§8.86.1Ῥωμαῖοι μὲν οὖν ἐν τούτοις ἦσαν· Οὐολοῦσκοι δʼ, ἐπειδὴ ἡμέρα τʼ ἐγένετο καὶ ἔγνωσαν τοὺς πολεμίους ἐκλελοιπότας τὸν χάρακα, προσελθόντες κατεστρατοπέδευσαν.
한편 로마인들이 이와 같은 상황에 처해 있는 동안, 볼스코이인들은 날이 밝아 적들이 진영을 버리고 떠난 것을 알게 되자, 다가가서 그곳에 진을 쳤다.
σκυλεύσαντες δὲ τοὺς τῶν πολεμίων νεκροὺς καὶ τοὺς ἡμιθνῆτας, οἷς σωθήσεσθαι ἐλπὶς ἦν, ἀνελόμενοι ταφάς τε ποιησάμενοι τῶν σφετέρων νεκρῶν, εἰς τὴν ἐγγυτάτω πόλιν Ἄντιον ἀνέζευξαν·
그리고 적의 전사자들과 살아날 가망이 있는 반사 상태의 자들로부터 무구를 노획하여 수습하고, 자신들의 전사자들을 매장한 뒤, 가장 가까운 도시인 안티움으로 철수했다.
ἔνθα παιανίζοντες ἐπὶ τῇ νίκῃ καὶ θύοντες ἐν ἅπασιν ἱεροῖς εἰς εὐπαθείας καὶ ἡδονὰς ταῖς ἑξῆς ἡμέραις ἐτράποντο.
그곳에서 그들은 승리를 축하하며 찬가를 부르고 모든 신전에서 희생 제물을 바치며, 이어진 며칠 동안을 환락과 유흥으로 보냈다.
§8.86.2εἰ μὲν οὖν ἐπὶ τῆς τότε νίκης διέμειναν καὶ μηδὲν ἐπεξειργάσαντο, καλὸν ἂν αὐτοῖς εἰλήφει τέλος ὁ ἀγών.
만약 그들이 당시의 승리에 안주하고 더 이상의 행동을 취하지 않았더라면, 그들의 전쟁은 훌륭한 결말을 맺었을 것이다.
Ῥωμαῖοι γὰρ οὐκ ἂν ὑπέμειναν ἔτι προελθεῖν ἐκ τοῦ χάρακος ἐπὶ πολέμῳ, ἀγαπητὸν δʼ ἂν ἦν, εἰ ἀπῆλθον ἐκ τῆς πολεμίας, κρείττονα τοῦ προδήλου θανάτου τὴν ἄδοξον ἡγησάμενοι φυγήν.
왜냐하면 로마인들은 더 이상 진영 밖으로 나와 싸울 엄두를 내지 못했을 것이며, 명백한 죽음보다는 불명예스러운 도망이 낫다고 여겨 적국에서 벗어날 수만 있다면 그것으로 감지덕지했을 것이기 때문이다.
νῦν δὲ τοῦ πλείονος ὀρεγόμενοι καὶ τὴν ἐκ τῆς προτέρας νίκης δόξαν ἀπέβαλον.
그러나 실제로는 그들이 더 많은 것을 바랐기 때문에 이전 승리의 명성마저 잃어버리고 말았다.
§8.86.3ἀκούοντες γὰρ παρά τε κατασκόπων καὶ τῶν ἐκ τοῦ χάρακος ἀποδεδρακότων, ὅτι κομιδῇ τʼ εἰσὶν οἱ σωθέντες Ῥωμαίων ὀλίγοι καὶ τούτων οἱ πλείους τραυματίαι, πολλὴν αὐτῶν ἐποιήσαντο καταφρόνησιν, καὶ αὐτίκα τὰ ὅπλα ἁρπάσαντες ἔθεον ἐπʼ αὐτούς.
그들은 정찰병들과 진영에서 도망쳐 나온 자들로부터, 살아남은 로마인의 수가 극히 적고 그나마 대부분이 부상자라는 소식을 듣고 그들을 매우 가소롭게 여겼으며, 즉시 무기를 들고 그들을 향해 달려들었다.
πολὺ δὲ καὶ τὸ ἄνοπλον αὐτοῖς ἐκ τῆς πόλεως εἵπετο κατὰ θέαν τοῦ ἀγῶνος καὶ ἅμα ἐφʼ ἁρπαγήν τε καὶ ὠφέλειαν.
또한 전투를 구경하고 동시에 약탈과 이익을 얻기 위해, 무장하지 않은 많은 무리도 도시에서 그들을 따라왔다.
