§9.19.1τινὲς μὲν οὖν φασιν, ὅτι θυσίας ἐπιστάσης πατρίου, ἣν ἔδει τὸ Φαβίων ἐπιτελέσαι γένος, οἱ μὲν ἄνδρες ἐξῆλθον ὀλίγους ἐπαγόμενοι πελάτας ἐπὶ τὰ ἱερά, καὶ προῄεσαν οὔτε διερευνώμενοι τὰς ὁδοὺς οὔθʼ ὑπὸ σημαίαις τεταγμένοι κατὰ λόχους, ῥᾳθύμως δὲ καὶ ἀφυλάκτως ὡς ἐν εἰρήνῃ τε καὶ διὰ φιλίας γῆς πορευόμενοι.
그리하여 어떤 이들은 파비우스 가문이 수행해야 했던 조상 전래의 제사가 다가왔기 때문에, 사내들이 제사를 위해 소수의 피보호민들을 데리고 출발했으며, 길을 정찰하지도 않고 부대별로 군기 아래에 정렬하지도 않은 채, 마치 평화로운 때에 우호적인 땅을 지나가는 것처럼 방심하고 무경계 상태로 나아갔다고 말한다.
§9.19.2οἱ δὲ Τυρρηνοὶ προεγνωκότες αὐτῶν τὴν ἔξοδον ἐλόχησαν τῆς ὁδοῦ χωρίον μέρει τῆς στρατιᾶς, τὴν δὲ λοιπὴν δύναμιν συντεταγμένην ἔχοντες οὐ πολλῷ ὕστερον ἠκολούθουν.
그러나 에트루리아인들은 그들의 출발을 미리 알아차리고 군대의 일부로 길목의 한 장소에 매복하였으며, 나머지 병력은 정렬한 상태로 그리 멀지 않은 뒤에서 따라왔다.
ὡς δʼ ἐπλησίασαν οἱ Φάβιοι ταῖς ἐνέδραις, ἐξαναστάντες τοῦ λόχου οἱ Τυρρηνοὶ προσπίπτουσιν αὐτοῖς, οἱ μὲν κατὰ μέτωπον, οἱ δʼ ἐκ τῶν πλαγίων, καὶ μετʼ οὐ πολὺ ἡ τῶν ἄλλων Τυρρηνῶν δύναμις προσέβαλεν ἐκ τῶν κατόπιν·
파비우스 가문이 매복지에 다다르자, 에트루리아인들은 매복지에서 일어나 그들에게 덤벼들었는데, 어떤 이들은 정면에서, 어떤 이들은 측면에서 공격했고, 얼마 지나지 않아 나머지 에트루리아 군세가 후방에서 공격해 왔다.
καὶ περιστάντες αὐτοῖς πανταχόθεν, οἱ μὲν σφενδόναις, οἱ δὲ τόξοις, οἱ δὲ σαυνίοις τε καὶ λόγχαις στοχαζόμενοι, τῷ πλήθει τῶν βελῶν ἅπαντας κατειργάσαντο.
그리고 그들을 사방에서 포위하여, 어떤 이들은 투석기로, 어떤 이들은 활로, 어떤 이들은 투창과 창으로 조준하며 수많은 투사 무기 구세로 그들 모두를 쓰러뜨렸다.
§9.19.3οὗτος μὲν οὖν ἧττον ἔμοιγε πιθανὸς φαίνεται εἶναι λόγος.
그리하여 이 이야기는 나에게는 덜 그럴듯해 보인다.
οὔτε γὰρ εἰκὸς ἀπὸ στρατοπέδου θυσίας ἕνεκα τοὺς ὑπὸ ταῖς σημαίαις τοσούτους ἄνδρας εἰς τὴν πόλιν ἀναστρέφειν ἄνευ ψηφίσματος βουλῆς, δυναμένων τῶν ἱερουργιῶν καὶ διʼ ἑτέρων ἐπιτελεσθῆναι τῶν μετεχόντων μὲν τοῦ αὐτοῦ γένους, προβεβηκότων δὲ ταῖς ἡλικίαις·
왜냐하면 원로원의 결의도 없이 군기 아래에 있는 그토록 많은 사내들이 제사를 위해 진영에서 시로 돌아간다는 것은 있을 법하지 않은 일이기 때문인데, 같은 가문에 속하면서도 나이가 지긋한 다른 이들에 의해서도 제의가 수행될 수 있었기 때문이다.
οὔτʼ εἰ πάντες ἀπεληλύθεσαν ἐκ τῆς πόλεως, καὶ μηδεμία μοῖρα τοῦ Φαβίων γένους ἐν τοῖς ἐφεστίοις ὑπελείπετο, πάντας εἰκὸς ἦν τοὺς κατέχοντας τὸ φρούριον ἐκλιπεῖν αὐτοῦ τὴν φυλακήν·
혹은 설령 모두가 시에서 떠나왔고 파비우스 가문의 그 어떤 부분도 가정의 화로에 남아있지 않았다 하더라도, 요새를 지키던 자들 모두가 그 수비를 포기했다는 것 역시 있을 법하지 않은 일이기 때문이다.
ἤρκουν γὰρ ἂν καὶ τρεῖς ἢ τέτταρες ἀφικόμενοι συντελέσαι περὶ τοῦ γένους ὅλου τὰ ἱερά.
왜냐하면 단지 서너 명만이 도착하더라도 온 가문을 위해 제사를 치르기에 충분했을 것이기 때문이다.
διὰ μὲν δὴ ταύτας τὰς αἰτίας οὐκ ἔδοξέ μοι πιστὸς εἶναι ὁ λόγος.
바로 이러한 이유들 때문에 나에게는 이 이야기가 믿을 만한 것으로 보이지 않았다.