§8.21τῶν δὲ τετραπόδων αἱ μὲν ὕες νοσήμασι μὲν κάμνουσι τρισίν, ὧν ἓν μὲν καλεῖται βράγχος, ἐν ᾧ μάλιστα τὰ περὶ τὰ βράγχια καὶ τὰς σιαγόνας φλεγμαίνει.
네발동물 중에서 돼지는 세 가지 질병을 앓는데, 그중 하나는 브랑코스라 불리며, 이 병에 걸리면 특히 기관지와 턱 주변 부위가 염증을 일으킨다.
Γίνεται δὲ καὶ ὅπου ἂν τύχῃ τοῦ σώματος· πολλάκις γὰρ τοῦ ποδὸς λαμβάνεται, ὁτὲ δ’ ἐν τῷ ὠτί.
이 병은 몸의 어느 부위에서나 발생할 수 있는데, 종종 발에 걸리기도 하고, 때로는 귀에 걸리기도 한다.
Γίνεται δὲ σαπρὸν εὐθὺς καὶ τὸ ἐχόμενον, ἕως ἂν ἔλθῃ πρὸς τὸν πλεύμονα· τότε δ’ ἀποθνήσκει.
그리고 인접한 부위도 즉시 부패하여 허파에 도달할 때까지 진행되며, 그때 돼지는 죽는다.
Ταχὺ δ’ αὐξάνεται· καὶ οὐθὲν ἐσθίει, ὅταν ἄρξηται τὸ πάθος κἂν ὁσονοῦν.
이 병은 급격히 진행되며, 병이 시작되면 아주 조금이라도 전혀 먹지 않는다.
Ἰῶνται δ’ οἱ ὑοβοσκοί, ὅταν αἴσθωνται μικρὸν ὄν, ἄλλον μὲν οὐθένα τρόπον, ἀποτέμνουσι δ’ ὅλον.
돼지치기들은 병이 아직 미미할 때 발견하면 다른 방법이 아니라 그 부위 전체를 잘라내어 치료한다.
Δύο δ’ ἄλλ’ ἐστί, λέγεται δὲ κραυρᾶν ἄμφω·
다른 두 가지 질병이 있는데, 둘 다 크라우란이라 불린다.
ὧν τὸ μὲν ἕτερόν ἐστι κεφαλῆς πόνος καὶ βάρος, ᾧ αἱ πλεῖσται ἁλίσκονται, τὸ δ’ ἕτερον, ἡ κοιλία ῥεῖ.
그중 하나는 머리의 통증과 무거움으로 대부분의 돼지가 이에 걸리며, 다른 하나는 설사이다.
Καὶ τοῦτο μὲν δοκεῖ εἶναι ἀνίατον, θατέρῳ δὲ βοηθοῦσιν οἶνον προσφέροντες πρὸς τοὺς μυκτῆρας καὶ κλύζοντες τοὺς μυκτῆρας οἴνῳ.
후자는 치료가 불가능해 보이지만, 전자는 콧구멍에 포도주를 대어주고 콧구멍을 포도주로 세척해 줌으로써 치료를 돕는다.
Διαφυγεῖν δὲ καὶ τοῦτο χαλεπόν· ἀναιρεῖ μὲν γὰρ ἐν ἡμέραις τρισὶν ἢ τέτταρσιν.
그러나 이것도 피해 가기는 어려운데, 삼사 일 만에 돼지를 죽이기 때문이다.
Βραγχῶσι δὲ μάλιστα, ὅταν τὸ θέρος ἐνέγκῃ εὖ καὶ πιόταται ὦσιν·
돼지들은 여름이 결실을 잘 맺어 아주 살이 쪘을 때 가장 브랑코스에 걸리기 쉽다.
βοηθεῖ δὲ τά τε συκάμινα διδόμενα καὶ τὸ λουτρὸν ἐὰν ᾖ πολὺ καὶ θερμόν, καὶ ἐάν τις σχάσῃ ὑπὸ τὴν γλῶτταν.
