§6.23Ὄνος δ’ ὀχεύει μὲν καὶ ὀχεύεται τριακοντάμηνος, καὶ βάλλει τοὺς πρώτους ὀδόντας·
당나귀는 30개월이 되면 교미를 하고 교미를 받으며, 첫 번째 이빨들을 간다.
τοὺς δὲ δευτέρους ἕκτῳ μηνί, καὶ τοὺς τρίτους καὶ τοὺς τετάρτους ὡσαύτως·
그리고 두 번째 이빨들은 여섯 번째 달에 갈며, 세 번째와 네 번째 이빨들도 마찬가지이다.
τούτους δὲ γνώμονας καλοῦσι, τοὺς τετάρτους.
그리고 사람들은 이 네 번째 이빨들을 '그노몬(인식 표지)'이라 부른다.
Ἤδη δὲ καὶ ἐνιαυσία ὄνος ἐκύησεν ὥστε καὶ ἐκτραφῆναι.
이미 1년 생인 암당나귀가 임신하여 새끼가 길러지기까지 한 적도 있다.
Ἐξουρεῖ δ’, ὅταν ὀχευθῇ, τὴν γονήν, ἐὰν μὴ κωλύηται·
암당나귀는 교미를 받았을 때, 만약 방해받지 않는다면 소변과 함께 정액을 배설해 버린다.
διὸ τύπτουσι μετὰ τὴν ὀχείαν εὐθὺς καὶ διώκουσιν.
그렇기 때문에 사람들은 교미 직후에 즉시 암당나귀를 때리고 뒤쫓아 달린다.
Τίκτει δὲ δωδεκάτῳ μηνί.
그리고 12번째 달에 새끼를 낳는다.
Τίκτει δὲ τὰ μὲν πολλὰ ἕν· μονοτόκον γάρ ἐστι φύσει·
대개는 한 마리를 낳는데, 본성적으로 일복일자이기 때문이다.
τίκτει δ’ ἐνίοτε καὶ δύο.
그러나 때로는 두 마리를 낳기도 한다.
Ὁ μὲν οὖν ὄνος ἐπαναβὰς διαφθείρει τὸ τοῦ ἵππου ὄχευμα, ὥσπερ εἴρηται·
그리하여 수당나귀는 (이미 교미한 암말에게) 다시 올라탐으로써, 말해진 것처럼, 말의 교배를 망가뜨린다.
ὁ δ’ ἵππος τὸ τοῦ ὄνου οὐ διαφθείρει, ὅταν ᾖ ὠχευμένη ἡ ἵππος ὑπὸ τοῦ ὄνου.
그러나 암말이 당나귀에게 교미를 받았을 때에는, 말이 당나귀의 교배를 망가뜨리지 않는다.
Ἴσχει δὲ γάλα κύουσα δεκάμηνος οὖσα.
암당나귀는 임신한 지 10개월이 되면 젖을 가진다.
Τεκοῦσα δὲ βιβάζεται ἑβδόμῃ ἡμέρᾳ, καὶ μάλιστα δέχεται τὸ πλῆσμα ταύτῃ βιβασθεῖσα τῇ ἡμέρᾳ, λαμβάνει δὲ καὶ ὕστερον.
새끼를 낳으면 일곱째 날에 교배가 되는데, 이 날에 교배되었을 때 가장 수태를 잘 받아들이며, 그 후에도 수태된다.
Ἐὰν δὲ μὴ τέκῃ πρὶν τὸ γνῶμα λιπεῖν, οὐκέτι λαμβάνει πλῆσμα οὐδὲ κυΐσκεται τοῦ λοιποῦ βίου παντός.
그러나 만약 인식 표지가 되는 이빨이 빠지기 전에 새끼를 낳지 못하면, 남은 평생 동안 더 이상 수태를 받아들이지도 못하고 임신하지도 못한다.
Τίκτειν δ’ οὐ θέλει οὔτε ὁρωμένη ὑπὸ ἀνθρώπου οὔτ’ ἐν τῷ φωτί, ἀλλ’ εἰς τὸ σκότος ἀπάγουσιν, ὅταν μέλλῃ τίκτειν.
또한 사람이 보거나 밝은 곳에서 새끼 낳기를 원치 않으므로, 새끼를 낳으려 할 때에는 어두운 곳으로 데려간다.
Τίκτει δὲ διὰ βίου, ἐὰν τέκῃ πρὶν τὸ γνῶμα λιπεῖν.
만약 인식 표지가 되는 이빨이 빠지기 전에 새끼를 낳은 적이 있다면 평생 동안 새끼를 낳는다.
Βιοῖ δ’ ὄνος πλείω τριάκοντ’ ἐτῶν, καὶ ἡ θήλεια τοῦ ἄρρενος πλείω ἔτη.
당나귀는 30년 이상을 살며, 암컷이 수컷보다 더 많은 해를 산다.
