§10.9#2εἰ δʼ οὖν, καθάπερ εἴρηται, τὸν ἐσόμενον ἀγαθὸν τραφῆναι καλῶς δεῖ καὶ ἐθισθῆναι, εἶθʼ οὕτως ἐν ἐπιτηδεύμασιν ἐπιεικέσι ζῆν καὶ μήτʼ ἄκοντα μήθʼ ἑκόντα πράττειν τὰ φαῦλα, ταῦτα δὲ γίνοιτʼ ἂν βιουμένοις κατά τινα νοῦν καὶ τάξιν ὀρθήν, ἔχουσαν ἰσχύν· ἡ μὲν οὖν πατρικὴ πρόσταξις οὐκ ἔχει τὸ ἰσχυρὸν οὐδὲ τὸ ἀναγκαῖον, οὐδὲ δὴ ὅλως ἡ ἑνὸς ἀνδρός, μὴ βασιλέως ὄντος ἤ τινος τοιούτου·
그러므로 만약 이미 말한 바와 같이, 장차 선하게 될 사람은 올바르게 양육되고 길들여져야 하며, 그 후에 그러한 방식으로 고결한 일들에 종사하며 살아가고, 자발적이든 비자발적이든 비열한 짓을 행하지 않아야 하며, 이것이 어떤 이성과 힘을 가진 올바른 질서에 따라 살아가는 사람들에게 일어날 수 있는 일이라면—그런데 아버지의 명령은 강력함이나 강제성을 갖지 못하며, 왕이거나 그와 유사한 사람의 명령이 아닌 한, 일반적으로 한 사람의 명령도 결코 이를 갖지 못한다.
ὁ δὲ νόμος ἀναγκαστικὴν ἔχει δύναμιν, λόγος ὢν ἀπό τινος φρονήσεως καὶ νοῦ.
그러나 법률은 어떤 사려와 이성으로부터 나온 이법이기에 강제적인 힘을 갖는다.
καὶ τῶν μὲν ἀνθρώπων ἐχθαίρουσι τοὺς ἐναντιουμένους ταῖς ὁρμαῖς, κἂν ὀρθῶς αὐτὸ δρῶσιν· ὁ δὲ νόμος οὐκ ἔστιν ἐπαχθὴς τάττων τὸ ἐπιεικές.
또한 사람들은 자신들의 충동에 반대하는 이들을 비록 그들이 올바르게 행할지라도 미워하지만, 법률은 고결한 것을 규정할지라도 무거운 짐이 되지 않는다.
ἐν μόνῃ δὲ τῇ Λακεδαιμονίων πόλει ἢ μετʼ ὀλίγων ὁ νομοθέτης ἐπιμέλειαν δοκεῖ πεποιῆσθαι τροφῆς τε καὶ ἐπιτηδευμάτων·
오직 스파르타인들의 국가에서만, 혹은 다른 소수의 국가들과 더불어 입법자가 양육과 종사하는 일들에 관한 배려를 기울인 것으로 보인다.
ἐν δὲ ταῖς πλείσταις τῶν πόλεων ἐξημέληται περὶ τῶν τοιούτων, καὶ ζῇ ἕκαστος ὡς βούλεται, κυκλωπικῶς θεμιστεύων παίδων ἠδʼ ἀλόχου.
그러나 대부분의 국가에서는 이러한 일들에 관해 전적으로 소홀히 해왔으며, 각자는 자신이 원하는 대로 살아가며, 키클롭스처럼 자식들과 아내에게 법을 집행한다.
κράτιστον μὲν οὖν τὸ γίνεσθαι κοινὴν ἐπιμέλειαν καὶ ὀρθὴν·
따라서 공적인 배려가 올바르게 행해지는 것이 가장 좋다.
κοινῇ δʼ ἐξαμελουμένων ἑκάστῳ δόξειεν ἂν προσήκειν τοῖς σφετέροις τέκνοις καὶ φίλοις εἰς ἀρετὴν συμβάλλεσθαι, ἢ προαιρεῖσθαί γε.
