§1.15Νώτου δὲ μέρη ὠμοπλάται δύο καὶ ῥάχις, ὑποκάτω δὲ κατὰ τὴν γαστέρα τοῦ θώρακος ὀσφύς.
등의 부분은 두 어깨뼈와 등뼈이며, 가슴 아래의 배에 대응하는 부분이 허리이다.
Κοινὸν δὲ τοῦ ἄνω καὶ κάτω πλευραί, ἑκατέρωθεν ὀκτώ·
상부와 하부에 공통인 것은 갈비뼈이며, 좌우에 여덟 개씩 있다.
περὶ γὰρ Λιγύων τῶν καλουμένων ἑπταπλεύρων οὐθενός πω ἀξιοπίστου ἀκηκόαμεν.
이른바 '일곱 갈비뼈를 가진 리구리아인'에 대해서는 신뢰할 만한 누구에게서도 아직 들은 바가 없기 때문이다.
Ἔχει δ’ ὁ ἄνθρωπος καὶ τὸ ἄνω καὶ τὸ κάτω, καὶ πρόσθια καὶ ὀπίσθια, καὶ δεξιὰ καὶ ἀριστερά.
인간은 상부와 하부, 앞부분과 뒷부분, 그리고 오른편과 왼편을 모두 가지고 있다.
Τὰ μὲν οὖν δεξιὰ καὶ ἀριστερὰ ὅμοια σχεδὸν ἐν τοῖς μέρεσι καὶ ταὐτὰ πάντα, πλὴν ἀσθενέστερα τὰ ἀριστερά·
오른편과 왼편은 부분들에 있어 거의 유사하고 모두 동일하지만, 왼편이 더 약하다.
τὰ δ’ ὀπίσθια τοῖς προσθίοις ἀνόμοια, καὶ τὰ κάτω τοῖς ἄνω, πλὴν ὧδε ὅμοια, τὰ κάτω τοῦ ἤτρου οἷον τὸ πρόσωπον εὐσαρκίᾳ καὶ ἀσαρκίᾳ, καὶ τὰ σκέλη πρὸς τοὺς βραχίονας ἀντίκειται·
뒷부분은 앞부분과 다르고 하부도 상부와 다르지만, 다음과 같은 점에서 유사하다. 즉, 하복부 아래쪽은 살이 많고 적음에 있어 얼굴과 같고, 다리는 팔에 대응한다.
καὶ οἷς βραχεῖς οἱ ἀγκῶνες, καὶ οἱ μηροὶ ὡς ἐπὶ τὸ πολύ, καὶ οἷς οἱ πόδες μικροί, καὶ αἱ χεῖρες.
그리고 위팔이 짧은 사람들은 대개 대퇴도 짧고, 발이 작은 사람들은 손도 작다.
Κώλου δὲ τὸ μὲν διφυὲς βραχίων·
사지 중 두 갈래인 한쪽은 팔이다.
βραχίονος δὲ ὦμος, ἀγκών, ὠλέκρανον, πῆχυς, χείρ·
팔의 부분은 어깨, 팔꿈치, 팔꿈치끝, 전완, 손이다.
χειρὸς δὲ θέναρ, δάκτυλοι πέντε·
손에는 손바닥과 다섯 손가락이 있다.
δακτύλου δὲ τὸ μὲν καμπτικὸν κόνδυλος, τὸ δ’ ἄκαμπτον φάλαγξ.
손가락 중 굽혀지는 부분은 마디이고, 굽혀지지 않는 부분은 손가락뼈이다.
Δάκτυλος δ’ ὁ μὲν μέγας μονοκόνδυλος, οἱ δ’ ἄλλοι δικόνδυλοι.
엄지손가락은 하나의 마디로 되어 있고, 다른 손가락들은 두 개의 마디로 되어 있다.
Ἡ δὲ κάμψις καὶ τῷ βραχίονι καὶ τῷ δακτύλῳ εἴσω πᾶσιν·
굽힘은 팔과 손가락 모두에 있어 전부 안쪽으로 향한다.
