§7.5Τὸ δὲ γάλα τὸ γινόμενον πρότερον τῶν ἑπτὰ μηνῶν ἄχρηστόν ἐστιν·
7개월 이전에 생기는 젖은 쓸모가 없다.
ἀλλ’ ἅμα τά τε παιδία γόνιμα καὶ τὸ γάλα χρήσιμον.
그러나 아이들이 생육 가능해짐과 동시에 젖도 쓸모 있게 된다.
Τὸ δὲ πρῶτον καὶ ἁλμυρόν, ὥσπερ τοῖς προβάτοις.
그리고 첫 젖은 양들의 경우와 마찬가지로 짜다.
Μάλιστα δ’ ἐν ταῖς κυήσεσι τοῦ οἴνου αἰσθάνονται αἱ πλεῖσται·
임신 중에 대부분의 여성들은 포도주에 특히 민감하게 반응한다.
διαλύονταί τε γάρ, ἐὰν πίωσι, καὶ ἀδυνατοῦσιν.
왜냐하면 만약 포도주를 마시면, 그녀들은 몸이 이완되고 쇠약해지기 때문이다.
Ἀρχὴ δὲ ταῖς γυναιξὶ τοῦ τεκνοῦσθαι καὶ τοῖς ἄρρεσι τοῦ τεκνοῦν, καὶ παῦλα ἀμφοτέροις, τοῖς μὲν ἡ τοῦ σπέρματος πρόεσις ταῖς δ’ ἡ τῶν καταμηνίων, πλὴν οὔτ’ ἀρχομένων γόνιμα εὐθὺς οὔτ’ ἔτι ὀλίγων γιγνομένων καὶ ἀσθενῶν.
여성에게 아이를 가지는 것의 시작과 남성에게 아이를 낳게 하는 것의 시작, 그리고 양자 모두의 끝은, 남성에게는 정액의 방출이고 여성에게는 월경의 배출이다. 다만 이것들이 막 시작될 때에는 즉시 생식 능력이 있는 것이 아니며, 이미 적어지고 약해졌을 때에도 마찬가지이다.
Ἡλικία δὲ τῆς μὲν ἀρχῆς εἴρηται·
시작되는 나이에 대해서는 이미 언급되었다.
παύεται δὲ ταῖς γυναιξὶ ταῖς μὲν πλείσταις τὰ καταμήνια περὶ τετταράκοντα ἔτη, αἷς δ’ ἂν ὑπερβάλῃ τὸν χρόνον τοῦτον, διαμένει μέχρι τῶν πεντήκοντα ἐτῶν, καὶ ἤδη τινὲς ἔτεκον·
대부분의 여성들에게서 월경은 40세 무렵에 멈추지만, 이 기간을 넘어서는 여성들에게서는 50세까지 지속되며, 이미 그 나이에 아이를 낳은 사람들도 있다.
πλείω δὲ χρόνον οὐδεμία.
그러나 그 이상의 기간 동안 지속되는 여성은 아무도 없다.
§7.6Οἱ δ’ ἄνδρες οἱ μὲν πλεῖστοι γεννῶσι μέχρι ἑξήκοντα ἐτῶν, ὅταν δ’ ὑπερβάλῃ ταῦτα, μέχρι ἑβδομήκοντα·
반면에 대부분의 남성들은 60세까지 아이를 낳게 하며, 이 나이를 넘어서는 경우에는 70세까지 그러하다.
καὶ ἤδη τινὲς γεγεννήκασιν ἑβδομήκοντα ἐτῶν ὄντες.
그리고 이미 70세가 되어서도 아이를 낳게 한 사람들도 있다.
Συμβαίνει δὲ πολλοῖς καὶ πολλαῖς γυναιξὶ καὶ ἀνδράσι μετ’ ἀλλήλων μὲν συνεζευγμένοις μὴ δύνασθαι τεκνοποιεῖσθαι, διαζευχθεῖσι δέ.
또한 많은 여성들과 남성들에게 있어서, 서로 결합되어 있을 때에는 아이를 가질 수 없다가도, 서로 갈라섰을 때에는 가질 수 있게 되는 일이 일어난다.
Τὸ δ’ αὐτὸ συμβαίνει καὶ περὶ ἀρρενογονίας καὶ θηλυγονίας·
이와 똑같은 일이 남녀의 출산에 관해서도 일어난다.