뽕나무 열매를 주는 것과 많고 뜨거운 목욕을 시키는 것, 그리고 혀 밑을 절개해 주는 것이 도움이 된다.
Χαλαζώδεις δ’ εἰσὶ τῶν ὑῶν αἱ ὑγρόσαρκοι τά τε περὶ τὰ σκέλη καὶ τὰ περὶ τὸν τράχηλον καὶ τοὺς ὤμους, ἐν οἷς μέρεσι καὶ πλεῖσται γίνονται χάλαζαι·
살이 부드러운 돼지들은 낭충(하라자)에 잘 걸리는데, 다리 주변과 목, 어깨 주변에 생기며 이 부위들에 가장 많은 낭충이 발생한다.
κἂν μὲν ὀλίγας ἔχῃ, γλυκυτέρα ἡ σάρξ, ἂν δὲ πολλάς, ὑγρὰ λίαν καὶ διάχυλος γίνεται.
낭충이 적으면 고기 맛이 더 달지만, 많으면 너무 수분이 많고 흐물흐물해진다.
Δῆλαι δ’ εἰσὶν αἱ χαλαζῶσαι·
낭충이 있는 돼지는 명백히 드러난다.
ἔν τε γὰρ τῇ γλώττῃ τῇ κάτω ἔχουσι μάλιστα τὰς χαλάζας, καὶ ἐάν τις τρίχας ἐκτίλλῃ ἐκ τῆς λοφιᾶς, ὕφαιμοι φαίνονται·
혀 밑부분에 가장 많은 낭충을 가지고 있으며, 등갈기에서 털을 뽑아 보면 털뿌리에 피가 맺혀 보이기 때문이다.
ἔτι δὲ τὰ χαλαζῶντα τοὺς ὀπισθίους πόδας οὐ δύνανται ἡσυχάζειν.
또한 뒷다리에 낭충이 있는 것들은 가만히 있지 못한다.
Οὐκ ἔχουσι δὲ χαλάζας, ἕως ἂν ὦσι γαλαθηναὶ μόνον.
단지 젖먹이일 때까지는 낭충을 갖지 않는다.
Ἐκβάλλουσι δὲ τὰς χαλάζας ταῖς τιφαῖς· ὃ καὶ πρὸς τὴν τροφήν ἐστι χρήσιμον.
그리고 티페(일립맥)를 먹임으로써 낭충을 배출시키는데, 이는 먹이로서도 유익하다.
Ἄριστον δὲ πρὸς τὸ πιαίνειν καὶ τρέφειν οἱ ἐρέβινθοι καὶ τὰ σῦκα, τὸ δ’ ὅλον μὴ ποιεῖν ἁπλῆν τὴν τροφὴν ἀλλὰ ποικίλην·
살을 찌우고 키우기에 가장 좋은 것은 병아리콩과 무화과이며, 전반적으로 먹이를 단순하게 하지 말고 다양하게 해야 한다.
χαίρει γὰρ μεταβάλλουσα καθάπερ καὶ τἆλλα ζῷα, καὶ ἅμα φασὶ τὸ μὲν ἐμφυσᾶν τὸ δὲ σαρκοῦν τὸ δὲ πιαίνειν τῶν προσφερομένων, τὰς δὲ βαλάνους ἡδέως μὲν ἐσθίειν, ποιεῖν δ’ ὑγρὰν τὴν σάρκα·
다른 동물들과 마찬가지로 변화를 좋아하기 때문이며, 동시에 사람들이 말하기를 제공되는 먹이 중 어떤 것은 배를 부풀게 하고, 어떤 것은 살을 붙이며, 어떤 것은 기름지게 하기 때문이라고 한다. 도토리도 기꺼이 먹지만 고기를 수분 많게 만든다.
καὶ ἐὰν κύουσαι πλείους ἐσθίωσιν, ἐκβάλλουσιν ὥσπερ καὶ τὰ πρόβατα·
임신한 돼지가 도토리를 너무 많이 먹으면 양과 마찬가지로 유산하게 된다.
ταῦτα γὰρ ἐπιδηλοτέρως τοῦτο πάσχει διὰ τὰς βαλάνους.
