§2.1ΜΥΡΤΙΟΝ
Γαμεῖς, ὦ Πάμφιλε, τὴν Φίλωνος τοῦ ναυκλήρου θυγατέρα καὶ ἤδη σε γεγαμηκέναι φασίν;
뮈르티온 팜필로스, 너 선주 필론의 딸과 결혼하니? 그리고 사람들이 네가 이미 결혼했다고 말하던데?
οἱ τοσοῦτοι δὲ ὅρκοι οὓς ὤμοσας καὶ τὰ δάκρυα ἐν ἀκαρεῖ πάντα οἴχεται, καὶ ἐπιλέλησαι Μυρτίου νῦν, καὶ ταῦτα, ὦ Πάμφιλε, ὁπότε κύω μῆνα ὄγδοον ἤδη;
네가 맹세했던 그 수많은 서약과 눈물들이 한순간에 다 사라져 버리고, 이제 뮈르티온을 잊은 것이니? 그것도, 팜필로스, 내가 이미 임신 여덟 달째인데 말이야?
τοῦτο γοῦν καὶ μόνον ἐπριάμην τοῦ σοῦ ἔρωτος, ὅτι μου τηλικαύτην πεποίηκας τὴν γαστέρα καὶ μετὰ μικρὸν παιδοτροφεῖν δεήσει, πρᾶγμα ἑταίρᾳ βαρύτατον·
어쨌든 이것이 내가 너의 사랑에서 얻은 유일한 대가로구나. 네가 내 배를 이렇게 불러오게 만들어서 곧 아이를 길러야 하게 되었으니 말이야. 대접부에게는 가장 무거운 짐인데도.
οὐ γὰρ ἐκθήσω τὸ τεχθέν, καὶ μάλιστα εἰ ἄρρεν γένοιτο, ἀλλὰ Πάμφιλον ὀνομάσασα ἐγὼ μὲν ἕξω παραμύθιον τοῦ ἔρωτος, σοὶ δὲ ὀνειδιεῖ ποτε ἐκεῖνος, ὡς ἄπιστος γεγένησαι περὶ τὴν ἀθλίαν αὐτοῦ μητέρα.
나는 태어난 아이를 내버리지 않을 거야, 특히 사내아이라면 더더욱 말이지. 그 아이에게 팜필로스라는 이름을 붙여서 나는 사랑의 위안으로 삼을 것이고, 그 아이는 언젠가 너에게 네가 그 불쌍한 어머니에게 배신을 저질렀다고 비난할 테니까.
γαμεῖς δ’ οὐ καλὴν παρθένον·
게다가 네가 결혼하려는 처녀는 예쁘지도 않아.
εἶδον γὰρ αὐτὴν ἔναγχος ἐν τοῖς Θεσμοφορίοις μετὰ τῆς μητρός, οὐδέπω εἰδυῖα ὅτι δι’ αὐτὴν οὐκέτι ὄψομαι Πάμφιλον.
얼마 전에 테스모포리아 축제에서 어머니와 함께 있는 걸 보았거든. 그때는 그 애 때문에 내가 더 이상 팜필로스를 보지 못하게 될 줄은 꿈에도 몰랐지만.
καὶ σὺ δ’ οὖν πρότερον ἰδοῦ αὐτὴν καὶ τὸ πρόσωπον καὶ τοὺς ὀφθαλμοὺς ἰδέ·
그러니 너도 먼저 그 애를 보고 얼굴과 눈을 확인해 봐.
μή σε ἀνιάτω, εἰ πάνυ γλαυκοὺς ἔχει αὐτοὺς μηδὲ ὅτι διάστροφοί εἰσι καὶ ἐς ἀλλήλους ὁρῶσι·
그 애 눈이 너무 희푸르거나 사시라서 서로 마주보고 있더라도 실망하지는 말고.
μᾶλλον δὲ τὸν Φίλωνα ἑώρακας τὸν πατέρα τῆς νύμφης, τὸ πρόσωπον αὐτοῦ οἶσθα, ὥστε οὐδὲν ἔτι δεήσει τὴν θυγατέρα ἰδεῖν.
차라리 신부의 아버지인 필론을 본 적이 있고 그의 얼굴을 안다면, 딸을 더 이상 볼 필요도 없을 테지.
§2.2ΠΑΜΦΙΛΟΣ
Ἔτι σου ληρούσης, ὦ Μύρτιον, ἀκούσομαι παρθένους καὶ γάμους ναυκληρικοὺς διεξιούσης;
팜필로스 뮈르티온, 네가 아직도 실없는 소리를 지껄이며 처녀들과 선주들의 결혼에 대해 늘어놓는 것을 내가 듣고 있어야 하느냐?
ἐγὼ δὲ ἢ σιμήν τινα ἢ καλὴν νύμφην οἶδα;
내가 납작코 신부든 예쁜 신부든 아는 사람이 있단 말이냐?