κάμπτεται δ’ ὁ βραχίων κατὰ τὸ ὠλέκρανον.
그리고 팔은 팔꿈치끝 부위에서 굽혀진다.
Χειρὸς δὲ τὸ μὲν ἐντὸς θέναρ, σαρκῶδες καὶ διῃρημένον ἄρθροις, τοῖς μὲν μακροβίοις ἑνὶ ἢ δυσὶ δι’ ὅλου, τοῖς δὲ βραχυβίοις δυσὶ καὶ οὐ δι’ ὅλου.
손의 안쪽은 손바닥인데, 살로 되어 있고 마디로 나뉘어 있으며, 장수하는 사람들에게는 하나 혹은 두 개의 선이 끝까지 뻗어 있고, 단명하는 사람들에게는 두 개이되 끝까지 가지 않는다.
Ἄρθρα δὲ χειρὸς καὶ βραχίονος καρπός.
손과 팔의 관절은 손목이다.
Τὸ δὲ ἔξω τῆς χειρὸς νευρῶδες καὶ ἀνώνυμον.
손의 바깥쪽은 힘줄로 되어 있고 이름이 없다.
Κώλου δὲ διμερὲς ἄλλο σκέλος.
사지 중 두 부분으로 된 또 다른 것은 다리이다.
Σκέλους δὲ τὸ μὲν ἀμφικέφαλον μηρός, τὸ δὲ πλανησίεδρον μύλη, τὸ δὲ διόστεον κνήμη, καὶ ταύτης τὸ μὲν πρόσθιον ἀντικνήμιον, τὸ δ’ ὀπίσθιον γαστροκνημία, σὰρξ νευρώδης ἢ φλεβώδης, τοῖς μὲν ἀνεσπασμένη ἄνω πρὸς τὴν ἰγνύν, ὅσοι μεγάλα τὰ ἰσχία ἔχουσι, τοῖς δ’ ἐναντίως κατεσπασμένη·
다리 중 양끝이 둥글게 부푼 부분은 대퇴이고, 위치가 움직이기 쉬운 뼈는 무릎뼈이며, 두 개의 뼈로 된 부분은 하퇴이다. 이것 중 앞부분은 정강이이고, 뒷부분은 종아리인데, 힘줄이 많거나 정맥이 많은 살이며, 둔부가 큰 사람들에게는 오금 쪽으로 위로 당겨져 있고, 반대인 사람들에게는 아래로 내려가 있다.
τὸ δ’ ἔσχατον ἀντικνημίου σφυρόν, διφυὲς ἐν ἑκατέρῳ τῷ σκέλει.
정강이의 끝은 복사뼈이며, 양쪽 다리에 각각 한 쌍이 있다.
Τὸ δὲ πολυόστεον τοῦ σκέλους πούς.
다리 중 뼈가 많은 부분은 발이다.
Τούτου δὲ τὸ μὲν ὀπίσθιον μέρος πτέρνα, τὸ δ’ ἐμπρόσθιον τοῦ ποδὸς τὸ μὲν ἐσχισμένον δάκτυλοι πέντε, τὸ δὲ σαρκῶδες κάτωθεν στῆθος, τὸ δ’ ἄνωθεν ἐν τοῖς πρανέσι νευρῶδες καὶ ἀνώνυμον.
이것의 뒷부분은 뒤꿈치이고, 발의 앞부분 중 갈라진 부분은 다섯 발가락이며, 아래쪽의 살이 많은 부분은 발바닥이고, 위쪽의 평평한 부분은 힘줄로 되어 있으며 이름이 없다.
Δακτύλου δὲ τὸ μὲν ὄνυξ, τὸ δὲ καμπή·
발가락 부분은 하나는 발톱이고 다른 하나는 마디이다.
πάντων δὲ ὁ ὄνυξ ἐπ’ ἄκρῳ·
모든 발가락에서 발톱은 끝에 있다.
μονόκαμπτοι δὲ πάντες οἱ κάτω δάκτυλοι.