Ὅταν δ’ ἵππος ὀχεύσῃ ὄνον ἢ ὄνος ἵππον, πολὺ μᾶλλον ἐξαμβλοῖ ἢ ὅταν τὰ ὁμογενῆ ἀλλήλοις μιχθῇ, οἷον ἵππος ἵππῳ ἢ ὄνος ὄνῳ.
말과 당나귀가 교미하거나 당나귀와 말이 교미할 때에는, 말과 말, 또는 당나귀와 당나귀처럼 동종끼리 서로 교배될 때보다 훨씬 더 많이 유산한다.
Ἀποβαίνει δὲ καὶ ὁ τῆς κυήσεως χρόνος, ὅταν μιχθῇ ἵππος καὶ ὄνος, κατὰ τὸ ἄρρεν, λέγω δ’ ἐν ὅσῳ χρόνῳ τοῦτο γίνεται ἐξ ὁμογενῶν γινόμενον.
또한 말과 당나귀가 교배될 때 임신 기간 역시 수컷에 따르는데, 내가 말하는 것은 이것이 동종으로부터 태어날 때 걸리는 기간을 뜻한다.
Τὸ δὲ μέγεθος τοῦ σώματος καὶ τὸ εἶδος καὶ ἡ ἰσχὺς μᾶλλον τῷ θήλει ἀφομοιοῦται τοῦ γενομένου.
그러나 태어난 새끼의 몸 크기와 모습 및 힘은 오히려 암컷을 더 닮는다.
Ἂν δὲ συνεχῶς μίσγηται καὶ μὴ διαλείπῃ χρόνον τινὰ οὕτως ὀχευόμενα, ταχέως ἄγονον τὸ θῆλυ γίνεται·
만약 이처럼 교미할 때 간격을 두지 않고 계속해서 교배되면 암컷은 금방 불임이 된다.
διὸ συνεχῶς οὐ μίσγουσιν οὕτως οἱ περὶ ταῦτα πραγματευόμενοι, ἀλλὰ διαλείπουσί τινα χρόνον.
그렇기 때문에 이를 다루는 이들은 이처럼 계속해서 교배시키지 않고 어느 정도 간격을 둔다.
Οὐ προσδέχεται δ’ οὔτε ἡ ἵππος τὸν ὄνον οὔτε ἡ ὄνος τὸν ἵππον, ἐὰν μὴ τύχῃ τεθηλακὼς ὁ ὄνος ἵππον·
암말은 당나귀를 받아들이지 않고 암당나귀도 말을 받아들이지 않는데, 그 당나귀가 우연히 말의 젖을 먹고 자란 경우가 아니라면 그러하다.
ὑποβάλλουσι γὰρ ἐπίτηδες οὓς καλοῦσιν ἱπποθήλας.
왜냐하면 사람들이 의도적으로 '이포텔라스(말의 젖을 먹은 당나귀)'라 불리는 것들을 들여보내기 때문이다.
Οὗτοι δ’ ὀχεύουσιν ἐν τῇ νομῇ βίᾳ κρατοῦντες, ὥσπερ οἱ ἵπποι.
이것들은 목초지에서 말들처럼 힘으로 제압하여 교미한다.
§6.24Ὁ δ’ ὀρεὺς ἀναβαίνει μὲν καὶ ὀχεύει μετὰ τὸν πρῶτον βόλον, ἑπταετὴς δ’ ὢν καὶ πληροῖ, καὶ ἤδη ἐγένετο γίννος ὅταν ἀναβῇ ἐφ’ ἵππον θήλειαν·
수노새는 첫 번째 이빨 갈기 후에 올라타며 교미를 하는데, 7세가 되면 수태도 시킬 수 있어서, 이미 암말에게 올라탔을 때 '기노스'가 태어난 적도 있다.
ὕστερον δ’ οὐκέτι ἀναβαίνει.
그러나 그 후에는 더 이상 올라타지 않는다.
Καὶ ὁ θῆλυς δ’ ὀρεὺς ἤδη ἐπληρώθη, οὐ μέντοι γε ὥστ’ ἐξενεγκεῖν διὰ τέλους.
암노새 역시 이미 수태된 적이 있으나, 끝까지 품고 낳지는 못한다.
Αἱ δ’ ἐν τῇ Συρίᾳ τῇ ὑπὲρ Φοινίκης ἡμίονοι καὶ ὀχεύονται καὶ τίκτουσιν·
그러나 페니키아 너머 시리아에 있는 노새들은 교미도 하고 새끼도 낳는다.
ἀλλ’ ἔστι τὸ γένος ὅμοιον μὲν ἕτερον δέ.
다만 그 종은 비슷하기는 하나 다른 종이다.
