§7.20.1οἱ δὲ μετʼ αὐτοὺς ἀποδειχθέντες ὕπατοι Μάρκος Μηνύκιος Αὐγουρῖνος καὶ Αὖλος Σεμπρώνιος Ἀτρατῖνος δεύτερον καταστάντες ἐπὶ τὴν ἀρχήν, ἄνδρες οὔθʼ ὅπλων οὔτε λόγων ἄπειροι, προνοίᾳ μὲν ἐχρήσαντο πολλῇ σίτου τε καὶ τῆς ἄλλης ἀγορᾶς ἐμπλῆσαι τὴν πόλιν, ὡς ἐν τῇ κατʼ αὐτὴν εὐετηρίᾳ τῆς ὁμονοίας τοῦ πλήθους κειμένης·
그들의 뒤를 이어 임명된 집정관 마르쿠스 미누키우스 아우구리누스와 아울루스 셈프로니우스 아트라티누스는 두 번째로 관직에 올랐는데, 이들은 군사나 언변에 서툴지 않은 이들이었으며, 시장의 풍요로움 속에 대중의 화합이 달려 있다고 생각하여 곡물과 다른 시장 물자로 도시를 채우기 위해 많은 배려를 아끼지 않았다.
οὐ μὴν ἐξεγένετό γʼ αὐτοῖς ἀμφοτέρων ἅμα τούτων τυχεῖν, ἀλλὰ συνεισῆλθεν ἅμα τῷ κόρῳ τῶν ἀγαθῶν ἡ τῶν χρησαμένων αὐτοῖς ὕβρις.
그러나 이 두 가지를 동시에 얻는 것은 그들에게 허락되지 않았고, 오히려 좋은 것들의 과잉과 함께 그것을 누리는 자들의 오만이 흘러들어왔다.
§7.20.2καὶ τότε δὴ μέγιστος κατέλαβε τὴν Ῥώμην κίνδυνος ἐξ ἀρχῆς, ὅτε ἥκιστʼ ἐδόκει.
그리하여 전혀 예상하지 못했던 바로 그때, 로마에는 건국 이래 가장 큰 위기가 닥쳤다.
οἵ τε γὰρ ἐπὶ τὴν σιτωνίαν ἀποσταλέντες ὑπʼ αὐτῶν πρέσβεις πολὺν ἐκ τῶν παραθαλαττίων τε καὶ μεσογείων ἐμπορίων σῖτον ὠνησάμενοι κατήγαγον δημοσίᾳ, οἵ τε διαμείβεσθαι τὰς ἀγορὰς εἰωθότες ἐκ παντὸς τόπου συνῆλθον, παρʼ ὧν ἡ πόλις ὠνησαμένη τὸν φόρτον ἐκ τῶν κοινῶν χρημάτων εἶχεν ἐν φυλακῇ.
곡물 수입을 위해 그들에 의해 파견되었던 사절들이 해안과 내륙의 시장에서 많은 곡물을 사들여 공적으로 들여왔고, 사방에서 시장 거래를 업으로 삼는 이들이 모여들었기에, 국가는 그들로부터 공금으로 화물을 매입하여 보관하고 있었기 때문이다.
§7.20.3ἦλθον δὲ καὶ οἱ πρότερον ἀποσταλέντες πρέσβεις εἰς Σικελίαν Γεγάνιος καὶ Οὐαλέριος πολλὰς ἄγοντες ὁλκάδας, ἐν αἷς ἐκομίζοντο πυρῶν πέντε μυριάδες μεδίμνων Σικελικῶν, ὧν τὸ μὲν ἥμισυ μέρος ὠνητὸν ἦν βραχείας πάνυ τιμῆς, τὸ δὲ λοιπὸν ὁ τύραννος ἀπεστάλκει προῖκα δοὺς καὶ τέλεσι παρακομίσας τοῖς ἰδίοις.
여기에 더하여 이전에 시칠리아로 파견되었던 사절 게가니우스와 발레리우스도 많은 상선을 이끌고 도착했는데, 그 상선들에는 시칠리아 메딤노스로 5만 메딤노스의 밀이 실려 있었다. 그중 절반은 매우 저렴한 가격으로 구매한 것이었고, 나머지는 참주가 무상으로 기부하여 자신의 비용으로 수송해 보낸 것이었다.
§7.20.4ὡς δʼ ἀπηγγέλθη τοῖς ἐν τῇ πόλει ὁ κατάπλους τῶν σιτηγῶν ὁλκάδων τῶν ἀπὸ Σικελίας, πολλὴ ζήτησις ἐνέπιπτε τοῖς πατρικίοις ὑπὲρ τῆς διαθέσεως αὐτοῦ.
시칠리아로부터 곡물선이 입항했다는 소식이 성안 사람들에게 전해지자, 그 처분을 둘러싸고 귀족들 사이에 큰 논쟁이 일어났다.
οἱ μὲν γὰρ ἐπιεικέστατοι αὐτῶν καὶ φιλοδημότατοι πρὸς τὰς κατεχούσας τὸ κοινὸν ἀνάγκας ἀποβλέποντες τήν τε παρὰ τοῦ τυράννου δωρεὰν παρῄνουν ἅπασαν διανεῖμαι τοῖς δημοτικοῖς, καὶ τὸν ὠνηθέντα ἐκ τῶν δημοσίων χρημάτων σῖτον ὀλίγης αὐτοῖς ἀπεμπολῆσαι τιμῆς, διδάσκοντες ὡς ἐκ τούτων ἂν γένοιντο μάλιστα τῶν χαρίτων ἐπιεικέστεραι πρὸς τοὺς εὐπόρους αἱ τῶν πενήτων ὀργαί·
그들 중 가장 온건하고 친평민적인 이들은 국가를 덮친 곤경을 바라보며, 참주가 보낸 선물을 모두 평민들에게 분배하고 공금으로 구매한 곡물도 싼 가격에 그들에게 넘겨주어야 한다고 권고했으며, 이러한 은혜를 통해서만 부유한 자들에 대한 가난한 자들의 분노가 가장 잘 누그러질 것이라고 설명했다.
οἱ δʼ αὐθαδέστεροι καὶ ὀλιγαρχικώτεροι πάσῃ προθυμίᾳ τε καὶ μηχανῇ κακοῦν ᾤοντο δεῖν τοὺς δημοτικοὺς καὶ συνεβούλευον τιμίας ὡς ἔνι μάλιστα ποιεῖν αὐτοῖς τὰς ἀγοράς, ἵνα σωφρονέστεροι διὰ τὴν ἀνάγκην γένοιντο καὶ πρὸς τὰ λοιπὰ τῆς πολιτείας δίκαια νομιμώτεροι.
반면에 더 오만하고 과두정을 옹호하는 이들은 온갖 열의와 방책을 다해 평민들을 곤경에 빠뜨려야 한다고 여겼으며, 그들이 곤경을 통해 더 분별 있어지고 국가의 다른 권리들에 대해서도 더 법을 준수하게 되도록 시장 가격을 가능한 한 가장 높게 유지해야 한다고 조언했다.