§9.68.1Αἰκανοὶ δὲ καὶ Οὐολοῦσκοι προνομεύσαντες αὐτῶν τὴν χώραν ἀδεῶς ἐπὶ τοὺς Τυσκλάνων ἀγροὺς ἀφίκοντο.
한편, 아이쿠이인들과 볼스키인들은 그들의 땅을 거침없이 약탈한 뒤, 투스쿨룸인들의 들판에 도달했다.
διαρπάσαντες δὲ καὶ τούτους οὐδενὸς ἀμυνομένου παρῆσαν εἰς τοὺς Γαβίνων ὅρους.
그리고 이들마저 약탈한 뒤, 방어하는 자가 아무도 없었기에 가비이인들의 영토로 나아갔다.
ἐλάσαντες δὲ καὶ διὰ ταύτης ἀδεῶς τῆς γῆς ἐπὶ τὴν Ῥώμην ἀφικνοῦντο.
이 땅 역시 거침없이 통과하여 진군한 그들은 로마에 도달했다.
§9.68.2ἐθορύβησαν μὲν οὖν ἱκανῶς τὴν πόλιν, οὐ μὴν κρατῆσαί γʼ αὐτῆς ἠδυνήθησαν·
그리하여 그들은 도시에 상당한 혼란을 일으켰으나, 결코 그곳을 함락시킬 수는 없었다.
ἀλλὰ καίπερ ἐξασθενοῦντες οἱ Ῥωμαῖοι τὰ σώματα καὶ τοὺς ὑπάτους ἀπολωλεκότες ἀμφοτέρους — καὶ γὰρ ὁ Σερουίλιος ἐτεθνήκει νεωστί — καθοπλισάμενοι παρὰ δύναμιν τοῖς τείχεσιν ἐπέστησαν, τοῦ περιβόλου τῆς πόλεως ὄντος ἐν τῷ τότε χρόνῳ, ὅσος Ἀθηναίων τοῦ ἄστεος ὁ κύκλος·
비록 로마인들은 육체적으로 극도로 쇠약해져 있었고 두 집정관을 모두 잃은 상태였지만—세르빌리우스 역시 최근에 사망했기 때문이다—그럼에도 한계를 뛰어넘어 무장하고 성벽을 지켰다. 당시 도시의 성벽 둘레는 아테나이 시가지의 둘레와 맞먹는 크기였다.
καὶ τὰ μὲν ἐπὶ λόφοις κείμενα καὶ πέτραις ἀποτόμοις ὑπʼ αὐτῆς ἐστιν ὠχυρωμένα τῆς φύσεως καὶ ὀλίγης δεόμενα φυλακῆς·
그리고 언덕과 가파른 바위 위에 위치한 부분은 자연 그 자체에 의해 요새화되어 있었기에 적은 수비만을 필요로 했다.
τὰ δʼ ὑπὸ τοῦ Τεβέριος τετειχισμένα ποταμοῦ, οὗ τὸ μὲν εὖρός ἐστι τεττάρων πλέθρων μάλιστα, βάθος δʼ οἷόν τε ναυσὶ πλεῖσθαι μεγάλαις, τὸ δὲ ῥεῦμα ὥσπερ τι καὶ ἄλλο ὀξὺ καὶ δίνας ἐργαζόμενον μεγάλας· ὃν οὐκ ἔνεστι πεζοῖς διελθεῖν εἰ μὴ κατὰ γέφυραν, ἣ ἦν ἐν τῷ τότε χρόνῳ μία ξυλόφρακτος, ἣν ἔλυον ἐν τοῖς πολέμοις.
반면 티베리스 강에 의해 방벽이 세워진 부분은—이 강의 너비는 대략 4플레트론이고, 깊이는 대선박이 항해할 수 있을 정도이며, 그 물살은 다른 어떤 것보다도 빠르고 거대한 소용돌이를 만들어냈다—보병으로서는 다리를 통하지 않고는 건널 수 없었는데, 당시에는 나무로 가로막은 다리 단 하나만이 존재했고, 로마인들은 전쟁 시에 이를 해체하곤 했다.
§9.68.3ἓν δὲ χωρίον, ὃ τῆς πόλεως ἐπιμαχώτατόν ἐστιν, ἀπὸ τῶν Αἰσκυλίνων καλουμένων πυλῶν μέχρι τῶν Κολλίνων, χειροποιήτως ἐστὶν ὀχυρόν.
하지만 도시에서 가장 공격받기 쉬운 한 곳, 즉 소위 에스퀼리나 문에서 콜리나 문에 이르는 구역은 인공적으로 요새화되어 있었다.
τάφρος τε γὰρ ὀρώρυκται πρὸ αὐτοῦ πλάτος ᾗ βραχυτάτη μείζων ἑκατὸν ποδῶν, καὶ βάθος ἐστὶν αὐτῆς τριακοντάπουν·
그 앞에는 해자가 파여 있었는데, 가장 좁은 폭도 100피트 이상이었고 깊이는 30피트에 달했기 때문이다.
τεῖχος δʼ ὑπερανέστηκε τῆς τάφρου χώματι προσεχόμενον ἔνδοθεν ὑψηλῷ καὶ πλατεῖ, οἷον μήτε κριοῖς κατασεισθῆναι μήτε ὑπορυττομένων τῶν θεμελίων ἀνατραπῆναι.
또한 해자 위로 성벽이 솟아 있었고, 안쪽에서는 높고 넓은 흙둔덕으로 지탱되고 있어서, 파성퇴로 무너뜨릴 수도 없고 기초가 파헤쳐져 전복될 수도 없을 정도였다.
§9.68.4τοῦτο τὸ χωρίον ἑπτὰ μέν ἐστι μάλιστʼ ἐπὶ μῆκος σταδίων, πεντήκοντα δὲ ποδῶν ἐπὶ πλάτος·
이 구역은 길이가 약 7스타디온, 너비가 50피트에 달했다.
ἐν ᾧ τότε οἱ Ῥωμαῖοι τεταγμένοι κατὰ πλῆθος ἀνεῖρξαν τῶν πολεμίων τὴν ἔφοδον οὔτε χελώνας χωστρίδας εἰδότων κατασκευάζειν τῶν τότʼ ἀνθρώπων, οὔτε τὰς καλουμένας ἑλεπόλεις μηχανάς.
그곳에 당시 로마인들이 대거 대열을 정비하여 적의 공격을 막아냈다. 당시 사람들은 해자를 메우기 위한 이동식 덮개를 제작할 줄도 몰랐고, 소위 헬레폴리스라 불리는 공성 기계를 만드는 법도 몰랐기 때문이다.
οἱ μὲν δὴ πολέμιοι ἀπογνόντες τῆς πόλεως τὴν ἅλωσιν ἀπῄεσαν ἀπὸ τοῦ τείχους, καὶ δῃώσαντες τὴν χώραν, ὅσην διεξῆλθον, ἀπῆγον ἐπʼ οἴκου τὰς δυνάμεις.
그리하여 적들은 도시 함락을 단념하고 성벽에서 물러났으며, 지나온 모든 땅을 황폐화한 뒤 군대를 이끌고 고향으로 돌아갔다.