아래쪽 발가락들은 모두 한 번만 굽혀진다.
Τοῦ δὲ ποδὸς ὅσοις τὸ ἐντὸς παχὺ καὶ μὴ κοῖλον, ἀλλὰ βαίνουσιν ὅλῳ, πανοῦργοι.
발 중 안쪽이 두껍고 오목하지 않아 발 전체로 딛는 사람들은 간사하다.
Κοινὸν δὲ μηροῦ καὶ κνήμης γόνυ καμπή.
대퇴와 하퇴의 공통된 부분은 무릎 굽힘이다.
Ταῦτα μὲν οὖν τὰ μέρη κοινὰ καὶ ἄρρενος καὶ θήλεος.
이러한 부분들은 남성과 여성 모두에게 공통이다.
Ἡ δὲ θέσις τῶν μερῶν πρὸς τὸ ἄνω καὶ κάτω καὶ πρόσθιον καὶ ὀπίσθιον καὶ δεξιὸν καὶ ἀριστερὸν ὡς ἔχει, φανερὰ μὲν ἂν εἶναι δόξειε τὰ ἔξωθεν κατὰ τὴν αἴσθησιν, οὐ μὴν ἀλλὰ διὰ τὴν αὐτὴν αἰτίαν λεκτέον δι’ ἥνπερ καὶ τὰ πρότερον εἰρήκαμεν, ἵνα περαίνηται τὸ ἐφεξῆς, καὶ καταριθμουμένων ὅπως ἧττον λανθάνῃ τὰ μὴ τὸν αὐτὸν ἔχοντα τρόπον ἐπί τε τῶν ἄλλων ζῴων καὶ ἐπὶ τῶν ἀνθρώπων.
각 부분의 위치가 상하, 전후, 좌우에 대해 어떻게 되어 있는지는 외부 감각을 통해 분명한 것처럼 보일 수 있겠으나, 그럼에도 불구하고 앞서 말한 것과 동일한 이유 때문에, 연속된 논의를 완성하기 위하여, 그리고 열거해 둠으로써 다른 동물들과 인간에게서 동일한 방식을 취하지 않는 것들이 덜 간과되도록 하기 위해 서술해야만 한다.
Μάλιστα δ’ ἔχει διωρισμένα πρὸς τοὺς κατὰ φύσιν τόπους τὰ ἄνω καὶ κάτω ἄνθρωπος τῶν ἄλλων ζῴων·
인간은 다른 동물들보다 자연적인 위치에 따른 상하의 구분이 가장 명확하게 되어 있다.
τά τε γὰρ ἄνω καὶ κάτω πρὸς τὰ τοῦ παντὸς ἄνω καὶ κάτω τέτακται.
상부와 하부가 우주의 상하에 대응하여 배치되어 있기 때문이다.
Τὸν αὐτὸν τρόπον καὶ τὰ πρόσθια καὶ τὰ ὀπίσθια καὶ τὰ δεξιὰ καὶ τὰ ἀριστερὰ κατὰ φύσιν ἔχει.
동일한 방식으로 앞부분과 뒷부분, 오른편과 왼편도 자연에 부합하는 상태를 취하고 있다.
Τῶν δ’ ἄλλων ζῴων τὰ μὲν οὐκ ἔχει, τὰ δ’ ἔχει μὲν συγκεχυμένα δ’ ἔχει μᾶλλον.
다른 동물들 중에는 이것들을 가지지 않는 것도 있고, 가지고 있더라도 더 혼란스럽게 가지고 있는 것도 있다.
Ἡ μὲν οὖν κεφαλὴ πᾶσιν ἄνω πρὸς τὸ σῶμα τὸ ἑαυτῶν· ὁ δ’ ἄνθρωπος μόνος, ὥσπερ εἴρηται, πρὸς τὸ τοῦ ὅλου τελειωθεὶς ἔχει τοῦτο τὸ μόριον.
