§4.6Τὰ δὲ καλούμενα τήθυα τούτων πάντων ἔχει τὴν φύσιν περιττοτάτην.
이른바 우렁쉥이류는 이 모든 것들 중에서 가장 기묘한 본성을 가지고 있다.
Κέκρυπται γὰρ αὐτῶν μόνων τὸ σῶμα ἐν τῷ ὀστράκῳ πᾶν, τὸ δ’ ὄστρακόν ἐστι μεταξὺ δέρματος καὶ ὀστράκου, διὸ καὶ τέμνεται ὥσπερ βύρσα σκληρά.
왜냐하면 그들에게서만 몸 전체가 껍데기 속에 숨겨져 있기 때문이며, 그 껍데기는 피부와 껍데기의 중간 성질의 것이어서, 그렇기 때문에 단단한 가죽처럼 잘린다.
Προσπέφυκε μὲν οὖν ταῖς πέτραις τῷ ὀστράκῳ, δύο δ’ ἔχει πόρους ἀπέχοντας ἀπ’ ἀλλήλων, πάμπαν μικροὺς καὶ οὐ ῥᾳδίους ἰδεῖν, ᾗ ἀφίησι καὶ δέχεται τὸ ὑγρόν·
그리하여 그것은 껍데기에 의해 바위에 고착되어 있으며, 서로 떨어져 있는 두 개의 구멍을 가지고 있는데, 아주 작아서 알아보기 쉽지 않지만, 그곳을 통해 액체를 내보내고 받아들인다.
περίττωμα γὰρ οὐδὲν ἔχει φανερόν, ὥσπερ τῶν ἄλλων ὀστρέων τὰ μὲν ὥσπερ ἐχῖνος, τὰ δὲ τὴν καλουμένην μήκωνα.
왜냐하면 다른 조개류 중 어떤 것들은 성게처럼, 어떤 것들은 이른바 메콘처럼 배설물을 가지는 반면, 그것들은 눈에 보이는 배설물을 전혀 가지고 있지 않기 때문이다.
Ἀνοιχθέντα δ’ ἔσωθεν πρῶτον μὲν ὑμένα ἔχει νευρώδη περὶ τὸ ὀστρακῶδες·
열어보면, 내부에는 먼저 껍데기 같은 부분의 주변에 힘줄 같은 막이 있다.
ἐν δὲ τούτῳ αὐτό ἐστι τὸ σαρκῶδες τοῦ τηθύου, οὐδενὶ ὅμοιον τῶν ἄλλων·
그리고 이 막 속에 우렁쉥이 자체의 살질의 부분이 있는데, 다른 어떤 것과도 닮지 않았다.
αὐτὴ μέντοι ἡ σὰρξ πᾶσιν ὁμοία.
그러나 살 자체는 모든 것에서 동일하다.
Προσπέφυκε δὲ τοῦτο κατὰ δύο τόπους τῷ ὑμένι καὶ τῷ δέρματι ἐκ πλαγίου·
그리고 이것은 측면의 두 곳에서 막과 피부에 고착되어 있다.
καὶ ᾗ προσπέφυκε, ταύτῃ ἐστὶ στενώτερον ἐφ’ ἑκάτερα, οἷς τείνει πρὸς τοὺς πόρους τοὺς ἔξω διὰ τοῦ ὀστράκου φέροντας, ᾗ ἀφίησι καὶ δέχεται τὴν τροφὴν καὶ τὸ ὑγρόν, ὡς ἂν εἰ τὸ μὲν στόμα εἴη, τὸ δὲ τῇ περιττώσει ἔξοδος·
그리고 그것이 고착되어 있는 곳에서는 양쪽으로 더 좁아지며, 이것들에 의해 껍데기를 통과하여 외부로 이어지는 구멍들을 향해 뻗어 있다. 그 구멍을 통해, 마치 한쪽은 입이고 다른 쪽은 배설물의 출구인 것처럼, 음식물과 액체를 내보내고 받아들인다.
καὶ ἔστιν αὐτῶν τὸ μὲν παχύτερον τὸ δὲ λεπτότερον.
그리고 그것들 중 하나는 더 굵고 다른 하나는 더 가늘다.
Ἔσω δὲ κοῖλον ἐφ’ ἑκάτερα, καὶ διείργει μικρόν τι συνεχές·
내부는 양쪽으로 비어 있으며, 작은 연속된 부분이 이를 갈라놓고 있다.
ἐν θατέρῳ δὲ τῶν κοίλων ἡ ὑγρότης ἐγγίνεται.
그리고 그 빈 공간 중 한곳에 액체가 생긴다.
Ἄλλο δ’ οὐδὲν ἔχει μόριον οὔτε ὀργανικὸν οὔτε αἰσθητήριον, οὔτε, ὥσπερ ἐλέχθη πρότερον ἐν τοῖς ἄλλοις, τὸ περιττωματικόν.
그리고 다른 기관의 부분도 감각기관도 없으며, 다른 동물들에 대해 앞에서 언급한 것과 같은 배설물을 담는 부분도 없다.
