§10.27.1φθειρομένης καὶ διαρπαζομένης τῆς τε Ῥωμαίων καὶ τῶν συμμάχων γῆς, καὶ τῶν πολεμίων ὡς διʼ ἐρημίας ἐλαυνόντων κατʼ ἐλπίδα τοῦ μηδεμίαν ἐπʼ αὐτοὺς ἐξελεύσεσθαι δύναμιν διὰ τὴν κατέχουσαν ἐν τῇ πόλει στάσιν, οἱ μὲν ὕπατοι τὴν βουλὴν συνήγαγον, ὡς περὶ τῶν ὅλων ἔσχατον τοῦτο βουλευσόμενοι.
로마인들과 동맹국들의 영토가 황폐해지고 약탈당하는 한편, 적들은 시내에 지배적인 내분 때문에 자신들을 향해 출격할 군대가 전혀 없을 것이라는 기대 속에서 마치 무인지경을 가로지르듯 행군하고 있었으므로, 집정관들은 국가의 사활이 걸린 사안에 대해 이것을 마지막 논의로 삼고자 원로원을 소집하였다.
§10.27.2ῥηθέντων δὲ πολλῶν λόγων πρῶτος ἐρωτηθεὶς γνώμην Λεύκιος Κοίντιος, ὁ τῷ παρελθόντι γενόμενος ἔτει δικτάτωρ, ἀνὴρ οὐ μόνον τὰ πολέμια δεινότατος τῶν καθʼ ἑαυτόν, ἀλλὰ καὶ τὰ πολιτικὰ δοκῶν εἶναι φρονιμώτατος, γνώμην ἀπεφήνατο τήνδε·
많은 의견이 개진된 후, 가장 먼저 의견을 묻는 질문을 받은 루키우스 퀸크티우스는(그는 지난 해에 독재관을 지낸 인물로, 동시대인 중에서 군사 일에 가장 뛰어날 뿐만 아니라 정치에서도 가장 현명하다고 여겨졌는데) 다음과 같은 의견을 표명하였다.
μάλιστα μὲν πείθειν τούς τε δημάρχους καὶ τοὺς ἄλλους πολίτας τὴν μὲν ὑπὲρ τοῦ νόμου διάγνωσιν οὐθὲν ἐν τῷ παρόντι κατεπείγουσαν εἰς ἑτέρους ἀναβαλέσθαι καιροὺς ἐπιτηδειοτέρους, τὸν δʼ ἐν χερσὶν ὄντα καὶ ὅσον οὔπω τῇ πόλει πλησιάζοντα πόλεμον ἄρασθαι πάσῃ προθυμίᾳ, καὶ μὴ περιιδεῖν τὴν μετὰ πολλῶν κτηθεῖσαν ἡγεμονίαν πόνων αἰσχρῶς καὶ ἀνάνδρως ἀπολομένην.
즉, 무엇보다도 호민관들과 다른 시민들을 설득하여, 법안에 대한 결정은 현재로서는 전혀 시급하지 않으므로 더 적절한 다른 시기로 미루도록 하고, 반면에 목전에 닥쳐와 거의 시에 근접하고 있는 전쟁을 모든 열의를 다해 떠맡아, 많은 노고 끝에 획득한 패권이 부끄럽고 비겁하게 상실되는 것을 방치하지 말아야 한다는 것이었다.
§10.27.3ἐὰν δὲ μὴ πείθηται ὁ δῆμος, τοὺς πατρικίους ἅμα τοῖς πελάταις καθοπλισαμένους τῶν τʼ ἄλλων πολιτῶν παραλαβόντας, οἷς ἦν ἑκοῦσι συνάρασθαι τοῦ καλλίστου ὑπὲρ τῆς πατρίδος ἀγῶνος, χωρεῖν προθύμως ἐπὶ τὸν πόλεμον θεούς, ὅσοι φυλάττουσι τὴν Ῥωμαίων πόλιν, ἡγεμόνας τῆς ἐξόδου ποιησαμένους.
그러나 만일 민중이 설득되지 않는다면, 귀족들이 피호민들과 함께 무장하고 다른 시민들 중 조국을 위한 이 가장 고결한 싸움에 기꺼이 동참하고자 하는 자들을 데리고서, 로마 시를 수호하는 모든 신들을 출정의 인도자로 삼아 열성적으로 전쟁터로 나아가야 한다고 하였다.
§10.27.4συμβήσεσθαι γὰρ αὐτοῖς δυεῖν καλῶν ἔργων καὶ δικαίων θάτερον, ἢ νίκην ἐξενέγκασθαι πασῶν ὧν αὐτοί ποτε ἢ οἱ πατέρες ἐξηνέγκαντο λαμπροτάτην, ἢ περὶ τῶν ἐν αὐτῇ καλῶν εὐψύχως ἀγωνιζομένοις ἀποθανεῖν.
그렇게 하면 그들에게 두 가지 고결하고 정의로운 일 중 하나가 일어날 것이기 때문이니, 곧 자기 자신들이나 조상들이 일찍이 거두었던 그 어떤 승리보다 가장 찬란한 승리를 거두거나, 아니면 조국에 있는 고결한 가치들을 위해 용맹하게 싸우다 죽는 것이다.
ταύτης μέντοι τῆς καλῆς πείρας οὔτʼ αὐτὸς ἀπολείψεσθαι ἔφη, ἀλλʼ ἐν ἴσῳ τοῖς κράτιστα ἐρρωμένοις παρὼν ἀγωνιεῖσθαι, οὔτε τῶν ἄλλων τινὰ πρεσβυτέρων, οἷς ἐστιν ἐλευθερίας τε καὶ δόξης ἀγαθῆς λόγος.
그리고 이 고결한 시도에서 그 자신 또한 뒤처지지 않고 가장 기력이 왕성한 자들과 다름없이 현장에서 함께 싸울 것이며, 자유와 좋은 명성을 소중히 여기는 다른 원로들 중 그 누구도 뒤처지지 않을 것이라고 그는 선언하였다.