§10.12.1ταῦτʼ εἰπόντος αὐτοῦ πολλή τις ἔκπληξις κατέσχε τὸ συνέδριον καὶ ἀμηχανία·
그가 이렇게 말하자 커다란 소란과 당혹감이 원로원을 휩쓸었다.
διελογίζοντό τε καὶ συνελάλουν ἀλλήλοις, ὡς χαλεπὸν ἑκάτερον ἦν, καὶ τὸ συγχωρεῖν τοῖς δημάρχοις ζητήσεις ἐφʼ ἑαυτῶν ποιεῖσθαι περὶ κοινοῦ καὶ μεγάλου πράγματος, καὶ τὸ μὴ συγχωρεῖν.
그들은 생각을 거듭하며 서로 속삭였다. 공적이고 중대한 사안에 대해 호민관들이 스스로 조사를 수행하도록 허락하는 일과 허락하지 않는 일, 둘 다 얼마나 곤란한가에 대해서였다.
ὑποπτεύσας δʼ αὐτῶν τὴν γνώμην ἀνέστη τῶν ὑπάτων ἅτερος, Γάιος Κλαύδιος καὶ §10.12.2ἔλεξε τοιάδε·
그들의 의중을 알아챈 집정관 중 한 사람인 가이우스 클라우디우스가 일어서서 다음과 같이 말했다.
οὐ δέδοικα, Οὐεργίνιε, μή με ὑπολάβωσιν οὗτοι κοινωνὸν εἶναι τῆς συνωμοσίας, ἣν ἐφʼ ὑμῖν καὶ τῷ δήμῳ πράττεσθαι λέγετε, ἢ τὰ ὑπὲρ ἐμαυτοῦ δεδιότα ἢ τῶν ἐμῶν τινος ἐνόχου ταῖς αἰτίαις ὄντος ἀνεστάναι τἀναντία ὑμῖν ἐροῦντα·
"베르기니우스여, 나는 이들이 나를, 그대들이 그대들 자신과 평민들을 상대로 벌어지고 있다고 말하는 음모의 공범으로 여기거나, 혹은 내가 나 자신을 위해 두려워하여, 혹은 내 사람들 중 누군가가 그 혐의에 연루되어 있어 그대들에게 반대하는 말을 하기 위해 일어섰다고 생각할까 봐 두려워하지 않소.
ὁ γὰρ βίος ἀπολύει με πάσης ὑποψίας τοιαύτης.
나의 삶이 그러한 모든 의혹으로부터 나를 벗어나게 해 주기 때문이오.
ἃ δὲ νομίζω τῇ τε βουλῇ καὶ τῷ δήμῳ συμφέρειν, ἀπὸ τοῦ κρατίστου καὶ δίχα πάσης εὐλαβείας ἐρῶ.
그러나 원로원과 평민 모두에게 이롭다고 생각하는 바를, 나는 최선의 판단에 따라 아무런 주저 없이 말하겠소.
§10.12.3πολλοῦ, μᾶλλον δὲ τοῦ παντὸς ἁμαρτάνειν δοκεῖ μοι Οὐεργίνιος, εἴ τινα ὑπείληφεν ἡμῶν ἐρεῖν, ἢ ὡς ἀνεξέταστον ἀφεῖσθαι δεῖ πρᾶγμα οὕτως ὂν μέγα καὶ ἀναγκαῖον, ἢ ὡς οὐ δεῖ κοινωνεῖν οὐδὲ παρεῖναι τῇ ζητήσει τοὺς ἀνειληφότας τὴν τοῦ δήμου ἀρχήν.
만약 베르기니우스가 우리 중 누군가가 이토록 중대하고 필연적인 일을 조사 하지도 않은 채 내버려 두어야 한다고 말하거나, 평민의 관직을 떠맡은 자들이 조사에 참여하거나 입회해서는 안 된다고 말할 것이라고 짐작했다면, 그는 크게, 아니 완전히 잘못 생각한 것이오.
