§8.1.1οἱ δὲ μετὰ τούτους ἀποδειχθέντες ὕπατοι κατὰ τὴν ἑβδομηκοστὴν καὶ τρίτην ὀλυμπιάδα, ἣν ἐνίκα στάδιον Ἀστύλος Κροτωνιάτης ἄρχοντος Ἀθήνησιν Ἀγχίσου, Γάιος Ἰούλιος Ἰοῦλος καὶ Πόπλιος Πινάριος Ῥοῦφος, ἄνδρες ἥκιστα πολεμικοὶ καὶ διὰ τοῦτο μάλιστα τῆς ἀρχῆς ταύτης παρὰ τοῦ δήμου τυχόντες, εἰς πολλοὺς καὶ μεγάλους ἠναγκάσθησαν κινδύνους καταστῆναι πολέμου καταρραγέντος ἐκ τῆς ἐκείνων ἀρχῆς, διʼ ὧν ἡ πόλις ὀλίγου ἐδέησεν ἐκ βάθρων ἀναιρεθῆναι.
이들의 뒤를 이어 제73회 올림피아기—이때 아테나이에서는 안키소스가 아르콘이었고 크로톤의 아스틸로스가 스타디온 경주에서 우승했다—에 임명된 집정관들인 가이우스 율리우스 율루스와 푸블리우스 피나리우스 루푸스는 전쟁을 가장 좋아하지 않는 인물들이었으며, 바로 그 때문에 민중으로부터 이 관직을 얻었으나, 그들의 집정기 초부터 발생한 전쟁으로 인해 많고도 커다란 위험에 직면할 수밖에 없었다. 그 위험들로 인해 국가는 뿌리째 뽑혀 거의 멸망할 뻔했다.
§8.1.2ὁ γὰρ Μάρκιος ἐκεῖνος ὁ Κοριολάνος, ὁ τὴν ἐπὶ τῇ τυραννίδι αἰτίαν σχὼν καὶ φυγῇ ἀιδίῳ ἐλασθείς, ἀγανακτῶν τʼ ἐπὶ τῇ συμφορᾷ καὶ τιμωρίαν παρὰ τῶν ἐχθρῶν βουλόμενος λαβεῖν, διʼ οὗ δʼ ἂν αὕτη γένοιτο τρόπου καὶ διʼ οἵας δυνάμεως ἀνασκοπῶν μίαν εὕρισκε Ῥωμαίοις τότʼ ἀντίπαλον ἰσχὺν τὴν Οὐολούσκων, εἰ κοινῇ χρησάμενοι γνώμῃ καὶ τυχόντες ἡγεμόνος ἔμφρονος ἐνστήσονται πρὸς αὐτοὺς τὸν πόλεμον.
참주정을 꾀했다는 혐의를 받고 영구 추방을 당했던 저 마르키우스 코리올라누스는 자신의 불행에 분개하며 적들에게 복수를 행하기를 원했는데, 이 일이 어떤 방법과 어떤 병력을 통해 가능할지 깊이 생각한 끝에, 당시 로마인들에게 대적할 만한 유일한 세력은 볼스키인들의 세력뿐임을 알게 되었다. 만약 그들이 한뜻이 되어 현명한 지도자를 얻고 그들을 상대로 전쟁을 시작한다면 말이다.
§8.1.3ἐλογίζετο μὲν οὖν, ὡς εἰ πείσειε τοὺς Οὐολούσκους δέξασθαί τʼ αὐτὸν καὶ τὴν ἡγεμονίαν ἐπιτρέψαι τοῦ πολέμου, ῥᾳδίως αὐτῷ διαπεπράξεται τὸ ἔργον·
그리하여 그는 만약 볼스키인들을 설득하여 자신을 받아들이게 하고 전쟁의 지휘권을 맡기게 한다면, 그 일이 자신에게 쉽게 성취되리라고 계산했다.
ἐτάραττε δʼ αὐτὸν ἡ συνείδησις, ὅτι πλειστάκις κατὰ τὰς μάχας δεινὰ δεδρακὼς ἦν αὐτοὺς καὶ πόλεις συμμαχίδας ἀφῃρημένος.
하지만 그가 전투에서 여러 번 그들에게 끔찍한 짓을 저지르고 동맹 도시들을 빼앗았다는 자책감이 그를 괴롭혔다.
οὐ μὴν ἀπέστη γε τῆς πείρας διὰ τὸ τοῦ κινδύνου μέγεθος, ἀλλʼ εἰς αὐτὰ τὰ δεινὰ χωρεῖν ἐβουλεύσατο καὶ πάσχειν ὑπʼ αὐτῶν ὁτιοῦν.
그럼에도 그는 위험의 크기 때문에 시도를 포기하지 않고, 바로 그 두려운 상황 속으로 나아가 그들로부터 어떤 일이라도 당할 각오를 다졌다.
