§6.2#1Τὸ δ’ ᾠὸν ἁπάντων ὁμοίως τῶν ὀρνίθων σκληρόδερμόν τ’ ἐστίν, ἐὰν γόνῳ γένηται καὶ μὴ διαφθαρῇ (ἔνια γὰρ μαλακὰ τίκτουσιν αἱ ἀλεκτορίδες), καὶ δίχροα τὰ ᾠὰ τὰ τῶν ὀρνίθων, ἐκτὸς μὲν τὸ λευκόν, ἐντὸς δὲ τὸ ὠχρόν.
모든 새의 알은 수정에 의해 생겨나고 망가지지 않았다면 똑같이 단단한 껍질을 가지고 있다(어떤 암탉들은 무른 알을 낳기도 하기 때문이다). 그리고 새의 알은 두 가지 색을 띠는데, 바깥쪽은 흰색이고 안쪽은 노란색이다.
Διαφέρουσι δὲ καὶ τὰ τῶν περὶ ποταμοὺς καὶ λίμνας γινομένων ὀρνέων πρὸς τὰ τῶν ξηροβατικῶν·
강과 호수 주변에 사는 새들의 알은 육지에서 걸어 다니는 새들의 알과 다르다.
πολλαπλάσιον γὰρ ἔχει τὰ τῶν ἐνύδρων κατὰ λόγον τὸ ὠχρὸν πρὸς τὸ λευκόν.
수생 조류의 알은 흰색 대비 노란색의 비율이 몇 배나 더 크기 때문이다.
Καὶ τὰ χρώματα δὲ τῶν ᾠῶν διαφέρει κατὰ τὰ γένη τῶν ὀρνίθων·
또한 알의 색깔도 새의 속(屬)에 따라 다르다.
τῶν μὲν γὰρ λευκά ἐστι τὰ ᾠά, οἷον περιστερᾶς καὶ πέρδικος, τῶν δ’ ὠχρά, οἷον τῶν περὶ τὰς λίμνας, τῶν δὲ κατεστιγμένα, οἷον τὰ τῶν μελεαγρίδων καὶ φασιανῶν·
어떤 것들의 알은 흰색인데, 예를 들면 비둘기와 자코의 알이 그러하고, 다른 것들의 알은 노란색인데, 호수 주변에 사는 것들의 알이 그러하며, 또 다른 것들의 알은 얼룩덜룩한데, 예를 들면 호로새와 꿩의 알이 그러하다.
τὰ δὲ τῆς κεγχρίδος ἐρυθρά ἐστιν ὥσπερ μίλτος.
황조롱이의 알은 붉은 흙처럼 붉다.
Ἔχει δὲ τὸ ᾠὸν διαφοράν· τῇ μὲν γὰρ ὀξὺ τῇ δὲ πλατύτερόν ἐστιν·
또한 알에는 차이가 있는데, 한쪽은 뾰족하고 다른 쪽은 더 넓다.
ἐξιόντος δ’ ἡγεῖται τὸ πλατύ.
그리고 알이 나올 때는 넓은 쪽이 앞선다.
Ἔστι δὲ τὰ μὲν μακρὰ καὶ ὀξέα τῶν ᾠῶν θήλεα, τὰ δὲ στρογγύλα καὶ περιφέρειαν ἔχοντα κατὰ τὸ ὀξὺ ἄρρενα.
알들 중에서 길고 뾰족한 것은 암컷이 되고, 둥글고 뾰족한 부분에 둥근 곡선을 가진 것은 수컷이 된다.
Ἐκπέττεται μὲν οὖν ἐπῳαζόντων τῶν ὀρνίθων, οὐ μὴν ἀλλὰ καὶ αὐτόματα ἐν τῇ γῇ ὥσπερ ἐν Αἰγύπτῳ, κατορυττόντων εἰς τὴν κόπρον·
알은 새들이 품을 때 성숙하여 부화하지만, 이집트에서처럼 배설물 속에 파묻어 땅속에서 자연적으로 부화하기도 한다.
