§1.13ἐπεὶ δʼ ἐστὶν ἡ εὐδαιμονία ψυχῆς ἐνέργειά τις κατʼ ἀρετὴν τελείαν, περὶ ἀρετῆς ἐπισκεπτέον ἂν εἴη·
행복이 완전한 덕에 따르는 영혼의 활동의 일종인 한, 덕에 관해 검토해야 할 것이다.
τάχα γὰρ οὕτως ἂν βέλτιον καὶ περὶ τῆς εὐδαιμονίας θεωρήσαιμεν.
아마도 이렇게 함으로써 행복에 관해서도 더 잘 고찰할 수 있을 것이기 때문이다.
δοκεῖ δὲ καὶ ὁ κατʼ ἀλήθειαν πολιτικὸς περὶ ταύτην μάλιστα πεπονῆσθαι·
또한 진정한 정치가도 무엇보다 이 덕에 관해 가장 고심해 온 것으로 보인다.
βούλεται γὰρ τοὺς πολίτας ἀγαθοὺς ποιεῖν καὶ τῶν νόμων ὑπηκόους.
그는 시민들을 선하게 만들고 법에 복종하는 자들로 만들기를 원하기 때문이다.
παράδειγμα δὲ τούτων ἔχομεν τοὺς Κρητῶν καὶ Λακεδαιμονίων νομοθέτας, καὶ εἴ τινες ἕτεροι τοιοῦτοι γεγένηνται.
이것의 예로 우리는 크레타인들과 라케다이몬인들의 입법자들, 그리고 그와 같은 다른 자들이 있었다는 점을 가지고 있다.
εἰ δὲ τῆς πολιτικῆς ἐστὶν ἡ σκέψις αὕτη, δῆλον ὅτι γίνοιτʼ ἂν ἡ ζήτησις κατὰ τὴν ἐξ ἀρχῆς προαίρεσιν.
그리고 만약 이 검토가 정치학에 속하는 것이라면, 이 탐구가 처음에 세운 방침에 따르게 될 것임은 분명하다.
περὶ ἀρετῆς δὲ ἐπισκεπτέον ἀνθρωπίνης δῆλον ὅτι·
말할 필요도 없이 우리가 검토해야 할 것은 인간적 덕에 관해서이다.
καὶ γὰρ τἀγαθὸν ἀνθρώπινον ἐζητοῦμεν καὶ τὴν εὐδαιμονίαν ἀνθρωπίνην.
우리가 찾던 것도 인간적 선이자 인간적 행복이었기 때문이다.
ἀρετὴν δὲ λέγομεν ἀνθρωπίνην οὐ τὴν τοῦ σώματος ἀλλὰ τὴν τῆς ψυχῆς· καὶ τὴν εὐδαιμονίαν δὲ ψυχῆς ἐνέργειαν λέγομεν.
그런데 우리가 인간적 덕이라고 말하는 것은 신체의 덕이 아니라 영혼의 덕이며, 행복도 영혼의 활동이라고 우리는 말한다.
εἰ δὲ ταῦθʼ οὕτως ἔχει, δῆλον ὅτι δεῖ τὸν πολιτικὸν εἰδέναι πως τὰ περὶ ψυχῆς, ὥσπερ καὶ τὸν ὀφθαλμοὺς θεραπεύσοντα καὶ πᾶν τὸ σῶμα, καὶ μᾶλλον ὅσῳ τιμιωτέρα καὶ βελτίων ἡ πολιτικὴ τῆς ἰατρικῆς·
만약 이것이 그러하다면, 정치가가 영혼에 관한 일들을 어느 정도 알아야 함은 분명하다. 이는 눈을 치료하려는 자나 몸 전체를 치료하려는 자가 각각의 대상을 알아야 하는 것과 마찬가지이며, 정치학이 의술보다 더 존경할 만하고 더 좋은 것인 만큼 더욱 그러하다.
τῶν δʼ ἰατρῶν οἱ χαρίεντες πολλὰ πραγματεύονται περὶ τὴν τοῦ σώματος γνῶσιν.
실제로 의사들 중에서도 뛰어난 자들은 신체에 관한 지식을 얻기 위해 많은 노력을 기울인다.
