§6.19.1ὡς δὲ μετέστησαν ἐκ τοῦ βουλευτηρίου καὶ λόγος ἀπεδόθη τοῖς εἰωθόσιν ἀποφαίνεσθαι γνώμας, Τῖτος μὲν Λάρκιος ὁ πρῶτος ἀποδειχθεὶς δικτάτωρ ἐν τῷ παρελθόντι ἐνιαυτῷ ταμιεύεσθαι τὴν τύχην αὐτοῖς συνεβούλευε μέγιστον εἶναι λέγων ἐγκώμιον ὥσπερ ἑνὸς ἀνδρὸς οὕτω καὶ πόλεως ὅλης, εἰ μὴ διαφθαρήσεται ταῖς εὐπραγίαις, ἀλλʼ εὐμενῶς καὶ μετρίως φέροι τἀγαθά.
사절단이 원로원 회의장에서 물러나고 의견을 개진하는 것이 관례인 자들에게 발언권이 주어지자, 전년에 초대 독재관으로 임명되었던 티투스 라르키우스는 그들에게 '행운을 신중하게 관리할 것'을 권고했다. 그는 개인에게나 국가 전체에게나 가장 큰 찬사는 성공으로 인해 타락하지 않고, 오히려 호의적이고 부드럽게 호경기를 받아들이는 것이라고 말했다.
§6.19.2πάσας μὲν γὰρ τὰς εὐτυχίας φθονεῖσθαι, μάλιστα δʼ ὅσαις πρόσεστιν εἰς τοὺς ταπεινωθέντας καὶ ὑπὸ χεῖρα γενομένους ὕβρις καὶ βαρύτης·
왜냐하면 모든 행운은 시기를 받는 법이며, 특히 굴복하고 지배 하에 놓인 자들에 대한 오만과 가혹함이 수반되는 경우가 그러하기 때문이라고 그는 말했다.
τῇ τύχῃ δʼ οὐκ ἐῶν τι πιστεύειν πολλάκις αὐτῆς πεῖραν εἰληφότας ἐπʼ οἰκείοις κακοῖς τε καὶ ἀγαθοῖς, ὡς ἀβέβαιός ἐστι καὶ ἀγχίστροφος· οὐδʼ ἀνάγκην προσάγειν τοῖς διαφόροις τὴν περὶ τῶν ἐσχάτων κινδύνων, δι’ ἣν καὶ παρὰ γνώμην τολμηταὶ γίνονταί
또한 자신들의 불행과 행운 속에서 몇 번이고 그 불확실함을 경험했기에 행운이 얼마나 불안정하고 변덕스러운지 알고 있으므로 그것을 조금도 신뢰하지 말라고 촉구했고, 적대자들에게 극단적인 위험이라는 강요를 가해서는 안 된다고 했다.
§6.19.3τινες καὶ ὑπὲρ δύναμιν μαχηταί·
그 위험으로 인해 뜻하지 않게 대담해져서 실력 이상으로 싸우는 자들이 생겨나기 때문이라는 것이다.
δέος δὲ σφίσιν εἶναι λέγων, μὴ κοινὸν μῖσος ἐπισπάσωνται παρὰ πάντων ὅσων ἀξιοῦσιν ἄρχειν, ἐὰν πικρὰς καὶ ἀπαραιτήτους ἀπὸ τῶν ἁμαρτόντων ἀναπράττωνται δίκας, ὡς ἐκβεβηκότες ἐκ τῶν συνήθων ἐπιτηδευμάτων, ἀφʼ ὧν εἰς ἐπιφάνειαν προῆλθον ἐπιλαθόμενοι, καὶ πεποιηκότες τυραννίδα τὴν ἀρχήν, ἀλλʼ οὐχ ἡγεμονίαν ὡς πρότερον ἦν καὶ προστασίαν·
그리고 그는 만약 잘못을 저지른 자들에게 가혹하고 가차 없는 보복을 엄격하게 징수한다면, 자신들이 유명해지는 계기가 되었던 익숙한 습관에서 벗어나 그것을 잊어버리고, 자신들의 지배를 이전처럼 지도권이나 비호가 아닌 전제 군주정으로 바꾸어 버린 것처럼 여겨져서, 자신들이 지배하고자 하는 모든 이들로부터 공동의 증오를 사게 되지 않을까 하는 두려움이 그들에게 있다고 말했다.