καὶ ἐν Συρακούσαις δὲ φιλοπότης τις ὑποτιθέμενος ὑπὸ τὴν ψίαθον εἰς τὴν γῆν τοσοῦτον ἔπινεν, ὡς φασί, χρόνον συνεχῶς, ἕως ἐκλέποι τὰ ᾠά.
시라쿠사에서는 어떤 애주가가 돗자리 밑 땅속에 알을 놓아두고, 사람들이 말하기를, 알이 부화할 때까지 계속해서 그토록 오랫동안 술을 마셨다고 한다.
Ἤδη δὲ καὶ κείμενα ἐν ἀγγείοις ἀλεεινοῖς ἐξεπέφθη καὶ ἐξῆλθεν αὐτόματα.
이미 따뜻한 그릇에 놓아둔 알이 부화하여 자연적으로 나온 적도 있었다.
Ἡ μὲν οὖν γονὴ πάντων τῶν ὀρνίθων λευκή, ὥσπερ καὶ τῶν ἄλλων ζῴων·
모든 새의 정액은 다른 동물과 마찬가지로 흰색이다.
ὅταν δ’ ὀχευθῇ, ἄνω πρὸς τὸ ὑπόζωμα λαμβάνει ἡ θήλεια.
그러나 교미를 하면 암컷은 위쪽의 횡격막 근처에 그것을 받아들인다.
Καὶ τὸ μὲν πρῶτον μικρὸν καὶ λευκὸν φαίνεται, ἔπειτα ἐρυθρὸν καὶ αἱματῶδες, αὐξανόμενον δὲ ὠχρὸν καὶ ξανθὸν ἅπαν·
그리고 처음에는 작고 흰색으로 보이다가, 그다음에는 붉고 피처럼 보이며, 자라나면서 전체가 노랗고 황색이 된다.
ὅταν δ’ ἤδη γίγνηται ἁδρότερον, διακρίνεται, καὶ ἔσω μὲν τὸ ὠχρὸν ἔξω δὲ τὸ λευκὸν περιίσταται.
그리고 이미 충분히 커지면 구분이 생겨나, 안쪽에는 노란색이 자리를 잡고 바깥쪽에는 흰색이 둘러싸게 된다.
Ὅταν δὲ τελειωθῇ, ἀπολύεταί τε καὶ ἐξέρχεται οὕτω τῷ καιρῷ ἐκ τοῦ μαλακὸν εἶναι μεταβάλλον ἐπὶ τὸ σκληρόν, ὥστ’ ἐξέρχεται μὲν οὔπω πεπηγός, ἐξελθὸν δ’ εὐθέως πήγνυται καὶ γίνεται σκληρόν, ἐὰν μὴ ἐξίῃ νενοσηκός.
그리고 알이 완성되면 떨어져 나와 배출되는데, 이때 무른 상태에서 단단한 상태로 변하는 타이밍이 매우 절묘하여, 나올 때는 아직 굳어지지 않았으나 나오자마자 곧바로 굳어져서 단단해진다(병이 들어 나오는 경우가 아니라면 말이다).
Ἐφάνη δ’ ἤδη, οἷον ἔν τινι καιρῷ γίνεται τὸ ᾠόν (ἅπαν γὰρ ὠχρὸν ὁμοίως ἐστίν, ὥσπερ ὕστερον ὁ νεοττός), τοιαῦτα καὶ ἐν ἀλεκτρυόνι διαιρουμένῳ ὑπὸ τὸ ὑπόζωμα, οὗπερ αἱ θήλειαι ἔχουσι τὰ ᾠά, τὸ μὲν εἶδος ὠχρὰ ὅλα, τὸ δὲ μέγεθος ἡλίκα ᾠά· ἃν ἐν τέρατος λόγῳ τιθέασιν.
또한 해부된 암탉의 횡격막 아래(암컷이 알을 품고 있는 곳)에서 특정 시기의 알이 어떠한지 보여주는 것(나중의 병아리처럼 전체가 똑같이 노란색이기 때문이다)이 발견된 적이 있었는데, 외관은 완전히 노란색이고 크기는 온전한 알 크기만 하였으며, 사람들은 이를 기이한 징조로 여겼다.
