§11.7.1ταῦτʼ εἰπὼν πρῶτον μὲν ἐκάλει τὸν ἑαυτοῦ θεῖον Γάιον Κλαύδιον.
이같이 말한 뒤 그는 먼저 자신의 숙부 가이우스 클라우디우스를 지명했다.
ὁ δʼ ἀναστὰς τοιαύτην διέθετο δημηγορίαν·
그는 일어나 다음과 같은 연설을 행하였다.
ἐπειδή με πρῶτον γνώμην ἀποφαίνεσθαι ἀξιοῖ Ἄππιος, ὦ βουλή, τιμῶν διὰ τὸ συγγενές, ὥσπερ αὐτῷ προσήκει, καὶ δεῖ με ἃ φρονῶ περὶ τοῦ πολέμου τοῦ πρὸς Αἰκανοὺς καὶ Σαβίνους εἰπεῖν, πρὶν ἀποδείξασθαι τὴν ἐμαυτοῦ διάνοιαν, ἐκεῖνο βουλοίμην ἂν ὑμᾶς ἐξετάσαι, τίσιν ἐπαρθέντες ἐλπίσιν Αἰκανοὶ καὶ Σαβῖνοι πόλεμον ἐπενεγκεῖν ἐτόλμησαν ἡμῖν καὶ τὴν χώραν ἐπιόντες λεηλατεῖν, οἱ τέως ἀγαπῶντες καὶ τοῖς θεοῖς πολλὴν χάριν εἰδότες, εἴ τις αὐτοὺς εἴα τὴν ἑαυτῶν ἔχειν ἀσφαλῶς.
"원로원 여러분, 아피우스가 친족 관계 때문에 나를 예우하여 그에게 합당한 대로 내게 첫 번째로 의견을 밝힐 것을 요구하므로, 그리고 아이쿠이인과 사비니인들과의 전쟁에 관해 내가 생각하는 바를 말해야만 하므로, 내 자신의 생각을 밝히기 전에, 나는 여러분이 이 점을 검토해 주기를 바라오. 지금까지는 누군가 자신들의 영토를 안전하게 지키도록 내버려 두기만 해도 만족하며 신들께 깊이 감사하던 아이쿠이인과 사비니인들이, 대체 어떤 희망에 부풀어 우리에게 전쟁을 걸고 쳐들어와 영토를 약탈할 용기를 내었는지를 말이오.
ἐὰν γὰρ τοῦτο μάθητε, καὶ τὴν ἀπαλλαγὴν τοῦ πολέμου τοῦ πρὸς αὐτοὺς ἥτις ἔσται κρατίστη μαθήσεσθε.
만약 여러분이 이것을 알게 된다면, 그들과의 전쟁에서 벗어나는 가장 훌륭한 방법이 무엇인지도 알게 될 것이기 때문이오.
§11.7.2ἐκεῖνοι τοίνυν ἀκούσαντες, ὅτι σεσάλευται καὶ νοσεῖ τὸ πάτριον ἡμῶν πολίτευμα ἐκ πολλοῦ, καὶ τοῖς προεστηκόσι τῶν κοινῶν οὔτε ὁ δῆμος εὔνους ἐστὶν οὔτε οἱ πατρίκιοι, καὶ οὐ μάτην ἀκούσαντες — τὸ γὰρ ἀληθὲς οὕτως ἔχει, τὰς δʼ αἰτίας ἐπισταμένοις ὑμῖν οὐδὲν δέομαι λέγειν — ὑπέλαβον, εἴ τις ἔξωθεν ἡμᾶς κατάσχοι πόλεμος ἅμα τοῖς ἐντὸς τείχους κακοῖς, καὶ δόξειε ταῖς ἀρχαῖς δύναμιν ἐξάγειν τὴν προπολεμήσουσαν τῆς γῆς, οὔτε τοὺς πολίτας ἐπὶ τὸν στρατιωτικὸν ὅρκον ἅπαντας ἥξειν ἐκ προθυμίας ὡς πρότερον, ἀπεχθῶς διακειμένους πρὸς τὰς ἀρχάς· οὔτε τοὺς ἡγεμόνας ταῖς ἐκ τῶν νόμων τιμωρίαις χρήσεσθαι κατὰ τῶν μὴ παραγενομένων δεδοικότας, μή τι μεῖζον ἐργάσωνται κακόν, τούς τε ὑπακούσαντας καὶ τὰ ὅπλα λαβόντας ἢ καταλείψειν τὰ σημεῖα ἢ παραμένοντας ἐθελοκακήσειν ἐν τοῖς ἀγῶσιν.