§8.1.4φυλάξας δὲ νύκτα καὶ ταύτην σκοταίαν ἧκεν εἰς Ἄντιον, τὴν ἐπιφανεστάτην τῶν ἐν Οὐολούσκοις πόλεων, ἡνίκα περὶ δεῖπνον ἦσαν οἱ κατὰ τὴν πόλιν, καὶ παρελθὼν εἰς οἰκίαν ἀνδρὸς δυνατοῦ, διʼ εὐγένειάν τε καὶ πλοῦτον καὶ τὰς ἐν τοῖς πολέμοις πράξεις μέγα ἐφʼ ἑαυτῷ φρονοῦντος καὶ τὸ ἔθνος ὅλον ἄγοντος ὡς τὰ πολλά, ᾧ Τύλλος Ἄττιος ὄνομα ἦν, ἱκέτης τοῦ ἀνδρὸς γίνεται καθεζόμενος ἐπὶ τῆς ἑστίας.
그리고 밤, 그것도 캄캄한 밤을 틈타 그는 볼스키인들의 도시 중 가장 저명한 안티움으로 왔는데, 마침 성 안의 사람들이 저녁 식사를 하던 때였다. 그는 가문과 부, 그리고 전쟁에서의 전공 덕분에 대단한 자부심을 품고 있었고 대개 부족 전체를 이끌던 유력자의 집으로 들어갔는데, 그의 이름은 툴루스 아티우스였다. 마르키우스는 그의 화로 옆에 앉아 그 사람의 탄원자가 되었다.
§8.1.5διηγησάμενος δʼ αὐτῷ τὰς κατασχούσας αὐτὸν ἀνάγκας, διʼ ἃς ὑπέμεινεν ἐπὶ τοὺς ἐχθροὺς καταφυγεῖν, μέτρια ἠξίου φρονῆσαι καὶ ἀνθρώπινα περὶ ἀνδρὸς ἱκέτου καὶ μηκέτι πολέμιον ἡγεῖσθαι τὸν ὑποχείριον μηδʼ εἰς τοὺς ἀτυχοῦντας καὶ τεταπεινωμένους ἀποδείκνυσθαι τὴν ἰσχὺν ἐνθυμούμενον, ὡς οὐ μένουσιν ἐπὶ τοῖς αὐτοῖς πράγμασιν αἱ τῶν ἀνθρώπων τύχαι.
그리고 자신을 덮친 불가피한 사정, 즉 적들에게 망명하는 일을 견뎌내야만 했던 사정을 그에게 설명한 뒤, 탄원하는 처지의 사내에 대해 절도 있고 인간적인 태도를 보여줄 것과, 자신의 수중에 떨어진 자를 더 이상 적으로 여기지 말아 줄 것, 그리고 인간의 운명은 결코 동일한 상황에 머무르지 않는다는 점을 마음에 새겨 불행을 겪고 비천해진 이들에게 힘을 과시하지 말아 줄 것을 청했다.
§8.1.6δύναιο δʼ ἄν, ἔφη, τοῦτʼ ἐξ αὐτοῦ μάλιστα μαθεῖν ἐμοῦ, ὃς ἐν τῇ μεγίστῃ πόλει κράτιστός ποτʼ εἶναι τῶν ἄλλων δοκῶν νῦν ἔρημος καὶ ἄπολις καὶ ταπεινὸς ἐρριμμένος τοῦτο πείσομαι, ὅ τι ἂν ἐχθρῷ ὄντι σοι δοκῇ.
“그대여,” 그가 말했다. “이 사실을 한때 가장 거대한 도시에서 다른 누구보다 강력하다고 여겨졌으나 이제는 홀로 남겨지고, 국가도 없으며, 비천하게 내던져져 적인 그대가 원하는 바는 무엇이든 겪으려 하는 나 자신으로부터 가장 잘 배울 수 있을 것이오.
ὑπισχνοῦμαι δέ σοι τοσαῦτʼ ἀγαθὰ ποιήσειν Οὐολούσκους φίλος τῷ ἔθνει γενόμενος, ὅσα κακὰ εἰργασάμην ἐχθρὸς ὤν.
그러나 내가 과거에 적이었을 때 행했던 해악만큼이나, 이 부족의 친구가 됨으로써 볼스키인들에게 그만큼의 유익을 가져다줄 것을 그대에게 약속하오.
εἰ δέ τι ἄλλο γινώσκεις περὶ ἐμοῦ, χρῆσαι τῇ ὀργῇ παραχρῆμα καὶ θάνατον χάρισαί μοι τὸν τάχιστον αὐτοχειρίᾳ τε καὶ ἐπὶ τῆς ἑστίας τῆς σεαυτοῦ καθιερεύσας τὸν ἱκέτην.
만약 나에 대해 다른 생각을 갖고 있다면, 즉시 그 분노를 실행에 옮겨 그대 자신의 손으로, 또한 그대 자신의 화로 위에서 이 탄원자를 제물로 바침으로써 나에게 가장 신속한 죽음을 베풀어 주시오.”