§10.42.1τῇ δʼ ἑξῆς ἡμέρᾳ παραλαβόντες οἱ δήμαρχοι τοὺς ἐπιφανεστάτους τῶν δημοτικῶν ἐσκόπουν, ὅ τι χρήσονται τοῖς πράγμασι, κοινὸν μὲν τοῦτο καὶ παρὰ πάντων ὁμολογούμενον εἰληφότες, τὸ μὴ τοὺς ὑπάτους ἄγειν ὑπὸ τὴν δίκην, ἀλλὰ τοὺς ὑπηρετοῦντας αὐτοῖς ἰδιώτας, ὧν κολαζομένων ἔμελλε τοῖς πολλοῖς τῶν πολιτῶν ἐλάττων ἔσεσθαι λόγος, ὥσπερ ὁ Σίκκιος ὑπετίθετο·
다음날 호민관들은 평민들 중 가장 저명한 이들을 불러 모아 사태를 어떻게 처리할지 논의했다. 그들은 집정관들을 재판에 회부하지 않고, 오히려 그들을 도운 사인의 신분인 자들을 회부한다는, 모두가 합의한 공동의 전제를 받아들였다. 시키우스가 제안한 대로 이들이 처벌받으면 시민 대다수에게 우려가 더 적어질 것이기 때문이었다.
περὶ δὲ τοῦ πλήθους τῶν ὑπὸ τὰς αἰτίας ἀχθησομένων ὅσον εἶναι χρή, καὶ περὶ τοῦ ὀνόματος ὃ θήσονται τῇ δίκῃ, καὶ μάλιστα περὶ τοῦ τιμήματος πηλίκον ἔσται τὸ μέγεθος, ἐπιμελῆ §10.42.2ποιούμενοι ζήτησιν.
한편, 기소될 자들의 수가 얼마나 되어야 하는지, 재판에 어떤 명목을 붙여야 하는지, 그리고 특히 벌금의 규모가 얼마나 커야 하는지에 대해 그들은 신중한 조사를 진행했다.
οἱ μὲν οὖν χαλεπώτεροι τὰς φύσεις ἐπὶ τὸ μεῖζόν τε καὶ φοβερώτερον ἅπαντα ταῦτα προάγειν παρῄνουν, οἱ δʼ ἐπιεικέστεροι τοὐναντίον ἐπὶ τὸ μετριώτερον καὶ φιλανθρωπότερον, ὁ δὲ ταύτης ἡγούμενος τῆς γνώμης καὶ πείσας αὐτοὺς ἦν Σίκκιος, ὁ τοὺς ἐν τῷ δήμῳ περὶ τῆς κληρουχίας διελθὼν λόγους.
성격이 더 가혹한 자들은 이 모든 일들을 더 크고 두려운 방향으로 밀고 나갈 것을 권고한 반면, 더 온건한 자들은 반대로 더 완만하고 인도적인 방향을 권고했다. 그리고 이 의견을 주도하며 그들을 설득한 사람은 시키우스였으니, 그는 민회에서 토지 분배에 관해 연설을 했던 자였다.
§10.42.3ἔδοξε δʼ οὖν αὐτοῖς τὸ μὲν ἄλλο πλῆθος τῶν πατρικίων ἐᾶσαι, Κλοιλίους δὲ καὶ Ποστομίους καὶ Σεμπρωνίους ἐπὶ τὸν δῆμον ἄγειν, ὧν ἔπραξαν ὑφέξοντας δίκας·
결국 그들은 다른 귀족들의 무리는 내버려 두고, 클로엘리우스 가문, 포스투미우스 가문, 셈프로니우스 가문의 사람들을 평민 앞으로 끌고 가 그들이 저지른 일에 대해 재판을 받게 하기로 결정했다.
ἐγκαλεῖν δʼ αὐτοῖς, ὅτι τῶν ἱερῶν νόμων, οὓς περὶ τῶν δημάρχων ἐκύρωσεν ἡ βουλὴ καὶ ὁ δῆμος, οὐθενὶ δεδωκότων ἐξουσίαν ἀναγκάζειν τοὺς δημάρχους ὑπομένειν τι τῶν ἀβουλήτων ὥσπερ τοὺς ἄλλους πολίτας, ἐκεῖνοι κατασχόντες αὐτοὺς ἐκώλυσαν ἐπὶ τέλος ἄγειν τὴν περὶ τοῦ νόμου διάγνωσιν.