그리하여 머리는 모든 동물에게서 각자의 몸에 대해 위쪽에 있지만, 인간만이 앞에서 말했듯이 우주 전체에 대해 이 부분을 완벽한 상태로 가지고 있다.
Μετὰ δὲ τὴν κεφαλήν ἐστιν ὁ αὐχήν, εἶτα στῆθος καὶ νῶτον, τὸ μὲν ἐκ τοῦ πρόσθεν τὸ δ’ ἐκ τοῦ ὄπισθεν.
머리 다음은 목이고, 그다음은 가슴과 등인데, 전자는 앞쪽에 후자는 뒤쪽에 있다.
Καὶ ἐχόμενα τούτων γαστὴρ καὶ ὀσφὺς καὶ αἰδοῖον καὶ ἰσχίον, εἶτα μηρὸς καὶ κνήμη, τελευταῖον δὲ πόδες.
그리고 이들에 이어 배, 허리, 음부, 엉덩이 관절이 있고, 그다음 대퇴와 하퇴, 마지막으로 발이 있다.
Εἰς τὸ πρόσθεν δὲ καὶ τὰ σκέλη τὴν κάμψιν ἔχει, ἐφ’ ὃ καὶ ἡ πορεία, καὶ τῶν ποδῶν τὸ κινητικώτερον μέρος καὶ ἡ κάμψις·
다리는 그 굽힘이 앞쪽, 즉 보행이 향하는 방향으로 되어 있고, 발의 더 잘 움직이는 부분과 굽힘도 그 방향으로 되어 있다.
ἡ δὲ πτέρνα ἐκ τοῦ ὄπισθεν· τῶν δὲ σφυρῶν ἑκάτερον κατὰ τὸ οὖς.
반면 뒤꿈치는 뒤쪽에 있고, 복사뼈는 각각 귀와 대응하는 위치에 있다.
Ἐκ δὲ τῶν πλαγίων τῶν δεξιῶν καὶ τῶν ἀριστερῶν οἱ βραχίονες, τὴν κάμψιν ἔχοντες εἰς τὸ ἐντός, ὥστε τὰ κυρτὰ τῶν σκελῶν καὶ τῶν βραχιόνων πρὸς ἄλληλα εἶναι ἐπ’ ἀνθρώπου μάλιστα.
측면인 오른편과 왼편에서는 팔이 뻗어 있으며, 안쪽으로 굽힘을 가지고 있어, 다리와 팔의 볼록한 부분들이 서로 마주 보는 상태가 인간에게서 가장 두드러진다.
Τὰς δ’ αἰσθήσεις καὶ τὰ αἰσθητήρια, ὀφθαλμοὺς καὶ μυκτῆρας καὶ γλῶτταν, ἐπὶ ταὐτὸ καὶ εἰς τὸ πρόσθιον ἔχει·
감각과 감각 기관인 눈, 코, 혀는 동일한 방향, 즉 앞쪽에 가지고 있다.
τὴν δ’ ἀκοὴν καὶ τὸ αἰσθητήριον αὐτῆς καὶ τὰ ὦτα ἐκ τοῦ πλαγίου μέν, ἐπὶ τῆς αὐτῆς δὲ περιφερείας τοῖς ὄμμασιν.
반면 청각과 그 감각 기관인 귀는 측면에 있지만 눈과 동일한 원둘레에 있다.
Τὰ δ’ ὄμματα ἐλάχιστον κατὰ μέγεθος διέστηκεν ἀνθρώπῳ τῶν ζῴων.
눈은 동물 중에서 인간에게서 그 크기에 비해 가장 좁은 간격으로 떨어져 있다.
Ἔχει δὲ ἀκριβεστάτην ἄνθρωπος τῶν αἰσθήσεων τὴν ἁφήν, δευτέραν δὲ τὴν γεῦσιν·
인간은 감각들 중 촉각이 가장 정밀하며, 두 번째는 미각이다.
ἐν δὲ ταῖς ἄλλαις λείπεται πολλῶν.
다른 감각들에 있어서는 많은 동물들에게 미치지 못한다.