡되어 본래의 모습과 다르게 보이지만, 고요해지면 깨끗하고 분명하게 보이듯이, 잠잘 때에도 감각으로부터 생겨나는 환상들과 잔여 운동들은 때로 앞서 말한 운동이 더 크기 때문에 완전히 사라지기도 하고, 때로는 나타나는 모습들이 혼란스럽고 괴이하여 꿈이 온전치 못하기도 하니, 예컨대 우울증 환자나 열병 환자, 술에 취한 이들에게 그러하다.
πάντα γὰρ τὰ τοιαῦτα πάθη πνευματώδη ὄντα πολλὴν ποιεῖ κίνησιν καὶ ταραχήν.
왜냐하면 이러한 모든 상태는 기가 많아서 많은 운동과 혼란을 일으키기 때문이다.
Καθισταμένου δὲ καὶ διακρινομένου τοῦ αἵματος ἐν τοῖς ἐναίμοις, σωζομένη τῶν αἰσθημάτων ἡ κίνησις ἀφ’ ἑκάστου τῶν αἰσθητηρίων ἐρρωμένα τε ποιεῖ τὰ ἐνύπνια, καὶ φαίνεσθαί τι καὶ δοκεῖν διὰ μὲν τὰ ἀπὸ τῆς ὄψεως καταφερόμενα ὁρᾶν, διὰ δὲ τὰ ἀπὸ τῆς ἀκοῆς ἀκούειν.
그러나 유혈 동물에게서 피가 가라앉고 분리될 때, 각각의 감각 기관으로부터 보존된 감각들의 운동이 온전한 꿈을 만들어내어, 어떤 것이 나타나 그렇게 여겨지게 하니, 시각으로부터 내려온 것들 때문에 보는 것처럼 여기고, 청각으로부터의 것들 때문에 듣는 것처럼 여긴다.
Ὁμοιοτρόπως δὲ καὶ ἀπὸ τῶν ἄλλων αἰσθητηρίων·
다른 감각 기관들로부터도 마찬가지이다.
τῷ μὲν γὰρ ἐκεῖθεν ἀφικνεῖσθαι τὴν κίνησιν πρὸς τὴν ἀρχὴν καὶ ἐγρηγορὼς δοκεῖ ὁρᾶν καὶ ἀκούειν καὶ αἰσθάνεσθαι, καὶ διὰ τὸ τὴν ὄψιν ἐνίοτε κινεῖσθαι δοκεῖν οὐ κινουμένην ὁρᾶν φαμέν, καὶ τῷ τὴν ἁφὴν δύο κινήσεις εἰσαγγέλλειν τὸ ἓν δύο δοκεῖν.
왜냐하면 그곳으로부터 운동이 근원에 도달함으로써 깨어 있을 때에도 보고 듣고 감각하는 것처럼 여기는 것이며, 시각이 때로는 움직이지 않는데도 움직이는 것처럼 여겨짐으로써 우리가 본다고 말하는 것이고, 촉각이 두 가지 운동을 전달함으로써 하나가 둘로 여겨지기 때문이다.
Ὅλως γὰρ τὸ ἀφ’ ἑκάστης αἰσθήσεώς φησιν ἡ ἀρχή, ἐὰν μὴ ἑτέρα κυριωτέρα ἀντιφῇ.
전반적으로, 더 지배적인 다른 감각이 반박하지 않는 한, 근원은 각 감각으로부터 온 것을 선언하기 때문이다.
Φαίνεται μὲν οὖν πάντως, δοκεῖ δὲ οὐ πάντως τὸ φαινόμενον, ἀλλ’ ἐὰν τὸ ἐπικρῖνον κατέχηται ἢ μὴ κινῆται τὴν οἰκείαν κίνησιν.
따라서 나타나는 것은 항상 일어나지만, 나타나는 것이 항상 실제인 것처럼 여겨지는 것은 아니며, 판정을 내리는 부분이 억제되어 있거나 고유한 운동을 하지 않고 있을 때에만 그렇게 여겨진다.
Ὥσπερ δ’ εἴπομεν ὅτι ἄλλοι δι’ ἄλλο πάθος εὐαπάτητοι, οὕτως ὁ καθεύδων διὰ τὸν ὕπνον καὶ τὸ κινεῖσθαι τὰ αἰσθητήρια καὶ τἆλλα τὰ συμβαίνοντα περὶ τὴν αἴσθησιν, ὥστε τὸ μικρὰν ἔχον ὁμοιότητα φαίνεται ἐκεῖνο.
그리고 서로 다른 이들이 서로 다른 감정 때문에 쉽게 기만당한다고 우리가 말했듯이, 잠자는 자 역시 수면과 감각 기관들이 움직이는 것, 그리고 감각에 관해 일어나는 다른 일들 때문에, 미세한 유사성만을 지닌 것이 바로 그것인 것처럼 나타난다.
Ὅταν γὰρ καθεύδῃ, κατιόντος τοῦ πλείστου αἵματος ἐπὶ τὴν ἀρχὴν συγκατέρχονται αἱ ἐνοῦσαι κινήσεις, αἱ μὲν δυνάμει αἱ δὲ ἐνεργείᾳ.
왜냐하면 잠잘 때 대부분의 피가 근원으로 내려감에 따라 그 안에 들어 있는 운동들도 함께 내려가는데, 어떤 것들은 잠재력으로, 어떤 것들은 현실태로 존재하기 때문이다.
Οὕτω δ’ ἔχουσιν ὥστε ἐν τῇ κινήσει τῃδὶ ἥδε ἐπιπολάσει ἐξ αὐτοῦ ἡ κίνησις, ἂν δ’ αὕτη φθαρῇ, ἥδε.
그리고 그것들은 이 특정 운동 속에서 이 특정 운동이 그 자체로부터 표면으로 떠오르고, 만일 이것이 가라앉으면 저것이 떠오르는 그런 관계에 있다.
Καὶ πρὸς ἀλλήλας δ’ ἔχουσιν ὥσπερ οἱ πεπλασμένοι βάτραχοι οἱ ἀνιόντες ἐν τῷ ὕδατι τηκομένου τοῦ ἁλός.
그리고 그것들은 서로에 대해, 소금이 녹으면서 물속에서 떠오르는 만들어진 개구리 장난감들과 같은 관계에 있다.
Οὕτως ἔνεισι δυνάμει, ἀνειμένου δὲ τοῦ κωλύοντος ἐνεργοῦσιν·
그와 같이 그것들은 잠재력으로 들어 있으며, 방해하던 것이 풀리면 현실적으로 활동한다.
καὶ λυόμεναι ἐν ὀλίγῳ τῷ λοιπῷ αἵματι τῷ ἐν τοῖς αἰσθητηρίοις κινοῦνται, ἔχουσαι ὁμοιότητα ὥσπερ τὰ ἐν τοῖς νέφεσιν, ἃ παρεικάζουσιν ἀνθρώποις καὶ κενταύροις ταχέως μεταβάλλοντα.
그리고 감각 기관들에 남아 있는 소량의 피 속에서 풀려나 움직이면서, 구름 속에 있는 형상들과 같은 유사성을 지니는데, 사람들은 그것들을 빠르게 변하는 인간이나 켄타우로스에 비유하곤 한다.