양은 도토리 때문에 이를 더 현저하게 겪는다.
Χαλαζᾷ δὲ μόνον τῶν ζῴων ὧν ἴσμεν ὗς.
우리가 아는 동물 중에서 돼지만이 낭충을 갖는다.
§8.22Οἱ δὲ κύνες κάμνουσι νοσήμασι τρισίν· ὀνομάζεται δὲ ταῦτα λύττα, κυνάγχη, ποδάγρα.
개는 세 가지 질병을 앓는데, 이들은 광견병, 인후염, 통풍이라 불린다.
Τούτων ἡ λύττα ἐμποιεῖ μανίαν, καὶ ὅταν δάκῃ, λυττῶσιν ἅπαντα τὰ δηχθέντα πλὴν ἀνθρώπου·
이 중 광견병은 광증을 유발하여, 이것이 물면 사람을 제외하고 물린 모든 동물이 미쳐버린다.
καὶ ἀναιρεῖ δὲ τὸ νόσημα τοῦτο τάς τε κύνας καὶ ἄν τι δηχθῇ ὑπὸ λυττώσης πλὴν ἀνθρώπου.
그리고 이 질병은 개를 죽일 뿐만 아니라 광견병에 걸린 개에게 물린 동물도 사람을 제외하고는 죽인다.
Ἀναιρεῖ δὲ καὶ ἡ κυνάγχη τὰς κύνας· ὀλίγαι δὲ καὶ ἐκ τῆς ποδάγρας περιφεύγουσιν.
인후염도 개를 죽이며, 통풍에서 살아남는 개는 거의 없다.
Λαμβάνει δ’ ἡ λύττα καὶ τὰς καμήλους.
광견병은 낙타에게도 발생한다.
Τοὺς δ’ ἐλέφαντας πρὸς μὲν τὰ ἄλλα ἀρρωστήματα ἀνόσους εἶναί φασιν, ἐνοχλεῖσθαι δ’ ὑπὸ φυσῶν.
코끼리는 다른 질병들에는 걸리지 않지만 복부 팽만에 시달린다고 한다.
§8.23Οἱ δὲ βόες οἱ ἀγελαῖοι νοσοῦσι δύο νόσους, ὧν τὸ μὲν ποδάγρα τὸ δὲ κραῦρος καλεῖται.
무리를 짓는 소는 두 가지 질병에 걸리는데, 그중 하나는 통풍, 다른 하나는 크라우로스라 불린다.
Ἐν μὲν οὖν τῇ ποδάγρᾳ τοὺς πόδας οἰδοῦσιν, οὐκ ἀποθνήσκουσι δ’ οὐδὲ τὰς ὁπλὰς ἀποβάλλουσιν·
통풍의 경우 발이 부어오르지만 죽거나 발굽이 떨어지지는 않는다.
βέλτιον δ’ ἴσχουσι τῶν κεράτων ἀλειφομένων πίσσῃ θερμῇ.
뿔에 따뜻한 타르를 발라주면 상태가 호전된다.
Ὅταν δὲ κραυρᾷ, τὸ πνεῦμα γίνεται θερμὸν καὶ πυκνόν·
소가 크라우로스에 걸리면 호흡이 뜨겁고 가빠진다.
καὶ ὅ ἐστιν ἐν τοῖς ἀνθρώποις πυρετός, τοῦτό ἐστιν ἐν τοῖς βουσὶ τὸ κραυρᾶν.
사람에게 있어서의 열병이 소에게 있어서는 크라우로스이다.
Σημεῖον δὲ τῆς ἀρρωστίας τὰ ὦτα καταβάλλουσι καὶ οὐ δύνανται ἐσθίειν.
질병의 징후는 귀를 늘어뜨리고 먹지 못하는 것이다.
Ἀποθνήσκουσι δὲ ταχέως, καὶ ἀνοιχθέντων ὁ πλεύμων φαίνεται σαπρός.
소들은 빠르게 죽으며, 열어보면 허파가 부패해 있는 것을 볼 수 있다.