그러나 공적으로 소홀히 여겨지는 상황에서는, 각자가 자신의 자녀와 친구들의 덕을 위해 기여하는 것, 혹은 적어도 그렇게 하기를 지망하는 것이 마땅해 보일 것이다.
μᾶλλον δʼ ἂν τοῦτο δύνασθαι δόξειεν ἐκ τῶν εἰρημένων νομοθετικὸς γενόμενος.
그리고 언급된 바에 따르면, 입법 능력을 가짐으로써(입법가가 됨으로써) 이 일을 더 잘할 수 있을 것으로 보일 것이다.
αἱ μὲν γὰρ κοιναὶ ἐπιμέλειαι δῆλον ὅτι διὰ νόμων γίνονται, ἐπιεικεῖς δʼ αἱ διὰ τῶν σπουδαίων·
실로 공적인 배려들은 분명히 법률을 통해 이루어지며, 훌륭한 법률을 통한 배려가 고결한 것이기 때문이다.
γεγραμμένων δʼ ἢ ἀγράφων, οὐδὲν ἂν δόξειε διαφέρειν, οὐδὲ διʼ ὧν εἷς ἢ πολλοὶ παιδευθήσονται, ὥσπερ οὐδʼ ἐπὶ μουσικῆς ἢ γυμναστικῆς καὶ τῶν ἄλλων ἐπιτηδευμάτων.
그리고 그것이 성문법이든 불문법이든, 또한 그것을 통해 한 사람이 교육되든 많은 사람이 교육되든 아무런 차이가 없어 보이며, 이는 음악이나 체육, 그리고 다른 활동의 경우에도 마찬가지이다.
ὥσπερ γὰρ ἐν ταῖς πόλεσιν ἐνισχύει τὰ νόμιμα καὶ τὰ ἤθη, οὕτω καὶ ἐν οἰκίαις οἱ πατρικοὶ λόγοι καὶ τὰ ἔθη, καὶ ἔτι μᾶλλον διὰ τὴν συγγένειαν καὶ τὰς εὐεργεσίας·
실로 국가에서 법과 관습이 힘을 발휘하는 것처럼, 가정 내 에서도 아버지의 가르침과 관습이 힘을 발휘하며, 혈연과 은혜로 인해 더욱 그러하다.
προϋπάρχουσι γὰρ στέργοντες καὶ εὐπειθεῖς τῇ φύσει.
그들은 본성상 사랑하고 잘 따르는 상태로 미리 존재하기 때문이다.
ἔτι δὲ καὶ διαφέρουσιν αἱ καθʼ ἕκαστον παιδεῖαι τῶν κοινῶν, ὥσπερ ἐπʼ ἰατρικῆς·
나아가 개별적인 교육은 공적인 교육과 다르며, 이는 의술의 경우와 마찬가지이다.
καθόλου μὲν γὰρ τῷ πυρέττοντι συμφέρει ἡσυχία καὶ ἀσιτία, τινὶ δʼ ἴσως οὔ, ὅ τε πυκτικὸς ἴσως οὐ πᾶσι τὴν αὐτὴν μάχην περιτίθησιν.
실로 일반적으로 열이 나는 환자에게는 안정과 금식이 도움이 되지만, 어떤 특정인에게는 그렇지 않을 수도 있으며, 권투 지도자도 아마 모든 사람에게 똑같은 싸움 방식을 적용하지는 않을 것이기 때문이다.
ἐξακριβοῦσθαι δὴ δόξειεν ἂν μᾶλλον τὸ καθʼ ἕκαστον ἰδίας τῆς ἐπιμελείας γινομένης·
그러므로 개별적인 배려가 사적으로 행해질 때 개별적인 일들이 더 정밀하게 다루어질 수 있을 것으로 보인다.
μᾶλλον γὰρ τοῦ προσφόρου τυγχάνει ἕκαστος.
각자가 자신에게 더 적합한 것을 얻을 수 있기 때문이다.