οὐθεὶς οὔτε ἠλίθιός ἐστιν οὕτως οὔτε τῷ δήμῳ κακόνους, ὥστε ταῦτα λέγειν.
그러한 말을 할 만큼 어리석거나 평민에게 악의를 품은 자는 단 한 사람도 없기 때문이오.
§10.12.4τί οὖν, εἴ τις ἔροιτό με, παθών, ἃ συγχωρῶ καί φημι δίκαια εἶναι, τούτοις ἀντιλέξων ἀνέστην, καὶ τί βούλεταί μου ὁ λόγος, ἐγὼ νὴ Δία φράσω πρὸς ὑμᾶς.
그렇다면 만약 누군가 나에게, 도대체 무슨 연유로 내가 정당하다고 동의하고 주장하는 바에 반대하기 위해 일어섰으며, 나의 발언이 의도하는 바가 무엇인지 묻는다면, 나는 제우스를 두고 맹세코 여러분께 밝히겠소.
παντὸς οἴομαι δεῖν πράγματος, ὦ βουλή, τὰς ἀρχὰς καὶ τὰς πρώτας ὑποθέσεις τοὺς εὖ φρονοῦντας ἀκριβῶς σκοπεῖν·
원로원 의원 여러분, 현명한 자들은 모든 사안의 시작과 최초의 전제를 정확하게 살펴보아야 한다고 생각하오.
οἷαι γὰρ ἂν αὗται τύχωσιν οὖσαι, τοιούτους ἀνάγκη γίνεσθαι καὶ τοὺς περὶ αὐτῶν λόγους.
왜냐하면 그것들이 어떠한 성격의 것이 되는가에 따라, 그것들에 대한 논의 역시 필연적으로 그와 같아질 수밖에 없기 때문이오.
§10.12.5φέρε δή, τίς ἡ τοῦδε τοῦ πράγματος ὑπόθεσίς ἐστι καὶ τί τὸ βούλευμα τῶν δημάρχων, ἀκούσατέ μου.
자, 이 일의 전제가 무엇이며 호민관들의 계책이 무엇인지 내 말을 들어보시오.
οὐκ ἐνῆν τούτοις οὐδέν, ὧν ἐν τῷ παρελθόντι ἐνιαυτῷ πράττειν ἐπιβαλλόμενοι διεκωλύθησαν, ἐπιτελέσασθαι νῦν ὑμῶν τε ἐναντιουμένων αὐτοῖς ὡς πρότερον καὶ τοῦ δήμου μηκέθʼ ὁμοίως συναγωνιζομένου.
이들은 지난 한 해 동안 실행하려다가 저지당한 일들 중 그 어느 것도 지금은 완수할 수 없었소. 여러분이 이전과 다름없이 이들에게 맞서고 있고, 평민 역시 예전처럼 함께 싸워주지 않기 때문이오.
συνιδόντες δὴ τοῦτο ἐσκόπουν, ὅπως ἂν ὑμεῖς τʼ ἀναγκασθείητε παρὰ γνώμην αὐτοῖς εἶξαι, καὶ ὁ δῆμος ἅπαντα ὅσʼ §10.12.6ἂν ἀξιῶσι συμπράττειν.
이를 간파한 이들은 어떻게 하면 여러분이 어쩔 수 없이 자신들의 뜻에 굴복하게 만들고, 평민이 자신들이 요구하는 모든 일에 협력하게 만들 수 있을지 고심했소.
ἀληθῆ μὲν οὖν καὶ δικαίαν ὑπόθεσιν οὐδεμίαν εὕρισκον, διʼ ἧς ἑκάτερον τούτοις ἔσται, πολλὰ δὲ βουλεύματα πειράζοντες καὶ στρέφοντες ἄνω καὶ κάτω τὸ πρᾶγμα τελευτῶντες ἐπὶ τοιοῦτον δή τινα λογισμὸν ἦλθον·
그러나 이들은 두 가지 모두를 가능하게 해 줄 진실하고 정당한 전제는 단 하나도 찾을 수 없었소. 그리하여 수많은 계책을 시도하고 사안을 이리저리 뒤집어 가며 고민한 끝에 마침내 다음과 같은 계산에 도달했소.
