§8.85.1οἱ δʼ ὑπολαβόντες αὐτοὺς ἄρχειν φυγῆς ἠκολούθουν βάδην μὲν ἀπιοῦσι καὶ αὐτοὶ σὺν κόσμῳ ἑπόμενοι, ἐπειδὴ δὲ δρόμῳ χωροῦντας ἐπὶ τὸν χάρακα ἐθεάσαντο, ταχείᾳ καὶ αὐτοὶ διώξει καὶ ἀσυντάκτῳ χρώμενοι.
로마인들은 적들이 도망치기 시작했다고 생각하여, 그들이 걸어서 퇴각하는 동안에는 자신들도 질서를 유지하며 뒤따랐으나, 적들이 진영을 향해 달려서 나아가는 것을 보자 자신들도 빠르고 무질서한 추격을 개시했다.
οἱ δὲ δὴ τελευταῖοί τε καὶ ὀπισθοφυλακοῦντες λόχοι νεκρούς τʼ ἐσκύλευον, ὡς κεκρατηκότες ἤδη τῶν πολεμίων, καὶ ἐφʼ ἁρπαγὴν τῆς χώρας ἐτράποντο.
실로 맨 뒤에 있던 부대와 후방을 경비하던 부대들은 이미 적에게 승리한 것처럼 시신에서 무구를 약탈하고 그 지역의 약탈로 방향을 돌렸다.
§8.85.2μαθόντες δʼ οἱ Οὐολοῦσκοι ταῦτʼ οἵ τε δόξαν παρασχόντες φυγῆς, ἐπειδὴ τοῖς ἐρύμασι τοῦ χάρακος ἐπλησίασαν, ὑποστραφέντες ἔστησαν, καὶ οἱ καταλειφθέντες ἐν τῷ στρατοπέδῳ τὰς πύλας ἀναπετάσαντες ἐξέδραμον ἀθρόοι κατὰ πολλὰ μέρη·
볼스코이인들은 이 사실을 알게 되자, 패주하는 척했던 자들이 진영의 방벽에 가까워졌을 때 몸을 돌려 맞서 섰고, 진영에 남아 있던 자들도 문을 활짝 열고 여러 방향에서 일제히 달려 나왔다.
γίνεταί τʼ αὐτῶν παλίντροπος ἡ μάχη· οἱ μὲν γὰρ διώκοντες ἔφευγον, οἱ δὲ φεύγοντες ἐδίωκον.
이로써 그들의 전투는 형세가 역전되어, 추격하던 자들이 도망치고 도망치던 자들이 추격하게 되었다.
ἔνθα πολλοὶ καὶ ἀγαθοὶ Ῥωμαίων θνήσκουσιν οἷα εἰκὸς ὠθούμενοι κατὰ πρανοῦς χωρίου καὶ ὑπὸ πολλῶν ὀλίγοι κυκλωθέντες.
그곳에서 많은 훌륭한 로마인들이 쓰러졌는데, 이는 내리막길에서 밀려나고 소수가 다수에게 포위된 상황에서 당연한 결과였다.
§8.85.3ἀδελφὰ δὲ τούτοις ἔπασχον, ὅσοι πρὸς σκῦλά τε καὶ ἁρπαγὰς τραπόμενοι τὸ ἐν κόσμῳ τε καὶ τάξει ὑποχωρεῖν ἀφῃρέθησαν·
전리품과 약탈에 정신이 팔려 질서와 대열을 유지하며 퇴각할 기회를 빼앗긴 자들도 이들과 비슷한 처지가 되었다.
καὶ γὰρ καὶ οὗτοι καταληφθέντες ὑπὸ τῶν πολεμίων οἱ μὲν ἐσφάγησαν, οἱ δʼ αἰχμάλωτοι ἐλήφθησαν.
왜냐하면 이들 역시 적에게 따라잡혀 일부는 학살당하고 일부는 포로로 잡혔기 때문이다.
ὅσοι δὲ τούτων τε καὶ τῶν ἀπὸ τοῦ ὄρους ἀπαραχθέντων διεσώθησαν, ὀψὲ τῆς ὥρας τῶν ἱππέων αὐτοῖς ἐπιβοηθησάντων, ἀπῆλθον ἐπὶ τὸν χάρακα.
그러나 이들과 산에서 쫓겨 내려온 자들 중 살아남은 이들은 모두, 늦은 시간에 기병들이 그들을 도우러 온 덕분에 진영으로 퇴각했다.
ἐδόκει τʼ αὐτοῖς συλλαβέσθαι τοῦ μὴ πασσυδὶ διαφθαρῆναι χειμὼν πολὺς ἐξ οὐρανοῦ καταρραγεὶς καὶ σκότος, οἷον ἐν ταῖς βαθείαις ὁμίχλαις γίνεται, ὃ τοῖς πολεμίοις ὄκνον τῆς ἐπὶ πλέον διώξεως παρέσχεν οὐ δυναμένοις τὰ πόρρω καθορᾶν.
그들이 전멸하는 것을 면하도록 도운 것은 하늘에서 쏟아진 거대한 폭풍과 깊은 안개 속에서 생기는 듯한 어둠이었던 것으로 보이며, 이는 멀리 내다볼 수 없었던 적들로 하여금 더 이상의 추격을 주저하게 만들었다.
§8.85.4τῇ δʼ ἐπιούσῃ νυκτὶ ἀναστήσας τὴν στρατιὰν ὁ ὕπατος ἀπῆγε σιγῇ καὶ ἐν κόσμῳ, λαθεῖν τοὺς πολεμίους προνοούμενος·
다음 날 밤, 집정관은 군대를 일으켜 적에게 들키지 않도록 유의하면서 조용하고 질서 정연하게 퇴각했다.
καὶ κατεστρατοπέδευσε παρὰ πόλει λεγομένῃ Λογγόλᾳ περὶ δείλην ὀψίαν, γήλοφον ἱκανὸν ἐρύκειν τοὺς ἐπιόντας ἐκλεξάμενος.
그리고 늦은 저녁 무렵, 습격해 오는 적들을 막아내기에 충분한 언덕을 골라 롱골라라 불리는 도시 근처에 진을 쳤다.
ἔνθα ὑπομένων τούς τε ὑπὸ τραυμάτων κάμνοντας ἀνεκτᾶτο θεραπείαις, καὶ τοὺς ἀδημονοῦντας ἐπὶ τῇ παραδόξῳ τοῦ πάθους αἰσχύνῃ παραμυθούμενος ἀνελάμβανε.
그곳에 머물면서 그는 부상으로 신음하는 자들을 치료하여 회복시켰고, 예상치 못한 패배의 치욕에 낙담해 있는 자들을 위로하고 격려했다.