ἀλλʼ ἐπιμεληθείη μὲν ἂν ἄριστα καθʼ ἓν καὶ ἰατρὸς καὶ γυμναστὴς καὶ πᾶς ἄλλος ὁ καθόλου εἰδώς, τί πᾶσιν ἢ τοῖς τοιοισδί (τοῦ κοινοῦ γὰρ αἱ ἐπιστῆμαι λέγονταί τε καὶ εἰσίν)·
그러나 의사든 체육 지도자든, 혹은 보편적인 것을 아는 다른 모든 이들이 개별적인 대상을 가장 잘 배려할 수 있을 것이다. 즉 모든 사람에게 혹은 그러한 부류의 사람들에게 무엇이 적합한지를 아는 자가 그러하다 (실로 학문은 공통적인(보편적인) 것에 관한 것이라고 일컬어지고 또 실제로 그러하기 때문이다).
οὐ μὴν ἀλλʼ ἑνός τινος οὐδὲν ἴσως κωλύει καλῶς ἐπιμεληθῆναι καὶ ἀνεπιστήμονα ὄντα, τεθεαμένον δʼ ἀκριβῶς τὰ συμβαίνοντα ἐφʼ ἑκάστῳ διʼ ἐμπειρίαν, καθάπερ καὶ ἰατροὶ ἔνιοι δοκοῦσιν ἑαυτῶν ἄριστοι εἶναι, ἑτέρῳ οὐδὲν ἂν δυνάμενοι ἐπαρκέσαι.
그렇지만 학문적 지식이 없는 사람일지라도, 경험을 통해 각 경우에 일어나는 일들을 정확히 관찰해 온 사람이라면 단 한 사람을 훌륭하게 보살피는 데 아무런 지장이 없을 것이다. 마치 어떤 의사들이 자기 자신에게는 최고의 의사인 것처럼 보이면서도 다른 이에게는 아무런 도움도 줄 수 없는 것처럼 말이다.
οὐδὲν δʼ ἧττον ἴσως τῷ γε βουλομένῳ τεχνικῷ γενέσθαι καὶ θεωρητικῷ ἐπὶ τὸ καθόλου βαδιστέον εἶναι δόξειεν ἄν, κἀκεῖνο γνωριστέον ὡς ἐνδέχεται·
그럼에도 불구하고 기술이나 이론을 갖추고자 하는 사람은 보편적인 것을 향해 나아가야 하며, 가능한 한 그것을 인식해야 할 것이다.
εἴρηται γὰρ ὅτι περὶ τοῦθʼ αἱ ἐπιστῆμαι.
실로 학문은 이것(보편)에 관한 것이라고 말해졌기 때문이다.
τάχα δὲ καὶ τῷ βουλομένῳ διʼ ἐπιμελείας βελτίους ποιεῖν, εἴτε πολλοὺς εἴτʼ ὀλίγους, νομοθετικῷ πειρατέον γενέσθαι, εἰ διὰ νόμων ἀγαθοὶ γενοίμεθʼ ἄν.
그리고 배려를 통해 많은 사람이든 적은 사람이든 더 낫게 만들고자 하는 사람 역시 아마도 입법가가 되도록 노력해야 할 것이다, 만약 우리가 법률을 통해 선하게 될 수 있다면 말이다.
ὅντινα γὰρ οὖν καὶ τὸν προτεθέντα διαθεῖναι καλῶς οὐκ ἔστι τοῦ τυχόντος, ἀλλʼ εἴπερ τινός, τοῦ εἰδότος, ὥσπερ ἐπʼ ἰατρικῆς καὶ τῶν λοιπῶν ὧν ἔστιν ἐπιμέλειά τις καὶ φρόνησις.
왜냐하면 눈앞에 제시된 그 누구라도 훌륭한 상태로 정돈하는 것은 아무나 할 수 있는 일이 아니며, 누군가 할 수 있다면 그것은 아는 사람(지식이 있는 사람)만이 할 수 있는 일이기 때문이다. 이는 의술이나 그 밖에 어떤 배려와 사려가 필요한 다른 일들의 경우에도 마찬가지이다.
ἆρʼ οὖν μετὰ τοῦτο ἐπισκεπτέον πόθεν ἢ πῶς νομοθετικὸς γένοιτʼ ἄν τις;
그렇다면 이 다음으로, 어떻게 그리고 어디서부터 입법가가 될 수 있는지를 고찰해야 할 것인가?