αἰτιασώμεθα συνίστασθαί τινας ἐκ τῶν ἐπιφανῶν ἐπὶ καταλύσει τοῦ δήμου, καὶ σφάττειν διεγνωκέναι τοὺς παρέχοντας αὐτῷ τὸ ἀσφαλές. §10.12.7καὶ ταῦτα ἐκ πολλοῦ παρασκευάσαντες λέγεσθαι κατὰ τὴν πόλιν, ὅταν ἤδη πιστὰ εἶναι τοῖς πολλοῖς δόξῃ — δόξει δὲ διὰ τὸ δέος — ἐπιστολὰς μηχανησώμεθα πολλῶν παρόντων ἡμῖν ὑπʼ ἀνδρὸς ἀγνῶτος ἀναδοθῆναι·
'명사들 중에서 일부가 평민을 파멸시키기 위해 공모하고, 평민에게 안전을 제공하는 이들을 학살하기로 결의했다고 고발하자.' '그리고 이 일을 오래전부터 도성 안에 소문으로 유포시켜 두었다가, 그것이 이미 대중에게 믿을 만한 것으로 여겨질 때—공포로 인해 그들은 믿게 될 것이오—우리는 많은 이들이 보는 앞에서 낯선 남자가 편지를 우리에게 건네도록 꾸미자.
ἔπειτʼ ἐλθόντες ἐπὶ τὸ συνέδριον ἀγανακτῶμέν τε καὶ σχετλιάζωμεν καὶ τοῦ ζητεῖν τὰ προσηγγελμένα αἰτῶμεν τὴν ἐξουσίαν. §10.12.8ἐάν τε γὰρ ἀντιλέγωσιν ἡμῖν οἱ πατρίκιοι, ταύτην ληψόμεθα τοῦ διαβαλεῖν αὐτοὺς πρὸς τὸν δῆμον ἀφορμήν, καὶ οὕτως ἅπαν τὸ δημοτικὸν ἠγριωμένον αὐτοῖς ἕτοιμον ἡμῖν εἰς ἃ βουλόμεθα ὑπάρξει·
그런 뒤 원로원으로 와서 분개하고 탄식하며, 고발된 사건들을 조사할 권한을 요구하자.' '만약 귀족들이 우리에게 반대한다면, 우리는 그들을 평민 앞에서 중상할 이 빌미를 얻게 될 것이고, 그리하여 귀족들에게 분노한 모든 평민은 우리가 원하는 바를 위해 준비된 상태가 될 것이다.
ἐάν τε συγχωρῶσι, τοὺς γενναιοτάτους ἐξ αὐτῶν καὶ πλεῖστα ἡμῖν ἐναντιωθέντας πρεσβυτέρους τε καὶ νέους ἐλαύνωμεν, ὡς εὑρηκότες ταῖς αἰτίαις ἐνόχους. §10.12.9ἐκεῖνοι δὲ ἄρα τὰς καταγνώσεις δεδιότες ἢ συμβήσονται πρὸς ἡμᾶς ἐπὶ τῷ μηθὲν ἔτι ἀντιπράττειν ἢ καταλιπεῖν ἀναγκασθήσονται τὴν πόλιν.
만약 그들이 허락한다면, 그들 중 가장 기개가 있고 우리에게 가장 강력하게 맞서온 원로들과 젊은이들을, 혐의가 입증된 자들로서 축출하자.' '그러면 그들은 유죄 판결을 두려워한 나머지, 더 이상 반대하지 않겠다는 조건으로 우리와 타협하거나 도성을 떠나야만 할 것이다.
ἐκ δὲ τούτου πολλὴν ποιήσομεν ἐρημίαν τοῦ ἀντιπάλου.
이로써 우리는 적대자들을 대거 소탕하게 될 것이다.'"