θεωρητέον δὴ καὶ τῷ πολιτικῷ περὶ ψυχῆς, θεωρητέον δὲ τούτων χάριν, καὶ ἐφʼ ὅσον ἱκανῶς ἔχει πρὸς τὰ ζητούμενα·
따라서 정치가 역시 영혼에 관해 고찰해야 한다. 다만 이 목적들을 위해서, 그리고 탐구되는 사항들에 충분한 한도 내에서 고찰해야 한다.
τὸ γὰρ ἐπὶ πλεῖον ἐξακριβοῦν ἐργωδέστερον ἴσως ἐστὶ τῶν προκειμένων.
왜냐하면 이것 이상으로 정밀하게 구명하는 것은 아마도 당면한 과제에 비해 지나치게 힘든 일일 것이기 때문이다.
λέγεται δὲ περὶ αὐτῆς καὶ ἐν τοῖς ἐξωτερικοῖς λόγοις ἀρκούντως ἔνια, καὶ χρηστέον αὐτοῖς·
영혼에 관해서는 대중적인 논의들에서도 몇몇 사항들이 충분히 언급되어 있으니, 그것들을 활용해야 한다.
οἷον τὸ μὲν ἄλογον αὐτῆς εἶναι, τὸ δὲ λόγον ἔχον.
예컨대, 영혼의 한 부분은 비이성적이고, 다른 부분은 이성적이라는 점 등이다.
ταῦτα δὲ πότερον διώρισται καθάπερ τὰ τοῦ σώματος μόρια καὶ πᾶν τὸ μεριστόν, ἢ τῷ λόγῳ δύο ἐστὶν ἀχώριστα πεφυκότα καθάπερ ἐν τῇ περιφερείᾳ τὸ κυρτὸν καὶ τὸ κοῖλον, οὐθὲν διαφέρει πρὸς τὸ παρόν.
이 둘이 신체의 부분들이나 모든 분할 가능한 것들처럼 구분되어 있는지, 아니면 정의상으로는 둘이지만 본성상으로는 분리 불가능하여 마치 원주에서의 볼록함과 오목함처럼 되어 있는지는 현재의 목적에 아무런 차이도 가져오지 않는다.
τοῦ ἀλόγου δὲ τὸ μὲν ἔοικε κοινῷ καὶ φυτικῷ, λέγω δὲ τὸ αἴτιον τοῦ τρέφεσθαι καὶ αὔξεσθαι·
비이성적 부분 중 한 부분은 공통적이고 식물적인 것에 유사해 보이는데, 나는 영양 섭취와 성장의 원인이 되는 부분을 말한다.
τὴν τοιαύτην γὰρ δύναμιν τῆς ψυχῆς ἐν ἅπασι τοῖς τρεφομένοις θείη τις ἂν καὶ ἐν τοῖς ἐμβρύοις, τὴν αὐτὴν δὲ ταύτην καὶ ἐν τοῖς τελείοις·
이와 같은 영혼의 능력은 영양을 섭취하는 모든 생물, 즉 배아 속에도, 그리고 완전한 개체 속에도 상정될 수 있을 것이다.
εὐλογώτερον γὰρ ἢ ἄλλην τινά.
동일한 이 능력을 그들 안에 상정하는 것이 다른 어떤 능력을 상정하는 것보다 더 합리적이기 때문이다.
ταύτης μὲν οὖν κοινή τις ἀρετὴ καὶ οὐκ ἀνθρωπίνη φαίνεται·
그런데 이 부분의 덕은 공통적인 것으로 보이며 인간적인 것은 아닌 것으로 보인다.
δοκεῖ γὰρ ἐν τοῖς ὕπνοις ἐνεργεῖν μάλιστα τὸ μόριον τοῦτο καὶ ἡ δύναμις αὕτη, ὁ δʼ ἀγαθὸς καὶ κακὸς ἥκιστα διάδηλοι καθʼ ὕπνον (ὅθεν φασὶν οὐδὲν διαφέρειν τὸ ἥμισυ τοῦ βίου τοὺς εὐδαίμονας τῶν ἀθλίων·
왜냐하면 이 부분과 이 능력은 잠자는 동안에 가장 활발히 작용하는 것처럼 보이는데, 좋은 사람과 나쁜 사람이 잠자는 동안에는 가장 구별되지 않기 때문이다. 이 때문에 "인생의 절반 동안 행복한 자들과 비참한 자들 사이에 아무런 차이도 없다"고 말하는 것이다.
συμβαίνει δὲ τοῦτο εἰκότως·
그리고 이런 일이 일어나는 것도 지극히 당연하다.