ἐνίοτε γὰρ καὶ γυναῖκες καὶ ἄνδρες μετ’ ἀλλήλων μὲν ὄντες θηλυγόνοι εἰσὶν ἢ ἀρρενογόνοι, διεζευγμένοι δὲ γίνονται τοὐναντίον.
즉, 때로는 여성들과 남성들이 서로 함께 있을 때에는 여아나 남아만 낳다가도, 갈라섰을 때에는 그 반대가 되기도 한다.
Καὶ κατὰ τὴν ἡλικίαν δὲ μεταβάλλουσιν·
또한 나이에 따라서도 그들은 변한다.
νέοι μὲν ὄντες μετ’ ἀλλήλων θήλεα γεννῶσι, πρεσβύτεροι δ’ ἄρρενα·
젊을 때에는 서로 여아를 낳지만, 나이가 들면 남아를 낳는다.
τοῖς δὲ καὶ ἐπὶ τούτων συμβαίνει τοὐναντίον.
그러나 어떤 이들에게는 이 문제에 있어서도 정반대의 일이 일어난다.
Καὶ ἐπὶ τοῦ γεννᾶν δ’ ὅλως τὸ αὐτό·
그리고 전반적인 출산에 관해서도 완전히 똑같다.
νέοις μὲν οὖσιν οὐθὲν γίνεται, πρεσβυτέροις δέ· οἱ δὲ τὸ πρῶτον, ὕστερον δὲ γεννῶσιν οὐδέν.
어떤 이들에게는 젊을 때 아무 일도 일어나지 않다가 나이가 들어서 일어나며, 다른 이들은 처음에는 낳다가 나중에는 아무것도 낳지 못한다.
Εἰσὶ δὲ καὶ τῶν γυναικῶν τινὲς αἳ μόλις μὲν συλλαμβάνουσιν, ἐὰν δὲ συλλάβωσιν, ἐκφέρουσιν· αἱ δὲ τοὐναντίον συλλαμβάνουσι μὲν ῥᾳδίως, οὐ δύνανται δ’ ἐκφέρειν.
또한 여성들 중에는 겨우 수태하지만 수태하기만 하면 끝까지 키워내는 이들이 있는가 하면, 반대로 수태는 쉽게 하지만 끝까지 키워내지 못하는 이들도 있다.
Εἰσὶ δὲ καὶ ἄνδρες θηλυγόνοι καὶ γυναῖκες ἀρρενογόνοι, οἷον καὶ κατὰ τοῦ Ἡρακλέους μυθολογεῖται, ὃς ἐν δύο καὶ ἑβδομήκοντα τέκνοις θυγατέρα μίαν ἐγέννησεν.
또한 여아만 낳게 하는 남성과 남아만 낳는 여성도 있는데, 이는 헤라클레스에 대해 신화에서 이야기하는 바와 같다. 그는 72명의 자녀 중 단 한 명의 딸만을 낳았다.
Αἱ δὲ μὴ δυνάμεναι συλλαμβάνειν ἐὰν ἢ διὰ θεραπείαν συλλάβωσιν ἢ δι’ ἄλλην τινὰ σύμπτωσιν, ὡς ἐπὶ τὸ πολὺ θηλυτοκοῦσι μᾶλλον ἢ ἀρρενοτοκοῦσιν.
그리고 수태할 수 없었던 여성들이 치료나 다른 어떤 우연으로 인해 수태하게 되면, 대개는 남아보다 여아를 낳는 경향이 더 강하다.
Πολλοῖς δὲ συμβαίνει καὶ τῶν ἀνδρῶν δυναμένοις γεννᾶν ὕστερον μὴ δύνασθαι, καὶ πάλιν καθίστασθαι εἰς αὐτό.
또한 많은 남성들에게서도 아이를 낳게 할 수 있었으나 나중에 그렇게 하지 못하게 되었다가, 다시 그 상태로 회복되는 일이 일어난다.
Γίνονται δὲ καὶ ἐξ ἀναπήρων ἀνάπηροι, οἷον ἐκ χωλῶν χωλοὶ καὶ τυφλῶν τυφλοί, καὶ ὅλως τὰ παρὰ φύσιν ἐοικότες πολλάκις, καὶ σημεῖα ἔχοντες συγγενῆ, οἷον φύματα καὶ οὐλάς.
또한 장애를 가진 이들에게서 장애를 가진 이들이 태어나기도 하는데, 예컨대 절름발이에게서 절름발이가, 시각장애인에게서 시각장애인이 태어나며, 일반적으로 자연에 어긋나는 특징에 있어서도 종종 부모를 닮아 종양이나 흉터 같은 선천적인 흔적을 지닌다.
