§10.32.1μετὰ τοῦτο τὸ ἔργον συναχθείσης τῆς βουλῆς οἱ μὲν ὕπατοι κατηγορίαν πολλὴν τῶν δημάρχων ἐποιήσαντο·
이 사건 이후 원로원이 소집되자 집정관들은 호민관들을 격렬하게 비난했다.
παραλαβὼν δὲ τὸν λόγον ὁ Ἰκίλλιος περί τε τῆς εἰς τὸν ὑπηρέτην ὀργῆς ἀπελογεῖτο τοὺς ἱεροὺς προφερόμενος νόμους, καθʼ οὓς οὔτε ἄρχοντι οὔτʼ ἰδιώτῃ συνεχωρεῖτο πράττειν οὐδὲν ἐναντίον δημάρχῳ, καὶ περὶ τοῦ συγκαλεῖν τὴν βουλὴν ἐδίδασκεν, ὡς οὐθὲν εἴη πεποιηκὼς ἄτοπον, πολλοὺς καὶ §10.32.2παντοδαποὺς εἰς τοῦτο παρασκευασάμενος λόγους.
이에 이키리우스가 발언권을 얻어, 수행원에 대한 분노에 관해서는 신성법을 인용하며 변호했는데, 그 법에 따르면 어떤 정무관에게도 개인에게도 호민관에게 반하는 일을 행하는 것은 허용되지 않았다. 또한 원로원을 소집한 것에 관해서는 자신이 부당한 일을 행한 것이 전혀 없음을 밝히며, 이를 위해 다방면의 많은 논거를 준비하여 설득했다.
ὡς δʼ ἀπελύσατο ταύτας τὰς κατηγορίας, τὸν ὑπὲρ τοῦ λόφου νόμον εἰσέφερεν.
이러한 비난들을 물리친 후, 그는 언덕에 관한 법안을 제출했다.
ἦν δὲ τοιόσδε·
그 내용은 다음과 같았다.
ὅσα μὲν ἰδιῶταί τινες εἶχον ἐκ τοῦ δικαίου κτησάμενοι, ταῦτα τοὺς κυρίους κατέχειν· ὅσα δὲ βιασάμενοί τινες ἢ κλοπῇ λαβόντες ᾠκοδομήσαντο, κομισαμένους τὰς δαπάνας, ἃς ἂν οἱ διαιτηταὶ γνῶσι, τῷ δήμῳ παραδιδόναι· τὰ δὲ ἄλλα, ὅσα ἦν δημόσια, χωρὶς ὠνῆς τὸν δῆμον παραλαβόντα διελέσθαι.
즉, 일부 개인들이 정당하게 획득하여 소유하고 있던 것은 그 소유자들이 그대로 보유할 것, 일부 사람들이 무력을 행사하거나 도적질하여 건물을 지은 부분은 중재인들이 결정한 비용을 회수한 뒤 평민들에게 인도할 것, 그리고 공공의 소유였던 나머지 부분은 평민들이 구매하지 않고 넘겨받아 분할하여 가질 것이었다.
§10.32.3ἐδίδασκέ τε, ὅτι τοῦτο τὸ πολίτευμα εἰς πολλὰ μὲν καὶ ἄλλα συνοίσει τῇ πόλει, μάλιστα δὲ εἰς τὸ μὴ στασιάζειν ἔτι περὶ τῆς δημοσίας χώρας τοὺς πένητας, ἣν οἱ πατρίκιοι κατεῖχον.
나아가 그는 이 정책이 다른 많은 점에서도 국가에 이익이 될 뿐만 아니라, 특히 빈민들이 귀족들이 독점하고 있던 공유지를 둘러싸고 더 이상 분쟁을 일으키지 않게 하는 데 크게 기여할 것이라고 설명했다.
ἀγαπήσειν γὰρ αὐτοὺς τῆς πόλεως λαχόντας μέρος, ἐπειδὴ τῆς χώρας οὐκ ἔξεστι διὰ τοὺς ἐσφετερισμένους αὐτὴν πολλοὺς ὄντας καὶ δυνατούς.
왜냐하면 그들은 시의 일부분을 배분받아 만족할 것이기 때문이며, 그것을 독점하고 있는 자들이 다수이자 유력자들이기에 분배받는 것은 불가능하기 때문이다.
§10.32.4τοιούτων ῥηθέντων ὑπʼ αὐτοῦ λόγων ὁ μὲν ἀντιλέγων Γάιος Κλαύδιος ἦν μόνος, οἱ δὲ συγκαταινοῦντες πολλοί, καὶ ἔδοξε διδόναι τῷ δήμῳ τὸν τόπον.
그에 의해 이러한 논의가 제기되자 반대 의견을 말한 사람은 가이우스 클라우디우스뿐이었고, 찬성하는 사람들은 많았기에 그 지역을 평민들에게 주기로 결정되었다.
μετὰ τοῦτο ἱεροφαντῶν τε παρόντων καὶ οἰωνοσκόπων καὶ ἱεροποιῶν δυεῖν καὶ ποιησαμένων τὰς νομίμους εὐχάς τε καὶ ἀρὰς ἐν τῇ λοχίτιδι ἐκκλησίᾳ συναχθείσῃ ὑπὸ τῶν ὑπάτων ὁ νόμος ἐκυρώθη, ὅς ἐστιν ἐν στήλῃ χαλκῇ γεγραμμένος, ἣν ἀνέθεσαν ἐν τῷ Αὐεντίνῳ §10.32.5κομίσαντες εἰς τὸ τῆς Ἀρτέμιδος ἱερόν.
이어서 제관들과 조점관들, 그리고 두 명의 제례 담당관이 참석하여 규정된 기도와 저주의 의식을 거행한 뒤, 집정관들에 의해 소집된 병원회에서 법률이 승인되었다. 이 법률은 청동 판에 기록되어 있으며, 그들은 이를 아벤티누스 언덕으로 가져가 아르테미스 신전에 봉납했다.
κυρωθέντος δὲ τοῦ νόμου συνελθόντες οἱ δημοτικοὶ τά τε οἰκόπεδα διελάγχανον καὶ κατῳκοδόμουν ὅσον ἕκαστοι τόπον δυνηθεῖεν ἀπολαμβάνοντες.
법률이 승인되자 평민들은 모여서 택지를 추첨하여 나누어 가졌고, 각자 확보할 수 있는 만큼의 부지에 집을 지어 정착했다.
εἰσὶ δʼ οἳ σύνδυο καὶ σύντρεις καὶ ἔτι πλείους συνιόντες οἰκίαν κατεσκευάζοντο μίαν ἑτέρων μὲν τὰ κατάγεια λαγχανόντων, ἑτέρων δὲ τὰ ὑπερῷα.
개중에는 두 명, 세 명 또는 그 이상이 공동으로 참여하여 한 채의 집을 지었고, 누구는 지하층을 분배받고 누구는 2층 이상을 추첨으로 나누어 가지기도 했다.
ὁ μὲν οὖν ἐνιαυτὸς ἐκεῖνος εἰς τὰς κατασκευὰς τῶν οἰκήσεων ἐδαπανήθη.
그리하여 그 한 해는 주택 건설에 소모되었다.