ἀργία γάρ ἐστιν ὁ ὕπνος τῆς ψυχῆς ᾗ λέγεται σπουδαία καὶ φαύλη), πλὴν εἰ μὴ κατὰ μικρὸν καὶ διικνοῦνταί τινες τῶν κινήσεων, καὶ ταύτῃ βελτίω γίνεται τὰ φαντάσματα τῶν ἐπιεικῶν ἢ τῶν τυχόντων.
잠이란 영혼이 훌륭하다거나 비열하다고 불리는 한에서의 영혼의 무활동 상태이기 때문이다. 다만 몇몇 움직임들이 미세하게나마 전달되어, 이 점에 있어서 훌륭한 사람들의 꿈이 보통 사람들의 그것보다 더 나은 것이 되는 경우는 예외이지만 말이다.
ἀλλὰ περὶ μὲν τούτων ἅλις, καὶ τὸ θρεπτικὸν ἐατέον, ἐπειδὴ τῆς ἀνθρωπικῆς ἀρετῆς ἄμοιρον πέφυκεν.
그러나 이 점들에 관해서는 이쯤 해 두고, 영양 섭취의 부분은 내버려 두어야 한다. 그것은 본성상 인간적 덕에 관여하지 않기 때문이다.
ἔοικε δὲ καὶ ἄλλη τις φύσις τῆς ψυχῆς ἄλογος εἶναι, μετέχουσα μέντοι πῃ λόγου.
한편, 영혼의 또 다른 어떤 본성도 비이성적이지만, 그러나 어떤 방식으로든 이성에 관여하는 것으로 보인다.
τοῦ γὰρ ἐγκρατοῦς καὶ ἀκρατοῦς τὸν λόγον καὶ τῆς ψυχῆς τὸ λόγον ἔχον ἐπαινοῦμεν·
자제력이 있는 사람과 자제력이 없는 사람의 이성, 그리고 영혼의 이성을 가진 부분을 우리는 칭찬하기 때문이다.
ὀρθῶς γὰρ καὶ ἐπὶ τὰ βέλτιστα παρακαλεῖ·
그것이 올바르게, 그리고 가장 좋은 것들을 향해 권고하기 때문이다.
φαίνεται δʼ ἐν αὐτοῖς καὶ ἄλλο τι παρὰ τὸν λόγον πεφυκός, ὃ μάχεται καὶ ἀντιτείνει τῷ λόγῳ.
그러나 그들 안에는 이성과는 다른 또 다른 어떤 타고난 것이 존재하여, 그것이 이성과 싸우고 대항하는 것이 발견된다.
ἀτεχνῶς γὰρ καθάπερ τὰ παραλελυμένα τοῦ σώματος μόρια εἰς τὰ δεξιὰ προαιρουμένων κινῆσαι τοὐναντίον εἰς τὰ ἀριστερὰ παραφέρεται, καὶ ἐπὶ τῆς ψυχῆς οὕτως·
완전히 말 그대로, 신체의 마비된 부분들이 오른쪽으로 움직이려고 의도했을 때 그와 반대로 왼쪽으로 쏠려 가버리는 것과 마찬가지로, 영혼에 있어서도 그러하다.
ἐπὶ τἀναντία γὰρ αἱ ὁρμαὶ τῶν ἀκρατῶν.
자제력이 없는 자들의 충동은 그 반대 방향들을 향하기 때문이다.
ἀλλʼ ἐν τοῖς σώμασι μὲν ὁρῶμεν τὸ παραφερόμενον, ἐπὶ δὲ τῆς ψυχῆς οὐχ ὁρῶμεν.
그러나 신체에서는 우리는 쏠려 가는 부분을 눈으로 보지만, 영혼에서는 그것을 보지 못한다.
ἴσως δʼ οὐδὲν ἧττον καὶ ἐν τῇ ψυχῇ νομιστέον εἶναί τι παρὰ τὸν λόγον, ἐναντιούμενον τούτῳ καὶ ἀντιβαῖνον.
그럼에도 불구하고 영혼 안에도 이성에 반대하고 이에 대항하는, 이성과는 다른 무언가가 존재한다고 믿어야 할 것이다.
πῶς δʼ ἕτερον, οὐδὲν διαφέρει.
그것이 어떻게 다른지는 현재로서는 아무 상관이 없다.
λόγου δὲ καὶ τοῦτο φαίνεται μετέχειν, ὥσπερ εἴπομεν·
그러나 이 부분도 우리가 말했듯이 이성에 관여하는 것으로 보인다.