ἢ ὅτι Φίλων ὁ Ἀλωπεκῆθεν—οἶμαι γὰρ ἐκεῖνον λέγειν σε—θυγατέρα ὅλως εἶχεν ὡραίαν ἤδη γάμου;
아니면 알로페케 출신의 필론이 — 네가 말하는 이가 그 사람인 것 같다만 — 애초에 결혼할 나이가 찬 딸을 두고 있었다는 걸 내가 알고나 있었겠어?
ἀλλ’ οὐδὲ φίλος ἐστὶν οὗτος τῷ πατρί·
더구나 그 사람은 내 아버지의 친구도 아니야.
μέμνημαι γὰρ ὡς πρῴην ἐδικάσατο περὶ συμβολαίου·
얼마 전에 계약 문제로 소송을 벌였던 게 기억나는군.
τάλαντον, οἶμαι, ὀφείλων γὰρ τῷ πατρὶ οὐκ ἤθελεν ἐκτίνειν, ὁ δὲ παρὰ τοὺς ναυτοδίκας ἀπήγαγεν αὐτόν, καὶ μόλις ἐξέτισεν αὐτό, οὐδ’ ὅλον, ὡς ὁ πατὴρ ἔφασκεν.
내 생각에 그는 아버지에게 일 탈란톤을 빚지고도 갚으려 하지 않았어. 그래서 아버지가 그를 해사법관들에게 끌고 갔고, 그는 마지못해 그것을 치렀지. 게다가 아버지 말씀으로는 전액을 다 갚은 것도 아니었다더군.
εἰ δὲ καὶ γαμεῖν ἐδέδοκτό μοι, τὴν Δημέου θυγατέρα τὴν τοῦ πέρυσιν ἐστρατηγηκότος ἀφείς, καὶ ταῦτα πρὸς μητρὸς ἀνεψιὰν οὖσαν, τὴν Φίλωνος ἐγάμουν ἄν;
게다가 설령 내가 결혼하기로 결심했다 하더라도, 작년에 장군을 지낸 데메아스의 딸이자 내 외사촌이기도 한 그녀를 버려두고, 필론의 딸과 결혼했겠어?
σὺ δὲ πόθεν ταῦτα ἤκουσας;
그런데 너는 이 이야기를 어디서 들었니?
ἢ τίνας σεαυτῇ, ὦ Μύρτιον, κενὰς ζηλοτυπίας σκιαμαχοῦσα ἐξεῦρες;
뮈르티온, 혼자서 헛된 질투로 섀도복싱을 하며 네 스스로 어떤 망상을 지어낸 것이냐?
§2.3ΜΥΡΤΙΟΝ
Οὐκοῦν οὐ γαμεῖς, ὦ Πάμφιλε;
뮈르티온 그러면 너 결혼 안 하는 거야, 팜필로스?
ΠΑΜΦΙΛΟΣ
Μέμηνας, ὦ Μύρτιον, ἢ κραιπαλᾷς;
팜필로스 너 미쳤니, 뮈르티온, 아니면 숙취에 시달리는 거야?
καίτοι χθὲς οὐ πάνυ ἐμεθύσθημεν.
어제 우리가 그렇게 많이 취하진 않았는데 말이지.
ΜΥΡΤΙΟΝ
Ἡ Δωρὶς αὕτη ἐλύπησέ με·
뮈르티온 여기 있는 도리스가 나를 괴롭혔어.
πεμφθεῖσα γὰρ ὡς ἔρια ὠνήσαιτό μοι ἐπὶ τὴν γαστέρα καὶ εὔξαιτο τῇ Λοχείᾳ ὡς ὑπὲρ ἐμοῦ, Λεσβίαν ἔφη ἐντυχοῦσαν αὐτῇ—μᾶλλον δὲ σὺ αὐτῷ, ὦ Δωρί, λέγε ἅπερ ἀκήκοας, εἴ γε μὴ ἐπλάσω ταῦτα.
내 배를 위해 양모를 사고 나를 위해 출산의 여신에게 기도하러 보냈는데, 레스비아를 만났다고 하더라고. 아니, 도리스, 네가 지어낸 이야기가 아니라면 들은 대로 그에게 직접 말해 봐.
ΔΩΡΙΣ
Ἀλλ' ἐπιτριβείην, ὦ δέσποινα, εἴ τι ἐψευσάμην·
도리스 아가씨, 제가 조금이라도 거짓말을 했다면 벼락이라도 맞겠습니다.
ἐπεὶ γὰρ κατὰ τὸ πρυτανεῖον ἐγενόμην, ἐνέτυχέ μοι ἡ Λεσβία μειδιῶσα καὶ φησίν, Ὁ ἐραστὴς ὑμῶν ὁ Πάμφιλος γαμεῖ τὴν Φίλωνος θυγατέρα· εἰ δὲ ἀπιστοίην, ἠξίου με παρακύψασαν ἐς τὸν στενωπὸν ὑμῶν ἰδεῖν πάντα κατεστεφανωμένα καὶ αὐλητρίδας καὶ θόρυβον καὶ ὑμέναιον ᾄδοντάς τινας.
