§8.16.1οἱ δὲ παρὰ τούτων τὴν ἀρχὴν παραλαβόντες, Σπόριος Ναύτιος καὶ Σέξτος Φούριος, στρατιάν θʼ ὅσην ἐδύναντο πλείστην ἐκ τοῦ πολιτικοῦ κατεστήσαντο καταλόγου, καὶ φρυκτωρίας καὶ σκοποὺς ἐν τοῖς ἐπικαιροτάτοις φρουρίοις ἔταξαν, ἵνα μηδὲν ἀγνοήσωσι τῶν ἐπὶ τῆς χώρας πραττομένων·
그들로부터 관직을 인계받은 스푸리우스 나우티우스와 섹스투스 푸리우스는 시민 징집 명부로부터 가능한 한 가장 큰 군대를 편성하였고, 국토에서 일어나는 일을 아무것도 놓치지 않도록 가장 중요한 요새들에 봉화대와 파수꾼들을 배치했다.
χρήματά τε καὶ σῖτον καὶ ὅπλα ἐν ὀλίγῳ χρόνῳ πολλὰ ἡτοιμάσαντο.
또한 그들은 단시간 내에 많은 자금과 식량, 무기를 마련했다.
§8.16.2τὰ μὲν οὖν οἰκεῖα παρεσκεύαστο αὐτοῖς ὡς ἐνῆν ἄριστα, καὶ οὐδὲν αὐτῶν ἔτι δεῖν ἐδόκει·
그리하여 그들 자신의 내무는 가능한 한 최선으로 준비되었고, 그 일들에 더 이상 부족한 점이 없는 것처럼 보였다.
τὰ δὲ συμμαχικὰ οὐχ ἅπαντα ὑπήκουε προθύμως ἑκούσιά τʼ οὐκ ἦν, οἷα συνάρασθαι τοῦ πολέμου, ὥστʼ οὐδὲ προσαναγκάζειν αὐτὰ ἠξίουν φοβούμενοι προδοσίαν.
그러나 동맹국들의 일은 모두가 기꺼이 따르는 것은 아니었고 전쟁에 협력할 자발적인 뜻도 없었기에, 집정관들은 배반을 두려워하여 그들을 강제하는 것조차 합당하게 여기지 않았다.
ἤδη δέ τινα καὶ ἀφίστατο αὐτῶν ἐκ τοῦ φανεροῦ καὶ τοῖς Οὐολούσκοις συνελάμβανε.
이미 그들 중 일부는 공공연히 배반하여 볼스키인들을 돕고 있었다.
§8.16.3πρῶτοι δʼ ἦρξαν Αἰκανοὶ τῆς ἀποστάσεως, ἅμα τῷ συστῆναι τὸν πόλεμον εὐθὺς ἐλθόντες ὡς τοὺς Οὐολούσκους καὶ συμμαχίαν μεθʼ ὅρκων συνθέμενοι, στρατιάν τʼ ἀπέστειλαν οὗτοι τῷ Μαρκίῳ πλείστην τε καὶ προθυμοτάτην.
아이콰이인들이 최초로 반란을 일으켰다. 그들은 전쟁이 발발하자마자 즉시 볼스키인들에게 가서 맹세와 함께 동맹을 체결했고, 마르키우스에게 매우 많고도 가장 적극적인 군대를 파견했다.
ἀρξαμένων δὲ τούτων πολλοὶ καὶ τῶν ἄλλων συμμάχων κρύφα συνελάμβανον τοῖς Οὐολούσκοις οὐκ ἀπὸ ψηφισμάτων οὐδʼ ἀπὸ κοινοῦ δόγματος ἀποστέλλοντες αὐτοῖς τὰς συμμαχίας, εἰ δέ τισιν ἦν βουλομένοις μετέχειν τῆς στρατείας τῶν σφετέρων, οὐχ ὅπως ἀποτρέποντες, ἀλλὰ καὶ παρορμῶντες.