그러므로 그들은 우리의 조상 전래의 정치가 오래전부터 흔들리고 병들어 있으며, 공적인 일을 주재하는 자들에 대해 평민도 귀족도 호의적이지 않다는 말을 들었고, 그것을 헛되이 들은 것이 아니었으니 (사실 진실이 그러하며, 그 원인은 여러분이 잘 알고 계시므로 내가 말할 필요가 전혀 없지만), 그들은 외적의 어떤 전쟁이 성벽 안의 재앙과 동시에 우리를 덮치고, 지배자들이 영토를 지키기 위해 싸울 군대를 출정시키기로 결정할지라도, 지배자들에 대해 적대감을 품고 있는 시민들은 전처럼 자발적으로 군사 선서에 동참하러 모두 나아오지는 않을 것이며, 장수들 또한 더 큰 재앙을 초래할까 두려워하여, 참석하지 않은 자들에게 법에 따른 처벌을 내리지 못할 것이고, 지시에 따라 무기를 잡은 자들도 군기를 저버리거나, 혹은 남아 있더라도 전장 안에서 고의로 태만하게 행동할 것이라고 생각한 것이오.
§11.7.3ὧν οὐδὲν ἔξω τοῦ εἰκότος ἤλπισαν·
그들은 이에 관해 결코 도리에 어긋나는 기대를 품은 것이 아니오.
ὅταν μὲν γὰρ ὁμονοοῦσα πόλις ἅπτηται πολέμου, καὶ τὸ αὐτὸ συμφέρον ἅπασι φαίνηται τοῖς τʼ ἄρχουσι καὶ τοῖς ἀρχομένοις, μετὰ προθυμίας ἅπαντες ἐπὶ τὰ δεινὰ χωροῦσι καὶ οὔτε πόνον οὔτε κίνδυνον οὐδένα ὀκνοῦσιν.
일치단결한 국가가 전쟁에 착수하고, 지배하는 자들이나 지배받는 자들 모두에게 동일한 이익이 되는 것으로 보일 때에는, 모두가 열의를 가지고 위험 속으로 나아가며 그 어떤 노고나 위험도 마다하지 않기 때문이오.
§11.7.4ὅταν δὲ νοσοῦσα ἐν αὑτῇ, πρὶν ἢ τὰ ἔνδον καταστήσασθαι, τοῖς ὑπαιθρίοις ὁμόσε χωρῇ πολεμίοις, καὶ παραστῇ τῷ μὲν πλήθει λογισμός, ὅτι οὐχ ὑπὲρ οἰκείων ἀγαθῶν κακοπαθοῦσιν, ἀλλʼ ἵνα βεβαιότερον αὐτῶν ἕτεροι ἄρχωσι, τοῖς δʼ ἡγεμόσιν, ὅτι πολέμιον ἔχουσιν οὐχ ἧττον τοῦ ἀντιπάλου τὸ οἰκεῖον, νοσεῖ τὰ ὅλα καὶ πᾶσα ἱκανὴ δύναμις τὰ τοιαῦτα στρατεύματα καταγωνίσασθαι καὶ φθεῖραι.
그러나 내부적으로 병들어 있는 국가가, 집안 단속을 하기도 전에 벌판의 적들과 맞붙게 되고, 민중에게는 '자신들이 자신들의 이익을 위해 고초를 겪는 것이 아니라, 다른 자들이 자신들을 더 확고하게 지배하도록 만들기 위해 고초를 겪는 것'이라는 생각이 들고, 장수들에게는 '상대방 못지않게 아군도 적'이라는 생각이 든다면, 대세가 병든 것이며 그 어떤 역량이라도 그러한 군대를 제압하고 파멸시키기에 충분할 것이오."