제가 시청사 근처에 이르렀을 때, 레스비아가 웃으면서 저를 만나 이렇게 말하더군요. '너희 애인 팜필로스가 필론의 딸과 결혼해.' 그리고 제가 믿지 않자, 골목길을 들여다보고 모두 화환으로 장식되어 있는 것과 피리 부는 여자들, 떠들썩한 소리, 그리고 결혼 노래를 부르는 사람들을 보라고 권하더라고요.
ΠΑΜΦΙΛΟΣ
Τί οὖν;
팜필로스 그래서?
παρέκυψας, ὦ Δωρί;
들여다보았느냐, 도리스?
ΔΩΡΙΣ
Καὶ μάλα, καὶ εἶδον ἅπαντα ὡς ἔφη.
도리스 네, 그렇고말고요. 그리고 그녀의 말대로 모두 보았습니다.
§2.4ΠΑΜΦΙΛΟΣ
Μανθάνω τὴν ἀπάτην·
팜필로스 오해가 뭔지 알겠군.
οὐ γὰρ πάντα ἡ Λεσβία, ὦ Δωρί, πρὸς σὲ ἐψεύσατο καὶ σὺ τἀληθῆ ἀπήγγελκας Μυρτίῳ.
레스비아가 네게 모든 것을 거짓말한 것은 아니고, 도리스 너도 뮈르티온에게 사실대로 알린 것이었어.
πλὴν μάτην γε ἐταράχθητε·
하지만 너희는 헛되이 소동을 피운 셈이야.
οὔτε γὰρ παρ' ἡμῖν οἱ γάμοι, ἀλλὰ νῦν ἀνεμνήσθην ἀκούσας τῆς μητρός, ὁπότε χθὲς ἀνέστρεψα παρ' ὑμῶν·
결혼식이 우리 집에서 열리는 건 아니니까 말이지. 다만 어제 너희에게서 돌아왔을 때 어머니께 들었던 이야기가 이제야 생각나는구나.
ἔφη γάρ, Ὦ Πάμφιλε, ὁ μὲν ἡλικιώτης σοι Χαρμίδης τοῦ γείτονος Ἀρισταινέτου υἱὸς γαμεῖ ἤδη καὶ σωφρονεῖ, σὺ δὲ μέχρι τίνος ἑταίρᾳ σύνει; τοιαῦτα παρακούων αὐτῆς ἐς ὕπνον κατηνέχθην·
어머니가 이렇게 말씀하셨거든. '팜필로스, 네 동갑내기이자 이웃인 아리스태네토스의 아들 하르미데스는 벌써 결혼해서 얌전해졌는데, 너는 언제까지 대접부와 어울려 살려느냐?' 어머니에게서 그런 말을 귀담아듣지 않고 흘려듣다가 잠이 들었지.
εἶτα ἕωθεν προῆλθον ἀπὸ τῆς οἰκίας, ὥστε οὐδὲν εἶδον ὧν ἡ Δωρὶς ὕστερον εἶδεν.
그러고는 이른 아침에 집을 나왔기에 도리스가 나중에 본 것들을 나는 전혀 보지 못했다.
εἰ δὲ ἀπιστεῖς, αὖθις ἀπελθοῦσα, ὦ Δωρί, ἀκριβῶς ἰδὲ μὴ τὸν στενωπόν, ἀλλὰ τὴν θύραν, ποτέρα ἐστὶν ἡ κατεστεφανωμένη·
만약 믿지 못하겠다면, 도리스 너 다시 한번 가서 골목길이 아니라 문을 똑바로 확인해 보아라. 어느 문이 화환으로 장식되어 있는지 말이지.
εὑρήσεις γὰρ τὴν τῶν γειτόνων.
이웃집 문이라는 것을 알게 될 테니까.
ΜΥΡΤΙΟΝ
Ἀπέσωσας, ὦ Πάμφιλε·
뮈르티온 네가 날 살렸어, 팜필로스.
ἀπηγξάμην γὰρ ἄν, εἴ τι τοιοῦτο ἐγένετο.
만약 그런 일이 일어났었다더라면 나는 목을 매었을 거야.
ΠΑΜΦΙΛΟΣ
Ἀλλ' οὐκ ἂν ἐγένετο, μηδ’ οὕτω μανείην, ὡς ἐκλαθέσθαι Μυρτίου, καὶ ταῦτα ἤδη μοι κυούσης παιδίον.
팜필로스 하지만 그런 일은 일어날 리 없었어. 내가 뮈르티온을 잊어버릴 만큼 미치지는 않았지. 그것도 벌써 내 아이를 임신하고 있는데 말이야.