§4.69.1καταφρονήσας γὰρ ὁ Ταρκύνιος τῆς δοκούσης εἶναι περὶ αὐτόν, ἀλλʼ οὐ κατʼ ἀλήθειαν ὑπαρχούσης μωρίας, ἀφελόμενος ἅπαντα τὰ πατρῷα, μικρὰ δʼ εἰς τὸν καθʼ ἡμέραν βίον ἐπιχορηγῶν, ὡς παῖδα ὀρφανὸν ἐπιτρόπων ἔτι δεόμενον ἐφύλαττεν ὑφʼ ἑαυτῷ διαιτᾶσθαί τε μετὰ τῶν ἰδίων παίδων ἐπέτρεπεν, οὐ διὰ τιμήν, ὡς ἐσκήπτετο πρὸς τοὺς πέλας οἷα δὴ συγγενής, ἀλλʼ ἵνα γέλωτα παρέχῃ τοῖς μειρακίοις λέγων τʼ ἀνόητα πολλὰ καὶ πράττων ὅμοια τοῖς κατʼ ἀλήθειαν ἠλιθίοις.
타르쿠이니우스는 그가 지닌 것처럼 보였으나 실제로는 존재하지 않았던 어리석음을 업신여겨, 그의 부조 전래의 재산을 모두 빼앗고 하루하루의 생활을 위해 아주 적은 것만 대어 주면서, 아직 후견인을 필요로 하는 고아처럼 자기 밑에 두고 보살폈으며, 자기 자식들과 함께 생활하도록 허락했다. 그것은 친족으로서 이웃들에게 핑계 대던 것처럼 예우를 해서가 아니라, 그가 많은 어리석은 말을 하고 진짜 바보와 다름없는 짓을 하여 젊은이들에게 웃음거리를 제공하게 하려 함이었다.
§4.69.2καὶ δὴ καὶ ὅτε τῷ Δελφικῷ μαντείῳ χρησομένους ἀπέστελλε τοὺς δύο τῶν παίδων Ἄρροντα καὶ Τίτον ὑπὲρ τοῦ λοιμοῦ·
그리하여 전염병 때문에 그의 두 아들 아룬스와 티투스를 델포이 신전으로 신탁을 구하러 보냈을 때의 일이다.
κατέσκηψε γάρ τις ἐπὶ τῆς ἐκείνου βασιλείας οὐκ εἰωθυῖα νόσος εἰς παρθένους τε καὶ παῖδας, ὑφʼ ἧς πολλὰ διεφθάρη σώματα, χαλεπωτάτη δὲ καὶ δυσίατος εἰς τὰς κυούσας γυναῖκας αὐτοῖς βρέφεσιν ἀποκτείνουσα τὰς μητέρας ἐν ταῖς γοναῖς·
그의 치세에 처녀들과 아이들에게 흔치 않은 질병이 덮쳐 많은 이가 목숨을 잃었고, 임신한 여성들에게는 가장 가혹하고 치료하기 어려워 출산 때에 태아와 함께 어머니들을 죽음에 이르게 했기 때문이다.
τήν τʼ αἰτίαν τῆς νόσου γνῶναι παρὰ τοῦ θεοῦ καὶ τὴν λύσιν βουλόμενος συνέπεμψε κἀκεῖνον ἅμα τοῖς μειρακίοις δεηθεῖσιν, ἵνα κατασκώπτειν τε καὶ περιυβρίζειν ἔχοιεν.
그는 질병의 원인과 해결책을 신으로부터 알아내고자 했기에, 아들들이 요청하자 그 젊은이들과 함께 그도 같이 보냈다. 이는 그들이 그를 비웃고 모욕할 수 있도록 하기 위함이었다.
§4.69.3ὡς δὲ παρεγενήθησαν ἐπὶ τὸ μαντεῖον οἱ νεανίσκοι καὶ τοὺς χρησμοὺς ἔλαβον ὑπὲρ ὧν ἐπέμφθησαν, ἀναθήμασι δωρησάμενοι τὸν θεὸν καὶ τοῦ Βρούτου πολλὰ καταγελάσαντες, ὅτι βακτηρίαν ξυλίνην ἀνέθηκε τῷ Ἀπόλλωνι·
젊은이들이 신전에 도착하여 자신들이 파견된 목적인 신탁을 받았을 때, 그들은 봉헌물로 신에게 선물을 바치고 브루투스가 아폴론에게 나무 지팡이를 바친 것을 크게 비웃었다.
ὁ δὲ διατρήσας αὐτὴν ὅλην ὥσπερ αὐλὸν χρυσῆν ῥάβδον ἐνέθηκεν οὐδενὸς ἐπισταμένου·
그러나 그는 아무도 모르게 그 지팡이 내부를 피리처럼 전부 뚫고 그 안에 금 막대를 넣어 두었던 것이다.
μετὰ τοῦτʼ ἠρώτων τὸν θεόν, τίνι πέπρωται τὴν Ῥωμαίων ἀρχὴν παραλαβεῖν, ὁ δὲ θεὸς αὐτοῖς ἀνεῖλε, τῷ πρώτῳ τὴν μητέρα φιλήσαντι.
이 일 후에 그들은 신에게 로마인들의 지배권을 넘겨받도록 운명지어진 자가 누구인지 물었고, 신은 그들에게 "가장 먼저 어머니에게 입 맞추는 자"라고 응답했다.
§4.69.4οἱ μὲν οὖν νεανίσκοι τοῦ χρησμοῦ τὴν διάνοιαν ἀγνοήσαντες συνέθεντο πρὸς ἀλλήλους ἅμα φιλῆσαι τὴν μητέρα βουλόμενοι κοινῇ τὴν βασιλείαν κατασχεῖν, ὁ δὲ Βροῦτος συνεὶς ὃ βούλεται δηλοῦν ὁ θεός, ἐπειδὴ τάχιστα τῆς Ἰταλίας ἐπέβη, προσκύψας κατεφίλησε τὴν γῆν, ταύτην οἰόμενος ἁπάντων ἀνθρώπων εἶναι μητέρα.
젊은이들은 신탁의 참뜻을 이해하지 못한 채, 왕권을 공동으로 차지하고자 동시에 어머니에게 입 맞추기로 서로 합의했다. 그러나 브루투스는 신이 나타내고자 하는 바를 이해하고, 이탈리아에 발을 디디자마자 몸을 굽혀 대지에 입을 맞추었는데, 이 대지야말로 모든 인간의 어머니라고 생각했기 때문이다.
τὰ μὲν οὖν προγενόμενα τῷ ἀνδρὶ τούτῳ τοιαῦτʼ ἦν.
이 남자의 신상에 그전에 일어났던 일들은 이와 같았다.