πειθαρχεῖ γοῦν τῷ λόγῳ τὸ τοῦ ἐγκρατοῦς—ἔτι δʼ ἴσως εὐηκοώτερόν ἐστι τὸ τοῦ σώφρονος καὶ ἀνδρείου·
어쨌든 자제력 있는 사람의 그것은 이성에 복종한다. 그리고 절제 있고 용기 있는 사람의 그것은 아마도 훨씬 더 귀를 잘 기울인다.
πάντα γὰρ ὁμοφωνεῖ τῷ λόγῳ.
모든 것이 이성과 한 목소리로 일치하기 때문이다.
φαίνεται δὴ καὶ τὸ ἄλογον διττόν.
따라서 비이성적 부분도 두 가지로 보인다.
τὸ μὲν γὰρ φυτικὸν οὐδαμῶς κοινωνεῖ λόγου, τὸ δʼ ἐπιθυμητικὸν καὶ ὅλως ὀρεκτικὸν μετέχει πως, ᾗ κατήκοόν ἐστιν αὐτοῦ καὶ πειθαρχικόν·
식물적 부분은 결코 이성에 관여하지 않지만, 욕망하는 부분 및 전반적으로 욕구하는 부분은 그것이 이성에 귀를 기울이고 복종하는 한에서 어떤 방식으로든 관여하기 때문이다.
οὕτω δὴ καὶ τοῦ πατρὸς καὶ τῶν φίλων φαμὲν ἔχειν λόγον, καὶ οὐχὥσπερ τῶν μαθηματικῶν.
바로 이러한 방식으로 우리는 아버지나 친구들의 "말을 듣는다"고 말하는 것이지, 수학적인 것들의 그것처럼 말하는 것이 아니다.
ὅτι δὲ πείθεταί πως ὑπὸ λόγου τὸ ἄλογον, μηνύει καὶ ἡ νουθέτησις καὶ πᾶσα ἐπιτίμησίς τε καὶ παράκλησις.
비이성적인 부분이 이성에 의해 어느 정도 설득된다는 점은 훈계와 모든 꾸짖음 및 격려가 그것을 보여준다.
εἰ δὲ χρὴ καὶ τοῦτο φάναι λόγον ἔχειν, διττὸν ἔσται καὶ τὸ λόγον ἔχον, τὸ μὲν κυρίως καὶ ἐν αὑτῷ, τὸ δʼ ὥσπερ τοῦ πατρὸς ἀκουστικόν τι.
만약 이 부분 역시 "이성을 가진다"고 말해야 한다면, 이성을 가진 부분도 두 가지가 될 것이다. 하나는 엄밀한 의미에서 그 자체 내에 이성을 가진 것이고, 다른 하나는 마치 아버지의 말을 듣는 것과 같은 것이다.
διορίζεται δὲ καὶ ἡ ἀρετὴ κατὰ τὴν διαφορὰν ταύτην·
덕 역시 이 차이에 따라 구분된다.
λέγομεν γὰρ αὐτῶν τὰς μὲν διανοητικὰς τὰς δὲ ἠθικάς, σοφίαν μὲν καὶ σύνεσιν καὶ φρόνησιν διανοητικάς, ἐλευθεριότητα δὲ καὶ σωφροσύνην ἠθικάς.
우리는 덕들 중 어떤 것들을 지적 덕이라 부르고 다른 것들을 도덕적 덕이라 부른다. 즉 지혜와 이해력과 음지를 지적 덕이라 부르고, 자유로움과 절제를 도덕적 덕이라 부른다.
λέγοντες γὰρ περὶ τοῦ ἤθους οὐ λέγομεν ὅτι σοφὸς ἢ συνετὸς ἀλλʼ ὅτι πρᾶος ἢ σώφρων·
왜냐하면 성품에 관해 말할 때 우리는 누군가가 지혜롭다거나 이해력이 있다고 말하지 않고 온화하다거나 절제 있다고 말하기 때문이다.
ἐπαινοῦμεν δὲ καὶ τὸν σοφὸν κατὰ τὴν ἕξιν·
그러나 우리는 지혜로운 사람도 그 상태에 따라 칭찬한다.
τῶν ἕξεων δὲ τὰς ἐπαινετὰς ἀρετὰς λέγομεν.
그리고 상태들 중 칭찬받을 만한 것들을 우리는 덕이라 부른다.