§5.19#2Ἐκ δὲ μελαινῶν τινῶν καὶ δασειῶν οὐ μεγάλων καμπῶν πρῶτον γίνονται πυγολαμπίδες, οὐχ αἱ πετόμεναι· αὗται δὲ πάλιν μεταβάλλουσι, καὶ γίνονται πτερωτὰ ζῷα ἐξ αὐτῶν, οἱ καλούμενοι βόστρυχοι.
검고 털이 많으며 크지 않은 어떤 애벌레들로부터는 먼저 개똥벌레(날지 못하는 것)들이 생겨나며, 이것들은 다시 변화하여 그것들로부터 보스트리코스라 불리는 날개 달린 동물이 생겨난다.
Αἱ δ’ ἐμπίδες γίνονται ἐκ τῶν ἀσκαρίδων.
또한 모기들은 아스카리스들로부터 생겨난다.
Αἱ δ’ ἀσκαρίδες γίνονται ἔν τε τῇ ἰλύϊ τῶν φρεάτων καὶ ὅπου ἂν σύρρευσις γένηται ὕδατος γεώδη ἔχουσα ὑπόστασιν.
그리고 아스카리스들은 우물의 진흙 속과 흙 성분의 침전물을 포함하는 물이 흘러드는 곳이면 어디서나 생겨난다.
Τὸ μὲν οὖν πρῶτον αὐτὴ ἡ ἰλὺς σηπομένη χρῶμα λαμβάνει λευκόν, εἶτα μέλαν, τελευτῶσα δ’ αἱματῶδες·
처음에는 부패하는 그 진흙 자체가 흰색을 띠고, 다음에는 검은색, 마지막에는 피 같은 붉은색을 띤다.
ὅταν δὲ τοιαύτη γένηται, φύεται ἐξ αὐτῆς ὥσπερ τὰ φυκία μικρὰ σφόδρα καὶ ἐρυθρά·
그리고 진흙이 그렇게 되면, 그로부터 아주 작고 붉은 해조류 같은 것이 돋아난다.
ταῦτα δὲ χρόνον μέν τινα κινεῖται προσπεφυκότα, ἔπειτ’ ἀπορραγέντα φέρεται κατὰ τὸ ὕδωρ, αἱ καλούμεναι ἀσκαρίδες.
이것들은 얼마 동안은 부착된 채로 움직이다가, 이윽고 떨어져서 물을 따라 떠다니는데, 이것이 이른바 아스카리스이다.
Μεθ’ ἡμέρας δ’ ὀλίγας ἵστανται ὀρθαὶ ἐπὶ τοῦ ὕδατος ἀκινητίζουσαι καὶ σκληραί, κἄπειτα περιρραγέντος τοῦ κελύφους ἡ ἐμπὶς ἄνω ἐπικάθηται, ἕως ἂν ἥλιος ἢ πνεῦμα κινήσῃ·
며칠 뒤에 그것들은 물 위에 똑바로 서서 움직이지 않고 단단해지며, 이윽고 껍질이 깨지면 모기가 그 위에 앉아 있다가, 태양이나 바람이 그것을 움직이게 할 때까지 머문다.
τότε δ’ ἤδη πέτεται.
그때 비로소 날아간다.
Πᾶσι δὲ καὶ τοῖς ἄλλοις σκώληξι καὶ τοῖς ζῴοις τοῖς ἐκ τῶν σκωλήκων περιρρηγνυμένοις ἡ ἀρχὴ γίγνεται τῆς γενέσεως ὑφ’ ἡλίου ἢ ὑπὸ πνεύματος.
다른 모든 유충들과 유충으로부터 껍질이 깨져 나오는 동물들에게도 발생의 시작은 태양이나 바람에 의해 일어난다.
Μᾶλλον δὲ καὶ θᾶττον γίνονται αἱ ἀσκαρίδες ἐν τοῖς ἔχουσι παντοδαπὴν ὑπόστασιν, οἷον Μεγαροῖ τε γίνεται καὶ ἐν τοῖς ἔργοις·
그리고 아스카리스들은 온갖 침전물을 포함하고 있는 곳에서 더 많이, 그리고 더 빨리 생겨나는데, 예컨대 메가라에서와 농지에서 그러하다.
σήπεται γὰρ τὰ τοιαῦτα θᾶττον.
그러한 것들이 더 빨리 부패하기 때문이다.
Καὶ μετοπώρου δὲ γίνονται μᾶλλον· τότε γὰρ τὸ ὑγρὸν συμβαίνει εἶναι ἔλαττον.
또한 가을에 더 많이 생겨나는데, 그때는 마침 수분이 더 적기 때문이다.