Χρῶμα δὲ τοῦ τηθύου ἐστὶ τὸ μὲν ὠχρὸν τὸ δ’ ἐρυθρόν.
우렁쉥이의 색은 한쪽은 황갈색이고 다른 쪽은 붉은색이다.
Ἔστι δὲ καὶ τὸ τῶν ἀκαληφῶν γένος ἴδιον·
또한 말미잘류의 종류도 독특하다.
προσπέφυκε μὲν γὰρ ταῖς πέτραις ὥσπερ ἔνια τῶν ὀστρακοδέρμων, ἀπολύεται δ’ ἐνίοτε.
왜냐하면 어떤 피각류처럼 바위에 고착되어 있지만, 때로는 떨어지기도 하기 때문이다.
Οὐκ ἔχει δ’ ὄστρακον, ἀλλὰ σαρκῶδες τὸ σῶμα πᾶν ἐστὶν αὐτῆς.
그리고 껍데기를 가지고 있지 않으며, 몸 전체가 살질로 되어 있다.
Αἰσθάνεται δὲ καὶ συναρπάζει προσφερομένης τῆς χειρὸς καὶ προσέχεται, καθάπερ ὁ πολύπους ταῖς πλεκτάναις, οὕτως ὥστε τὴν σάρκα ἐπανοιδεῖν.
손을 가까이 대면 그것을 감지하고 움켜잡으며, 낙지가 촉수로 하는 것처럼, 그 살이 부어오를 정도로 강하게 밀착한다.
Ἔχει δὲ τὸ στόμα ἐν μέσῳ, καὶ ζῇ ἀπὸ τῆς πέτρας ὥσπερ ἀπ’ ὀστρέου.
또한 입을 한가운데에 가지고 있으며, 조개가 껍데기에서 살아가듯이 바위로부터 영양을 얻어 살아간다.
Κἄν τι προσπέσῃ τῶν μικρῶν ἰχθυδίων, ἀντέχεται ὥσπερ τῆς χειρός· οὕτω κἄν τι προσπέσῃ αὐτῇ ἐδώδιμον, κατεσθίει.
그리고 만약 작은 물고기가 다가오면, 손에 대고 하는 것처럼 그것을 붙잡으며, 이와 같이 먹을 수 있는 것이 다가오면 그것을 먹어치운다.
Καὶ ἀπολύεται δὲ γένος τι αὐτῶν, ὃ ἐάν τι προσπέσῃ κατεσθίει καὶ ἐχίνους καὶ κτένας.
또한 그것들 중 어떤 종류는 바위에서 떨어질 수 있는데, 다가오는 것이 있으면 성게나 가리비조개류조차도 먹어치운다.
Περίττωμα δὲ οὐδὲν παντελῶς φαίνεται ἔχουσα, ἀλλ’ ὁμοία κατὰ τοῦτο τοῖς φυτοῖς ἐστίν.
그리고 배설물을 전혀 가지고 있지 않은 것처럼 보이며, 이 점에서 식물과 유사하다.
Γένη δὲ τῶν ἀκαληφῶν ἐστὶ δύο, αἱ μὲν ἐλάττους καὶ ἐδώδιμοι μᾶλλον, αἱ δὲ μεγάλαι καὶ σκληραί, οἷαι γίνονται καὶ περὶ Χαλκίδα.
말미잘의 종류는 두 가지가 있는데, 하나는 더 작고 더 식용하기에 좋으며, 다른 하나는 크고 단단하여 칼키스 주변에서 나는 것과 같다.
Τοῦ μὲν οὖν χειμῶνος τὴν σάρκα στιφρὰν ἔχουσι (διὸ καὶ θηρεύονται καὶ ἐδώδιμοί εἰσι), τοῦ δὲ θέρους ἀπόλλυνται·
그리하여 겨울에는 살이 단단하여(그래서 포획되고 식용이 된다) 여름에는 상해 버린다.
γίνονται γὰρ μαδαραί, καὶ ἄν τις θίγῃ, διασπῶνται ταχέως καὶ ὅλαι οὐ δύνανται ἀφαιρεῖσθαι, πονοῦσαί τε ταῖς ἀλέαις εἰς τὰς πέτρας εἰσδύονται μᾶλλον.
왜냐하면 물러지기 때문이며, 누가 건드리면 금방 산산이 조각나서 전체를 온전히 떼어낼 수 없게 되기 때문이다. 또한 더위로 인해 고통받아 바위 속으로 더 기어 들어간다.
Περὶ μὲν οὖν τῶν μαλακίων καὶ τῶν μαλακοστράκων καὶ τῶν ὀστρακοδέρμων, ὅσα τε ἔχουσιν ἐκτὸς μέρη καὶ ὅσα ἐντός, εἴρηται·
그리하여 연체류, 연갑류 및 피각류에 대하여, 외부에 어떤 기관들을 가지고 있고 내부에 어떤 기관들을 가지고 있는지에 대해서는 언급이 끝났다.