Οἱ δὲ καλούμενοι γίννοι γίνονται ἐξ ἵππου, ὅταν νοσήσῃ ἐν τῇ κυήσει, ὥσπερ ἐν μὲν τοῖς ἀνθρώποις οἱ νάνοι, ἐν δὲ τοῖς ὑσὶ τὰ μετάχοιρα·
그리고 '기노스'라 불리는 것들은 말이 임신 중에 병에 걸렸을 때 태어나는데, 이는 인간에게서의 왜소증 환자(난쟁이)나 돼지에게서의 발육 부전된 새끼 돼지와 같다.
καὶ ἴσχει δέ, ὥσπερ οἱ νάνοι, ὁ γίννος τὸ αἰδοῖον μέγα.
그리고 왜소증 환자들과 마찬가지로, 기노스 역시 생식기가 크다.
Ζῇ δ’ ἡμίονος ἔτη πολλά·
노새는 많은 해를 산다.
ἤδη γάρ τις βεβίωκεν ἔτη καὶ ὀγδοήκοντα, οἷον Ἀθήνῃσιν ὅτε τὸν νεὼν ᾠκοδόμουν·
이미 어떤 것은 80세까지 살기도 하였는데, 예컨대 아테네에서 신전을 건축하던 때의 일이다.
ὃς καὶ ἀφειμένος ἤδη διὰ τὸ γῆρας συναμπρεύων καὶ παραπορευόμενος παρώξυνε τὰ ζεύγη πρὸς τὸ ἔργον, ὥστ’ ἐψηφίσαντο μὴ ἀπελαύνειν αὐτὸν τοὺς σιτοπώλους ἀπὸ τῶν τηλιῶν.
그 노새는 노령으로 인해 이미 방면되었으나, 함께 수레를 끌고 곁을 걸어감으로써 한 쌍의 짐승들을 일하도록 독려하였고, 그리하여 사람들은 곡물 상인들이 곡물 진열대에서 그 노새를 쫓아내지 못하도록 의결하였다.
Γηράσκει δὲ βραδύτερον ὁ θῆλυς ὀρεὺς τοῦ ἄρρενος.
암노새는 수노새보다 더 천천히 늙는다.
Λέγουσι δ’ ἔνιοι ὅτι ἡ μὲν καθαίρεται οὐροῦσα, ὁ δ’ ἄρρην διὰ τὸ ὀσφραίνεσθαι τοῦ οὔρου γηράσκει θᾶττον.
어떤 이들은 암노새는 소변을 보면서 정화가 되지만, 수노새는 소변 냄새를 맡기 때문에 더 빨리 늙는다고 말한다.
Τούτων μὲν οὖν τῶν ζῴων αἱ γενέσεις τοῦτον ἔχουσι τὸν τρόπον.
이 동물들의 생식은 이와 같은 방식으로 이루어진다.
§6.25Τὰ δὲ νέα καὶ τὰ παλαιὰ τετράποδα διαγινώσκουσιν οἱ περὶ τὰς θεραπείας ὄντες αὐτῶν·
사지동물이 젊은지 늙었는지는 그것들을 돌보는 이들이 구별한다.
ἐὰν μὲν ἀπὸ τῆς γνάθου τὸ δέρμα ἐφελκόμενον ταχὺ ἐπίῃ, νέον τὸ τετράπουν, ἐὰν δὲ πολὺν χρόνον μένῃ ἐρρυτιδωμένον, παλαιόν.
만약 턱에서 피부를 잡아당겼을 때 그것이 빠르게 제자리로 돌아가면 그 사지동물은 젊은 것이고, 오랫동안 주름진 채로 남아 있으면 늙은 것이다.
§6.26Ἡ δὲ κάμηλος κύει μὲν δέκα μῆνας, τίκτει δ’ ἀεὶ ἓν μόνον·
낙타는 10개월 동안 임신하며, 항상 단 한 마리만 낳는다.
μονοτόκον γάρ ἐστιν.
일복일자이기 때문이다.
Ἐκκρίνουσι δ’ ἐκ τῶν καμήλων ἐνιαύσιον τὸ ἔκγονον.
사람들은 낙타에게서 1년 된 새끼를 떼어 놓는다.
Ζῇ δὲ χρόνον πολύν, πλείω ἢ πεντήκοντα ἔτη.
낙타는 긴 시간, 즉 50년 이상을 산다.
Τίκτει δὲ τοῦ ἔαρος, καὶ γάλα ἔχει μέχρι οὖ ἂν ἐν γαστρὶ λάβῃ.
봄에 새끼를 낳고, 다시 임신할 때까지 젖을 가진다.
Ἔχει δὲ καὶ τὰ κρέα καὶ τὸ γάλα ἥδιστα πάντων·
그것은 고기와 젖 모두 모든 동물 중에서 가장 맛이 좋다.
πίνουσι δὲ τὸ γάλα δύο καὶ ἕνα ἢ τρία καὶ ἕνα πρὸς ὕδωρ κεράσαντες.
사람들은 그 젖을 물과 '2 대 1' 또는 '3 대 1'의 비율로 섞어서 마신다.