Οἱ δὲ κρότωνες γίνονται ἐκ τῆς ἀγρώστεως, αἱ δὲ μηλολόνθαι ἐκ τῶν σκωλήκων τῶν ἐν τοῖς βολίτοις καὶ τῶν ὀνίδων.
진드기들은 아그로스티스로부터 생겨나고, 풍뎅이들은 소똥과 당나귀 똥 속에 있는 유충들로부터 생겨난다.
Οἱ δὲ κάνθαροι ἣν κυλίουσι κόπρον, ἐν ταύτῃ φωλεύουσί τε τὸν χειμῶνα καὶ ἐντίκτουσι σκωλήκια, ἐξ ὧν γίνονται κάνθαροι.
쇠똥구리들은 자신들이 굴리는 똥 속에서 겨울을 나며 그 안에 작은 유충들을 낳고, 이로부터 쇠똥구리들이 생겨난다.
Γίνονται δὲ καὶ ἐκ τῶν σκωλήκων τῶν ἐν τοῖς ὀσπρίοις πτερωτὰ ζῷα ὁμοίως τοῖς εἰρημένοις.
또한 두류 속에 있는 유충들로부터도 앞서 언급한 것들과 마찬가지로 날개 달린 동물들이 생겨난다.
Αἱ δὲ μυῖαι ἐκ τῶν σκωλήκων τῶν ἐν τῇ κόπρῳ τῇ χωριζομένῃ κατὰ μέρος·
파리들은 부분으로 나뉜 똥 속의 유충들로부터 생겨난다.
διὸ καὶ οἱ περὶ ταύτην τὴν ἐργασίαν ὄντες μάχονται χωρίζειν τὴν ἄλλην τὴν μεμιγμένην, καὶ λέγουσι τότε κατειργάσθαι τὴν κόπρον.
그러므로 이 작업에 종사하는 이들은 섞여 있는 다른 똥을 분류해 내려고 애쓰며, 그때 똥이 처리되었다고 말한다.
Ἡ δ’ ἀρχὴ τῶν σκωληκίων μικρά·
작은 유충들의 시작은 미미하다.
πρῶτον μὲν γὰρ καὶ ἐνταῦθα ἐρυθραίνεται καὶ ἐξ ἀκινησίας λαμβάνει κίνησιν οἷον πεφυκότα·
왜냐하면 여기서도 처음에는 붉어지며, 움직이지 않던 상태에서 자라나는 것처럼 움직임을 얻기 때문이다.
εἶτα σκωλήκιον ἀποβαίνει ἀκίνητον·
다음으로 움직이지 않는 작은 유충이 된다.
εἶτα κινηθὲν ὕστερον γίνεται ἀκίνητον πάλιν·
그러고 나서 움직였다가 나중에는 다시 움직이지 않게 된다.
ἐκ δὲ τούτου μυῖα ἀποτελεῖται, καὶ κινεῖται πνεύματος ἢ ἡλίου γενομένου.
이로부터 파리가 완성되며, 바람이나 태양이 나타나면 움직인다.
Οἱ δὲ μύωπες γίνονται ἐκ τῶν ξύλων.
그리고 쇠등에들은 나무로부터 생겨난다.
Αἱ δὲ ὀρσοδάκναι ἐκ τῶν σκωληκίων μεταβαλλόντων· τὰ δὲ σκωλήκια ταῦτα γίνεται ἐν τοῖς καυλοῖς τῆς κράμβης.
그리고 오르소다크나들은 변화하는 유충들로부터 생겨나는데, 이 유충들은 양배추 줄기 속에서 생긴다.
Αἱ δὲ κανθαρίδες ἐκ τῶν πρὸς ταῖς συκαῖς καμπῶν καὶ ταῖς ἀπίοις καὶ ταῖς πεύκαις (πρὸς πᾶσι γὰρ τούτοις γίνονται σκώληκες) καὶ ἐκ τῶν ἐν τῇ κυνακάνθῃ·
그리고 가뢰들은 무화과나무, 배나무, 소나무 옆에 있는 애벌레들(이 모든 나무 옆에서 유충들이 생겨나기 때문이다)로부터, 그리고 개장미 속에 있는 것들로부터 생겨난다.
ὁρμῶσι δὲ καὶ πρὸς τὰ δυσώδη διὰ τὸ ἐκ τοιαύτης γεγονέναι ὕλης.
또한 그것들은 그러한 물질로부터 생겨났기 때문에 악취가 나는 곳으로 달려들기도 한다.