이들이 반란을 시작하자, 다른 동맹국들 중 많은 수도 남몰래 볼스키인들을 돕기 시작했는데, 결의나 공동의 결정에 따라 그들에게 동맹군을 파견한 것이 아니라, 만약 자신들의 시민들 중 원정에 동참하기를 원하는 자가 있다면 이를 만류하기는커녕 오히려 부추겼던 것이다.
§8.16.4ἐγεγόνει τʼ ἐν οὐ πολλῷ χρόνῳ τοσαύτη δύναμις περὶ τοὺς Οὐολούσκους, ὅσην οὐ πώποτʼ ἔσχον, ὅτε μάλιστʼ ἤκμαζον ταῖς πόλεσιν·
그리하여 얼마 지나지 않아 볼스키인들 주변에는 그들의 도시들이 가장 번성했던 시절에도 일찍이 가져보지 못했을 만큼의 대군이 형성되었다.
ἣν ἐπαγόμενος ὁ Μάρκιος ἐνέβαλεν αὖθις εἰς τὴν Ῥωμαίων γῆν, καὶ ἐγκαθεζόμενος ἡμέρας συχνὰς ἐδῄου τῆς γῆς, ὅσην ἐν τῇ πρότερον εἰσβολῇ παρέλιπε.
이 군대를 거느리고 마르키우스는 다시금 로마인의 영토로 쳐들어왔으며, 그곳에 며칠 동안 머무르며 지난번 침공 때 전화를 면하고 남아 있던 땅을 황폐화했다.
§8.16.5σωμάτων μὲν οὖν ἐλευθέρων οὐκέτι πολλῶν ἐγκρατὴς ἐγένετο κατὰ ταύτην τὴν στρατείαν·
따라서 이번 원정 동안 그는 더 이상 많은 자유민의 신변을 확보하지는 못했다.
οἱ γὰρ ἄνθρωποι τὰ πλείστου ἄξια συσκευασάμενοι παλαίτερον ἔτι κατεπεφεύγεσαν, οἱ μὲν εἰς τὴν πόλιν, οἱ δʼ εἰς τὰ πλησίον φρούρια, εἴ τινα ἦν ἐχυρώτατα·
사람들은 가장 값나가는 재산들을 챙겨서 훨씬 전부터 피신해 있었기 때문인데, 어떤 이들은 로마 시로, 다른 이들은 인근의 요새들 중 가장 견고한 곳들로 가 있었다.
τὰ δὲ βοσκήματα αὐτῶν, ὅσα οὐχ οἷοί τʼ ἦσαν ἀπελάσαι, καὶ τοὺς νέμοντας θεράποντας λαμβάνει τόν τε σῖτον τὸν ἐπὶ ταῖς ἅλωσιν ἔτι κείμενον καὶ τοὺς ἄλλους καρπούς, τοὺς μὲν ἐν χερσὶν ὄντας, §8.16.6τοὺς δὲ καὶ συγκεκομισμένους ἀναιρεῖται.
그러나 그는 그들이 몰고 가지 못했던 가축들과 이를 방목하던 노예들을 사로잡았고, 타작마당에 아직 놓여 있던 곡물과 다른 농작물들 중 손을 대어 수확 중이던 것들이나, 이미 수확해 둔 것들을 약탈해 갔다.
προνομεύσας δὲ καὶ διαπορθήσας ἅπαντα οὐθενὸς ὁμόσε χωρῆσαι τολμήσαντος ἀπῆγεν ἐπʼ οἴκου τὴν στρατιὰν βαρεῖαν οὖσαν ἤδη τῷ πλήθει τῶν ὠφελειῶν καὶ σχολῇ πορευομένην.
모든 곳을 약탈하고 완전히 파괴해 버렸지만 아무도 맞서 싸우려 하지 않았기에, 그는 획득한 전리품의 방대함으로 이미 무거워져 서서히 행군하는 군대를 집으로 이끌고 돌아갔다.