§8.86.4ἐπεὶ δὲ προσβαλόντες τῷ λόφῳ τόν τε χάρακα περιέστησαν καὶ τὰ περισταυρώματα διασπᾶν ἐπεχείρουν, πρῶτοι μὲν οἱ τῶν Ῥωμαίων ἱππεῖς πεζοὶ μαχόμενοι διὰ τὴν τοῦ χωρίου φύσιν ἐξέδραμον ἐπʼ αὐτούς, ἔπειτα τούτων κατόπιν οἱ καλούμενοι τριάριοι πυκνώσαντες τοὺς λόχους·
그들이 언덕을 습격하여 진영을 포위하고 목책을 허물어뜨리려 했을 때, 먼저 로마의 기병들이 지형의 특성상 보병으로 싸우며 그들을 향해 달려 나갔고, 이어서 그들의 뒤를 따라 이른바 트리아리이(제3열병)라 불리는 자들이 대열을 좁히며 뒤따랐다.
οὗτοι δʼ εἰσὶν οἱ πρεσβύτατοι τῶν στρατευομένων, οἷς τὰ στρατόπεδα ἐπιτρέπουσι φυλάττειν, ὅταν ἐξίωσιν εἰς τὴν μάχην, καὶ ἐφʼ οὓς τελευταίους, ὅταν ἀθρόα γένηται τῶν ἐν ἀκμῇ φθορά, σπανίζοντες ἑτέρας ἐπικουρίας καταφεύγουσι διὰ τὴν ἀνάγκην.
이들은 종군하는 자들 중 가장 나이가 많은 자들로서, 다른 이들이 전투에 나갈 때 진영의 수비를 위임받는 자들이며, 한창때의 전사들이 일제히 쓰러져 다른 구원의 방책이 없는 곤경에 처했을 때 필연적으로 최후의 보루로서 도피하는 대상이었다.
οἱ δʼ Οὐολοῦσκοι §8.86.5κατʼ ἀρχὰς μὲν ἐδέξαντο τὴν ἔφοδον αὐτῶν καὶ μέχρι πολλοῦ διέμενον ἐκθύμως ἀγωνιζόμενοι, ἔπειτα διὰ τὴν τοῦ χωρίου φύσιν μειονεκτοῦντες ὑπεχώρουν, καὶ τέλος ὀλίγα μὲν τοὺς πολεμίους καὶ οὐκ ἄξια λόγου ἐργασάμενοι, πλείω δʼ αὐτοὶ παθόντες κακὰ ὑπεχώρησαν εἰς τὸ πεδίον.
볼스코이인들은 처음에는 그들의 돌격을 받아내며 오랫동안 기세 좋게 싸웠으나, 이윽고 지형적 불리함으로 인해 후퇴하였고, 결국 적에게 대단치 않고 보잘것없는 타격만을 입힌 채 자신들이 더 큰 피해를 입고 평원으로 후퇴했다.
ἔνθα καταστρατοπεδευσάμενοι ταῖς ἑξῆς ἡμέραις ἐξέταττον τὴν δύναμιν καὶ προὐκαλοῦντο τοὺς Ῥωμαίους εἰς μάχην, οἱ δʼ οὐκ ἀντεξῄεσαν.
그곳에 진을 친 그들은 이어진 며칠 동안 군세를 정렬하고 로마인들에게 전투를 도발했으나, 로마인들은 응하여 나오지 않았다.
§8.86.6ὡς δὲ τοῦτʼ εἶδον καταφρονήσαντες αὐτῶν οἱ Οὐολοῦσκοι συνεκάλουν ἐκ τῶν πόλεων δυνάμεις καὶ παρεσκευάζοντο ὡς ἐξελοῦντες πολυχειρίᾳ τὸ φρούριον·
볼스코이인들은 이를 보고 그들을 가소롭게 여겨 여러 도시에서 군세를 불러 모았고, 다수의 힘으로 그 요새를 함락시키고자 준비했다.
ῥᾳδίως τʼ ἂν ἐξειργάσαντο μέγα ἔργον ὑπάτου τε καὶ Ῥωμαϊκῆς δυνάμεως ἢ βίᾳ κρατήσαντες ἢ καὶ ὁμολογίαις·
그리고 집정관과 로마 군세를 상대로 무력으로 제압하든가 혹은 항복을 받아냄으로써 쉽게 큰 전과를 올렸을 것이다.
οὐδὲ γὰρ τῶν ἐπιτηδείων ἔτι εὐπόρει τὸ χωρίον·
왜냐하면 그곳은 더 이상 식량조차 풍족하지 않았기 때문이다.
ἔφθη δὲ πρότερον ἐπικουρία Ῥωμαίοις ἐλθοῦσα, ὑφʼ ἧς ἐκωλύθησαν οἱ Οὐολοῦσκοι τὸ κάλλιστον ἐπιθεῖναι τῷ πολέμῳ τέλος.
그러나 그보다 먼저 로마인들에게 구원군이 도착했고, 이로 인해 볼스코이인들은 전쟁에 가장 아름다운 결말을 맺는 것을 저지당했다.
§8.86.7ὁ γὰρ ἕτερος τῶν ὑπάτων Καίσων Φάβιος μαθών, ἐν αἷς ἦν τύχαις ἡ παραταξαμένη Οὐολούσκοις δύναμις, ἐβούλετο μὲν ὡς εἶχε τάχους ἅπασαν ἄγων τὴν δύναμιν εὐθὺς ἐπιέναι τοῖς πολιορκοῦσι τὸ φρούριον.