Οἱ δὲ κώνωπες ἐκ σκωλήκων οἳ γίνονται ἐκ τῆς περὶ τὸ ὄξος ἰλύος·
그리고 초파리들은 식초 주변의 진흙에서 생겨나는 유충들로부터 생겨난다.
καὶ γὰρ ἐν τοῖς δοκοῦσιν ἀσηπτοτάτοις εἶναι ἐγγίγνονται ζῷα, οἷον ἐν χιόνι τῇ παλαιᾷ.
가장 부패하지 않을 것처럼 보이는 것들 속에서도 동물이 생겨나기 때문인데, 예컨대 오래된 눈 속이 그러하다.
Γίνεται δ’ ἡ παλαιὰ ἐρυθροτέρα, διὸ καὶ οἱ σκώληκες τοιοῦτοι καὶ δασεῖς·
오래된 눈은 더 붉어지며, 그렇기 때문에 유충들도 그러한 색을 띠고 털이 많다.
οἱ δ’ ἐκ τῆς ἐν Μηδίᾳ χιόνος μεγάλοι καὶ λευκοί·
반면 메디아의 눈 속에서 생겨나는 것들은 크고 하얗다.
δυσκίνητοι δὲ πάντες.
그러나 그것들은 모두 움직이기 어렵다.
Ἐν δὲ Κύπρῳ, οὗ ἡ χαλκῖτις λίθος καίεται, ἐπὶ πολλὰς ἡμέρας ἐμβαλλόντων, ἐνταῦθα γίνεται θηρία ἐν τῷ πυρί, τῶν μεγάλων μυιῶν μικρόν τι μείζονα, ὑπόπτερα, ἃ διὰ τοῦ πυρὸς πηδᾷ καὶ βαδίζει.
그리고 키프로스에서는 구리 광석을 태우는 곳에서 여러 날 동안 광석을 던져 넣으면, 그곳의 불 속에서 벌레들이 생겨나는데, 큰 파리보다 약간 더 크고 날개가 있으며 불 속을 뛰어다니고 걸어 다닌다.
Ἀποθνήσκουσι δὲ καὶ οἱ σκώληκες καὶ ταῦτα χωριζόμενα τὰ μὲν τοῦ πυρός, οἱ δὲ τῆς χιόνος.
유충들도 이것들도 분리되면 죽는데, 한쪽은 불로부터, 다른 쪽은 눈으로부터 분리될 때 그러하다.
Ὅτι δ’ ἐνδέχεται μὴ κάεσθαι συστάσεις τινὰς ζῴων, ἡ σαλαμάνδρα ποιεῖ φανερόν·
어떤 동물의 조직이 타지 않을 수 있다는 것은 살라만드라가 분명히 보여준다.
αὕτη γάρ, ὡς φασί, διὰ πυρὸς βαδίζουσα κατασβέννυσι τὸ πῦρ.
이 동물은 사람들이 말하듯 불 속을 걸어가면서 불을 끄기 때문이다.
Περὶ δὲ τὸν Ὕπανιν ποταμὸν τὸν περὶ Βόσπορον τὸν Κιμμέριον ὑπὸ τροπὰς θερινὰς καταφέρονται ὑπὸ τοῦ ποταμοῦ οἷον θύλακοι μείζους ῥαγῶν, ἐξ ὧν ῥηγνυμένων ἐξέρχεται ζῷον πτερωτὸν τετράπουν·
킴메리아 보스포로스 부근의 히파니스 강 주변에서는 하지 무렵에 포도알보다 큰 자루 같은 것들이 강을 따라 내려오는데, 이것들이 터지면 날개 달린 네 발 달린 동물이 밖으로 나온다.
ζῇ δὲ καὶ πέτεται μέχρι δείλης, καταφερομένου δὲ τοῦ ἡλίου ἀπομαραίνεται, καὶ ἅμα δυομένου ἀποθνήσκει βιῶσαν ἡμέραν μίαν, διὸ καὶ καλεῖται ἐφήμερον.
이것은 저녁때까지 살면서 날아다니지만, 태양이 내려앉음에 따라 시들해지고, 해가 짐과 동시에 죽으며 하루를 산다. 그렇기 때문에 이것은 에페메론이라 불린다.
Τὰ πλεῖστα δὲ τῶν γινομένων ἔκ τε καμπῶν καὶ σκωλήκων ὑπὸ ἀραχνίων κατέχεται τὸ πρῶτον.
애벌레와 유충으로부터 생겨나는 것들 중 대부분은 처음에는 거미줄에 잡힌다.
Ταῦτα μὲν οὖν γίνεται τοῦτον τὸν τρόπον·
그러므로 이것들은 이러한 방식으로 생겨난다.