Οἱ δὲ λέγοντες ὅτι ὑπολείμματά ἐστι τὰ ὑπηνέμια τῶν ἔμπροσθεν ἐξ ὀχείας γινομένων, οὐκ ἀληθῆ λέγουσιν·
무풍란(무정란)이 이전의 교미로 생긴 것의 잔재라고 말하는 사람들의 주장은 사실이 아니다.
ὦπται γὰρ ἱκανῶς ἤδη ἀνόχευτοι νεοττίδες ἀλεκτορίδων καὶ χηνῶν τίκτουσαι ὑπηνέμια.
교미를 하지 않은 어린 암탉이나 거위가 무풍란을 낳는 것이 이미 충분히 관찰되었기 때문이다.
Τὰ δ’ ᾠὰ τὰ ὑπηνέμια ἐλάττω μὲν τῷ μεγέθει γίνεται καὶ ἧττον ἡδέα καὶ ὑγρότερα τῶν γονίμων, πλήθει δὲ πλείω·
무풍란은 수정란에 비해 크기가 작고 맛이 덜하며 더 묽지만, 수적으로는 더 많다.
ὑποτιθεμένων δὲ τῇ ὄρνιθι οὐθὲν παχύνεται τὸ ὑγρόν, ἀλλὰ τό τε ὠχρὸν διαμένει καὶ τὸ λευκὸν ὅμοια ὄντα.
또한 새 밑에 품어두어도 그 액체는 전혀 걸쭉해지지 않고, 노른자와 흰자 모두 그대로 유지된다.
Γίνεται δ’ ὑπηνέμια πολλῶν, οἷον ἀλεκτορίδος, πέρδικος, περιστερᾶς, ταῶνος, χηνός, χηναλώπεκος.
무풍란은 암탉, 자코, 비둘기, 공작, 거위, 황오리 등 많은 새에게서 생긴다.
Ἐκλέπεται δ’ ἐπῳαζουσῶν ἐν τῷ θέρει θᾶττον ἢ ἐν τῷ χειμῶνι·
그리고 새들이 알을 품을 때 여름이 겨울보다 더 빨리 부화한다.
ἐν ὀκτωκαίδεκα γὰρ ἡμέραις αἱ ἀλεκτορίδες ἐν τῷ θέρει ἐκλέπουσιν, ἐν δὲ τῷ χειμῶνι ἐνίοτ’ ἐν πέντε καὶ εἴκοσιν.
여름에는 암탉이 18일 만에 부화시키지만, 겨울에는 때로 25일이 걸리기도 한다.
Διαφέρουσι μέντοι καὶ ὄρνιθες ὀρνίθων τῷ ἐπῳαστικώτεραι εἶναι ἕτεραι ἑτέρων.
그러나 새들 사이에도 차이가 있어서, 어떤 새들은 다른 새들보다 더 알을 잘 품는다.
Ἐὰν δὲ βροντήσῃ ἐπῳαζούσης, διαφθείρεται τὰ ᾠά.
만약 알을 품고 있는 중에 천둥이 치면 알이 상하게 된다.
Τὰ δὲ καλούμενα ὑπό τινων κυνόσουσα καὶ οὔρια γίνεται τοῦ θέρους μᾶλλον.
어떤 이들에 의해 키노수사나 우리아라고 불리는 알들은 여름에 더 많이 생긴다.
Ζεφύρια δὲ καλεῖται τὰ ὑπηνέμια ὑπό τινων, ὅτι ὑπὸ τὴν ἐαρινὴν ὥραν φαίνονται δεχόμεναι τὰ πνεύματα αἱ ὄρνιθες·
또한 무풍란은 어떤 이들에 의해 제피리아(서풍의 알)라고도 불리는데, 봄철에 새들이 바람을 맞아들이는 것처럼 보이기 때문이다.
τοιοῦτον δὲ ποιοῦσι καὶ τῇ χειρί πως ψηλαφώμεναι.
손으로 어루만져 줄 때도 암컷들은 이와 비슷한 행동을 한다.