τά τε ἁμαρτήματα μέτρια καὶ οὐ νεμεσητὰ εἶναι λέγων, εἴ τινες ἐλευθερίας περιεχόμεναι πόλεις καὶ ἄρχειν ποτὲ μαθοῦσαι τῆς παλαιᾶς ἀξιώσεως οὐ μεθίενται.
또한 자유를 중시하고 과거에 지배하는 법을 배웠던 일부 도시들이 옛 존엄성을 버리지 않으려 하더라도, 그 잘못은 온건한 것이며 비난받을 일이 아니라고 덧붙였다.
εἰ δʼ ἀνιάτως οἱ τῶν κρατίστων ὀρεχθέντες, ἐὰν διαμάρτωσι τῆς ἐλπίδος, ζημιώσονται, οὐδὲν ἔσεσθαι τὸ κωλῦον ἅπαντας ἀνθρώπους ὑπʼ ἀλλήλων ἀπολωλέναι·
만약 가장 훌륭한 것을 갈망했던 자들이 희망을 잃었을 때 치유 불가능한 처벌을 받아야 한다면, 온 인류가 서로를 멸망시키는 것을 막을 방도가 없을 것이다.
πᾶσι γὰρ εἶναι τὸν τῆς ἐλευθερίας πόθον ἔμφυτον.
왜냐하면 모든 이에게 자유에 대한 갈망은 타고난 것이기 때문이다.
§6.19.4πολλῷ τε κρείττονα καὶ βεβαιοτέραν ἀποφαίνων ἀρχήν, ἥτις εὐεργεσίαις, ἀλλὰ μὴ τιμωρίαις κρατεῖν βούλεται τῶν ὑπηκόων·
나아가 처벌이 아니라 은혜로써 피지배자들을 다스리고자 하는 지배가 훨씬 더 우수하고 확고함을 표명했다.
τῇ μὲν γὰρ εὔνοιαν ἀκολουθεῖν, τῇ δὲ φόβον, ἀνάγκην δʼ εἶναι φύσεως πάντα μάλιστα μισεῖσθαι τὰ φοβερά·
전자에는 호의가 따르고 후자에는 두려움이 따르지만, 두려운 모든 것은 무엇보다도 미움을 받는 것이 자연의 필연이기 때문이라는 것이다.
τελευτῶν δὲ τοῦ λόγου παραδείγμασιν αὐτοὺς ἠξίου χρῆσθαι τοῖς κρατίστοις τῶν προγόνων ἔργοις, ἐφʼ οἷς ἐπαίνων ἐτύγχανον ἐκεῖνοι, ἐπιλεγόμενος ὅσας ἁλούσας κατὰ κράτος πόλεις οὐ κατασκάπτοντες οὐδὲ ἡβηδὸν ἀναιροῦντες οὐδʼ ἐξανδραποδιζόμενοι, ἀλλʼ ἀποικίας τῆς Ῥώμης ποιοῦντες, καὶ τοῖς βουλομένοις τῶν κρατηθέντων παρὰ σφίσι κατοικεῖν πολιτείας μεταδιδόντες, μεγάλην ἐκ μικρᾶς ἐποιοῦντο τὴν πόλιν.
연설의 마지막에 그는 찬사를 받았던 선조들의 가장 훌륭한 행위들을 본보기로 삼을 것을 요청했다. 힘으로 정복한 수많은 도시들을 파괴하지도 않고 청년들을 죽이지도 않았으며 노예로 삼지도 않고, 오히려 로마의 식민 도시로 만들고 정복된 자들 중에서 자신들 사이에 거주하기를 바라는 자들에게 시민권을 나누어 줌으로써 국가를 작은 상태에서 크게 키웠던 사례들을 열거하면서였다.
κεφάλαιον δʼ αὐτοῦ τῆς γνώμης ἦν ἀνανεώσεσθαι τὰς σπονδὰς πρὸς τὸ κοινὸν τῶν Λατίνων, ἃς ἦσαν πεποιημένοι πρότερον, καὶ μηδενὸς τῶν ἁμαρτημάτων μηδεμιᾷ πόλει μνησικακεῖν.
그의 의견의 핵심은 이전에 맺었던 라티움 연맹과의 조약을 갱신하는 것이며, 어떤 도시에 대해서도 그 어떤 잘못에 대해 원한을 품지 않는 것이었다.