왜냐하면 다른 집정관 카에소 파비우스는 볼스코이인들과 대치하고 있던 군세가 어떤 처지에 놓여 있는지 알게 되자, 가능한 한 신속하게 전군을 이끌고 요새를 포위하고 있는 자들을 즉시 습격하고자 원했기 때문이다.
ὡς δʼ οὐκ ἐγίνετο αὐτῷ θυομένῳ τε καὶ οἰωνοῖς χρωμένῳ τὰ ἱερὰ καλά, ἀλλʼ ἠναντιοῦτο πρὸς τὰς ἐξόδους αὐτοῦ τὸ δαιμόνιον, αὐτὸς μὲν ὑπέμεινε, τὰς δὲ κρατίστας ἐπιλεξάμενος σπείρας ἀπέστειλε τῷ συνάρχοντι.
그러나 그가 희생 제물을 바치고 조점을 쳐보아도 길조가 나타나지 않았고, 오히려 신의 뜻이 그의 출전에 반대했기 때문에, 그 자신은 머물렀으나 가장 우수한 코호르스들을 선발하여 동료 집정관에게 파견했다.
§8.86.8αἱ δὲ διά τʼ ὀρῶν ἀφανῶς καὶ νύκτωρ τὰ πολλὰ ποιησάμεναι τὰς ὁδοὺς εἰσῆλθον εἰς τὸν χάρακα τοὺς πολεμίους λαθοῦσαι.
이 부대들은 산길을 통해 은밀하게, 그리고 대부분 밤중에 행군하여 적에게 들키지 않고 진영 안으로 들어갔다.
ὁ μὲν οὖν Αἰμίλιος θρασύτερος ἐγεγόνει τῇ παρουσίᾳ τῶν συμμάχων, οἱ δὲ πολέμιοι τῷ τε πλήθει τῷ σφετέρῳ εἰκῆ πίσυνοι καὶ διὰ τὸ μὴ ἐπεξιέναι τοὺς Ῥωμαίους εἰς μάχην ἐπαρθέντες ἀνέβαινον ἐπὶ τὸ ὄρος πυκνώσαντες τοὺς λόχους·
이리하여 에밀리우스는 구원군의 동참으로 더 대담해졌고, 반면 적들은 자신들의 군세에 맹목적으로 의지하고 로마인들이 싸우러 나오지 않는 것에 고무되어 대열을 좁히며 산을 올라왔다.
καὶ οἱ Ῥωμαῖοι παρέντες αὐτοὺς ἀναβῆναι καθʼ ἡσυχίαν καὶ πολλὰ πονεῖν περὶ τῷ σταυρώματι ἐάσαντες, ἐπειδὴ τὰ σημεῖα ἤρθη τῆς μάχης διασπάσαντες κατὰ πολλὰ μέρη τὸν χάρακα ἐμπίπτουσιν αὐτοῖς·
로마인들은 그들이 조용히 올라오도록 내버려 두고 목책 주변에서 갖은 고생을 하도록 방치했다가, 전투 신호가 올려지자 진영을 여러 곳에서 뜯어내고 그들에게 덮쳤다.
καὶ οἱ μὲν εἰς χεῖρας καταστάντες τοῖς ξίφεσιν ἐμάχοντο, οἱ δʼ ἀπὸ τῶν ἐρυμάτων λίθοις τε καὶ σαυνίοις καὶ λόγχαις τοὺς ἐπιόντας ἔβαλλον, βέλος δʼ οὐδὲν ἄσκοπον ἦν πεπιλημένων γʼ ἐν βραχεῖ χωρίῳ πολλῶν.
그리하여 어떤 이들은 접근전이 되어 칼로 싸웠고, 어떤 이들은 방벽 위에서 돌과 투창, 그리고 창을 엄습해 오는 자들에게 던졌는데, 좁은 공간에 많은 이들이 밀집해 있었으므로 빗나가는 무기는 하나도 없었다.
§8.86.9ἀπαράττονται δὴ τοῦ λόφου πολλοὺς σφῶν ἀποβαλόντες οἱ Οὐολοῦσκοι καὶ εἰς φυγὴν ὁρμήσαντες μόγις εἰς τὸν ἴδιον ἀποσώζονται χάρακα.
볼스코이인들은 많은 아군을 잃고 언덕에서 밀려나 패주하기 시작하여 겨우 자신들의 진영으로 도망쳐 돌아갔다.
Ῥωμαῖοι δʼ ὡς ἐν ἀσφαλείᾳ τέως ὄντες ἤδη κατέβαινον ἐπὶ τοὺς ἀγροὺς αὐτῶν· ἐξ ὧν ἐπισιτισμοὺς καὶ τἆλλα, ὅσων σπάνις ἦν ἐν τῷ χάρακι, ἐλάμβανον.
로마인들은 당분간 안전이 확보되었으므로 이제 그들의 경작지로 내려가, 그곳에서 식량과 진영 내에서 부족했던 다른 물품들을 획득했다.