그들에 대한 혐의는, 원로원과 평민이 호민관에 관해 승인한 신성한 법들 중 그 어느 것도 다른 시민들처럼 호민관들에게 뜻에 반하는 일을 강제할 권한을 누구에게도 부여하지 않았음에도 불구하고, 그들이 호민관들을 억류하여 법안에 대한 결정을 끝마치지 못하도록 방해했다는 것이었다.
§10.42.4τίμημα δʼ ἐφάνη ταῖς δίκαις ὁρίσαι μήτε θάνατον μήτε φυγὴν μήτʼ ἄλλο ἐπίφθονον μηδέν, ἵνα μὴ τοῦτʼ αὐτοῖς γένηται σωτηρίας αἴτιον, ἀλλὰ τὰς οὐσίας αὐτῶν ἱερὰς εἶναι Δήμητρος, τὸ μετριώτατον ἐκλεξαμένοις τοῦ νόμου μέρος.
재판의 형벌로는 사형도 추방도, 다른 어떤 반감을 살 만한 것도 지정하지 않는 것이 타당해 보였는데, 이는 그것이 그들에게 구원의 빌미가 되지 않도록 하기 위함이었으며, 오히려 그들의 재산을 데메테르 여신에게 봉헌하는 것으로 규정했으니, 이는 법의 가장 온건한 부분을 선택한 결과였다.
§10.42.5ἐγίνετο ταῦτα, καὶ παρῆν ὁ χρόνος, ἐν ᾧ τὰς κατὰ τῶν ἀνδρῶν ἔδει συντελεῖσθαι δίκας.
이 일이 진행되어 그 사람들에 대한 재판이 거행되어야 할 때가 이르렀다.
τοῖς δʼ ὑπάτοις καὶ τῶν ἄλλων πατρικίων τοῖς παραληφθεῖσιν εἰς τὸ συνέδριον — ἔτυχον δʼ οἱ κράτιστοι παρακληθέντες — ἐδόκει συγχωρεῖν τοῖς δημάρχοις ἐπιτελέσαι τὰς δίκας, ἵνα μή τι μεῖζον κωλυθέντες ἐξεργάσωνται κακόν, καὶ τοῖς δημόταις ἐπιτρέπειν ἀγριαινομένοις εἰς τὰ χρήματα τῶν ἀνδρῶν ἐκχέαι τὴν χολήν, ἵνα τιθασώτεροι γένωνται τὸ λοιπόν, λαβόντες ὁποσηνοῦν παρὰ τῶν ἐχθρῶν δίκην, ἄλλως τε καὶ τῆς εἰς χρήματα ζημίας εὐδιόρθωτον ἐχούσης τοῖς πεπονθόσι τὴν συμφοράν·
집정관들과 원로원에 소집된 다른 귀족들(마침 가장 유력한 자들이 소집되어 있었다)에게는, 호민관들이 재판을 끝마치도록 허용하는 것이 타당해 보였다. 이는 그들이 방해받았을 때 더 큰 해악을 끼치지 않도록 하기 위함이었으며, 또한 격분한 평민들이 그들의 적들로부터 얼마만큼이든 처벌을 얻어냄으로써 향후 더 온순해지도록 그들의 재산에 대고 화풀이를 하는 것을 허용하기 위함이었다. 특히 재산상의 손실은 그 불행을 겪은 자들에게 쉽게 회복될 수 있는 종류의 것이었기 때문이다.
§10.42.6ὅπερ καὶ συνέβη.
그리고 실제로 그렇게 되었다.
ἁλόντων γὰρ τῶν ἀνδρῶν ἐρήμους τὰς δίκας, ὅ τε δῆμος ἀγριαινόμενος ἐπαύσατο, καὶ τοῖς δημάρχοις ἐδόκει τις ἀποδεδόσθαι μετρία καὶ πολιτικὴ βοήθεια, τοῖς τε ἀνδράσι τὰς οὐσίας οἱ πατρίκιοι παρὰ τῶν ὠνησαμένων ἐκ τοῦ δημοσίου τῆς ἴσης λυσάμενοι τιμῆς ἀπέδοσαν.
그들이 궐석 재판에서 유죄 판결을 받자 평민들은 분노를 가라앉혔고, 호민관들에게는 온건하고 공화정적인 보호가 주어진 것처럼 보였으며, 귀족들은 공금에서 그 재산을 매입한 자들로부터 같은 가격으로 그것을 되찾아 당사자들에게 돌려주었다.
καὶ τὰ μὲν κατεπείγοντα δεινὰ τοῦτον τὸν τρόπον χρησαμένων τοῖς πράγμασιν αὐτῶν διελέλυτο.
그리하여 그들이 사태를 이러한 방식으로 처리함으로써 당면했던 무서운 위험은 해소되었다.