§5.55.1ταῦτα τοῖς πρέσβεσιν ἀποκρινάμενος καὶ προπέμψας ἐκ τῆς πόλεως μετὰ τοῦτο φράζει τῇ βουλῇ περὶ τῆς ἀπορρήτου συνωμοσίας, ἃ παρὰ τῶν μηνυτῶν ἔμαθε·
사절들에게 이와 같이 답변하고 그들을 성 밖으로 배웅한 후, 집정관은 곧바로 밀고자들로부터 알게 된 비밀 음모에 관한 내용을 원로원에 고했다.
καὶ λαβὼν ἐξουσίαν παρʼ αὐτῶν αὐτοκράτορα τοῦ διερευνήσασθαι τοὺς μετασχόντας τῶν ἀπορρήτων βουλευμάτων καὶ τοῦ κολάσαι τοὺς ἐξευρεθέντας, οὐ τὴν αὐθάδη καὶ τυραννικὴν ἦλθεν ὁδόν, ὡς ἕτερος ἄν τις ἐποίησεν εἰς τοσαύτην κατακλεισθεὶς ἀνάγκην·
그리고 원로원으로부터 비밀 음모에 가담한 자들을 수사하고 발각된 자들을 처벌할 수 있는 전권을 부여받았으나, 그러한 큰 곤경에 처했을 때 다른 사람이라면 누구라도 행했을 법한 오만하고 참주적인 방식을 취하지 않았다.
ἀλλʼ ἐπὶ τὴν εὐλόγιστόν τε καὶ ἀσφαλῆ καὶ τῷ σχήματι τῆς καθεστώσης τότε πολιτείας ἀκόλουθον ἐτράπετο.
오히려 그는 신중하고 안전하며, 당시 확립되어 있던 국제 체제에 부합하는 방식을 택했다.
§5.55.2οὔτε γὰρ ἐκ τῶν οἰκιῶν συλλαμβανομένους ἄγεσθαι τοὺς πολίτας ἐπὶ τὸν θάνατον ἀποσπωμένους ἀπὸ γυναικῶν τε καὶ τέκνων καὶ πατέρων ἐβουλήθη, τόν τʼ οἶκτον ἐνθυμούμενος, οἷος ἔσται τῶν προσηκόντων ἑκάστοις παρὰ τὸν ἀποσπασμὸν τῶν ἀναγκαιοτάτων καὶ δεδοικώς, μή τινες ἀπονοηθέντες ἐπὶ τὰ ὅπλα τὴν ὁρμὴν λάβωσι, καὶ διʼ αἵματος ἐμφυλίου χωρήσῃ τὸ ἀναγκασθὲν παρανομεῖν·
왜냐하면 그는 시민들이 집에서 붙잡혀 아내와 자식, 그리고 아버지로부터 강제로 떼어놓인 채 죽음으로 끌려가는 것을 원치 않았기 때문이다. 그는 가장 소중한 사람들과의 결별 속에서 각자의 친족들이 느끼게 될 슬픔이 어떠할지를 고려하였고, 또한 일부 사람들이 자포자기하여 무기를 잡고 일어서서, 법을 어기도록 강요받은 자들이 동족의 유혈 사태로 나아가지 않을까 두려워했기 때문이다.
οὔτε δικαστήρια καθίζειν αὐτοῖς ᾤετο δεῖν, λογιζόμενος, ὅτι πάντες ἀρνήσονται καὶ οὐθὲν ἔσται βέβαιον τοῖς δικασταῖς τεκμήριον οὐδʼ ἀναμφίλεκτον ἔξω τῆς μηνύσεως, ᾧ πιστεύσαντες θάνατον τῶν πολιτῶν καταψηφιοῦνται·
또한 그는 그들을 위해 법정을 여는 것도 합당하지 않다고 생각했다. 왜냐하면 그들 모두가 혐의를 부인할 것이고, 밀고 외에는 재판관들이 신뢰하여 시민들의 사형을 의결할 수 있는 확실하고 명백한 증거가 단 하나도 없을 것이라고 판단했기 때문이다.
§5.55.3καινὸν δέ τινα τρόπον ἀπάτης ἐξεῦρε τῶν νεωτεριζόντων, διʼ οὗ πρῶτον μὲν αὐτοὶ μηδενὸς ἀναγκάζοντες εἰς ἓν χωρίον ἥξουσιν οἱ τῶν ἀπορρήτων βουλευμάτων ἡγεμόνες, ἔπειτʼ ἀναμφιλέκτοις ἁλώσονται τεκμηρίοις, ὥστε μηδʼ ἀπολογίαν αὐτοῖς καταλείπεσθαι μηδεμίαν, πρὸς δὲ τούτοις οὐκ εἰς ἔρημον συναχθέντες τόπον οὐδʼ ἐν ὀλίγοις μάρτυσιν ἐξελεγχθέντες, ἀλλʼ ἐν ἀγορᾷ πάντων ὁρώντων γενόμενοι καταφανεῖς ἃ προσήκει πείσονται, ταραχή τʼ οὐδεμία γενήσεται κατὰ τὴν πόλιν οὐδʼ ἐπαναστάσεις ἑτέρων, οἷα συμβαίνειν φιλεῖ περὶ τὰς κολάσεις τῶν νεωτεριζόντων, καὶ ταῦτʼ ἐν ἐπισφαλέσι καιροῖς.
대신에 그는 반란자들을 속일 새로운 방법을 고안해 냈다. 이를 통해 첫째로, 비밀 음모의 주동자들이 아무런 강요도 받지 않고 스스로 하나의 장소로 모이게 될 것이며, 둘째로 명백한 증거에 의해 유죄가 입증되어 그들에게는 어떠한 변명의 여지도 남지 않게 될 것이었다. 게다가 이들은 외딴곳에 모이거나 소수의 증인 앞에서 규탄받는 것이 아니라, 광장에서 모든 이들이 보는 앞에 정체가 탄로 나 마땅한 처벌을 받게 될 터였다. 그리하여 성내에는 아무런 소요도 일어나지 않을 것이고, 반란자들을 처벌할 때 흔히 발생하곤 하는 다른 이들의 폭동도 일어나지 않을 것이었다. 더구나 이처럼 불온한 시기에도 그러할 터였다.