Ἤδη δ’ ἀπέδωκε τῶν τοιούτων τι καὶ διὰ τριῶν, οἷον ἔχοντός τινος στίγμα ἐν τῷ βραχίονι ὁ μὲν υἱὸς οὐκ ἐγένετο ὁ δ’ υἱιδοῦς ἔχων ἐν τῷ αὐτῷ τόπῳ συγκεχυμένον μέλαν.
그리고 이미 이러한 특징 중 어떤 것은 3대를 거쳐 나타나기도 했는데, 예컨대 어떤 사람이 팔에 낙인을 가지고 있었으나 아들에게는 나타나지 않았고, 손자에게 동일한 부위에 흐릿한 검은 흔적이 나타난 일이 있었다.
Ὀλίγα μὲν οὖν γίνεται τὰ τοιαῦτα, τὰ δὲ πλεῖστα γίνεται ὁλόκληρα ἐκ κολοβῶν, καὶ οὐθὲν ἀποτέτακται τούτων.
이와 같은 일은 드물게 일어나며, 대부분의 경우 불구의 부모에게서 온전한 자녀가 태어나고, 이들 중 어느 것도 정해진 규칙은 없다.
Καὶ ἐοικότες δὲ τοῖς γεννήσασιν ἢ τοῖς ἄνωθεν γονεῦσιν, ὁτὲ δ’ οὐδὲν οὐδενί.
또한 부모나 그 위의 조상들을 닮는 경우도 있지만, 때로는 누구에게도 닮지 않는 경우도 있다.
Ἀποδίδωσι δὲ καὶ διὰ πλειόνων γενῶν, οἷον ἐν Σικελίᾳ ἡ τῷ Αἰθίοπι μοιχευθεῖσα· ἡ μὲν γὰρ θυγάτηρ ἐγένετο οὐκ Αἰθίοψ, τὸ δ’ ἐκ ταύτης.
그리고 더 많은 세대를 거쳐 유전되기도 하는데, 예컨대 시칠리아에서 에티오피아인과 간통한 여성의 경우, 딸은 에티오피아인으로 태어나지 않았지만 그 딸이 낳은 자식은 그러했다.
Καὶ ὡς μὲν ἐπὶ τὸ πολὺ τὰ θήλεα ἔοικε τῇ μητρὶ μᾶλλον, τὰ δ’ ἄρρενα τῷ πατρί· γίνεται δὲ καὶ τοὐναντίον, τὰ μὲν θήλεα τῷ πατρί, τὰ δ’ ἄρρενα τῇ μητρί.
그리고 대개 여아는 어머니를 더 닮고 남아는 아버지를 더 닮지만, 그 반대로 여아가 아버지를, 남아가 어머니를 닮는 일도 일어난다.
Καὶ κατὰ μέρη δὲ γίνονται ἐοικότα ἄλλα μέρη ἑκατέρων.
또한 부분에 따라서도 양쪽의 서로 다른 부분을 닮아 태어난다.
Τὰ δὲ δίδυμα ἤδη μὲν ἐγένετο καὶ οὐκ ἐοικότα ἀλλήλοις, τὰ δὲ πλεῖστα καὶ ὡς ἐπὶ τὸ πολὺ ἐοικότα, ἐπεὶ καὶ μετὰ τὸν τόκον τίς ἑβδομαία συγγενομένη καὶ συλλαβοῦσα ἔτεκε τὸ ὕστερον τῷ προτέρῳ ἐοικός, ὥσπερ δίδυμον.
그리고 쌍둥이 중에서도 서로 닮지 않고 태어난 일이 이미 있었으나, 대부분 그리고 대개의 경우 서로 닮는데, 왜냐하면 출산 후에 어떤 여성이 7일째에 관계를 가졌고 수태하여 나중의 아이를 먼저의 아이와 닮은, 마치 쌍둥이처럼 낳았기 때문이다.
Εἰσὶ δὲ καὶ γυναῖκες ἐοικότα αὑταῖς γεννῶσαι, αἱ δὲ τῷ ἀνδρί, ὥσπερ ἡ ἐν Φαρσάλῳ ἵππος ἡ Δικαία καλουμένη.
또한 자기 자신을 닮은 아이를 낳는 여성도 있고, 남편을 닮은 아이를 낳는 여성도 있으니, 이는 파르살로스에서 디카이아라 불린 암말의 경우와 같다.